Popodalaina 5
5
Na Tutina i Adama Kamu tai Noa
1Alepi sa na vavakatona na veveina na tutina i Adama.
Totonai sa vapodakia sa na tinoni sa na Tamasa, sa sa roitinia pa kirena na Tamasa. 2Na marene beto na rereko sa sa roitiniria ko sa mananiria beto sa vaisongoniria <<Na Tinoni#5.2 Pa paranga Hiburu na paranga <<Adama>> na ginuana sa <<Na Tinoni>>.>> totonai sa vapodakaria.
3Totonai sa kai gogoto uengavuluputa aorona si Adama, sa sa vaporea isa sa kai tuna marene pa kirena mekana, vei puputa tugu mekana, ko sa vaisongonia i Seti. 4Ko pa liguna sa vaporea isa si Seti, sa sa suvere mutu vesugogoto aoro si Adama ko sa vaporeria mule isa sa kaki goto tuna marene na tuna rereko. 5Ko na vaikamuna doru rane sa suveria i Adama sa ka sia gogoto uengavuluputa aoro, beto sa sa mate.
6Totonai sa kai gogoto lima aorona si Seti, sa qi vaporea isa si Enosi. 7Ko pa liguna qi vaporea isa si Enosi, sa qi suvere mutu vesugogoto vitu aoro si Seti ko qi vaporeria mule sa kaki goto tuna marene na tuna rereko. 8Ko na vaikamuna doru rane sa suveria i Seti sa ka sia gogoto manogarua aoro, beto sa sa mate.
9Totonai sa siangavuluputa aorona si Enosi, sa qi vaporea isa si Kenani. 10Ko pa liguna qi vaporea isa si Kenani, sa qi suvere mutu vesugogoto manogalima aoro si Enosi ko qi vaporeria mule isa sa kaki goto tuna marene na tuna rereko. 11Ko na vaikamuna doru rane sa suveria i Enosi sa ka sia gogoto lima aoro, beto sa sa mate.
12Totonai sa vitungavuluputa aorona si Kenani, sa qi vaporea isa si Mahalaleli. 13Ko pa liguna qi vaporea isa si Mahalaleli, sa qi suvere mutu vesugogoto madengavuluputa aoro si Kenani ko qi vaporeria mule sa kaki goto tuna marene na tuna rereko. 14Ko na vaikamuna doru rane sa suveria i Kenani sa ka sia gogoto manogaputa aoro, beto sa sa mate.
15Totonai sa vonomongavulu lima aorona si Mahalaleli, sa qi vaporea isa si Jaredi. 16Ko pa liguna qi vaporea isa si Jaredi, sa qi suvere mutu vesugogoto uengavuluputa aoro si Mahalaleli ko qi vaporeria mule sa kaki goto tuna marene na tuna rereko. 17Ko na vaikamuna doru rane sa suveria i Mahalaleli sa ka vesugogoto siangavulu lima aoro, beto sa sa mate.
18Totonai sa kai gogoto vonomongavulu karu aorona si Jaredi, sa qi vaporea isa si Inoke. 19Ko pa liguna sa vaporea isa si Inoke, sa qi suvere mutu vesugogoto aoro si Jaredi ko qi vaporeria mule sa kaki goto tuna marene na tuna rereko. 20Ko na vaikamuna doru rane sa suveria i Jaredi sa ka sia gogoto vonomongavulu karu aoro, beto sa sa mate.
21Totonai sa vonomongavulu lima aorona si Inoke, sa qi vaporea isa si Metusela. 22Ko pa liguna sa vaporea isa si Metusela, i Inoke sa rerege tavitia na Tamasa kue gogoto aoro ko qi vaporeria mule sa kaki goto tuna marene na tuna rereko. 23Ko na vaikamuna doru rane sa suveria i Inoke sa kue gogoto vonomongavulu lima aoro. 24Ego i Inoke sa sa rerege tavitia na Tamasa ko qi maragutu, ura na Tamasa qi teku variua.
25Totonai sa kai gogoto vesungavulu vitu aorona si Metusela sa qi vaporea isa si Lemeki. 26Ko pa liguna qi vaporea isa si Lemeki, sa qi suvere mutu vitu gogoto vesungavulu karu aoro si Metusela ko qi vaporeria mule sa kaki goto tuna marene beto tuna rereko. 27Ko na vaikamuna doruna rane sa suveria i Metusela sa ka sia gogoto vonomongavulu sia aoro, beto sa sa mate.
28Totonai sa kai gogoto vesungavulu karu aorona si Lemeki, sa qi vaporea isa sa kai tuna marene, 29ko sa vakukunia i Noa isa ura pira sau, Api sa mina vamanotogita#5.29 Pa paranga Hiburu na paranga <<Noa>> sa vaiqiro vei na paranga <<manoto>>. pa oda roiti mamatadi beto na vitigina na limada sa veinia na peso sa levenia i Iahova, sau 30Ko pa liguna qi vaporea Noa, sa qi suvere mutu lima gogoto sia ngavulu sia aoro si Lemeki ko qi vaporeria mule kaki goto tuna marene beto tuna rereko. 31Ko na vaikamuna doru rane sa suveria i Lemeki sa ka vitu gogoto vitungavulu vitu aoro, beto sa sa mate.
32Ego totonai sa lima gogoto aorona si Noa, sa qi vaporeria i Noa sira Semu, i Gami beto i Japeti.
Currently Selected:
Popodalaina 5: LGA
Highlight
Share
Copy
Want to have your highlights saved across all your devices? Sign up or sign in
© 2024, Islands Bible Ministries. All rights reserved.
