2Samweli 20
20
Sheba ang'anambuka Daudi
1Ndienu kwabia ku Giligali kwabia na mundu mmbaja jobunkema Sheba mwana waka Bikili mbenyamini. Ndienu Sheba jwajemba imbata nukujamali kwa sauti,
“Ngasetubii na sindu kwaka Daudi,
ngasetubi na sukupata kwaka mwana waka Yese.
Mwabandu buku Izilaeli,
kila mundu jujenda kunyumba jake!”
2Ndi bandu boti buku Izilaeli bunndeka Daudi nukumpwata Sheba mwana waka Bikili. Lakini bandu buku Yuda bumpwata bambu nkolongu Daudi kukuhobaleka kutumbuli ku losi Yoludani mbaka kumusi uku Yelusalemu.
3Mwisu we Daudi jwahika kunyumba jaki ku musi uku Yelusalemu. Najombi jwagajukua mabangu gaki komi gajabia jagalekiki gatama kulingali nyumba jaki jwagabekiki mu nyumba jimu pai juulonda, jwagatunza sapi, lakini ngasejwagoni naku. Ndienu mabangu gala jabia jagabekiki nkati mbaka masoba ga kuwa kwabu, batemi ngati akambomba baawii alomi babu.
4Ndienu bambu nkolongu ampwagila Amasa, “Gungemila bandu boti buku Yuda mu masoba matatu, na wamweti wiibia.” 5Ndienu Amasa jwajenda kwaakema bandu buku Yuda. Lakini jaseliwi kubuja kipindi sesela sejwapangiwa na bambu nkolongu. 6Daudi ampwagila Abishai, “Henu Sheba mwana waka Bikili jwatuletila majambu gilia kupeta gajwaleta Abusalomu. Jukua atumisi bangu unkagula Sheba jwiijingi mu misi jejibii na nyumba ja akomana ngondu nukutila nga tummboni kabete.” 7Abishai jwatenda kuboka koni jubii na Yoabu na Akeleti na Apeleti pamu na bandu banga kujogopa boti. Boti haba baboka ku Yelusalemu kujenda kunkagu Sheba mwana waka Bikili. 8Pabaika kulilibu likolongu lelibi ku Gibeoni, Amasa jwapita kwaapengana. Yoabu jwabia juweti ingobu ya akomana ngondu nu nkati jiingobu hei kwabia nunkanda gogwabia gukamulaki upanga mukibunu jaki koni gubii munhaku waki. Yoabu pajwabia jutenda kuhegale upanga waki watenda kuhopoka nu kuhabuka pai. 9Yoabu ampwagila Amasa, “Boo, nndonguwango gujumwiki lena?” Yoabu ankamula Amasa mukileu saki kukuboku kwamalele ngati jupala kumbusu. 10Lakini Amasa ngasejugubweni upanga gowabia mu kuboku kwaka Yoabu. Ndienu Yoabu anhosa Amasa upanga mulitumbu, matumbu gaki gapita kunza na kuwa. Yoabu ngaseanhosiki upanga mala pabele.
Ndienu Yoabu nu nndongumundu Abishi baendalia kumpwatali Sheba mwana waka Bikili. 11Mundu jumu kati ja bandu baka Yoabu jwaika nukujema pambipi na nhyega jaka Amasa nukupwaga, “Mundu jokapi joampala Yoabu na jokapi joampala Daudi, ampwata Yoabu!” 12Amasa jwabia jwakona jugalauka pa mwai waki pikilanda ji indela ngolongu. Henu kila mundu jojwapeta pala eambona jwatenda kujema. Lakini mundu jola pajwabona bandu boha ahikiki nukujema pala jujiboa nhyega jaka Amasa piindela nukujipeleka kulitui nukujiyekale niingobu. 13Amasa pabumboa mu indela ngolongu, henu bandu boha baendalia kumpwata Yoabu ili kumpwatali Sheba mwana waka Bikili.
14Sheba jwapetila mu makabila goa guku Izilaeli mbaka ku musi uku Abeli gogubii ku Beti maaka. Bandu boa bulukolu luku Bikili bakusanyika nu kumpwata. 15Bandu boa bababia pamu na Yoabu bajenda kuyongolota Sheba pajwabia ku musi uku Abeli gogubii ku Beti maaka. Balundikana kuguyongolota musi hogu gogubii na ngomi, ndienu batumbulia kubombo lumatu lwaki ili kuguabu pai. 16Ndienu mmbomba jongi jojubii na malangu jwajowanika kuhuma ku musi koni jupwaga, “Nzowanya! Nzowania! Mumpwagila yoabu juika nongila nako.” 17Yoabu jwajenda pambipi nu mmbomba jola nukumpwagi, “Boo, wehapa le wa Yoabo?” Yoabu jwapwaga, “Ena anenganenga.” Mmbomba jola ampwagila, “Nyowania nepani ntumisi waku.” Yoabu jwapwaga, “Nyowanela.” 18Mmbomba jola ampwagila, “Pamwandi pala bandu babia apwaga, ‘Mwaaleka akajopa mawasu kuhuma ku musi waka Abeli.’ Hela ndi bandu hebabia atemu pasengu. 19Nepani ndi jumu kati ja bandu baapala lukwali nu kuhobaleka pa Izilaeli pani. Henu wehapa gupala kuguhalabana musi goguwe gubi ngati amabu pa Izilaeli pani. Ndaba jakii enu gupala kugulapu mbaka kuwa musi goguwe mali gaka bambu Sapanga?”
