Fịrị Ḅara 4
4
Pita Na Jọn Ámáḅẹ́rẹ́dughoapụ Tórúku
1Pita na Jọn na pa ẹ́gẹ́rẹ́ kọọ́ túminị́ ma pịrịarị sáá jẹa igwagwaapụ, Tamunoopuwarị ma kúruarịapụ sịbịdaḅọ na Sadusiiapụ ḅọ láa sáá. 2Nnị tẹ́mẹ́ ḅẹlẹgha ḅẹ́ mị mmẹẹ́ nfịrịmaapụ ma diearị ḅẹ Jizọs fịị ḅụ saghịmam dughoarị nyẹ ḅẹẹ fịịapụ fịị ḅụ saghịbẹm. 3Anịgo warị n kuu ikólibie sua mú énéḅama, sáá opuma muu maá ḅara. 4Kụ́ma tọghaapụ oku ma naapụ mininim anịgo nna kịẹbịpị sẹnị ḅo oyi mmẹẹ́ ndẹ́ẹ findi na oyia si lam.
5Éné ḅo ḅáa sáá, Juuapụ sịbịdaapụ, nna sẹ́nịapụ na ólóghó Nyẹ́dieapụ ma kobiri nyẹ Jerusalem ḅụ. 6Nnị na mị kobiri ma kọọ ḅọ anịị Anas Igwagwaalaḅọ na Kayafas, Jọn, Alegizanda na pịghị jẹapụ na Igwagwaalaḅọ ma wárịapụ. 7Nnị nfịrịmaapụ ma mịẹm sị nnị sẹ́ nna tórúku, n warị nnị gbíla, <<Ọ tọ́rọ́ pa mịma mịẹ? Ọ tọ́rọ́fịnị kụ́rọ nyáná anịgha ọ́ tụọ ẹ́rẹ́ pa mị fịrị ma nwángịị?>>
8Pita Tọ́ntọ́ Tẹ́mẹ́ ḅụ biiḅọ warị n págháraa ḅẹẹ, <<Sịbịdaapụ na sẹ́nịapụ, 9ọ ḅọ́rọ́ nyẹ pa wa gbilaarị mịmgba éné wa mịẹ mị ikúléḅọ ma pịrị ibi, ọ pịghị ḅara warị gwọọ ḅara, 10anị sáá, ọmịnị kị́nị́mamgba nimi, Izirẹlịawọ mamgba, o nimi ḅẹẹ ọmịnị ogboku bie sẹ́ owitụ́wọ ma Jizọs Krais Nazarẹtị ḅụ saghị ḅoḅọ ma ẹ́rẹ́ ḅụ anịị ọ ḅọ́rọ́ gwọọ nyẹ, ọ ḅaupálị ḅọ, Tamuno pịghị sị sághịma ḅọ fịị bie. 11Jizọs anịị Tọ́ndiri ma dugho ḅo ḅẹẹ,
<< <Wárinámáapụ dighisima dapịrị ma
anị ḅo nyẹsọọḅa dapịrị!>
12Ọ ḅụ ngéré anịị wa dụaḅọ́rọ́ma nyáná bẹnyẹ, tuminikiri gbọrụ ḅụ Tamuno na jụghọ pịrịgha wa ḅọ́rọ́ma bẹḅọ.>>
13Ámáḅẹ́rẹ́dughoapụ ma nnị árịnyẹ n tọ́rụ́ nẹngịm nnị ḅo árị sáá Pita na Jọn nyáná tẹ́mẹ́kụ́rọ nnị nimitẹ́lẹ́ma sáá ḅẹ́ mịnaapụ ma nnị pápátumini nnị pịghị dirinimigha. Anị ḅo nna ḅụkórom ḅẹ́ mịnaapụ ma nnị Jizọs na fịnịmaapụ. 14Kụ́ma nnị dugho bẹnyẹ ofori, tegó, nnị n gwọọ owitụ́wọ ma arịm sẹ́fịnịarị, ori Pita na pịghị Jọn. 15Nnị warị n ḅẹẹ nnị ámáḅẹ́rẹ́dughoapụ kobiri yọ ma wárịso, n warị saghị bịpị pa ogbo sua ḅẹẹ, 16<<Wa tẹ́ pa mịná owiapụ ma mịẹbẹ?>> Anị n gbíla nyẹ, <<Kị́nị́mamgba Jerusalem ḅụ nimim ḅẹẹ mịnaapụ ma mị ḅụ́gbérépuma fịrị ma nwángịm, wamịnị ine anị pighibịgha. 17Kụ́ma wa mịẹbẹ ḅara sị mịnyẹ ma wásáma ngámámgba laagha, wa nnị birinụ́nụ́ ḅẹẹ n mịnị jẹ́ éné jẹ́ éné jẹ́ pa ẹ́gẹ́rẹ́kọọ kị́nị́ pịrịma Jizọs ẹ́rẹ́ ḅụ.>>
