Luk 20
20
Yiŋ Yesus miŋyaŋa gonda muki iŋgu inariy
(Mat 21:23-27; Mak 11:27-33)
1Nal diyara, Yesus Takela ragu fom yeyiŋ inda welalem, kuka payiŋ sawanaŋ sayiy. Iŋgura taboŋ taboŋ tawbi lem dagu tusu, iŋaŋ lem Moses dagu kabol suŋuta iŋgu, tusu taboŋ taboŋ dip iŋ siŋinda epyaŋa. 2Iŋgura nigu daryaŋa, <<Ga daridita, ga ulal bituwta iŋgu muki giray inda? Tusu gonda muki iŋgu sagiy?>> 3Iŋgura Yesus iŋanaŋ miŋyiy, <<Na yit ulal diya nina miŋ dugusu, iŋgu di darinina, 4Yon welalem wayu kiy, iŋgu saba buŋtara ma lem buŋtara epriy? Ma Takelara dariŋ bituw kiy?>> 5Iŋgura yiŋ sip lapyanda nigu giyaŋa, <<Niŋ nigu ginkina, <Iŋgu ulal saba buŋta ragu ginkina go, iŋ nigu gip, <Arya di giran iŋ nina buwada payiŋ tiyaŋ melaŋ?> 6Gu niŋ ulal iŋgu lem dagu niŋgi ginkina go iŋgu, welalem atŋinda sa amikusu durpiŋ, giran lem atŋinda yiŋ Yon iŋgu Profet diya guwta.>> 7Iŋguniŋ yiŋ Yesus dagu kuka nigu ketyaŋa, <<Yon kabol iŋgu gakta ey iŋgu niŋ iŋaw kiyaŋnin melaŋ.>> 8Iŋgura Yesus nigu dariyiy, <<Na yit day sadugu yuŋ, gonda muki ini saniŋ na urta towtam iŋgu,>> giy.
Kuka luŋiyaŋ lem buli wayin aramay ulawta iŋgu ragu
(Mat 21:33-46; Mak 12:1-12)
9Yesus kuka luŋiyaŋ diya nigu welalem dariyiy, <<Lem diya wain aramay bitiriy. Iŋgura ow lem yiŋ yebausu uratay tow kiyaŋ guniŋ sayiy. Arya iŋ sip go ley ya diya yeba sip gura nal loŋ sip kiy. 10Arya nal tiy da wain iŋgu egay kerkera ragu iŋgura go, iŋ lem urata yabaŋay melaŋ towti diyap suliyiŋ ley lem wain aramay ulaw kiyaŋa iŋgu siŋyanda. Iŋgura arama iŋguragu aŋyay diya inaŋ guniŋ. Gu lem arama uratay towkiyaŋa iŋgu, yiŋ lem urata yabaŋay melaŋ towti iŋgu feŋawsu, belak suliŋ ley. 11Iŋguniŋ, iŋ lem urata yabaŋay melaŋ towti iŋgu debay diya suliŋ siŋyanda ley. Gu iŋ yit feŋawsu keraŋ buli sip tiy, iŋgura suliŋ belak ley. 12Iŋguniŋ Iŋ atebaw lem urata yabaŋay melaŋ towti iŋgu diyap suliŋ ley. Gu yiŋ yit buli sip giyasu sabirŋiŋ mawtara ley.
13Iŋguniŋ arama ewi nigu giy, <Mat na gira gorukuna? Na mat apmonuna soŋna payit totuwtam iŋgu sulukuna lep. Iŋgutiŋgu yiŋ tolpiŋ,> giy. 14Gu lem aramara urata towkiyaŋa iŋgu yiŋ apmonunim neŋyaŋa epriy, iŋguniŋ yiŋsip nigu lapyanda kuka tiyaŋa, <Lem ini ewi emap go iŋ ewni ragu ulal atŋinda iŋda welip. Iŋguniŋ niŋ urnikina emaŋ, niŋ sip ulal atŋinda ini tonkina.> 15Iŋgura yiŋ epe towsu oku ow arama sow mawtara lowsu urŋiŋ emariy. Arya di iŋageta go wain aramay ewi, lem mira iŋgu goriyip?