20Yoabu anzibua, “Ngasembai kualabana wala kugukoma musi hogu hata kulenga na bwaka. 21Hegulongi nga sakaka, lakini mundu jumu kuhuma ku milema jaka Efulaimu jobunkema Sheba mwana waka Bikili jupala kunng'anambuka Daudi. Mbekia mundu hoju na nepani niiboka mu nndema winu.” Mmbomba jola ampwagila Yoabu, “Kimutu saki bakilekala kwaku kupete puukuta.” 22Ndienu mmbomba jola jwajenda kwa bandu boa ku musi kukupanga mweni. Bunsekula kimutu Sheba mwana waka Bikili, nukukileke kunza kwaka Yoabu. Ndi Yoabu jwajemba imbata na kwabenga bandu kuboka mu musi guku abeli hogu, kila mundu jwajenda kunyumba jaki. Ndi Yoabu jwabuja kwaka bambu nkolongu Daudi ku musi uku Yelusalemu.
Bandu bunzangatia Daudi
23Henu Yoabu jwabia nkolongu jwa akomana ngondu boha buku Izilaeli. Benaya mwana waka Yehoyada, jwabia kilongosi jwa Akilete na Apeleti. 24Adolamu jwabia jojujemale lihengu lukuhenga bilakulepwa, Yeoshafati jwabia jojuhandika ngombuke. 25Shausha jwabia jojuandika ngombukela, Sadoki na Abiatali babia aka agolu. 26Najombi Ila, mundu wa musi uku Yaili jwabia nngolu waka Daudi.
Currently Selected:
2Samweli 20: MaBV
Highlight
Copy
Compare
Share
Want to have your highlights saved across all your devices? Sign up or sign in
The New Testament in Matengo Language ©The Word for the World International and Matengo Language Translation, 2020. All rights reserved.
2Samweli 20
20
Sheba ang'anambuka Daudi
1Ndienu kwabia ku Giligali kwabia na mundu mmbaja jobunkema Sheba mwana waka Bikili mbenyamini. Ndienu Sheba jwajemba imbata nukujamali kwa sauti,
“Ngasetubii na sindu kwaka Daudi,
ngasetubi na sukupata kwaka mwana waka Yese.
Mwabandu buku Izilaeli,
kila mundu jujenda kunyumba jake!”
2Ndi bandu boti buku Izilaeli bunndeka Daudi nukumpwata Sheba mwana waka Bikili. Lakini bandu buku Yuda bumpwata bambu nkolongu Daudi kukuhobaleka kutumbuli ku losi Yoludani mbaka kumusi uku Yelusalemu.
3Mwisu we Daudi jwahika kunyumba jaki ku musi uku Yelusalemu. Najombi jwagajukua mabangu gaki komi gajabia jagalekiki gatama kulingali nyumba jaki jwagabekiki mu nyumba jimu pai juulonda, jwagatunza sapi, lakini ngasejwagoni naku. Ndienu mabangu gala jabia jagabekiki nkati mbaka masoba ga kuwa kwabu, batemi ngati akambomba baawii alomi babu.
4Ndienu bambu nkolongu ampwagila Amasa, “Gungemila bandu boti buku Yuda mu masoba matatu, na wamweti wiibia.” 5Ndienu Amasa jwajenda kwaakema bandu buku Yuda. Lakini jaseliwi kubuja kipindi sesela sejwapangiwa na bambu nkolongu. 6Daudi ampwagila Abishai, “Henu Sheba mwana waka Bikili jwatuletila majambu gilia kupeta gajwaleta Abusalomu. Jukua atumisi bangu unkagula Sheba jwiijingi mu misi jejibii na nyumba ja akomana ngondu nukutila nga tummboni kabete.” 7Abishai jwatenda kuboka koni jubii na Yoabu na Akeleti na Apeleti pamu na bandu banga kujogopa boti. Boti haba baboka ku Yelusalemu kujenda kunkagu Sheba mwana waka Bikili. 8Pabaika kulilibu likolongu lelibi ku Gibeoni, Amasa jwapita kwaapengana. Yoabu jwabia juweti ingobu ya akomana ngondu nu nkati jiingobu hei kwabia nunkanda gogwabia gukamulaki upanga mukibunu jaki koni gubii munhaku waki. Yoabu pajwabia jutenda kuhegale upanga waki watenda kuhopoka nu kuhabuka pai. 9Yoabu ampwagila Amasa, “Boo, nndonguwango gujumwiki lena?” Yoabu ankamula Amasa mukileu saki kukuboku kwamalele ngati jupala kumbusu. 10Lakini Amasa ngasejugubweni upanga gowabia mu kuboku kwaka Yoabu. Ndienu Yoabu anhosa Amasa upanga mulitumbu, matumbu gaki gapita kunza na kuwa. Yoabu ngaseanhosiki upanga mala pabele.
