Nau Ntơm 26
26
Y-Isăk ta Gêra
1Nau hŏ tât jêh ji ngot tâm rnôk rô̆ Y-Abraham, aƀaơ tâm n'gor nây geh tay nau ji ngot đŏng. Yor ri, Y-Isăk hăn ta Gêrar, mâp Y-Abimêlek, hađăch phung Philistin. 2Brah Yêhôva tâm mpơl ma păng jêh ri lah: “Lơi hăn ôh ta n'gor Êjipt, ăn gŭ hom tâm n'gor Gâp mra ntĭm ma may. 3Ăn may gŭ njưh tâm n'gor aơ, Gâp mra gŭ ndrel ma kon jêh ri ăn nau ueh uĭn ma kon; yorlah Gâp mra ăn ma may jêh ri ma noi deh kon lĕ nkual bri aơ jêh ri Gâp mra ƀư n'hêl nanê̆ nau Gâp ton jêh ma Y-Abraham, mbơ̆ may.#Ntơm 22:16-18. 4Gâp mra ăn noi deh kon bĭk rơ̆ nâm bu mănh tâm trôk jêh ri ăn ma lĕ noi deh may nkual bri aơ. Lĕ rngôch phung ƀon lan tâm neh ntu mra geh nau ueh uĭn yor tă bơh noi deh may; 5yor Y-Abraham hŏ tông jêh bâr Gâp, djôt prăp lĕ nau Gâp ntĭm nti, nđâp ma lĕ nau vay ntăm, nau vay dăp jêh ri nau vay bơh Gâp.”
H'Rêbêka jêh ri hađăch Abimêlek
6Pôri Y-Isăk gŭ ta Gêrar. 7Yorlah H'Rêbêka ueh ngăn yor ri phung bunuyh gŭ tâm ƀon nây ôp Y-Isăk ma nau ur păng jêh ri Y-Isăk lah: “Păng jêng oh bu ur gâp.” Păng mâu ôh nănh lah: “Bu ur nây jêng ur gâp” yor klach phung bu klâu tâm n'gor, klăp lah bu nkhĭt gâp yor ur.#Ntơm 12:13; 20:2. 8Y-Isăk hŏ gŭ ta nây jŏ jêh, jêh ri geh du nar, Y-Abimêlek, hađăch phung Philistin, gŭ uănh ta mpông bloh jêh ri saơ Y-Isăk ut H'Rêbêka ur păng. 9Y-Abimêlek kuăl Y-Isăk hăn tât jêh ri lah: “Nanê̆ păng jêng ur may! Mâm ƀư may lah: ‘Păng jêng oh bu ur gâp’?” Y-Isăk lah ma hađăch: “Yorlah gâp mĭn êng, lah gâp mâu lah kơt nây gâp mra khĭt yor ur gâp.” 10Y-Abimêlek ôp: “Moh nau may ƀư ma hên pônây? Tơlah geh du huê bunuyh ƀon lan hên lĕ lăn bê̆ch ndrel ma ur may, may hŏ ƀư ma hên tŭp tâm nau tih jêh!” 11Yor ri, Y-Abimêlek ntăm ma lĕ rngôch bunuyh tâm ƀon lan pô aơ: “Mbu nơm pah bunuyh aơ mâu lah ur păng, bu mra nkhĭt ro.”
Y-Isăk geh jêng
12Y-Isăk tuch tăm ntil găr tâm n'gor nây jêh ri năm nây păng geh hao âk lơn du rhiăng tơ̆, yor Brah Yêhôva ăn nau ueh uĭn ma păng. 13Păng jêng ndrŏng, drăp ndơ păng ntop mro tâm ăp nar kŏ tât păng jêng bunuyh dŭt ndrŏng ngăn ngên. 14Păng geh âk phung biăp, ndrôk jêh ri oh mon âk ngăn yor ri phung Philistin mâu nach ma păng. 15Lĕ rngôch ntu dak phung oh mon Y-Abraham, mbơ̆ păng, hŏ kuyh, aƀaơ aơ phung Philistin sŏk neh brôi lơi lĕ rngôch. 16Y-Abimêlek lah ma Y-Isăk: “Du ngai hom may bơh hên, yorlah may lĕ jêng dŭt dăng ktang ngăn lah rđĭl đah hên.”