16Iŋ epe lem aramara urta towta iŋgu yuryiŋ emaŋ, iŋ wain aramay iŋgu ow lem dip sayip.>> Arya lem atŋinda kuka iŋgu iŋawsu nigu giyaŋa, <<Iŋ gugu bitip iŋgu wasiŋ yuŋ!>> 17Gu Yesus neŋyusu, nigu giy, <<Arya giran Takela ragu parda kuka nigu kisyaŋ eti,
<Lem ya bitbitnina yiŋanaŋ sa ini buli gusu sabiryaŋa,
mat go sa iŋgu wasiŋ sip ya kemŋiŋ keraŋ muktiti ragu.>
18Lem atŋinda gon yiŋ sa iŋgu buŋta pasikpiŋ go yiŋ olok yitotpiŋ. Tusu sa iŋgu lem diya buŋta pasikpiŋ go, sa lem iŋgu giyat otpiŋ sip.>>
19Iŋaŋ lem Moses dagu kabol suŋuta iŋgu, tusu taboŋ taboŋ tawbi lem dagu, yiŋ nigu iŋaŋa, Yesus iŋ kuka luŋyaŋ iŋgu yiŋ nina sip giy. Iŋguniŋ nal iŋgura niŋgi yiŋ waraŋusu Yesus tongusu tiyaŋa. Gu yiŋ welalem nina reri tiyaŋa.
Yiŋ Sisa gamudeyiŋ inapiryaŋ, ma yuŋ?
(Mat 2:1-22; Mak 12:13-17)
20Arya taboŋ taboŋ tawbi lem dagu, tusu iŋaŋ lem Moses dagu kabol suŋuta iŋgu, yiŋ patak sip Yesus deyiŋ pituw kiyaŋa. Iŋguniŋ yiŋ lem dip suliyiŋ epyaŋa Yesus daŋpatayi tiyaŋ guniŋ. Lem mira iŋgu yiŋ tobayatuw yiŋ lem pendeŋyeyiŋ gok tusu yiŋ kuka iŋdagu iŋangusu epyaŋa, Yiŋ tobaŋ niŋgi iŋ kuka diya agosŋiŋ niŋgi, iŋgura yiŋ kukara towsu, ow Rom Gabman dagu patiti lem atinda kerangusu. 21Iŋguniŋ yiŋ nigu miŋyaŋa, <<Muŋa lem, niŋ iŋawtaŋ, kuka geragu iŋgu pendeŋyeyiŋ niŋgi, iŋgura ga kuka pendeŋyeyiŋ niŋgi welalem dariyuwta. Yiŋ lem biŋaya geyiŋ ma biŋaya melaŋ, gu ga Takela ragu kuka payiŋ iŋgura niŋgi ga welalem sawanaŋ sayuwta. 22Arya ga gorogoro iŋageta, niŋ Taboŋ beŋgoy Sisa gamudeyiŋ inangin ma yuŋ?>> 23Gu Yesus patuw tobtobaŋga yiŋ dagu iŋgu iŋariy. Iŋguniŋ dariyiy, 24<<Dinarius#20:24 Dinarius Iŋgu gamudeyiŋ, indanis iŋgura takis yebaw kiyaŋa. diyap wel nina. Ini lem gon eŋiŋ tusu waay dinarius buŋta eti?>> giy. Iŋgura Sisa ragu giyaŋa. 25Iŋgura nigu dariyiy, <<Ulal Sisa ragu tip go, iŋgu Sisa inana. Ayra ulal Takela ragu tip go iŋgu Takela inana.>> 26Arya Yesus kuka yiŋdagu iŋgu welalem guway deŋyanda ketŋiŋ niŋgi, iŋgura yiŋ waraŋraŋ buli tiyaŋa. Iŋ kuka diya giŋ niŋgi yiŋ towsu ow le kukara toŋiniŋ yuŋ. Iŋgura yiŋ kuka yuŋ, tiŋtuŋ yusu kiyaŋa.
