Ruti 3
3
Ruti na Boazi Te Ngoyni Ka Borete ni Busoa Bali
1Kike tava Naomi ravae Ruti savoy goyti te kue oye, Toqu, aro sa gae me poyta ka namo re kike like, soy re me ku mo kumala no mo ku vanoyni. 2Oye Boazi goyti, sa tungene oyra nabulu qule re ko la jaju una oyra te barue, oye torae qo boysi ro. Vatana! Kose ini oye mela borete oyra busoa bali. 3Re mo siqe vanoyi no mo talani seninim lum, no mo vapoka oyra mo bubute noyinoyi. Bito ta, re mo zo julo la te ngoyni ka borete ni bali, ba moyna ko vamoyo oye me utini re ko la ku ge, me doka te sada oye me bito oykea ona pitaniaki no luka. 4Sada oye sa bokolo, re mo mia vanoyi la ngoyni oye sa la bekoloa. No re mo zo la mo la takele tomana suae ona bubute lata te teteparae nikini no mo la bokolo. Oye me soynani amo re pita mo joyjini.
5Sanoyi to! Aro me joyjini bito to oyra pisipita ko soyna re, Ruti sa vatavele la. 6Si oye sa zo julo la te ngoyni ka borete ni bali no sa joyjini bito to oye oyra pisipita ravae sa soynani oye.
7Sada Boazi sa bito oykea pitaniaki no luka vaini no sa kola varoka pongoa, oye sa zo la te tomanasuae ngoyni ka quqeni busoa bali, sa la bokolo. Ruti sa zo qanuele la, sa la takele tomana suae bubute lata te teteparae nikini oye no sa la bokolo. 8Te luboro kose like sa pupulema, no sada oye sa boytanga no sa pulisini kike qule sa bokolo vatenge nikinia.
9Ada re, ne? Oye sa tana.
Aro mo nabulu Ruti, oye sa vatavele la. Mo riqese kotae mo bubute lata no mo sapeneni aqo, bati re ko boysi aramitaki.#3.9 Boysi aramitaki ne boysi sa perini tutungono te likae o torae sali. Sada likae o torae sa tu ona qule ne, boysi aramitaki ta me tungene ona qule no me vapudo koyna so likae so li moyna ne.
10Savoy goyti Boazi, Iaova me manani amo re, toqu, savoy. Tu kamonae goyti sa poyu koye oyra pita ko vatakabola moyna re: Re kama poyta mo kike like varoqa, moyna oye sa boysi tutupari ba sa boysi oza. 11No sinani, toqu, moyna ko isi. Aro me joyjini koyna amo re oyra pisipita re ko pine. Oyra boysi taba te kumala goyti ka utini re ko kike qule noyi sua. 12Sa tuna to aro ko boysi aramitaki, ba sa ku vele kike boysi aramitaki sa vatenge varoka mo like re, sa koye aqo ro. 13Re mo ku aba to goyti kose ini, no te saruku aro me la tanani oye, sada oye sa tuqe me miatoyke amo re, sanoyi to, oye me miatoyke amo re. Ba sada oye kama tuqinivo me miatoyke amo re ne, aro ko pokitini qo ngeoro te tarakenakae Iaova tu, aro me miatoyke amo re. Re mo bokolo, mo ku goyti me doka te saruku.
14Savoy ta oye si, Ruti sa bokolo napu vatenge teteparae nikini Boazi, doka te saruku, ba oye sa surutapadire te saruku longoro korovita ka boysi me mia utini tarakenakae ka oye; bati Boazi kama soyko vo ka oye me utini, qule sa me te ngoyni ka borete ni bali.
15Boazi savoy vele, Mo kea me aqo ro pua ko speneni avaram no mo zoybuni la te lua. Sada Ruti sa joyjini pita oye sa soyna, Boazi sa vuneke la te bubute vatanga tolongonu kiloqaram bali no sa kea la te kue Ruti. Bito ta, oye sa iro la bali, sa sipele la te kumala.
16Sada Ruti sa la doka te kue ravae, Naomi sa tanani oye, Besa jaju voy oyra pita ne, toqu?
Savoy ta oye, Ruti sa soynani ravae tabae oyra pita Boazi sa joyjini te kue oye 17no Ruti sa soma vele savoy, Boazi sa kea aqo ro vatanga tolongonu kiloqaram bali, oye savoy, kasi zo vele saru la te kue ravam.
18Bito ta, Naomi savoy goyti, Mo peri, toqu, me doka sada mutu mia oyra pita me takabula. Boysi goyti sa taka me zengo me doka te sada me vatutungene vanoyi oyra pita goyti te tava ini, savoy.
Currently Selected:
Ruti 3: BAA
Highlight
Share
Compare
Copy
Want to have your highlights saved across all your devices? Sign up or sign in
© 2024, Islands Bible Ministries. All rights reserved.