18Nnị warị sima n sị suu sị ólóghó sua n pịrị ḅẹẹ jéné n jéné nnị mịnị jẹ́ pa ẹ́gẹ́rẹ́kọọ ma anịgha nyẹ́die Jizọs ẹ́rẹ́ ḅụ. 19Kụ́ma Pita na Jọn n pagharam, ḅẹẹ, <<Ọ ḅara na kọọ tẹ́ angaá nyẹ karakárá Tamuno tórúku ọmịna bịpị na Tamuno bịpị osii na. 20Ḅẹẹ wamịnị ine wa bịpị gbẹ́ẹ̄ wamịnị ḅara na árịnyẹ pịghị náanyẹ ma pịrịbịgha.>> 21Ámáḅẹ́rẹ́dughoapụ ma warị kụrọma n birinụ́nụ́ warị n wárịso n soo. Nnị arịḅom ḅẹ anị ḅụdam nnị pa tọ́rụ́siarịma, tegó túminị́ mamgba boma pa Tamuno pịrịarị pághámáa nyẹ ma gosi. 22Nnị ḅụ mịị ḅụ́gbérépuma fịrịma nwángịḅọ ma ọ kụ́rá a mmẹẹ́ si ḅọ́rọ́mam.
Mininiapụ Ma Tẹ́ghẹ̄m Ḅẹ Nnị Kụ́rọ Kúkúbie Nyáná
23Nnị Pita na Jọn wáriso gbẹ́rẹ́kirikiri nnị pịghịma ḅo nna ogboapụ laam sị dugho n pịrị, igwagwaalaapụ ma na sẹ́nịapụ dughonyẹ. 24Mininiapụ ma náa sáá, nnị kị́nị́mamgba ḅárásua tẹ́ghẹ̄m ḅẹẹ, <<Kị́nị́nyánáḅọ, so na kiri na pịghị tọ́rụ́ ma na anị bie fịnịnyẹ tẹ́mẹ́ḅọ! 25Ị́yẹ́ Tọ́ntọ́ Tẹ́mẹ́ ḅụ ḅọ́rọ́, ị wámịna tádóḅọ Deviti ị́yẹ́ fịrịnwangịḅọ bịpị pa kọọm ọ ḅẹ́ sáá ḅẹẹ,
<< <Juughaapụ ma nnị tẹ́ go iganịarị
túminị́ ma n tegó nyẹ́ḅụ ofori ọrụ́tọ́arị?
26Tuminikiri ámányánáapụ nna ḅụ karakárámam,
táarịapụ ma sọ bịpị pa ogbo sua
Kị́nị́nyánáḅọ na ori n Pulo pa Sịbị Saraḅọ ma pịrịm.>
27Ḅẹẹ karakáráma Hẹrọd na Pọntiyọs Paileti donam mị opu ama bie nnị na Juughaapụ na Izirẹlịawọ, ị́yẹ́ tọ́ntọ́ fịrịnwangịḅọ Jizọs, ị pịghị pa nnị Pulo pa Sịbị Saraḅọ mịẹḅọ ma sịbị gosi. 28Nnị kobirim ḅẹẹ nnị nyẹ gonyẹ́ gonyẹ́ mịẹ, Ịrị ị́yẹ́ kụ́rọ ḅụ tọ́ọ ḅọ́rọ́ma maá nyẹ ḅẹẹ anị mịẹ. 29Ḅẹ́ mị́sa, Kị́nị́nyánáḅọ nna ẹ́rẹ́ma ma náa n pa wamịnị ẹ́rẹ́ma nyẹ, sị mịẹsị wamịnị ị́yẹ́ fịrịnwangịapụ kụ́rọ kúkúbie nyáná sị ị́yẹ́ oku ma dugho wásáma. 30Ị ḅara sụ́ghụ́ma sị obi gwọọ, pịghị mịẹsị ḅụ́gbérépuma fịrị kiriakị ị́yẹ́ tọ́ntọ́ fịrịnwangịḅọ Jizọs ẹ́rẹ́ ḅụ.>>
31Nnị tẹ́ghẹ̄ fama sáá n fịnịngaa ma warị jighe. Tamuno Tọ́ntọ́ Tẹ́mẹ́ warị nnị kị́nị́mamgba ḅụ sọọ bii, nnị warị ḅáláfaghaa ḅara pa Tamuno ẹ́gẹ́rẹ́ ma dugho wásámáa.
