Alawi Ulongulelu
Ulongulelu
Kitabu sa Alawi senze kihumi mu malagalaki gaguge Sapanga jwapekia Aizilaeli kupete Musa. Malagalaki haga galongale namuna jukupia Matambiku nu kunndumbali Sapanga mu pandu pukupiki litambiku. Kabee malagalaki haga galongale namuna ju kulumbali nkati ji lihema laka Sapanga. Lilobi la Alawi ngati eaandiki mu luga ja mwandi ja Aizilaeli libii na mana ja gagahusu Alawi. Bandu haba bababia bi likabila la Alawi kati ja Aizilaeli baahaguliwi na Sapanga baabi ni lihengu gikigolu na mahengu gukutunza lihema laka Sapanga. Asomi ahobale ana kitabu sa Alawi pamu ni itabu yengi ya malagalaki yu Utumbuli nu Kuboka na Alawi iandikwi nu nndota Musa. Usakaka gongo kulandi kabee mu malobi giki kitabu sene, ndaba kitabu sa Alawi kitumbuli kulandi kubanga Bambu Sapanga ankema Musa nukulonge naku mu Nyumba jaki, bandu bangi apwaga kubanga kitabu senze maandiku gakusiny pamu pa mwandi mu kaline ju nhwanu mbaka sita kabula jukusaliwa Kilisitu, kipindi Aizilaeli pababii ku utumwa ku Babeli.
Puutumbuli wi Kitabu sa Alawi, tubona namuna hingi yukupiya matambiku na nhupi yebabiya apiya akagolu baka Sapanga. Matambiku gangi gapikiwa kwa ndaba jukuboa mahakau ga bandu. Matambiku gangi gapikiwa kwa ndaba jukumpala Sapanga. Mu kupiya matambiku haga goti kupalika kulinga hindu yeibii yaamboni ngani, kinyama sanga kutunyuka wala sanga kuba ni kilema sokapi. Sakaka ndi kupiya matambiku namuna ajeji kulangi usapi nu ukolongu waka Sapanga. Mu pandu pa mwisu pi kitabu senze, kilandi namuna ja Aizilaeli pamu na akaagolu baka Sapanga hebapalika kutama sukujetakeka kunndumbali Bambu Sapanga kipindi mang'aliku pagapiti. Mawasu makolongu gi kitabu Senze ndi kilandi Sapanga ndi jwa sapi na sukupwata malagalaki gagabi mu kitabu senze, bandu buku Izilaeli awesa kutama kukunndengane Bambu Sapanga.
Gagabi momu
Malagalaki ga namuna jukupiya matambiku ndalindali. Linga lipungu 1 mbaka 7.
Namuna Aloni na bana baki ebaagula kuba akaagolu baka Sapanga. Linga lipungu la 8 mbaka 10.
Malagalaki gagalongale posu jejijetakeka palongi jaka Sapanga na janga kujetakeka palongi jaka Bambu sapanga, na kabee lilandi magonzu. Lipungu la 11 mbaka lipungu la 16.
Malagalaki gangi gagalandi majambu ngati namuna ja kula na namuna ja matola na namuna jukutama na yaka yukulekakewa. Lipungu la 11 mbaka 27.
Currently Selected:
Alawi Ulongulelu: MaBV
Highlight
Share
Compare
Copy
Want to have your highlights saved across all your devices? Sign up or sign in
The New Testament in Matengo Language ©The Word for the World International and Matengo Language Translation, 2020. All rights reserved.