17Pôri, Y-Isăk chalơi ntŭk nây, hăn ndâk ngih bok tâm rlŭng Gêrar jêh ri gŭ ta nây. 18Y-Isăk kơi kuyh tay ăp ntu dak bu hŏ kuyh jêh tâm rnôk Y-Abraham, mbơ̆ păng. Jêh khĭt Y-Abraham, phung Philistin hŏ brôi lơi ntu dak nây. Păng rnha ntu dak nây tĭng nâm mbơ̆ păng lĕ rnha jêh. 19Ƀiălah dôl phung oh mon Y-Isăk kuyh ntu dak tâm rlŭng jêh ri geh mâp du dak tu luh rdŭl, 20phung rmăk biăp ta Gêrar hăn tâm pit đah phung rmăk biăp Y-Isăk. Khân păng lah: “Dak tu aơ jêng hên de,” yor ri păng rnha ntu dak nây jêng Êsek,#26:20 Êsek ntĭt jêng “nau tâm djrel”. yorlah phung nây hŏ tâm pit đah păng. 21Jêh nây, phung oh mon kuyh du ntu dak êng đŏng jêh ri bu ăt pit đŏng, pôri păng rnha ntu dak nây jêng Sitna.#26:21 Sitna ntĭt jêng “tâm rmot”. 22Y-Isăk chalơi ntŭk nây hăn kuyh du ntu dak êng jêh ri ntu dak aơ mâu geh ôh tâm pit, păng rnha ntu dak nây jêng Rêhôbôt,#26:22 Rêhôbôt ntĭt jêng “ntŭk huy ngăn”. jêh ri lah: “Aƀaơ Brah Yêhôva hŏ ăn ma phung hên du ntŭk gŭ huy ngăn, jêh ri hên mra geh jêng tâm n'gor aơ.”
Brah Ndu ton tay đah Y-Isăk
23Bơh ntŭk nây, Y-Isăk hăn hao ta Bêr-Sêba. 24Tâm măng nây, Brah Yêhôva tâm mpơl jêh ri lah đah păng: “Gâp jêng Brah Ndu Y-Abraham, mbơ̆ kon. Lơi klach ôh, yorlah Gâp gŭ ndrel ma kon. Gâp mra ăn nau ueh uĭn ma kon jêh ri ƀư ma noi deh kon bĭk rơ̆, yor Y-Abraham jêng oh mon Gâp!” 25Y-Isăk rdâk du nơng ƀư brah, kuăl mbơh sơm ma amoh Brah Yêhôva jêh ri rdâk ngih bok păng ta nây. Jêh ri phung oh mon Y-Isăk kuyh du ntu dak ta nây.
Y-Isăk tâm rnglăp đah Y-Abimêlek
26Hađăch Abimêlek văch bơh Gêrar hăn khâl Y-Isăk. Hăn ndrel ma Y-Ahusat nơm nchră jêh ri Y-Pikôl kôranh gai tahan.#Ntơm 21:22. 27Y-Isăk ôp: “khân may tâm rmot ma gâp jêh ri khân may hŏ mprơh jêh gâp du ngai bơh khân may, mâm ƀư khân may hôm hăn văch gay joi gâp đŏng?” 28Khân păng lah: “Hên saơ rah vah jêh Brah Yêhôva hŏ kâp kơl may, pôri hên mĭn vah vang may đah hên ăn geh du nau ton gay ƀư tâm rnglăp ndrel ndrăng he. 29Ăn may ton mâu hôm ôh ƀư nau mhĭk ma hên, nâm bu phung hên mâu hŏ tâm rdâng đah may, ƀiălah hên lơ hô ƀư ueh jêh ri ăn may du luh hăn ma nau đăp mpăn. Aƀaơ may jêng nơm Brah Yêhôva ăn nau ueh uĭn.” 30Y-Isăk ndrăp nau nhêt sa jêh ri khân păng sông sa nhêt ndrel. 31Kah ôi taơ khân păng dâk ơm, ƀư du nau ton ndrăng khân păng. Jêh nây Y-Isăk njŭn khân păng hăn trong jêh ri khân păng hăn ma nau đăp mpăn.
32Tâm nar nây đŏng, phung oh mon Y-Isăk hăn mbơh ma păng ma ntu dak khân păng mhe kuyh. Khăn păng lah: “Hên joi dak saơ jêh.” 33Păng ntơ ntu dak nây jêng Siba.#26:33 Sêba ntĭt jêng “nau ton”. Yor ri ƀon nây amoh Bêr-Sêba#26:33 Bêr-Sêba: Tâm nau ngơi Hêbrơ, rplay ngơi aơ nâm ntĭt jêng “Ntu Dak Tâm Ton”. n'ho ma tât nar aơ.
Y-Êsau nđăp ur
34Nôk Y-Êsau geh puăn jât năm, păng nđăp ur, du huê bunuyh amoh H'Yudit, kon bu ur Y-Bêri, phung Hitit, jêh ri du huê bunuyh amoh H'Basmat, kon bu ur Y-Êlon, ăt phung Hitit. 35Bar hê ƀăn aơ ƀư rngot ma nau rêh Y-Isăk jêh ri H'Rêbêka.
Currently Selected:
Nau Ntơm 26: CMO2023
Highlight
Share
Copy
Want to have your highlights saved across all your devices? Sign up or sign in
© 2023 United Bible Societies. All rights reserved.
