Génesis 49
49
Jacobpa awẽ wakewu atu tsai shara yuidi
1Jacobpa awẽ wakewu kedata atu yuidi: “Iki wekawe ẽ batu yuinu na ma inupukuwai.
2Iki wekawe ewẽ wakewawe.
Matu epa Israel dikakawe.
3Rubén mi ewẽ wake iyua.
Ẽ bitsisipadu mi kaĩ taedi.
Naatiiwixu miũ duiyawu. Mi bitsisipa.
4Ea mia sidanabadi ewẽ awĩ wetsawe mi idi.
Naskake ana mi bitsisipaba. Mewẽ extuwu ana mi winuaba.
Na mi edewai keskara ana bia tsuã kayakawiwatiruba.
5Simeónwe awẽ udiwetsa Leví
atũ espadapa atu retepaiyaiwu.
6Ẽ atuwe ichanapaitiruba
naa rawetamai sidakakĩ yurawu retekata
baitsikui vacawu uxtediwu.
7Ma sidabis. Ma chakakuiwu. Ma tsua ubisbabisba.
Naskake ẽ batu paxkanawai Israelpa awẽ bai aduxu.
8Judá bia idimaxuxikadi mewẽ udiwetsawawe.
Bia duikaspabiswu mi atu winupakedaka.
Naskatari mewẽ udiwetsawawe mewẽ werutaiwi bia baikiri wepexupakewuwaxikadi.
9Ewẽ wake Judá
leónpa awẽ wake keskara.
Ma dabi pita rakake
tsuã wekaxtiwatiruba keskara.
10Judá diaiwuadu tsuãkai awẽ bitsisipa wiãdakaba
diaiwu datukui yurawawe ikũira wanupukukadi uyuabadu.
11Uva wadaki awẽ burro nadu dexata
uvapa awẽ ene awẽ saweti patsatiru.
12Awẽ weru rawe wisukui na vino keskara.
Awẽ xeta uxukui daiweru keskara.
13Zabulón enewa ketukunu inupukui.
Nadu xaxuwawu inupukukadi.
Nadua Sidón adu dukutiru inupukui.
14Isacar na mi burro bitsisipakui keskara
awẽ chabiupu raweki nexpakaya waax aki raka.
15Bai shara uĩta tedetirupinishara mi uĩdi.
Naduxu uibatiwawe atũ yudu mi yudunupukui
mi katĩta awarawu wuuxikĩ.
16Danpa awẽ kaiwuu atũ diaiwu iwaidaka.
Jacob Israelpa atũ wakewawe atu ixuwai keskai.
17Dan rudu keskara
wai keseme badixu
yura caballopa kaidu awẽ taxuki chachiadu
ana aũ katiruba.
Naskara mi inupukui.
18Diaiwu Dios ẽ bia badai ẽ udua mi rawanainu.
19Gad yura ichapawawe retepakedakawu.
Naskawaiwawe espadayaxu atu retepakedaka.
20Aser piti ichapaya inupukui.
Diaiwuwawe piti sharakui pipaitiruwu atu inanupukui.
21Neftalí na chaxu keskara na kapaiyaidu katiru.
Wake sharaya.
22José uva iwi ede ketukunu dia keskara.
Awẽ uva wibi ichapaya shara itiru keskara.
Awẽ puñawawe pexe weputiru keskara.
23Piayawawe José duikaspakata
piakata wekaxtiwakadi.
24José bia tsuã aweskawatiruba. Yura chakawawe bia aweskawatiruba.
Aichu Epa Dios bitsisipakui na mi oveja kexebis keskara mia duku kexea. Jacobpa awẽ Dios.
25Aichu mewẽ epa awẽ Dios naatu bia axunupukui.
Dios bitsisipa naatu awara atirutu sharakui bia inanupukui.
Dios ikaduxu sharawata
bai aduxuri bia sharawata
mewẽ wakewu atũ awã wake kãibanupukui atu awẽ xuba abanupukui.
26Mewẽ epã bia awara sharawu ina winubata. Ewẽ epawawe ea askawadiwuba.
Naa awara sharawu Josépa awẽ bapu adu ipadaka.
Mewẽ udiwetsawu adua Epa Dios bia kañawadi.
27Ewẽ wake Benjamín lobo keskara
na awara retexu wenamari pita
ñatapake na texea atu akĩtiru”, awẽ wakewu Jacobpa atu wadi.
28Nawu Jacobpa wakewu docewu. Nawu apa Israelpa tsai shara inapakekĩ atu yuidi.
Jacob dadi
29Peda wetsa Jacobpa awẽ wakewu yuidi: “Ẽ awetiãra dai. Ewẽ xidiwu baiyawu nadu ea baiwayaxakawe hititawawe na dukuwede awẽ ade Efrón bai kidi mera. 30Naa bai kidi Canaán adu awẽ ade Macpelá na pexe ichapa chaiba awẽ ade Mamré. Ewẽ chata Abrahampa dukuwede awẽ ade Efrón peiuxũ wiãdi. Efrón hitita adua idi. Nadu awẽ yurawu baipakenuwu. Naduri ea baiwaaxikawe. 31Na ewẽ chata Abrahamnu Saranu ewẽ epa Isaacnu ewẽ ewa Rebecari nadu baiyawu. Ewẽ awĩ wetsa Lía naduri baiya. 32Ewẽ chata Abrahampa hitita atũ bai kidi atu peiuxũ wiãdi. Naduri ea baiwayaxakawe”. 33Jacobpa awẽ wakewu ma atu yuita awẽ rakati adu rakapakekawãta dadi. Awẽ xidiwu adu kadi.
Currently Selected:
Génesis 49: mtsB
Highlight
Share
Copy
Want to have your highlights saved across all your devices? Sign up or sign in