Mininiapụ Ma Nna Nyánányẹ Diem
32Minini ogbo ma gbẹ́rẹ́ tẹ́mẹ́ nyanam. Gbẹ́rẹ́ḅọ so amịna nyánányẹ ḅẹgha ḅẹẹ ọ́ inyee, kụ́ma nnị nyána nyẹ gonyẹ́ gonyẹ́ nnị pa jụghọ jụghọ na diem. 33Nfịrịmaapụ ma opu kụrọ pa onyẹsẹ́ Jizọs Krais fịị ḅụ sághị ma pịrịm Tamuno sọ pịghị opuma nnị karịibimam. 34Mininiapụ ma ogbobie, gbẹ́rẹ́ḅọ so ofori nyanafịịgha ḅụ fịnịḅọ. Kiri anịgha wárị nyánáapụ anị dẹrịbẹm sị igbii ma akuoo, 35nfịrịmaapụ ma pịrịbẹm, nnị warị igbii ma die ọ́rụ́ḅọ ọ́rụ́ḅọ pịrị, n ḅo nyanagha nyẹ labiri ḅụ.
36Ori anịị mịị Josẹf ma, Livai furotụ́wọ nnị pịghị Saiprọs ḅụ yiiḅọ, nfịrịmaapụ ma Banabas pa sịḅọ (anịị <<Tẹ́mẹ́ Kụ́rọmaḅọ>>) 37Ọ nyana gbẹ́rẹ́kiri dẹrịm, sị igbii ma akuoo nfịrịmaapụ ma pịrịm.
Currently Selected:
Fịrị Ḅara 4: IBY
Highlight
Share
Copy
Want to have your highlights saved across all your devices? Sign up or sign in
©2024 Luke Initiative for Scripture Translation
Fịrị Ḅara 4
4
Pita Na Jọn Ámáḅẹ́rẹ́dughoapụ Tórúku
1Pita na Jọn na pa ẹ́gẹ́rẹ́ kọọ́ túminị́ ma pịrịarị sáá jẹa igwagwaapụ, Tamunoopuwarị ma kúruarịapụ sịbịdaḅọ na Sadusiiapụ ḅọ láa sáá. 2Nnị tẹ́mẹ́ ḅẹlẹgha ḅẹ́ mị mmẹẹ́ nfịrịmaapụ ma diearị ḅẹ Jizọs fịị ḅụ saghịmam dughoarị nyẹ ḅẹẹ fịịapụ fịị ḅụ saghịbẹm. 3Anịgo warị n kuu ikólibie sua mú énéḅama, sáá opuma muu maá ḅara. 4Kụ́ma tọghaapụ oku ma naapụ mininim anịgo nna kịẹbịpị sẹnị ḅo oyi mmẹẹ́ ndẹ́ẹ findi na oyia si lam.