Nau Ntơm 26
26
Y-Isăk ta Gêra
1Nau hŏ tât jêh ji ngot tâm rnôk rô̆ Y-Abraham, aƀaơ tâm n'gor nây geh tay nau ji ngot đŏng. Yor ri, Y-Isăk hăn ta Gêrar, mâp Y-Abimêlek, hađăch phung Philistin. 2Brah Yêhôva tâm mpơl ma păng jêh ri lah: “Lơi hăn ôh ta n'gor Êjipt, ăn gŭ hom tâm n'gor Gâp mra ntĭm ma may. 3Ăn may gŭ njưh tâm n'gor aơ, Gâp mra gŭ ndrel ma kon jêh ri ăn nau ueh uĭn ma kon; yorlah Gâp mra ăn ma may jêh ri ma noi deh kon lĕ nkual bri aơ jêh ri Gâp mra ƀư n'hêl nanê̆ nau Gâp ton jêh ma Y-Abraham, mbơ̆ may.#Ntơm 22:16-18. 4Gâp mra ăn noi deh kon bĭk rơ̆ nâm bu mănh tâm trôk jêh ri ăn ma lĕ noi deh may nkual bri aơ. Lĕ rngôch phung ƀon lan tâm neh ntu mra geh nau ueh uĭn yor tă bơh noi deh may; 5yor Y-Abraham hŏ tông jêh bâr Gâp, djôt prăp lĕ nau Gâp ntĭm nti, nđâp ma lĕ nau vay ntăm, nau vay dăp jêh ri nau vay bơh Gâp.”
H'Rêbêka jêh ri hađăch Abimêlek
6Pôri Y-Isăk gŭ ta Gêrar. 7Yorlah H'Rêbêka ueh ngăn yor ri phung bunuyh gŭ tâm ƀon nây ôp Y-Isăk ma nau ur păng jêh ri Y-Isăk lah: “Păng jêng oh bu ur gâp.” Păng mâu ôh nănh lah: “Bu ur nây jêng ur gâp” yor klach phung bu klâu tâm n'gor, klăp lah bu nkhĭt gâp yor ur.#Ntơm 12:13; 20:2. 8Y-Isăk hŏ gŭ ta nây jŏ jêh, jêh ri geh du nar, Y-Abimêlek, hađăch phung Philistin, gŭ uănh ta mpông bloh jêh ri saơ Y-Isăk ut H'Rêbêka ur păng. 9Y-Abimêlek kuăl Y-Isăk hăn tât jêh ri lah: “Nanê̆ păng jêng ur may! Mâm ƀư may lah: ‘Păng jêng oh bu ur gâp’?” Y-Isăk lah ma hađăch: “Yorlah gâp mĭn êng, lah gâp mâu lah kơt nây gâp mra khĭt yor ur gâp.” 10Y-Abimêlek ôp: “Moh nau may ƀư ma hên pônây? Tơlah geh du huê bunuyh ƀon lan hên lĕ lăn bê̆ch ndrel ma ur may, may hŏ ƀư ma hên tŭp tâm nau tih jêh!” 11Yor ri, Y-Abimêlek ntăm ma lĕ rngôch bunuyh tâm ƀon lan pô aơ: “Mbu nơm pah bunuyh aơ mâu lah ur păng, bu mra nkhĭt ro.”
Y-Isăk geh jêng
12Y-Isăk tuch tăm ntil găr tâm n'gor nây jêh ri năm nây păng geh hao âk lơn du rhiăng tơ̆, yor Brah Yêhôva ăn nau ueh uĭn ma păng. 13Păng jêng ndrŏng, drăp ndơ păng ntop mro tâm ăp nar kŏ tât păng jêng bunuyh dŭt ndrŏng ngăn ngên. 14Păng geh âk phung biăp, ndrôk jêh ri oh mon âk ngăn yor ri phung Philistin mâu nach ma păng. 15Lĕ rngôch ntu dak phung oh mon Y-Abraham, mbơ̆ păng, hŏ kuyh, aƀaơ aơ phung Philistin sŏk neh brôi lơi lĕ rngôch. 16Y-Abimêlek lah ma Y-Isăk: “Du ngai hom may bơh hên, yorlah may lĕ jêng dŭt dăng ktang ngăn lah rđĭl đah hên.”
