2Samweli 21
21
Ibeleku yaka Sauli atenda kwaakoma
1Kipindi simu kwapitila inzala ngolongu punndema, kipindi Daudi pajwabia bambu nkolongu. Inzala heji jatemi yaka itatu. Daudi anndoba bambu Sapanga liwasu. Bambu Sapanga ampwagila, “Sauli na alongu baki abi na makosa gakwaakoma Agibeoni.” 2Ndi bambu nkolongu Daudi jwaakema Agibeoni nu kulonge na bombi. Agibeoni ngasebaapai Aizilaeli ila babia Ahamoli baaigali. Hata ngati bandu buku Izilaeli babia alapiki kwaaleka bomi lakini Sauli jwalengiki kwaakoma boti ndaba jwabia jwaapendale bandu buku Izilaeli na buku Yuda. 3Daudi jwaalalukia Agibeoni, “Nunhengila kike? Nepa kike ku ubaja go bunntendi ili nhwesa kugupenge nndema gongo na bandu baka Bambu Sapanga?” 4Agibeoni bunzibua, “Ngasetupalika kulaja madini ga feza wala madini ga zahabu kuhuma kwaka Sauli au alongu baki, wala ngasetupala kunkoma mundu jokapi mu nndema uku Izalaeli.” Bambu nkolongu Daudi jwaalalukia kabe, “Enu mpala nunhengila kike?” 5Bombi bumpwagila bambu nkolongu, “Sauli jwapala kutukoma twepani nu kutuhoa bila kunndeka mundu witu pandu pokapi mu nndema uku Izilaeli. 6Nala gutupekia bandu saba kati ja bana baki akanalomi na twepani twaanyonga palongi jaka Bambu Sapanga ku kitombi suku Gibea, kwaka Sauli jojwaguliwi na Bambu Sapanga.” Bambu nkolongu jwapwaga, “Nitenda kumpeke.”
7Lakini bambu nkolongu anndeka Mefibosheti mwana waka Yonasani ndaba Daudi na Yonasani mwana waka Sauli batei kuligani kulihina laka Bambu Sapanga. 8Lakini Bambu nkolongu anzukua Alumoni na Mefibosheti, bana abeli baka Lisipa kamwali waka Aiya, babube jabiya ambelaki Sauli pamu na bana nhwanu baka Melabu kwamwali waka Sauli, abiya ambelaki Adilieli mwana waka Balizilai, mundu juku Meholati. 9Bana saba akanalomi Daudi jawakabisa kwaka Agibeoni nabombi baabambambalia kukitombi palongi jaka Bambu Sapanga, boti saba bakuwa pamu. Bana haba baakoma kipindi pababia atumbuli kuhuna inganu.
10Ndi Lisipa kamwali waka Aya jwajukua ingobu yiliguni nukulitandiki pililibu. Jwatama pala toka pabatumbulia kuhuna mbaka kipindi siiyula pasaika nukujikuni mitui jela. Kipindi sesela soti jwabia jwiibenga ijuni yukunani niinyama yumukiyoli mui ni ikilu ili ihiki pimitui jela. 11Daudi pajwajowa gajutei Lisipa kamwali waka Aya, libangu laka Sauli, 12jwajenda nukujuku maupa gaka Sauli na Yonasani mwanawaki kuuma kwa bandu ba Yabeshi gileadi, gababia atei kugajiba kuhuma ku Betishani, kokuje Afilisiti babia ammbambali Sauli na Yonasani lisoba Afilisiti pa bunkoma Sauli ku kitombi suku Giliboa. 13Ndienu Daudi jugakelabua maupa gaka Sauli na Yonasani mwana waki kuhuma kola, ndi bakusanya maupa gaka akombu saba babaabambali. 14Ndi bandu baka Daudi bagataga maupa gaka Sauli na Yonasani mwana waki mu nndema waka Benyamini, ku Sela mu litenge laka Kishi atati baka Sauli. Bahenga kila sindu sejwalagalaki Sauli. Egapeta haga ndi Bambu Sapanga jukujowana kuloba kwa bandu ba ndema jela.
