కీర్తనలు 138
138
కీర్తన 138
దావీదు కీర్తన.
1యెహోవా, నా పూర్ణహృదయంతో మీకు కృతజ్ఞతాస్తుతులు చెల్లిస్తున్నాను;
“దేవుళ్ళ” ఎదుట నేను మీకు స్తుతులు పాడతాను.
2మీ పరిశుద్ధాలయం వైపు నమస్కరిస్తూ,
మీ మారని ప్రేమను బట్టి మీ నమ్మకత్వాన్ని బట్టి,
మీ నామాన్ని స్తుతిస్తాను,
ఎందుకంటే మీ ప్రఖ్యాతి కంటే మీ శాసనాలను
మీరు అధికంగా ఘనపరిచారు.
3నేను మొరపెట్టినప్పుడు మీరు నాకు జవాబిచ్చారు;
మీరు నన్ను ధైర్యపరిచారు.
4యెహోవా, భూరాజులందరూ మీ నోటి నుండి మీ శాసనాలు విన్నప్పుడు
మీకు కృతజ్ఞతాస్తుతులు చెల్లించుదురు గాక.
5యెహోవా మహిమ గొప్పది కాబట్టి,
వారు యెహోవా యొక్క మార్గాల గురించి పాడుదురు గాక.
6యెహోవా మహోన్నతుడైనప్పటికి ఆయన దీనులపై దయ చూపిస్తారు;
ఆయన దూరం నుండే గర్విష్ఠులను పసిగడతారు.
7నేను కష్టంలో చిక్కుకున్నా
మీరు నా జీవితాన్ని కాపాడండి.
నా శత్రువుల కోపం నుండి నన్ను కాపాడడానికి మీ చేతిని చాచారు;
మీ కుడిచేతితో నన్ను రక్షిస్తారు.
8యెహోవా నాకు శిక్ష విముక్తి చేస్తారు;
యెహోవా, మీ మారని ప్రేమ శాశ్వతమైనది,
మీ చేతిపనిని వదిలిపెట్టకండి.
Currently Selected:
కీర్తనలు 138: OTSA
Highlight
Share
Copy
Want to have your highlights saved across all your devices? Sign up or sign in
Biblica® ఉచిత తెలుగు సమకాలీన అనువాదం™
ప్రచురణ హక్కులు © 1976, 1990, 2022, 2024 by Biblica, Inc.
Biblica® Open Telugu Contemporary Version™
Copyright © 1976, 1990, 2022, 2024 by Biblica, Inc.