Sadyusi yiŋ Yesus miŋyaŋa lem emasu waraŋuti iŋgu ragu
(Mat 22:23-33; Mak 12:18-27)
27Lem dip Sadyusi nina yiŋ Yesus miŋnigusu, iŋguniŋ yiŋ Yesus siŋinda epyaŋa. Sadyusi#20:27 Sabyusi: Iŋgu Ya diya yuŋ, iŋgu grup diya. yiŋ nigu guwta lem emawta iŋgu waraŋu kiyaŋya melaŋ lem iŋgu yiŋ nigu guwta, lem emaŋa patuw iŋgu yiŋ atebaw waraŋ piraŋ yuŋ guwta. 28Lem mira iŋgu yiŋ nigu Yesus daryaŋa, <<Muŋa lem, Moses niŋ nina kabol nigu kisriy. Lem diya iŋ wela owsu apmonu diya bosyaŋ melaŋ kusu emap go, oni iŋanaŋ kakani obay iŋgu owsu, apmonu keraŋ futtipir. Iŋgura kakay indagu asila fukyipir yuŋ. 29Arya indanis go, lem diya iŋ onni yiŋ sewen kiyaŋa. Kakay amar iŋ wela ey go iŋ apmonu yuŋ kusu emariy. 30Arya oni iŋanyaŋ kakani obay iŋgu ey, 31gugu sip, atebaw oni suŋyaŋ iŋana wela iŋgu ey. Lem sewen iŋgu atŋinda gusu kakya obay iŋgu iyaŋa, go yiŋ apmonu diya keraŋ futtiyaŋa melaŋ kusu, atŋinda gusu emamitaŋa. 32Arya emita wela iŋgu yit emariy. 33Arya emta emema lem waraŋpiŋ nal iŋgura go, wela iŋgu gon sip weliŋ tip? Ga iŋawta, lem sewen iŋgu yiŋ atŋinda gusu wela iŋgu eŋ niŋgi welaya kiy.>>
34Iŋgura Yesusda nigu daririy, <Mat nal etaŋ inimda go welalem yiŋ duŋe tuwta, tusu wela kuluŋu low eputaw. 35Gu, emita welalem pendeŋyeyiŋ gon yiŋ Takelara alayiy waraŋusu le iŋ isi kip giy iŋgu go, yiŋ duŋe tipiraŋ yuŋ, tusu wela kuluŋu low epu kipiraŋ yuŋ. 36Yiŋ Takela ragu suliyaŋ lem gok kip, yiŋ atebaw emapiraŋ yuŋ. Yiŋ emema lem afuyanda kiŋ, Takela patuw wageryiy. Iŋgura yiŋ Takela urmiŋ eta.
37Arya welalem atebaw waraŋpiŋ iŋgu ragu, tipsosoyiŋ go Da bulakayiŋ ditda diy iŋgu nawŋonda eti, iŋgu Mosesda kisriy iŋgu di weyusu iŋaŋa. Iŋ nigu giy, <<Ewumboŋ iŋ Takela Abraam dagu, Aisak daga tusu Yekob dagu.>> 38Iŋgura wel digat go, Takela iŋgu iŋ lem emaŋa iŋgu yiŋdagu yuŋ. Yuŋ. Takela iŋgu iŋ lem yararaŋ eta iŋgu yiŋdagu. Takela deyiŋ inda go welalem emaŋa patuw iŋgu yiŋ yararaŋ eta.>>
39Iŋaŋ lem dip Moses dagu kabol suŋuta iŋgu, yiŋ Yesus kuka tiy iŋgu iŋawsu, yiŋ nigu Yesus daryaŋa, <<Muŋa lem kuka geragu iŋgu wasiŋ,>> giyaŋa. 40Tusu iŋgu usinda, lem gon diya muk tiyaŋ melaŋ atebaw Yesus miŋmiŋ nina.
