Nau Ntơm 25
25
Y-Abraham nđăp H'Kêtura jêng ur
(I Nau Rêh Jêng 1:32-33)
1Y-Abraham nđăp du huê ur êng amoh jêng H'Kêtura. 2Bu ur nây deh ăn ma păng: Y-Simran, Y-Jôksan, Y-Mêdan, Y-Madian, Y-Isbak jêh ri Y-Sua. 3Y-Jôksan bă kon Y-Sêba jêh ri Y-Dêdan. Phung kon sau Y-Dêdan jêng ndŭl mpôl Y-Asurim, Y-Lêtusim jêh ri Y-Lêumin. 4Phung kon bu klâu Y-Madian jêng Y-Êpha, Y-Êpher, Y-Hanŏk, Y-Abida jêh ri Y-Êlda. Lĕ rngôch phung aơ jêng noi deh H'Kêtura.
5Y-Abraham ăn lĕ rngôch drăp ndơ păng geh ma Y-Isăk. 6Ƀiălah nôk păng hôm e rêh, Y-Abraham ăn drăp ndơ ma kon ur yông păng jêh ri lah ma khân păng hăn gŭ tâm nkual neh mpeh luh nar, ngai bơh Y-Isăk jêng kon ur tơm.
Y-Abraham khĭt
7Y-Abraham dơi rêh du rhiăng pơh jât mprăm năm. 8Y-Abraham tăch n'hâm jêh ri păng khĭt ranh jong rêh, dơi maak tâm nau rêh, jêh ri păng sĭt ndrel ma chô yau păng. 9Y-Isăk jêh ri Y-Ismaêl jêng bar hê kon bu klâu păng hŏ tâp an păng tâm trôm lŭ Makpêla, tâm mir Y-Ephrôn, kon bu klâu Y-Sôhar, bunuyh Y-Hitit, mpeh luh nar ta Mamrê. 10Nây jêng mir Y-Abraham hŏ rvăt jêh bơh ndŭl mpôl Y-Het. Ta nây bu tâp Y-Abraham ndrel ma H'Sara ur păng.#Ntơm 23:3-16. 11Jêh Y-Abraham khĭt, Brah Yêhôva ăn nau ueh uĭn ma Y-Isăk, kon bu klâu păng. Y-Isăk gŭ êp ntu dak Bêr-Lahai-Roi.
Noi deh Y-Ismaêl
12Aơ jêng noi deh Y-Ismaêl, kon bu klâu Y-Abraham đah H'Agar, bunuyh n'gor Êjipt jêng bu ur kơl kan H'Sara. 13Aơ jêng amoh phung kon bu klâu Y-Ismaêl, dăp tĭng nar deh khân păng: Kon bu klâu bôk rah ma Y-Ismaêl jêng Y-Nêbajôt, jêh nây jêng Y-Kêdar, Y-Atbêel, Y-Mipsam. 14Y-Misma, Y-Duma, Y-Masa, 15Y-Hadat, Y-Têma, Y-Jêtur, Y-Napis, jêh ri Y-Kêdêma. 16Nây jêng phung kon bu klâu Y-Ismaêl jêh ri amoh khân păng, moh tĭng nâm ƀon jêh ri ntŭk khân păng ndâk ngih bok. Nây jêng jât ma bar kôranh tâm phung ƀon lan khân păng. 17Y-Ismaêl dơi rêh du rhiăng pe jât mpơh năm, jêh nây tăch n'hâm jêh ri păng khĭt, dơi plơ̆ sĭt ndrel ma chô yau păng. 18Noi deh păng gŭ tâm n'gor Havila tât ta n'gor Sur, mpeh luh nar n'gor Êjipt, mpeh ma n'gor Asiri. Khân păng rêh tâm nau rlăng đah lĕ rngôch oh nâu khân păng.
