Génesis 48
48
Josépa awẽ wake rawe Jacobpa atu tsai shara yuidi
1Apa isinikaitu ma awetiira peda ikadu José yuidiwu. Naskata Josépa uĩ kai kadi. Awẽ wake rawe iyudi Manasésya Efraín. 2Awẽ wake José yuiyawudu ma uwaidu Jacob rakawiax widinakawata tsaudi.
3Jacobpa José yuidi: “Bai Canaán pexe ichapa Betel awẽ ade wetsa Luz nadu iki Epa Dios bitsisipakui dukudi. Naduxu ea tsai shara ea yuidi. 4Iskara tsaima ea yuidi: ‘Mi wake ichapaya ita mewẽ kaiwuu uduax ichapanawã kaĩpakedakawuya mi inupukui. Naskatari nawu uduax xuku ichapa wetsa keskarawu. Da bai batunawu ipadaka’. 5Ẽ biki dukuabadu daa bai adu mewẽ wake rawe Efraínwe Manasés Egipto aduax kaĩdiwu. Naa rawe na ẽ Rubén Simeón atu ẽ aka keskara. 6Na mi chipu wake akawu naawu mewena iixikadi. Nawuwaweri awarawu wixikadi atũ uchiwuuxũ. 7Padán-aram aduax ẽ dasuwaidu mewẽ ewa dadi bai Canaán adu pexe ichapa awẽ ade Efrata chaibakiduax. Naskatari Canaán bai adu ẽ baiwadi Efrata awẽ wai tapiadu awẽ ade wetsa Belén”, Jacobpa wadi.
8Josépa awẽ wake rawe uĩkĩ Israelpa José ñukadi: “Da wake rawe tsuame”, wadi.
9“Da wake rawe Egipto aduxu ẽ atu aka”, Josépa apa wadi. Jacobpa awẽ xuta rawe atu duiyana: “Dirishara wekawe ẽ batu tsai shara inanu”, atu wadi.
10Israel adiwushta idi ana uĩtiru idiba. José awẽ wake rawe eweadu apa Jacobpa pishkuwai atu tsu adi. 11Naskata apã José yuidi: “ ‘Ana ẽ uĩdakaba’, ẽ bia waidu Epa Dios ea uĩbada mewẽ wake raweya”, Jacobpa wadi.
12Naskata José apã ratuku adua awẽ wake rawe iwita baikiri wepepakekawã Dios idibaxudi. 13Naskata awẽ wake rawe metsudi Efraín awẽ bibiyauri Manasés awẽ bibibauri. Naskata apa aduax kadi. Apa Israelpa awẽ bibiyauri Manasés wadi awẽ bibibauri Efraín wadi. 14Israelpa awẽ puña rawe kuyaxu awẽ xuta rawe mamadi. Awẽ biwi bibiyauri awẽ xuta chipuke Efraín awẽ bapu mamadi awẽ biwi bibibauxuri awẽ xuta iyua awẽ bapu Manasés mamadi. Naskaweke Manasés iyua. 15Naskata José tsai iskaratu yuidi:
“Ewẽ xuta Abrahamnu ewẽ epa Isaacnu ikũira wapaudiwu Epa Dios.
Naatu ẽ kaĩyadu ea kexekĩ taewadi.
16Na ángelpa ewẽ chaka sharawaxua da pexku rawe atu sharawaxinu.
Ewẽ ade shinapakexanuwu atuuxũ
ewẽ epa Abrahamuxũ Isaacuxũri.
Nawu uduax ichapakexanuwu na baitiixu ipaxanuwu”, wadi.
17Jacobpa Efraín mamayaitu uĩkĩ Josépa duidiba. Naskaxu apã biwi wiyata Efraín bapu adua wita Manasés mamabapaidi. 18Naskata yuidi: “Epashtã aaba. Da iyua mamawe”, Josépa apa wadi.
19Apã kebadi: “Ma ẽ tapia. Ma ẽ tapia. Dariwi atũ diaiwukui idaka. Naskaweke awẽ chipuketu iyua winuxiwi. Awẽ kaiwuunuax ichapanawã kaĩpakedakawu ichapa inupukukadi”, Jacobpa José wadi.
20Naa pedata tsai shara atu yuikĩ iskawadi: “Israel ikawawe matu adeuxũ atu iskawapadakawu. ‘Efraínwe Manasés Epa Dios atu sharawadi keskawakĩ batu wapainu’, wapadakawu”. 21Ma atu yuita Israelpa José iskawadi: “Ẽ sababa dai. Naskaweke Dios batuwe inupukui. Naatu matu xidiwu atũ bai adu batu dasubanupukui. 22Ẽ bia awara inai mewẽ uchiwu ẽ atu inabisba. Bai Siquem aduxu ẽ amorreowu ẽ retexu wiãdi naa ẽ bia inai mimai atu winuke”, Jacobpa awẽ wake José wadi.
Currently Selected:
Génesis 48: mtsB
Highlight
Share
Copy
Want to have your highlights saved across all your devices? Sign up or sign in