Yesus welalem miŋyiy, Takela lem alayriy iŋgu nina
(Mat 22:41-46; Mak 12:35-37)
41Arya Yesus nigu iŋaŋ lem Moses dagu kabol suŋuta iŋgu miŋyiy, <<Giran lem nigu guwta, Lem Takelara alayriy welalem soŋni yiŋ ulayiyi nina iŋgu iŋ Dewit urmiŋ guwta? 42Par wak dagu nawŋonda go Dewit iŋ sip nigu giy,
<Ewumboŋ yiŋ Ewumboŋ neragu nigu daririy,
<<Ga atna ero#20:42 atna ero Yuda ragu bala, ati ero kita iŋgi payiŋ peŋ ati ero kita yuŋ, iŋgu afu biŋay geyiŋ tusu muki geyiŋ geyiŋ geyiŋ gura yaŋ tiyaŋ guniŋ. kita nimda yaŋtita
43iŋgura ager geragu atŋinda yakera yukuna gawi ega lefuŋ inda kip.>>>
44Dewit iŋsip go lem iŋgu nina, Ewumboŋ neragu giy. Arya gorogoro tusu lem iŋgu iŋ Dewit urmiŋ tip?>>
Iŋaŋ lem Moses dagu kabol suŋuta iŋgu, yiŋ kabol buli sip bituwta
(Mat 23:1-36; Mak 12:38-40; Luk 11:37-54)
45Welalem atŋinda Yesus sawanaŋ tuwkiŋ iŋaw kiyaŋa, iŋgura nigu muluŋa nimi yiŋ dariyiy, 46<<Di iŋaŋ lem Moses dagu kabol suŋuta iŋgu nina patak sip neŋtot piraŋ, yiŋ tapyow loŋloŋ emusu palaŋu tuw lele nina buwaya tuwti. Yiŋ ababu beŋbeŋ afuy inda go, lemda sarayu ata wasiŋ sayaŋ guniŋ, buwaya tuwti. Tusu Yuda ragu fom yeyiŋ inda go yiŋ, afu lem biŋaya geyiŋ inda yaŋ tuwta gura yaŋ titi nina buwaya tuwti. Tusu aŋyay beŋbeŋ nalinda go yiŋ lem biŋaya geyiŋ indagu gatgat buŋta yaŋ titi nina buwaya tuwti. 47Yiŋ wela lemya yiŋ emaŋa iŋgu tobayusu ya yiŋ dagu ebuwta. Tusu yiŋ tobaya tusu pananaw loŋloŋ bitusu ulal buli bituwta iŋgu saŋuta. Emita kabol buli soŋya iŋgu kebay iniŋ Takela giyayip,>> giy.
Currently Selected:
Luk 20: Madi
Highlight
Share
Copy
Want to have your highlights saved across all your devices? Sign up or sign in
© 2024 Wycliffe Bible Translators, Inc. All rights reserved.
Luk 20
20
Yiŋ Yesus miŋyaŋa gonda muki iŋgu inariy
(Mat 21:23-27; Mak 11:27-33)
1Nal diyara, Yesus Takela ragu fom yeyiŋ inda welalem, kuka payiŋ sawanaŋ sayiy. Iŋgura taboŋ taboŋ tawbi lem dagu tusu, iŋaŋ lem Moses dagu kabol suŋuta iŋgu, tusu taboŋ taboŋ dip iŋ siŋinda epyaŋa. 2Iŋgura nigu daryaŋa, <<Ga daridita, ga ulal bituwta iŋgu muki giray inda? Tusu gonda muki iŋgu sagiy?>> 3Iŋgura Yesus iŋanaŋ miŋyiy, <<Na yit ulal diya nina miŋ dugusu, iŋgu di darinina, 4Yon welalem wayu kiy, iŋgu saba buŋtara ma lem buŋtara epriy? Ma Takelara dariŋ bituw kiy?>> 5Iŋgura yiŋ sip lapyanda nigu giyaŋa, <<Niŋ nigu ginkina, <Iŋgu ulal saba buŋta ragu ginkina go, iŋ nigu gip, <Arya di giran iŋ nina buwada payiŋ tiyaŋ melaŋ?> 6Gu niŋ ulal iŋgu lem dagu niŋgi ginkina go iŋgu, welalem atŋinda sa amikusu durpiŋ, giran lem atŋinda yiŋ Yon iŋgu Profet diya guwta.>> 7Iŋguniŋ yiŋ Yesus dagu kuka nigu ketyaŋa, <<Yon kabol iŋgu gakta ey iŋgu niŋ iŋaw kiyaŋnin melaŋ.>> 8Iŋgura Yesus nigu dariyiy, <<Na yit day sadugu yuŋ, gonda muki ini saniŋ na urta towtam iŋgu,>> giy.