Y-Êsau jêh ri Y-Yakôb
19Aơ jêng noi deh Y-Isăk, kon bu klâu Y-Abraham. Y-Abraham deh Y-Isăk. 20Nôk păng geh puăn jât năm, Y-Isăk nđăp H'Rêbêka, kon bu ur Y-Bêthuel jêh ri jêng oh bu ur Y-Laban, jêng phung Aram da dê, tâm n'gor Padan Aram.#25:20 Padan Aram jêng n'gor Mêsôpôtami. 21Y-Isăk mbơh sơm ma Brah Yêhôva yor ur păng jêng bu ur mâu bă kon. Brah Yêhôva dơn nau păng mbơh sơm, jêh ri H'Rêbêka bă ntreo. 22Ƀiălah phung kon mpât tâm ndŭl păng rĭ dĭng păng lah: “Mâm ƀư nau aơ tât ma gâp?”#25:22 Tơm nau nchih trong aơ mâu hŏ rah vah nâm bu ntĭt. Jêh nây păng ôp Brah Yêhôva. 23Brah Yêhôva lah:#Rôm 9:12.
Bar bri dak dôl gŭ tâm ndŭl ay,
Jêh ri bar ntil phung ƀon lan luh tă bơh ndŭl ay mra tâm pă;
Phung ƀon lan aơ dăng lơn đah phung ƀon lan ri,
Jêh ri nơm toyh mra pah kan ma nơm jê̆.
24Tơlah tât nar păng deh, geh kon bar ngăn. 25Nơm luh lor lơn jêng chăng, lam săk jăn nâm bu ao mbâl geh rsau rĭ dĭng rnha Y-Êsau.#25:25 Êsau: Ntơ aơ knŏng ma Sêir, jêng n'gor pakơi taơ kon sau Y-Êsau gŭ; “Sêir” geh bâr nau ngơi tâm ban kô̆ Hêbrơ nâm ntĭt jêng “âk rsau”. 26Bah kơi nây, oh păng luh, ti păng kuăn ta jâng jon Y-Êsau bu amoh păng Y-Yakôb.#25:26 Yakôb: Ntơ aơ geh bâr nau ngơi tâm ban rplay ngơi Hêbrơ nâm ntĭt jêng “ndơl jâng”. Nôk bar hê kon se nây deh, Y-Isăk hŏ geh jêh prao jât năm.
Y-Êsau tăch nau jêng kon bôk rah
27Lah bar hê kon se nây văch ma toyh, Y-Êsau jêng du huê bunuyh gru blau pănh, ŭch hăn nsong tâm mir lŏ, bi Y-Yakôb jêng bunuyh rdơ̆ rbăn, vay gŭ tâm ngih bok. 28Y-Isăk rŏng âk lơn ma Y-Êsau yorlah păng ŭch sa puăch bri, bi ma H'Rêbêka rŏng lơn ma Y-Yakôb.
29Du nar, Y-Yakôb dôl gŭ rŭk por, Y-Êsau sĭt tă bơh bri ji ngot ngăn. 30Y-Êsau lah ma Y-Yakôb: “Oh ăn nâu sa ro moh ndơ sa chăng chăng nĕ ơh, yorlah nâu ji ngot ngăn!” Yor nây, bu rnha Y-Êsau jêng Y-Êđôm.#25:30 Êđôm: Rplay samƀŭt aơ geh bâr nau ngơi tâm ban rplay ngơi Hêbrơ nâm ntĭt jêng “chăng”. 31Y-Yakôb lah: “Nâu tăch nau dơi jêng kon bu klâu bôk rah ma oh lor mơ.” 32Y-Êsau lah: “Bơi ma khĭt jêh, moh nau nâu hôm dŏng nau dơi jêng kon bu klâu bôk rah?” 33Y-Yakôb lah: “Pôri ăn nâu ton lor yơh.” Y-Êsau ton ro jêh ri păng tăch ro nau dơi jêng kon bu klâu bôk rah ăn ma Y-Yakôb.#Hêb 12:16. 34Jêh nây Y-Yakôb ăn Y-Êsau sa piăng let jêh ri por tuh. Lôch sông sa nhêt, Y-Êsau dâk jêh ri hăn.
Y-Êsau hŏ mưch jêh ma nau dơi jêng kon bu klâu bôk rah kơt nây yơh.
Currently Selected:
Nau Ntơm 25: CMO2023
Highlight
Share
Copy
Want to have your highlights saved across all your devices? Sign up or sign in
© 2023 United Bible Societies. All rights reserved.