Ruti 3
3
Ruti na Boazi Te Ngoyni Ka Borete ni Busoa Bali
1Kike tava Naomi ravae Ruti savoy goyti te kue oye, Toqu, aro sa gae me poyta ka namo re kike like, soy re me ku mo kumala no mo ku vanoyni. 2Oye Boazi goyti, sa tungene oyra nabulu qule re ko la jaju una oyra te barue, oye torae qo boysi ro. Vatana! Kose ini oye mela borete oyra busoa bali. 3Re mo siqe vanoyi no mo talani seninim lum, no mo vapoka oyra mo bubute noyinoyi. Bito ta, re mo zo julo la te ngoyni ka borete ni bali, ba moyna ko vamoyo oye me utini re ko la ku ge, me doka te sada oye me bito oykea ona pitaniaki no luka. 4Sada oye sa bokolo, re mo mia vanoyi la ngoyni oye sa la bekoloa. No re mo zo la mo la takele tomana suae ona bubute lata te teteparae nikini no mo la bokolo. Oye me soynani amo re pita mo joyjini.
5Sanoyi to! Aro me joyjini bito to oyra pisipita ko soyna re, Ruti sa vatavele la. 6Si oye sa zo julo la te ngoyni ka borete ni bali no sa joyjini bito to oye oyra pisipita ravae sa soynani oye.
7Sada Boazi sa bito oykea pitaniaki no luka vaini no sa kola varoka pongoa, oye sa zo la te tomanasuae ngoyni ka quqeni busoa bali, sa la bokolo. Ruti sa zo qanuele la, sa la takele tomana suae bubute lata te teteparae nikini oye no sa la bokolo. 8Te luboro kose like sa pupulema, no sada oye sa boytanga no sa pulisini kike qule sa bokolo vatenge nikinia.
9Ada re, ne? Oye sa tana.
Aro mo nabulu Ruti, oye sa vatavele la. Mo riqese kotae mo bubute lata no mo sapeneni aqo, bati re ko boysi aramitaki.#3.9 Boysi aramitaki ne boysi sa perini tutungono te likae o torae sali. Sada likae o torae sa tu ona qule ne, boysi aramitaki ta me tungene ona qule no me vapudo koyna so likae so li moyna ne.
10Savoy goyti Boazi, Iaova me manani amo re, toqu, savoy. Tu kamonae goyti sa poyu koye oyra pita ko vatakabola moyna re: Re kama poyta mo kike like varoqa, moyna oye sa boysi tutupari ba sa boysi oza. 11No sinani, toqu, moyna ko isi. Aro me joyjini koyna amo re oyra pisipita re ko pine. Oyra boysi taba te kumala goyti ka utini re ko kike qule noyi sua. 12Sa tuna to aro ko boysi aramitaki, ba sa ku vele kike boysi aramitaki sa vatenge varoka mo like re, sa koye aqo ro. 13Re mo ku aba to goyti kose ini, no te saruku aro me la tanani oye, sada oye sa tuqe me miatoyke amo re, sanoyi to, oye me miatoyke amo re. Ba sada oye kama tuqinivo me miatoyke amo re ne, aro ko pokitini qo ngeoro te tarakenakae Iaova tu, aro me miatoyke amo re. Re mo bokolo, mo ku goyti me doka te saruku.
14Savoy ta oye si, Ruti sa bokolo napu vatenge teteparae nikini Boazi, doka te saruku, ba oye sa surutapadire te saruku longoro korovita ka boysi me mia utini tarakenakae ka oye; bati Boazi kama soyko vo ka oye me utini, qule sa me te ngoyni ka borete ni bali.
15Boazi savoy vele, Mo kea me aqo ro pua ko speneni avaram no mo zoybuni la te lua. Sada Ruti sa joyjini pita oye sa soyna, Boazi sa vuneke la te bubute vatanga tolongonu kiloqaram bali no sa kea la te kue Ruti. Bito ta, oye sa iro la bali, sa sipele la te kumala.
16Sada Ruti sa la doka te kue ravae, Naomi sa tanani oye, Besa jaju voy oyra pita ne, toqu?
Savoy ta oye, Ruti sa soynani ravae tabae oyra pita Boazi sa joyjini te kue oye 17no Ruti sa soma vele savoy, Boazi sa kea aqo ro vatanga tolongonu kiloqaram bali, oye savoy, kasi zo vele saru la te kue ravam.
18Bito ta, Naomi savoy goyti, Mo peri, toqu, me doka sada mutu mia oyra pita me takabula. Boysi goyti sa taka me zengo me doka te sada me vatutungene vanoyi oyra pita goyti te tava ini, savoy.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
© 2024, Islands Bible Ministries. All rights reserved.