Kuka luŋiyaŋ lem buli wayin aramay ulawta iŋgu ragu
(Mat 21:33-46; Mak 12:1-12)
9Yesus kuka luŋiyaŋ diya nigu welalem dariyiy, <<Lem diya wain aramay bitiriy. Iŋgura ow lem yiŋ yebausu uratay tow kiyaŋ guniŋ sayiy. Arya iŋ sip go ley ya diya yeba sip gura nal loŋ sip kiy. 10Arya nal tiy da wain iŋgu egay kerkera ragu iŋgura go, iŋ lem urata yabaŋay melaŋ towti diyap suliyiŋ ley lem wain aramay ulaw kiyaŋa iŋgu siŋyanda. Iŋgura arama iŋguragu aŋyay diya inaŋ guniŋ. Gu lem arama uratay towkiyaŋa iŋgu, yiŋ lem urata yabaŋay melaŋ towti iŋgu feŋawsu, belak suliŋ ley. 11Iŋguniŋ, iŋ lem urata yabaŋay melaŋ towti iŋgu debay diya suliŋ siŋyanda ley. Gu iŋ yit feŋawsu keraŋ buli sip tiy, iŋgura suliŋ belak ley. 12Iŋguniŋ Iŋ atebaw lem urata yabaŋay melaŋ towti iŋgu diyap suliŋ ley. Gu yiŋ yit buli sip giyasu sabirŋiŋ mawtara ley.
13Iŋguniŋ arama ewi nigu giy, <Mat na gira gorukuna? Na mat apmonuna soŋna payit totuwtam iŋgu sulukuna lep. Iŋgutiŋgu yiŋ tolpiŋ,> giy. 14Gu lem aramara urata towkiyaŋa iŋgu yiŋ apmonunim neŋyaŋa epriy, iŋguniŋ yiŋsip nigu lapyanda kuka tiyaŋa, <Lem ini ewi emap go iŋ ewni ragu ulal atŋinda iŋda welip. Iŋguniŋ niŋ urnikina emaŋ, niŋ sip ulal atŋinda ini tonkina.> 15Iŋgura yiŋ epe towsu oku ow arama sow mawtara lowsu urŋiŋ emariy. Arya di iŋageta go wain aramay ewi, lem mira iŋgu goriyip?
16Iŋ epe lem aramara urta towta iŋgu yuryiŋ emaŋ, iŋ wain aramay iŋgu ow lem dip sayip.>> Arya lem atŋinda kuka iŋgu iŋawsu nigu giyaŋa, <<Iŋ gugu bitip iŋgu wasiŋ yuŋ!>> 17Gu Yesus neŋyusu, nigu giy, <<Arya giran Takela ragu parda kuka nigu kisyaŋ eti,
<Lem ya bitbitnina yiŋanaŋ sa ini buli gusu sabiryaŋa,
mat go sa iŋgu wasiŋ sip ya kemŋiŋ keraŋ muktiti ragu.>
18Lem atŋinda gon yiŋ sa iŋgu buŋta pasikpiŋ go yiŋ olok yitotpiŋ. Tusu sa iŋgu lem diya buŋta pasikpiŋ go, sa lem iŋgu giyat otpiŋ sip.>>
19Iŋaŋ lem Moses dagu kabol suŋuta iŋgu, tusu taboŋ taboŋ tawbi lem dagu, yiŋ nigu iŋaŋa, Yesus iŋ kuka luŋyaŋ iŋgu yiŋ nina sip giy. Iŋguniŋ nal iŋgura niŋgi yiŋ waraŋusu Yesus tongusu tiyaŋa. Gu yiŋ welalem nina reri tiyaŋa.
Yiŋ Sisa gamudeyiŋ inapiryaŋ, ma yuŋ?