Aizilaeli akomana ngondu na Afilisiti
1Majambu gi Ipindi 20:4-8
15Ndienu Afilisiti bakomana kabe na Aizilaeli. Daudi na bandu baki bajenda kukomana na Afilisiti. Daudi jwasokiki ngamaa lisoba heli. 16Ishibi Benobu, jumu jwikibeleku si mimundu jojuwe nkoa waki wa shaba gwabia nukutopa kwa kalibu kilu itatu na nusu na jojwabia julikongiki upanga nnyai jwapwaga jankoma Daudi. 17Lakini Abishai mwana waka Seluya, jwajenda kunzangati Daudi. Abishai anndapula Mfilisiti jola nukunkoma. Ndi bandu bunndapila Daudi koni bakapwaga, “Nga gujendi kabe natwepani kungondo ana ngahela wiisusua taa ju ubambu ukolongu mu nndema uku Izilaeli.”
18Egapeta haga kwapitila kabe ngondu na Afilisiti ku Gobu. Kipindi hesi Sibekai, mundu juku Mhushati, ankoma Safu jojwabia jumu jwikibeleku saka Alefai. 19Kwapitila kabe ngondu na Afilisiti ku Gobu. Najombi Eluhanani mwana waka Yaaleo legimu, mundu juku Betelehemu ankoma Goliati juku Giti jojuwe mpini gu nkoa waki wabia ngati lupendi wa jojuloka ingobu. 20Kwapitila kabe ngondu ku Gati kokukwe kwabia na mundu jumu jwabia nkolongu kuulasu na jojubii na ngonzi sita kila kuboku na ngonzi sita kila kugolu, jumula ngonzi ishilini nu nsesi. Najwombi kabe jwabia kibeleku si mimundu. 21Pajwaalongama Aizilaeli, Yonasani mwana waka Shimei, nndongu waka Daudi, jwatenda kunkoma. 22Nsesi haba babia kibeleku sa Alefai bandu buku Gati, na Daudi pamu na atumisi baki, batenda kwaakoma.
Currently Selected:
2Samweli 21: MaBV
Highlight
Copy
Compare
Share
Want to have your highlights saved across all your devices? Sign up or sign in
The New Testament in Matengo Language ©The Word for the World International and Matengo Language Translation, 2020. All rights reserved.
2Samweli 21
21
Ibeleku yaka Sauli atenda kwaakoma
1Kipindi simu kwapitila inzala ngolongu punndema, kipindi Daudi pajwabia bambu nkolongu. Inzala heji jatemi yaka itatu. Daudi anndoba bambu Sapanga liwasu. Bambu Sapanga ampwagila, “Sauli na alongu baki abi na makosa gakwaakoma Agibeoni.” 2Ndi bambu nkolongu Daudi jwaakema Agibeoni nu kulonge na bombi. Agibeoni ngasebaapai Aizilaeli ila babia Ahamoli baaigali. Hata ngati bandu buku Izilaeli babia alapiki kwaaleka bomi lakini Sauli jwalengiki kwaakoma boti ndaba jwabia jwaapendale bandu buku Izilaeli na buku Yuda. 3Daudi jwaalalukia Agibeoni, “Nunhengila kike? Nepa kike ku ubaja go bunntendi ili nhwesa kugupenge nndema gongo na bandu baka Bambu Sapanga?” 4Agibeoni bunzibua, “Ngasetupalika kulaja madini ga feza wala madini ga zahabu kuhuma kwaka Sauli au alongu baki, wala ngasetupala kunkoma mundu jokapi mu nndema uku Izalaeli.” Bambu nkolongu Daudi jwaalalukia kabe, “Enu mpala nunhengila kike?” 5Bombi bumpwagila bambu nkolongu, “Sauli jwapala kutukoma twepani nu kutuhoa bila kunndeka mundu witu pandu pokapi mu nndema uku Izilaeli. 6Nala gutupekia bandu saba kati ja bana baki akanalomi na twepani twaanyonga palongi jaka Bambu Sapanga ku kitombi suku Gibea, kwaka Sauli jojwaguliwi na Bambu Sapanga.” Bambu nkolongu jwapwaga, “Nitenda kumpeke.”