5Éné ḅo ḅáa sáá, Juuapụ sịbịdaapụ, nna sẹ́nịapụ na ólóghó Nyẹ́dieapụ ma kobiri nyẹ Jerusalem ḅụ. 6Nnị na mị kobiri ma kọọ ḅọ anịị Anas Igwagwaalaḅọ na Kayafas, Jọn, Alegizanda na pịghị jẹapụ na Igwagwaalaḅọ ma wárịapụ. 7Nnị nfịrịmaapụ ma mịẹm sị nnị sẹ́ nna tórúku, n warị nnị gbíla, <<Ọ tọ́rọ́ pa mịma mịẹ? Ọ tọ́rọ́fịnị kụ́rọ nyáná anịgha ọ́ tụọ ẹ́rẹ́ pa mị fịrị ma nwángịị?>>
8Pita Tọ́ntọ́ Tẹ́mẹ́ ḅụ biiḅọ warị n págháraa ḅẹẹ, <<Sịbịdaapụ na sẹ́nịapụ, 9ọ ḅọ́rọ́ nyẹ pa wa gbilaarị mịmgba éné wa mịẹ mị ikúléḅọ ma pịrị ibi, ọ pịghị ḅara warị gwọọ ḅara, 10anị sáá, ọmịnị kị́nị́mamgba nimi, Izirẹlịawọ mamgba, o nimi ḅẹẹ ọmịnị ogboku bie sẹ́ owitụ́wọ ma Jizọs Krais Nazarẹtị ḅụ saghị ḅoḅọ ma ẹ́rẹ́ ḅụ anịị ọ ḅọ́rọ́ gwọọ nyẹ, ọ ḅaupálị ḅọ, Tamuno pịghị sị sághịma ḅọ fịị bie. 11Jizọs anịị Tọ́ndiri ma dugho ḅo ḅẹẹ,
<< <Wárinámáapụ dighisima dapịrị ma
anị ḅo nyẹsọọḅa dapịrị!>
12Ọ ḅụ ngéré anịị wa dụaḅọ́rọ́ma nyáná bẹnyẹ, tuminikiri gbọrụ ḅụ Tamuno na jụghọ pịrịgha wa ḅọ́rọ́ma bẹḅọ.>>
13Ámáḅẹ́rẹ́dughoapụ ma nnị árịnyẹ n tọ́rụ́ nẹngịm nnị ḅo árị sáá Pita na Jọn nyáná tẹ́mẹ́kụ́rọ nnị nimitẹ́lẹ́ma sáá ḅẹ́ mịnaapụ ma nnị pápátumini nnị pịghị dirinimigha. Anị ḅo nna ḅụkórom ḅẹ́ mịnaapụ ma nnị Jizọs na fịnịmaapụ. 14Kụ́ma nnị dugho bẹnyẹ ofori, tegó, nnị n gwọọ owitụ́wọ ma arịm sẹ́fịnịarị, ori Pita na pịghị Jọn. 15Nnị warị n ḅẹẹ nnị ámáḅẹ́rẹ́dughoapụ kobiri yọ ma wárịso, n warị saghị bịpị pa ogbo sua ḅẹẹ, 16<<Wa tẹ́ pa mịná owiapụ ma mịẹbẹ?>> Anị n gbíla nyẹ, <<Kị́nị́mamgba Jerusalem ḅụ nimim ḅẹẹ mịnaapụ ma mị ḅụ́gbérépuma fịrị ma nwángịm, wamịnị ine anị pighibịgha. 17Kụ́ma wa mịẹbẹ ḅara sị mịnyẹ ma wásáma ngámámgba laagha, wa nnị birinụ́nụ́ ḅẹẹ n mịnị jẹ́ éné jẹ́ éné jẹ́ pa ẹ́gẹ́rẹ́kọọ kị́nị́ pịrịma Jizọs ẹ́rẹ́ ḅụ.>>
18Nnị warị sima n sị suu sị ólóghó sua n pịrị ḅẹẹ jéné n jéné nnị mịnị jẹ́ pa ẹ́gẹ́rẹ́kọọ ma anịgha nyẹ́die Jizọs ẹ́rẹ́ ḅụ. 19Kụ́ma Pita na Jọn n pagharam, ḅẹẹ, <<Ọ ḅara na kọọ tẹ́ angaá nyẹ karakárá Tamuno tórúku ọmịna bịpị na Tamuno bịpị osii na. 20Ḅẹẹ wamịnị ine wa bịpị gbẹ́ẹ̄ wamịnị ḅara na árịnyẹ pịghị náanyẹ ma pịrịbịgha.>> 21Ámáḅẹ́rẹ́dughoapụ ma warị kụrọma n birinụ́nụ́ warị n wárịso n soo. Nnị arịḅom ḅẹ anị ḅụdam nnị pa tọ́rụ́siarịma, tegó túminị́ mamgba boma pa Tamuno pịrịarị pághámáa nyẹ ma gosi. 22Nnị ḅụ mịị ḅụ́gbérépuma fịrịma nwángịḅọ ma ọ kụ́rá a mmẹẹ́ si ḅọ́rọ́mam.