(Mat 2:1-22; Mak 12:13-17)
20Arya taboŋ taboŋ tawbi lem dagu, tusu iŋaŋ lem Moses dagu kabol suŋuta iŋgu, yiŋ patak sip Yesus deyiŋ pituw kiyaŋa. Iŋguniŋ yiŋ lem dip suliyiŋ epyaŋa Yesus daŋpatayi tiyaŋ guniŋ. Lem mira iŋgu yiŋ tobayatuw yiŋ lem pendeŋyeyiŋ gok tusu yiŋ kuka iŋdagu iŋangusu epyaŋa, Yiŋ tobaŋ niŋgi iŋ kuka diya agosŋiŋ niŋgi, iŋgura yiŋ kukara towsu, ow Rom Gabman dagu patiti lem atinda kerangusu. 21Iŋguniŋ yiŋ nigu miŋyaŋa, <<Muŋa lem, niŋ iŋawtaŋ, kuka geragu iŋgu pendeŋyeyiŋ niŋgi, iŋgura ga kuka pendeŋyeyiŋ niŋgi welalem dariyuwta. Yiŋ lem biŋaya geyiŋ ma biŋaya melaŋ, gu ga Takela ragu kuka payiŋ iŋgura niŋgi ga welalem sawanaŋ sayuwta. 22Arya ga gorogoro iŋageta, niŋ Taboŋ beŋgoy Sisa gamudeyiŋ inangin ma yuŋ?>> 23Gu Yesus patuw tobtobaŋga yiŋ dagu iŋgu iŋariy. Iŋguniŋ dariyiy, 24<<Dinarius#20:24 Dinarius Iŋgu gamudeyiŋ, indanis iŋgura takis yebaw kiyaŋa. diyap wel nina. Ini lem gon eŋiŋ tusu waay dinarius buŋta eti?>> giy. Iŋgura Sisa ragu giyaŋa. 25Iŋgura nigu dariyiy, <<Ulal Sisa ragu tip go, iŋgu Sisa inana. Ayra ulal Takela ragu tip go iŋgu Takela inana.>> 26Arya Yesus kuka yiŋdagu iŋgu welalem guway deŋyanda ketŋiŋ niŋgi, iŋgura yiŋ waraŋraŋ buli tiyaŋa. Iŋ kuka diya giŋ niŋgi yiŋ towsu ow le kukara toŋiniŋ yuŋ. Iŋgura yiŋ kuka yuŋ, tiŋtuŋ yusu kiyaŋa.
Sadyusi yiŋ Yesus miŋyaŋa lem emasu waraŋuti iŋgu ragu
(Mat 22:23-33; Mak 12:18-27)
27Lem dip Sadyusi nina yiŋ Yesus miŋnigusu, iŋguniŋ yiŋ Yesus siŋinda epyaŋa. Sadyusi#20:27 Sabyusi: Iŋgu Ya diya yuŋ, iŋgu grup diya. yiŋ nigu guwta lem emawta iŋgu waraŋu kiyaŋya melaŋ lem iŋgu yiŋ nigu guwta, lem emaŋa patuw iŋgu yiŋ atebaw waraŋ piraŋ yuŋ guwta. 28Lem mira iŋgu yiŋ nigu Yesus daryaŋa, <<Muŋa lem, Moses niŋ nina kabol nigu kisriy. Lem diya iŋ wela owsu apmonu diya bosyaŋ melaŋ kusu emap go, oni iŋanaŋ kakani obay iŋgu owsu, apmonu keraŋ futtipir. Iŋgura kakay indagu asila fukyipir yuŋ. 29Arya indanis go, lem diya iŋ onni yiŋ sewen kiyaŋa. Kakay amar iŋ wela ey go iŋ apmonu yuŋ kusu emariy. 30Arya oni iŋanyaŋ kakani obay iŋgu ey, 31gugu sip, atebaw oni suŋyaŋ iŋana wela iŋgu ey. Lem sewen iŋgu atŋinda gusu kakya obay iŋgu iyaŋa, go yiŋ apmonu diya keraŋ futtiyaŋa melaŋ kusu, atŋinda gusu emamitaŋa. 32Arya emita wela iŋgu yit emariy. 33Arya emta emema lem waraŋpiŋ nal iŋgura go, wela iŋgu gon sip weliŋ tip? Ga iŋawta, lem sewen iŋgu yiŋ atŋinda gusu wela iŋgu eŋ niŋgi welaya kiy.>>
34Iŋgura Yesusda nigu daririy, <Mat nal etaŋ inimda go welalem yiŋ duŋe tuwta, tusu wela kuluŋu low eputaw. 35Gu, emita welalem pendeŋyeyiŋ gon yiŋ Takelara alayiy waraŋusu le iŋ isi kip giy iŋgu go, yiŋ duŋe tipiraŋ yuŋ, tusu wela kuluŋu low epu kipiraŋ yuŋ. 36Yiŋ Takela ragu suliyaŋ lem gok kip, yiŋ atebaw emapiraŋ yuŋ. Yiŋ emema lem afuyanda kiŋ, Takela patuw wageryiy. Iŋgura yiŋ Takela urmiŋ eta.