Ndienu Yoabu nu nndongumundu Abishi baendalia kumpwatali Sheba mwana waka Bikili. 11Mundu jumu kati ja bandu baka Yoabu jwaika nukujema pambipi na nhyega jaka Amasa nukupwaga, “Mundu jokapi joampala Yoabu na jokapi joampala Daudi, ampwata Yoabu!” 12Amasa jwabia jwakona jugalauka pa mwai waki pikilanda ji indela ngolongu. Henu kila mundu jojwapeta pala eambona jwatenda kujema. Lakini mundu jola pajwabona bandu boha ahikiki nukujema pala jujiboa nhyega jaka Amasa piindela nukujipeleka kulitui nukujiyekale niingobu. 13Amasa pabumboa mu indela ngolongu, henu bandu boha baendalia kumpwata Yoabu ili kumpwatali Sheba mwana waka Bikili.
14Sheba jwapetila mu makabila goa guku Izilaeli mbaka ku musi uku Abeli gogubii ku Beti maaka. Bandu boa bulukolu luku Bikili bakusanyika nu kumpwata. 15Bandu boa bababia pamu na Yoabu bajenda kuyongolota Sheba pajwabia ku musi uku Abeli gogubii ku Beti maaka. Balundikana kuguyongolota musi hogu gogubii na ngomi, ndienu batumbulia kubombo lumatu lwaki ili kuguabu pai. 16Ndienu mmbomba jongi jojubii na malangu jwajowanika kuhuma ku musi koni jupwaga, “Nzowanya! Nzowania! Mumpwagila yoabu juika nongila nako.” 17Yoabu jwajenda pambipi nu mmbomba jola nukumpwagi, “Boo, wehapa le wa Yoabo?” Yoabu jwapwaga, “Ena anenganenga.” Mmbomba jola ampwagila, “Nyowania nepani ntumisi waku.” Yoabu jwapwaga, “Nyowanela.” 18Mmbomba jola ampwagila, “Pamwandi pala bandu babia apwaga, ‘Mwaaleka akajopa mawasu kuhuma ku musi waka Abeli.’ Hela ndi bandu hebabia atemu pasengu. 19Nepani ndi jumu kati ja bandu baapala lukwali nu kuhobaleka pa Izilaeli pani. Henu wehapa gupala kuguhalabana musi goguwe gubi ngati amabu pa Izilaeli pani. Ndaba jakii enu gupala kugulapu mbaka kuwa musi goguwe mali gaka bambu Sapanga?”
20Yoabu anzibua, “Ngasembai kualabana wala kugukoma musi hogu hata kulenga na bwaka. 21Hegulongi nga sakaka, lakini mundu jumu kuhuma ku milema jaka Efulaimu jobunkema Sheba mwana waka Bikili jupala kunng'anambuka Daudi. Mbekia mundu hoju na nepani niiboka mu nndema winu.” Mmbomba jola ampwagila Yoabu, “Kimutu saki bakilekala kwaku kupete puukuta.” 22Ndienu mmbomba jola jwajenda kwa bandu boa ku musi kukupanga mweni. Bunsekula kimutu Sheba mwana waka Bikili, nukukileke kunza kwaka Yoabu. Ndi Yoabu jwajemba imbata na kwabenga bandu kuboka mu musi guku abeli hogu, kila mundu jwajenda kunyumba jaki. Ndi Yoabu jwabuja kwaka bambu nkolongu Daudi ku musi uku Yelusalemu.
Bandu bunzangatia Daudi
23Henu Yoabu jwabia nkolongu jwa akomana ngondu boha buku Izilaeli. Benaya mwana waka Yehoyada, jwabia kilongosi jwa Akilete na Apeleti. 24Adolamu jwabia jojujemale lihengu lukuhenga bilakulepwa, Yeoshafati jwabia jojuhandika ngombuke. 25Shausha jwabia jojuandika ngombukela, Sadoki na Abiatali babia aka agolu. 26Najombi Ila, mundu wa musi uku Yaili jwabia nngolu waka Daudi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The New Testament in Matengo Language ©The Word for the World International and Matengo Language Translation, 2020. All rights reserved.