Mininiapụ Ma Tẹ́ghẹ̄m Ḅẹ Nnị Kụ́rọ Kúkúbie Nyáná
23Nnị Pita na Jọn wáriso gbẹ́rẹ́kirikiri nnị pịghịma ḅo nna ogboapụ laam sị dugho n pịrị, igwagwaalaapụ ma na sẹ́nịapụ dughonyẹ. 24Mininiapụ ma náa sáá, nnị kị́nị́mamgba ḅárásua tẹ́ghẹ̄m ḅẹẹ, <<Kị́nị́nyánáḅọ, so na kiri na pịghị tọ́rụ́ ma na anị bie fịnịnyẹ tẹ́mẹ́ḅọ! 25Ị́yẹ́ Tọ́ntọ́ Tẹ́mẹ́ ḅụ ḅọ́rọ́, ị wámịna tádóḅọ Deviti ị́yẹ́ fịrịnwangịḅọ bịpị pa kọọm ọ ḅẹ́ sáá ḅẹẹ,
<< <Juughaapụ ma nnị tẹ́ go iganịarị
túminị́ ma n tegó nyẹ́ḅụ ofori ọrụ́tọ́arị?
26Tuminikiri ámányánáapụ nna ḅụ karakárámam,
táarịapụ ma sọ bịpị pa ogbo sua
Kị́nị́nyánáḅọ na ori n Pulo pa Sịbị Saraḅọ ma pịrịm.>
27Ḅẹẹ karakáráma Hẹrọd na Pọntiyọs Paileti donam mị opu ama bie nnị na Juughaapụ na Izirẹlịawọ, ị́yẹ́ tọ́ntọ́ fịrịnwangịḅọ Jizọs, ị pịghị pa nnị Pulo pa Sịbị Saraḅọ mịẹḅọ ma sịbị gosi. 28Nnị kobirim ḅẹẹ nnị nyẹ gonyẹ́ gonyẹ́ mịẹ, Ịrị ị́yẹ́ kụ́rọ ḅụ tọ́ọ ḅọ́rọ́ma maá nyẹ ḅẹẹ anị mịẹ. 29Ḅẹ́ mị́sa, Kị́nị́nyánáḅọ nna ẹ́rẹ́ma ma náa n pa wamịnị ẹ́rẹ́ma nyẹ, sị mịẹsị wamịnị ị́yẹ́ fịrịnwangịapụ kụ́rọ kúkúbie nyáná sị ị́yẹ́ oku ma dugho wásáma. 30Ị ḅara sụ́ghụ́ma sị obi gwọọ, pịghị mịẹsị ḅụ́gbérépuma fịrị kiriakị ị́yẹ́ tọ́ntọ́ fịrịnwangịḅọ Jizọs ẹ́rẹ́ ḅụ.>>
31Nnị tẹ́ghẹ̄ fama sáá n fịnịngaa ma warị jighe. Tamuno Tọ́ntọ́ Tẹ́mẹ́ warị nnị kị́nị́mamgba ḅụ sọọ bii, nnị warị ḅáláfaghaa ḅara pa Tamuno ẹ́gẹ́rẹ́ ma dugho wásámáa.
Mininiapụ Ma Nna Nyánányẹ Diem
32Minini ogbo ma gbẹ́rẹ́ tẹ́mẹ́ nyanam. Gbẹ́rẹ́ḅọ so amịna nyánányẹ ḅẹgha ḅẹẹ ọ́ inyee, kụ́ma nnị nyána nyẹ gonyẹ́ gonyẹ́ nnị pa jụghọ jụghọ na diem. 33Nfịrịmaapụ ma opu kụrọ pa onyẹsẹ́ Jizọs Krais fịị ḅụ sághị ma pịrịm Tamuno sọ pịghị opuma nnị karịibimam. 34Mininiapụ ma ogbobie, gbẹ́rẹ́ḅọ so ofori nyanafịịgha ḅụ fịnịḅọ. Kiri anịgha wárị nyánáapụ anị dẹrịbẹm sị igbii ma akuoo, 35nfịrịmaapụ ma pịrịbẹm, nnị warị igbii ma die ọ́rụ́ḅọ ọ́rụ́ḅọ pịrị, n ḅo nyanagha nyẹ labiri ḅụ.
36Ori anịị mịị Josẹf ma, Livai furotụ́wọ nnị pịghị Saiprọs ḅụ yiiḅọ, nfịrịmaapụ ma Banabas pa sịḅọ (anịị <<Tẹ́mẹ́ Kụ́rọmaḅọ>>) 37Ọ nyana gbẹ́rẹ́kiri dẹrịm, sị igbii ma akuoo nfịrịmaapụ ma pịrịm.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©2024 Luke Initiative for Scripture Translation