7Lakini bambu nkolongu anndeka Mefibosheti mwana waka Yonasani ndaba Daudi na Yonasani mwana waka Sauli batei kuligani kulihina laka Bambu Sapanga. 8Lakini Bambu nkolongu anzukua Alumoni na Mefibosheti, bana abeli baka Lisipa kamwali waka Aiya, babube jabiya ambelaki Sauli pamu na bana nhwanu baka Melabu kwamwali waka Sauli, abiya ambelaki Adilieli mwana waka Balizilai, mundu juku Meholati. 9Bana saba akanalomi Daudi jawakabisa kwaka Agibeoni nabombi baabambambalia kukitombi palongi jaka Bambu Sapanga, boti saba bakuwa pamu. Bana haba baakoma kipindi pababia atumbuli kuhuna inganu.
10Ndi Lisipa kamwali waka Aya jwajukua ingobu yiliguni nukulitandiki pililibu. Jwatama pala toka pabatumbulia kuhuna mbaka kipindi siiyula pasaika nukujikuni mitui jela. Kipindi sesela soti jwabia jwiibenga ijuni yukunani niinyama yumukiyoli mui ni ikilu ili ihiki pimitui jela. 11Daudi pajwajowa gajutei Lisipa kamwali waka Aya, libangu laka Sauli, 12jwajenda nukujuku maupa gaka Sauli na Yonasani mwanawaki kuuma kwa bandu ba Yabeshi gileadi, gababia atei kugajiba kuhuma ku Betishani, kokuje Afilisiti babia ammbambali Sauli na Yonasani lisoba Afilisiti pa bunkoma Sauli ku kitombi suku Giliboa. 13Ndienu Daudi jugakelabua maupa gaka Sauli na Yonasani mwana waki kuhuma kola, ndi bakusanya maupa gaka akombu saba babaabambali. 14Ndi bandu baka Daudi bagataga maupa gaka Sauli na Yonasani mwana waki mu nndema waka Benyamini, ku Sela mu litenge laka Kishi atati baka Sauli. Bahenga kila sindu sejwalagalaki Sauli. Egapeta haga ndi Bambu Sapanga jukujowana kuloba kwa bandu ba ndema jela.
Aizilaeli akomana ngondu na Afilisiti
1Majambu gi Ipindi 20:4-8
15Ndienu Afilisiti bakomana kabe na Aizilaeli. Daudi na bandu baki bajenda kukomana na Afilisiti. Daudi jwasokiki ngamaa lisoba heli. 16Ishibi Benobu, jumu jwikibeleku si mimundu jojuwe nkoa waki wa shaba gwabia nukutopa kwa kalibu kilu itatu na nusu na jojwabia julikongiki upanga nnyai jwapwaga jankoma Daudi. 17Lakini Abishai mwana waka Seluya, jwajenda kunzangati Daudi. Abishai anndapula Mfilisiti jola nukunkoma. Ndi bandu bunndapila Daudi koni bakapwaga, “Nga gujendi kabe natwepani kungondo ana ngahela wiisusua taa ju ubambu ukolongu mu nndema uku Izilaeli.”
18Egapeta haga kwapitila kabe ngondu na Afilisiti ku Gobu. Kipindi hesi Sibekai, mundu juku Mhushati, ankoma Safu jojwabia jumu jwikibeleku saka Alefai. 19Kwapitila kabe ngondu na Afilisiti ku Gobu. Najombi Eluhanani mwana waka Yaaleo legimu, mundu juku Betelehemu ankoma Goliati juku Giti jojuwe mpini gu nkoa waki wabia ngati lupendi wa jojuloka ingobu. 20Kwapitila kabe ngondu ku Gati kokukwe kwabia na mundu jumu jwabia nkolongu kuulasu na jojubii na ngonzi sita kila kuboku na ngonzi sita kila kugolu, jumula ngonzi ishilini nu nsesi. Najwombi kabe jwabia kibeleku si mimundu. 21Pajwaalongama Aizilaeli, Yonasani mwana waka Shimei, nndongu waka Daudi, jwatenda kunkoma. 22Nsesi haba babia kibeleku sa Alefai bandu buku Gati, na Daudi pamu na atumisi baki, batenda kwaakoma.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The New Testament in Matengo Language ©The Word for the World International and Matengo Language Translation, 2020. All rights reserved.