Ruti 4
4
Boazi Sa Reke Ruti
1Sinani Boazi sa zo puka la te ngoyni toritori vatenge mataqamanae kumala, no sa la tongunu ge. Te sada ta boysi aramitaki, oye boysi sa soyna moyna Boazi te kue Ruti ne, sa paqolo tae te ngoyni naoyene, no Boazi savoy te kue oye, taliqe mo zo me no mo me tongunu goyti re, likaqu. Si oye sa liqo la no sa la tongunu.
2Savoy ta oye, Boazi sa vene mano oyra kajikaji ni te kumala no oye sa soynani oyra, Mina tongunu goyti, no oyra ka vauteve pita oye sa soyna. 3Bito ta Boazi sa soynani boysi aramitaki, kike tautae lua sa tungene moyna likaeadu Elimeleki sa ku goyti, no Naomi sa kesini vodu ni Moabi, sa vele napu me te kue ita sinani, no oye sa soyko me va ngunguta. 4Aro ko iro me nanana goyti, ko soyko vautini amo re no ko noyne voyna re mo ngota tautae lua goyti te tarakenakae doyra oyra boysi ka tongunu goyti no te tarakenakae doyra oyra kajikajia doyra oyra qo boysi. Sada re ko soyko miatoyke tautae lua goyti ne mo miatoyke sinani. Ba sada re kama voy mo miatoyke ko voy ne, mo vautini aqo ro, soy aro me utini, bati kareo vele ka oye sa majala miatoyke pita goyti ba re moyna to no vakeria ne aro to soy.
Savoy goyti boysi aramitaki, Me miatoyke ro lua ta, savoy.
5Ba savoy goyti Boazi, Te tava re ko ngota tautae lua te kue Naomi no te kue Ruti qule ni Moabi, re mo ngota vele nabokoa Maloni, soy tautae lua ta me ku vanadu te taritongoa boysi sa li.
6Te sada goti, boysi aramitaki savoy, Savoy moyna ta oye si aro sa takani aqo me miatoyke lua ta bati kama majala doyra tungene soma oyra so vatasuku te ro. Pale mo re karapoka aramitaki te ro, bati aro sa takani aqo me miatoyke.
7(Te oyra sada tori moyna la, sada oyra boysi ni Izireli ka miatoyke ba ka arasukani pisipita tutupari ne, goyti pita oyra ka joyjini te vanoydo vanoyia ngeoro: boysi kinaka, oye sa soypalure pisipita tutupari sa jupe ona vulivuli no sa kea la vakeria boysi, oye boysi sa miatoyke oyra pita tutungono. Goyti savoy jokae oyra Izireli ka vanoydo vatovato.)
8Savoy ta oye si, boysi sa aramitaki savoy goyti te kue Boazi, Mo ngota tamo lua ta. No oye sa jupe ona vulivuli.
9Sinani Boazi sa soynani oyra kajikaji no oyra boysi taba ka araququni te ngoyni naoyene, Te tava ini ram taba kam miabito, aro ko ngota bito te kue Naomi, pisipita taba sa tungene Elimeleki no pisipita taba kuru tungene Kilioni na Maloni. 10Sa soyva vele to, aro ko ngota Ruti, qule ni Moabi, oye nabokoa Maloni, me qule kutae te ro, soy tautae lua ta me ku vanadu to te taritingoa boysi sa li, soy oyra sokutu arasumae oye kasi vo nuro te luboro ona pupu no kumala. Te tava ini ram kam miabito pita goyti, savoy.
11Savoy ta oye, oyra kajikaji no oyra boysi taba ka vanata ka ku te ngoyni ka totoria, kavoy, Rami kami miabito. Iaova me vamajele qule goyti sa me te mo kumala me soyva Riseli na Lia, oyru kuru vazopoka Izireli, kuru vapudo taba so no taba sapokoa doyru.Oye me vamajele amo mo ku vanoyi te pupu ni Eparaiti, no me zo varangam te kumala ni Betilema. 12Oyra so Iaova me kea amo te kue qule varoqa goyti mara vazadeve mo pupu, me soyva to pupu te Perezi, Tama sa vapudo te kue Juda.