17Pôri, Y-Isăk chalơi ntŭk nây, hăn ndâk ngih bok tâm rlŭng Gêrar jêh ri gŭ ta nây. 18Y-Isăk kơi kuyh tay ăp ntu dak bu hŏ kuyh jêh tâm rnôk Y-Abraham, mbơ̆ păng. Jêh khĭt Y-Abraham, phung Philistin hŏ brôi lơi ntu dak nây. Păng rnha ntu dak nây tĭng nâm mbơ̆ păng lĕ rnha jêh. 19Ƀiălah dôl phung oh mon Y-Isăk kuyh ntu dak tâm rlŭng jêh ri geh mâp du dak tu luh rdŭl, 20phung rmăk biăp ta Gêrar hăn tâm pit đah phung rmăk biăp Y-Isăk. Khân păng lah: “Dak tu aơ jêng hên de,” yor ri păng rnha ntu dak nây jêng Êsek,#26:20 Êsek ntĭt jêng “nau tâm djrel”. yorlah phung nây hŏ tâm pit đah păng. 21Jêh nây, phung oh mon kuyh du ntu dak êng đŏng jêh ri bu ăt pit đŏng, pôri păng rnha ntu dak nây jêng Sitna.#26:21 Sitna ntĭt jêng “tâm rmot”. 22Y-Isăk chalơi ntŭk nây hăn kuyh du ntu dak êng jêh ri ntu dak aơ mâu geh ôh tâm pit, păng rnha ntu dak nây jêng Rêhôbôt,#26:22 Rêhôbôt ntĭt jêng “ntŭk huy ngăn”. jêh ri lah: “Aƀaơ Brah Yêhôva hŏ ăn ma phung hên du ntŭk gŭ huy ngăn, jêh ri hên mra geh jêng tâm n'gor aơ.”
Brah Ndu ton tay đah Y-Isăk
23Bơh ntŭk nây, Y-Isăk hăn hao ta Bêr-Sêba. 24Tâm măng nây, Brah Yêhôva tâm mpơl jêh ri lah đah păng: “Gâp jêng Brah Ndu Y-Abraham, mbơ̆ kon. Lơi klach ôh, yorlah Gâp gŭ ndrel ma kon. Gâp mra ăn nau ueh uĭn ma kon jêh ri ƀư ma noi deh kon bĭk rơ̆, yor Y-Abraham jêng oh mon Gâp!” 25Y-Isăk rdâk du nơng ƀư brah, kuăl mbơh sơm ma amoh Brah Yêhôva jêh ri rdâk ngih bok păng ta nây. Jêh ri phung oh mon Y-Isăk kuyh du ntu dak ta nây.
Y-Isăk tâm rnglăp đah Y-Abimêlek
26Hađăch Abimêlek văch bơh Gêrar hăn khâl Y-Isăk. Hăn ndrel ma Y-Ahusat nơm nchră jêh ri Y-Pikôl kôranh gai tahan.#Ntơm 21:22. 27Y-Isăk ôp: “khân may tâm rmot ma gâp jêh ri khân may hŏ mprơh jêh gâp du ngai bơh khân may, mâm ƀư khân may hôm hăn văch gay joi gâp đŏng?” 28Khân păng lah: “Hên saơ rah vah jêh Brah Yêhôva hŏ kâp kơl may, pôri hên mĭn vah vang may đah hên ăn geh du nau ton gay ƀư tâm rnglăp ndrel ndrăng he. 29Ăn may ton mâu hôm ôh ƀư nau mhĭk ma hên, nâm bu phung hên mâu hŏ tâm rdâng đah may, ƀiălah hên lơ hô ƀư ueh jêh ri ăn may du luh hăn ma nau đăp mpăn. Aƀaơ may jêng nơm Brah Yêhôva ăn nau ueh uĭn.” 30Y-Isăk ndrăp nau nhêt sa jêh ri khân păng sông sa nhêt ndrel. 31Kah ôi taơ khân păng dâk ơm, ƀư du nau ton ndrăng khân păng. Jêh nây Y-Isăk njŭn khân păng hăn trong jêh ri khân păng hăn ma nau đăp mpăn.
32Tâm nar nây đŏng, phung oh mon Y-Isăk hăn mbơh ma păng ma ntu dak khân păng mhe kuyh. Khăn păng lah: “Hên joi dak saơ jêh.” 33Păng ntơ ntu dak nây jêng Siba.#26:33 Sêba ntĭt jêng “nau ton”. Yor ri ƀon nây amoh Bêr-Sêba#26:33 Bêr-Sêba: Tâm nau ngơi Hêbrơ, rplay ngơi aơ nâm ntĭt jêng “Ntu Dak Tâm Ton”. n'ho ma tât nar aơ.
Y-Êsau nđăp ur
34Nôk Y-Êsau geh puăn jât năm, păng nđăp ur, du huê bunuyh amoh H'Yudit, kon bu ur Y-Bêri, phung Hitit, jêh ri du huê bunuyh amoh H'Basmat, kon bu ur Y-Êlon, ăt phung Hitit. 35Bar hê ƀăn aơ ƀư rngot ma nau rêh Y-Isăk jêh ri H'Rêbêka.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023 United Bible Societies. All rights reserved.