Nau Ntơm 25
25
Y-Abraham nđăp H'Kêtura jêng ur
(I Nau Rêh Jêng 1:32-33)
1Y-Abraham nđăp du huê ur êng amoh jêng H'Kêtura. 2Bu ur nây deh ăn ma păng: Y-Simran, Y-Jôksan, Y-Mêdan, Y-Madian, Y-Isbak jêh ri Y-Sua. 3Y-Jôksan bă kon Y-Sêba jêh ri Y-Dêdan. Phung kon sau Y-Dêdan jêng ndŭl mpôl Y-Asurim, Y-Lêtusim jêh ri Y-Lêumin. 4Phung kon bu klâu Y-Madian jêng Y-Êpha, Y-Êpher, Y-Hanŏk, Y-Abida jêh ri Y-Êlda. Lĕ rngôch phung aơ jêng noi deh H'Kêtura.
5Y-Abraham ăn lĕ rngôch drăp ndơ păng geh ma Y-Isăk. 6Ƀiălah nôk păng hôm e rêh, Y-Abraham ăn drăp ndơ ma kon ur yông păng jêh ri lah ma khân păng hăn gŭ tâm nkual neh mpeh luh nar, ngai bơh Y-Isăk jêng kon ur tơm.
Y-Abraham khĭt
7Y-Abraham dơi rêh du rhiăng pơh jât mprăm năm. 8Y-Abraham tăch n'hâm jêh ri păng khĭt ranh jong rêh, dơi maak tâm nau rêh, jêh ri păng sĭt ndrel ma chô yau păng. 9Y-Isăk jêh ri Y-Ismaêl jêng bar hê kon bu klâu păng hŏ tâp an păng tâm trôm lŭ Makpêla, tâm mir Y-Ephrôn, kon bu klâu Y-Sôhar, bunuyh Y-Hitit, mpeh luh nar ta Mamrê. 10Nây jêng mir Y-Abraham hŏ rvăt jêh bơh ndŭl mpôl Y-Het. Ta nây bu tâp Y-Abraham ndrel ma H'Sara ur păng.#Ntơm 23:3-16. 11Jêh Y-Abraham khĭt, Brah Yêhôva ăn nau ueh uĭn ma Y-Isăk, kon bu klâu păng. Y-Isăk gŭ êp ntu dak Bêr-Lahai-Roi.
Noi deh Y-Ismaêl
12Aơ jêng noi deh Y-Ismaêl, kon bu klâu Y-Abraham đah H'Agar, bunuyh n'gor Êjipt jêng bu ur kơl kan H'Sara. 13Aơ jêng amoh phung kon bu klâu Y-Ismaêl, dăp tĭng nar deh khân păng: Kon bu klâu bôk rah ma Y-Ismaêl jêng Y-Nêbajôt, jêh nây jêng Y-Kêdar, Y-Atbêel, Y-Mipsam. 14Y-Misma, Y-Duma, Y-Masa, 15Y-Hadat, Y-Têma, Y-Jêtur, Y-Napis, jêh ri Y-Kêdêma. 16Nây jêng phung kon bu klâu Y-Ismaêl jêh ri amoh khân păng, moh tĭng nâm ƀon jêh ri ntŭk khân păng ndâk ngih bok. Nây jêng jât ma bar kôranh tâm phung ƀon lan khân păng. 17Y-Ismaêl dơi rêh du rhiăng pe jât mpơh năm, jêh nây tăch n'hâm jêh ri păng khĭt, dơi plơ̆ sĭt ndrel ma chô yau păng. 18Noi deh păng gŭ tâm n'gor Havila tât ta n'gor Sur, mpeh luh nar n'gor Êjipt, mpeh ma n'gor Asiri. Khân păng rêh tâm nau rlăng đah lĕ rngôch oh nâu khân păng.