13Savoy ta oye Boazi sa reke Ruti no oye sa ona qule kutae. No oyru kuru kike ku, no Iaova sa manani Ruti, no oye sa taru, sa vapudo kike solike. 14Kavoy goyti oyra qule te kumala naoyene te kue Naomi: Vazakani Iaova, te tava ini oye sa kea amo re kike aramitaki no solike goyti me zo varangae te vodu ni Izireli. 15Oye sa majala varoqani mo tu no sa majala miatoyke amo re, mela doka te sada re mo la balava varoka, kavoy. Bati ravam re - Ruti, oye sa noyne amo re no sa vapudo solike, sa voy ta si, ravam qule sa majala koy oyra pita ka majala joyjini oyra vetu kamake like.
16No Naomi sa kuto so, sa toybe te koyrisi no sa miatoyke oye soy. 17Oyra qule ka ku te ngoyni ta, kavoy, Naomi sinani sa ku kike babunu like. No oyra ka taritengeni oye Opiti. Opiti sa tamae Jesi, no Jesi sa tamae Deviti.
Sokutu Arasuma Te Deviti
18Goyti sokutu arasumaea Perezi:
Perezi tamaea Hezironi,
19Hezironi tamaea Ramu,
Ramu tamaea Aminadabi.
20Aminadabi tamaea Nasoni,
Nasoni tamaea Salamoni.
21Salamoni tamaea Boazi,
Boazi tamaea Opiti.
22Opiti tamaea Jesi,
no Jesi tamaea Deviti.
Currently Selected:
Ruti 4: BAA
Highlight
Share
Compare
Copy
Want to have your highlights saved across all your devices? Sign up or sign in
© 2024, Islands Bible Ministries. All rights reserved.
Ruti 4
4
Boazi Sa Reke Ruti
1Sinani Boazi sa zo puka la te ngoyni toritori vatenge mataqamanae kumala, no sa la tongunu ge. Te sada ta boysi aramitaki, oye boysi sa soyna moyna Boazi te kue Ruti ne, sa paqolo tae te ngoyni naoyene, no Boazi savoy te kue oye, taliqe mo zo me no mo me tongunu goyti re, likaqu. Si oye sa liqo la no sa la tongunu.
2Savoy ta oye, Boazi sa vene mano oyra kajikaji ni te kumala no oye sa soynani oyra, Mina tongunu goyti, no oyra ka vauteve pita oye sa soyna. 3Bito ta Boazi sa soynani boysi aramitaki, kike tautae lua sa tungene moyna likaeadu Elimeleki sa ku goyti, no Naomi sa kesini vodu ni Moabi, sa vele napu me te kue ita sinani, no oye sa soyko me va ngunguta. 4Aro ko iro me nanana goyti, ko soyko vautini amo re no ko noyne voyna re mo ngota tautae lua goyti te tarakenakae doyra oyra boysi ka tongunu goyti no te tarakenakae doyra oyra kajikajia doyra oyra qo boysi. Sada re ko soyko miatoyke tautae lua goyti ne mo miatoyke sinani. Ba sada re kama voy mo miatoyke ko voy ne, mo vautini aqo ro, soy aro me utini, bati kareo vele ka oye sa majala miatoyke pita goyti ba re moyna to no vakeria ne aro to soy.
Savoy goyti boysi aramitaki, Me miatoyke ro lua ta, savoy.
5Ba savoy goyti Boazi, Te tava re ko ngota tautae lua te kue Naomi no te kue Ruti qule ni Moabi, re mo ngota vele nabokoa Maloni, soy tautae lua ta me ku vanadu te taritongoa boysi sa li.