37Arya welalem atebaw waraŋpiŋ iŋgu ragu, tipsosoyiŋ go Da bulakayiŋ ditda diy iŋgu nawŋonda eti, iŋgu Mosesda kisriy iŋgu di weyusu iŋaŋa. Iŋ nigu giy, <<Ewumboŋ iŋ Takela Abraam dagu, Aisak daga tusu Yekob dagu.>> 38Iŋgura wel digat go, Takela iŋgu iŋ lem emaŋa iŋgu yiŋdagu yuŋ. Yuŋ. Takela iŋgu iŋ lem yararaŋ eta iŋgu yiŋdagu. Takela deyiŋ inda go welalem emaŋa patuw iŋgu yiŋ yararaŋ eta.>>
39Iŋaŋ lem dip Moses dagu kabol suŋuta iŋgu, yiŋ Yesus kuka tiy iŋgu iŋawsu, yiŋ nigu Yesus daryaŋa, <<Muŋa lem kuka geragu iŋgu wasiŋ,>> giyaŋa. 40Tusu iŋgu usinda, lem gon diya muk tiyaŋ melaŋ atebaw Yesus miŋmiŋ nina.
Yesus welalem miŋyiy, Takela lem alayriy iŋgu nina
(Mat 22:41-46; Mak 12:35-37)
41Arya Yesus nigu iŋaŋ lem Moses dagu kabol suŋuta iŋgu miŋyiy, <<Giran lem nigu guwta, Lem Takelara alayriy welalem soŋni yiŋ ulayiyi nina iŋgu iŋ Dewit urmiŋ guwta? 42Par wak dagu nawŋonda go Dewit iŋ sip nigu giy,
<Ewumboŋ yiŋ Ewumboŋ neragu nigu daririy,
<<Ga atna ero#20:42 atna ero Yuda ragu bala, ati ero kita iŋgi payiŋ peŋ ati ero kita yuŋ, iŋgu afu biŋay geyiŋ tusu muki geyiŋ geyiŋ geyiŋ gura yaŋ tiyaŋ guniŋ. kita nimda yaŋtita
43iŋgura ager geragu atŋinda yakera yukuna gawi ega lefuŋ inda kip.>>>
44Dewit iŋsip go lem iŋgu nina, Ewumboŋ neragu giy. Arya gorogoro tusu lem iŋgu iŋ Dewit urmiŋ tip?>>
Iŋaŋ lem Moses dagu kabol suŋuta iŋgu, yiŋ kabol buli sip bituwta
(Mat 23:1-36; Mak 12:38-40; Luk 11:37-54)
45Welalem atŋinda Yesus sawanaŋ tuwkiŋ iŋaw kiyaŋa, iŋgura nigu muluŋa nimi yiŋ dariyiy, 46<<Di iŋaŋ lem Moses dagu kabol suŋuta iŋgu nina patak sip neŋtot piraŋ, yiŋ tapyow loŋloŋ emusu palaŋu tuw lele nina buwaya tuwti. Yiŋ ababu beŋbeŋ afuy inda go, lemda sarayu ata wasiŋ sayaŋ guniŋ, buwaya tuwti. Tusu Yuda ragu fom yeyiŋ inda go yiŋ, afu lem biŋaya geyiŋ inda yaŋ tuwta gura yaŋ titi nina buwaya tuwti. Tusu aŋyay beŋbeŋ nalinda go yiŋ lem biŋaya geyiŋ indagu gatgat buŋta yaŋ titi nina buwaya tuwti. 47Yiŋ wela lemya yiŋ emaŋa iŋgu tobayusu ya yiŋ dagu ebuwta. Tusu yiŋ tobaya tusu pananaw loŋloŋ bitusu ulal buli bituwta iŋgu saŋuta. Emita kabol buli soŋya iŋgu kebay iniŋ Takela giyayip,>> giy.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 Wycliffe Bible Translators, Inc. All rights reserved.