Y-Êsau jêh ri Y-Yakôb
19Aơ jêng noi deh Y-Isăk, kon bu klâu Y-Abraham. Y-Abraham deh Y-Isăk. 20Nôk păng geh puăn jât năm, Y-Isăk nđăp H'Rêbêka, kon bu ur Y-Bêthuel jêh ri jêng oh bu ur Y-Laban, jêng phung Aram da dê, tâm n'gor Padan Aram.#25:20 Padan Aram jêng n'gor Mêsôpôtami. 21Y-Isăk mbơh sơm ma Brah Yêhôva yor ur păng jêng bu ur mâu bă kon. Brah Yêhôva dơn nau păng mbơh sơm, jêh ri H'Rêbêka bă ntreo. 22Ƀiălah phung kon mpât tâm ndŭl păng rĭ dĭng păng lah: “Mâm ƀư nau aơ tât ma gâp?”#25:22 Tơm nau nchih trong aơ mâu hŏ rah vah nâm bu ntĭt. Jêh nây păng ôp Brah Yêhôva. 23Brah Yêhôva lah:#Rôm 9:12.
Bar bri dak dôl gŭ tâm ndŭl ay,
Jêh ri bar ntil phung ƀon lan luh tă bơh ndŭl ay mra tâm pă;
Phung ƀon lan aơ dăng lơn đah phung ƀon lan ri,
Jêh ri nơm toyh mra pah kan ma nơm jê̆.
24Tơlah tât nar păng deh, geh kon bar ngăn. 25Nơm luh lor lơn jêng chăng, lam săk jăn nâm bu ao mbâl geh rsau rĭ dĭng rnha Y-Êsau.#25:25 Êsau: Ntơ aơ knŏng ma Sêir, jêng n'gor pakơi taơ kon sau Y-Êsau gŭ; “Sêir” geh bâr nau ngơi tâm ban kô̆ Hêbrơ nâm ntĭt jêng “âk rsau”. 26Bah kơi nây, oh păng luh, ti păng kuăn ta jâng jon Y-Êsau bu amoh păng Y-Yakôb.#25:26 Yakôb: Ntơ aơ geh bâr nau ngơi tâm ban rplay ngơi Hêbrơ nâm ntĭt jêng “ndơl jâng”. Nôk bar hê kon se nây deh, Y-Isăk hŏ geh jêh prao jât năm.
Y-Êsau tăch nau jêng kon bôk rah
27Lah bar hê kon se nây văch ma toyh, Y-Êsau jêng du huê bunuyh gru blau pănh, ŭch hăn nsong tâm mir lŏ, bi Y-Yakôb jêng bunuyh rdơ̆ rbăn, vay gŭ tâm ngih bok. 28Y-Isăk rŏng âk lơn ma Y-Êsau yorlah păng ŭch sa puăch bri, bi ma H'Rêbêka rŏng lơn ma Y-Yakôb.
29Du nar, Y-Yakôb dôl gŭ rŭk por, Y-Êsau sĭt tă bơh bri ji ngot ngăn. 30Y-Êsau lah ma Y-Yakôb: “Oh ăn nâu sa ro moh ndơ sa chăng chăng nĕ ơh, yorlah nâu ji ngot ngăn!” Yor nây, bu rnha Y-Êsau jêng Y-Êđôm.#25:30 Êđôm: Rplay samƀŭt aơ geh bâr nau ngơi tâm ban rplay ngơi Hêbrơ nâm ntĭt jêng “chăng”. 31Y-Yakôb lah: “Nâu tăch nau dơi jêng kon bu klâu bôk rah ma oh lor mơ.” 32Y-Êsau lah: “Bơi ma khĭt jêh, moh nau nâu hôm dŏng nau dơi jêng kon bu klâu bôk rah?” 33Y-Yakôb lah: “Pôri ăn nâu ton lor yơh.” Y-Êsau ton ro jêh ri păng tăch ro nau dơi jêng kon bu klâu bôk rah ăn ma Y-Yakôb.#Hêb 12:16. 34Jêh nây Y-Yakôb ăn Y-Êsau sa piăng let jêh ri por tuh. Lôch sông sa nhêt, Y-Êsau dâk jêh ri hăn.
Y-Êsau hŏ mưch jêh ma nau dơi jêng kon bu klâu bôk rah kơt nây yơh.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023 United Bible Societies. All rights reserved.