6Te sada goti, boysi aramitaki savoy, Savoy moyna ta oye si aro sa takani aqo me miatoyke lua ta bati kama majala doyra tungene soma oyra so vatasuku te ro. Pale mo re karapoka aramitaki te ro, bati aro sa takani aqo me miatoyke.
7(Te oyra sada tori moyna la, sada oyra boysi ni Izireli ka miatoyke ba ka arasukani pisipita tutupari ne, goyti pita oyra ka joyjini te vanoydo vanoyia ngeoro: boysi kinaka, oye sa soypalure pisipita tutupari sa jupe ona vulivuli no sa kea la vakeria boysi, oye boysi sa miatoyke oyra pita tutungono. Goyti savoy jokae oyra Izireli ka vanoydo vatovato.)
8Savoy ta oye si, boysi sa aramitaki savoy goyti te kue Boazi, Mo ngota tamo lua ta. No oye sa jupe ona vulivuli.
9Sinani Boazi sa soynani oyra kajikaji no oyra boysi taba ka araququni te ngoyni naoyene, Te tava ini ram taba kam miabito, aro ko ngota bito te kue Naomi, pisipita taba sa tungene Elimeleki no pisipita taba kuru tungene Kilioni na Maloni. 10Sa soyva vele to, aro ko ngota Ruti, qule ni Moabi, oye nabokoa Maloni, me qule kutae te ro, soy tautae lua ta me ku vanadu to te taritingoa boysi sa li, soy oyra sokutu arasumae oye kasi vo nuro te luboro ona pupu no kumala. Te tava ini ram kam miabito pita goyti, savoy.
11Savoy ta oye, oyra kajikaji no oyra boysi taba ka vanata ka ku te ngoyni ka totoria, kavoy, Rami kami miabito. Iaova me vamajele qule goyti sa me te mo kumala me soyva Riseli na Lia, oyru kuru vazopoka Izireli, kuru vapudo taba so no taba sapokoa doyru.Oye me vamajele amo mo ku vanoyi te pupu ni Eparaiti, no me zo varangam te kumala ni Betilema. 12Oyra so Iaova me kea amo te kue qule varoqa goyti mara vazadeve mo pupu, me soyva to pupu te Perezi, Tama sa vapudo te kue Juda.
13Savoy ta oye Boazi sa reke Ruti no oye sa ona qule kutae. No oyru kuru kike ku, no Iaova sa manani Ruti, no oye sa taru, sa vapudo kike solike. 14Kavoy goyti oyra qule te kumala naoyene te kue Naomi: Vazakani Iaova, te tava ini oye sa kea amo re kike aramitaki no solike goyti me zo varangae te vodu ni Izireli. 15Oye sa majala varoqani mo tu no sa majala miatoyke amo re, mela doka te sada re mo la balava varoka, kavoy. Bati ravam re - Ruti, oye sa noyne amo re no sa vapudo solike, sa voy ta si, ravam qule sa majala koy oyra pita ka majala joyjini oyra vetu kamake like.
16No Naomi sa kuto so, sa toybe te koyrisi no sa miatoyke oye soy. 17Oyra qule ka ku te ngoyni ta, kavoy, Naomi sinani sa ku kike babunu like. No oyra ka taritengeni oye Opiti. Opiti sa tamae Jesi, no Jesi sa tamae Deviti.
Sokutu Arasuma Te Deviti
18Goyti sokutu arasumaea Perezi:
Perezi tamaea Hezironi,
19Hezironi tamaea Ramu,
Ramu tamaea Aminadabi.
20Aminadabi tamaea Nasoni,
Nasoni tamaea Salamoni.
21Salamoni tamaea Boazi,
Boazi tamaea Opiti.
22Opiti tamaea Jesi,
no Jesi tamaea Deviti.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
© 2024, Islands Bible Ministries. All rights reserved.