Eseia 12
12
Caneuon Moliant
1Yn y dydd hwnnw fe ddywedi,
“Molaf di, O ARGLWYDD;
er iti ddigio wrthyf,
trodd dy lid, a rhoist gysur imi.
2Wele, Duw yw fy iachawdwriaeth;
rwy'n hyderus, ac nid ofnaf;
canys yr ARGLWYDD Dduw yw fy nerth a'm cân,
ac ef yw fy iachawdwr.”
3Mewn llawenydd fe dynnwch ddŵr
o ffynhonnau iachawdwriaeth.
4Yn y dydd hwnnw fe ddywedi,
“Diolchwch i'r ARGLWYDD,
galwch ar ei enw;
hysbyswch ei weithredoedd ymhlith y cenhedloedd,
cyhoeddwch fod ei enw'n oruchaf.
5Canwch salmau i'r ARGLWYDD,
canys enillodd fuddugoliaeth;
hysbyser hyn yn yr holl dir.
6Bloeddia, llefa'n llawen, ti sy'n preswylio yn Seion;
canys y mae Sanct Israel yn fawr yn eich plith.”
Currently Selected:
Eseia 12: BCND
Highlight
Share
Copy
Want to have your highlights saved across all your devices? Sign up or sign in
© Cymdeithas y Beibl 2004
© British and Foreign Bible Society 2004
