Tiona 3
3
Tiona eka ra hi Ninipa
1Naina ma warahana Iawe 'eka ramai tarea Tiona ruana horo'a ru'u uri'ene: 2<<'Oko ta'era'i ma 'oko ra tarea hanua paina wau Ninipa ma 'oko arahu 'okira ana wara na iria hamu tare kira>>.
3Tiona 'e ta'era'i ma 'e ro'o hana waraha Iawe ma 'e ra hi Ninipa no'o. Hanua 'ene Ninipa inaia te hanua painate ma 'e rae toreana oru hairatoa hana 'oko ra mania tai po'o tarea te po'o. 4Ana etana hairatoa, Tiona 'e tara'e arahu 'okira raona hanua paina wau: <<Haiawarani hairatoa ru'u ma Ninipa 'eka rao Napota.>> 5Ma hi ta'a ni Ninipa kira hito'o ana warana Warato'o. Ma kira ka poira'ania torimemeha hana kira siko, no'o mania rikimana 'i paina tarea rikimana mera masika, ma kira hokosia maku akari ma piri'a kira 'urihana noni 'e 'oni raona raeuruha.
6Ma horo'a wara 'eka hura ana houra ana Ninipa, ma 'eka ta'era'i mania hauni painaha naia, ma ka ho'esia rikimana nauniha naia 'e hokosia, ma 'e hokosia maku akari ma piri'a naia ma 'e to'oru no'o hauhu'a raona 'ora'ora. 7Naina ma mane 'eka ha'ahoura'ania warana raona Ninipa ha'eraku:
<<Mania inau houra ha'ania rikimana na'oni painaha nau:
<'Au si raita'ania hana te noni ma te tatare 'uta ru'u hana 'eka tauohonana te 'are, 'au si raita'ania hana kira ka hana ma kira ka ko'u. 8Tairihi 'au ka raita'ania rikimana noni ma rikimana tatare hana kira ka hokosia maku akari ma piri'a kira 'urihana ta'a kira 'oni ana raeuruha. Ma raita'ania rikimana ta'a kira ka poi ana ho'aha tarea Warato'o. 9Mo'are? Warato'o 'eka rao orisi manataha ma 'eka rao po'ota'i mania raeta'aha rika'a naia ma taina koru si mae.> >>
10Ma horo'a Warato'o 'e resia 'are 'uta nia kira taua ma horo'a kira po'ota'i mania hi totoraha ma'arete rika'a kira, ma Warato'o 'e rikita'i mania 'are ma'asiana 'e tau hana potariana kira ma 'ema taua.
Currently Selected:
Tiona 3: ALU
Highlight
Share
Copy
Want to have your highlights saved across all your devices? Sign up or sign in
© 2024, Islands Bible Ministries. All rights reserved.
