ལུ་ཀཱ། 17

ལེའུ་བཅུ་བདུན།

སློབ་མ་ཀྱ་ལེ་སློབ་སྟོན་གནང་བ།

1ཡང་ཉིན་མ་ཞིག་ཡེ་ཤུས་རང་གི་སློབ་མ་ཀྱ་ལེ། མི་ཀྱ་ལེ་སྡིག་པ་བགྱིད་དུ་འཇུག་རྒྱུ་ཉམས་ཚོད་དེ་ཐེབས་ལ་ལ་ཡིན་དིག ཡིན་ནའང་། སྡིག་པའི་ལས་བགྱིད་དུ་འཇུག་མཁན་དེ་ལེ་ཆགས་སྒོ་འོང་གྱི་དིག 2གལ་སྲིད་མི་ཞིག་གིས་དད་པ་བརྟན་པོ་མེད་མཁན་མི་ལེ་སྡིག་པའི་ལས་བགྱིད་དུ་འཇུག་གྱོ་འོད་ནི། མི་དེའི་ཨོ་ལེ་ལེ་ཆུ་འཐག་གྱི་རྡོ་བཏགས་ཏེ་མཚོའི་ནང་ལེ་གཡུགས་ནི་དགའ་ཤོས་ཡིན་དིག་ཟིན་གསུངས་པི་དིག 3ཁྱེད་ཀྱ་དོགས་ཟོན་གྱིས་ཤིག ཁྱོད་ཀྱི་སྤུན་གྱིས་སྡིག་པའི་ལས་བྱས་ནི། ཁོ་ལེ་འཁྲུག་པ་འཚོལ་ཅིག གལ་སྲིད་ཁོས་སྤྱོད་ངན་སྤངས་ཏེ་འགྱོད་བཤགས་བྱས་ནི། ཁྱོད་ཀྱིས་ཁོ་ལེ་དགོངས་ཡངས་གཏོང་ཞིག 4ཡང་གལ་སྲིད་ཉིན་ཞིག་ལེ་ཁོས་ཁྱོད་ལེ་ལན་མ་བདུན་ཚོད་སྤྱོད་ངན་གྱི་ལས་བྱས་ནའང་། ཁོས་ཁྱོད་ལེ་ངས་ལས་ངན་དེ་སྤངས་ཏེ་འགྱོད་བཤགས་བགྱིད་ཀྱི་ཡིན་ཟིན་ལན་མ་བདུན་ཁྱོད་ཀྱི་རྩ་ལེ་འོང་ནི། ཁོ་ལེ་དགོངས་ཡངས་གཏོང་ཞིག་ཟིན་གསུངས་པི་དིག

5ཡང་ཉིན་མ་ཞིག་སྐུ་ཚབ་ཀྱ་ཀྱིས་ཁོང་ལེ། ཇོ་བོ། ཉེད་ཀྱ་ཀྱི་དད་སེམས་དེ་བརྟན་པོ་འོང་རྒྱུ་ལེ་རོགས་རམ་གནང་རོགས་ཟིན་ཞུས་ཕེན། 6ཇོ་བོས་ཁོང་ཀྱ་ལེ། གལ་སྲིད་ཁྱེད་ཀྱ་ལེ་དད་སེམས་ཆུང་མ་ཚུག་གི་ས་ངོན་ཚོད་ཞིག་འོད་ནི། སྡོང་པོ་ཆེན་པོ་འདི་ལེ་རང་གིས་རང་ལེ་རྩ་བ་ནས་བཀོག་སྟེ། རྒྱ་མཚོའི་ནང་ལེ་ཚུགས་ཤིག་ཟིན་སྨྲས་ནི། ཁྱེད་ཀྱ་ཀྱི་བཀའ་ལེ་ཉན་གྱི་དིག 7དཔེར་ན། མི་ཞིག་ལེ་ཞིང་རྨོ་མཁན་དིང་། ཡང་ནི། རྫི་བོ་འཚོ་མཁན་གཡོག་པོ་ཞིག་འོད་ནི། གཡོག་པོ་དེ་ཁྱིམ་ལེ་སླེབས་ལོང་མེད་ཟ་མ་བཟའ་རུ་ཤོག ཁྱོད་མར་སྡོད་ཟིན་འོད་དི་གས། 8དེའི་ཚབ་ལེ་བདག་པོ་ཁོས་གཡོག་པོ་ཁོ་ལེ། ད་ཁྱོད་མར་ལེ་མ་སྡོད། དགོང་མོའི་ཟ་མ་གྲ་སྒྲིག་གྱིས་ཤིག ངས་བཟའ་བཏུང་བྱས་མ་ཚར་བར་དུ། ཁྱོད་ཀྱིས་རང་གི་ཕུ་ལུང་བརྫེས་ཏེ་ང་ལེ་གཡོག་པོ་རྒྱུགས་ཤིག ངས་བཟའ་གཏུང་བགྱིད་རྒྱ། ཁྱོད་རང་བཟའ་བཏུང་བགྱིད་མི་ཆོག་འོད་ཟིན་མི་ཟེར་འོད་དི་གས། 9གཡོག་པོ་ཁོས་ཟང་བདག་པོའི་བཀའ་ཅོག་འདྲ་བསྒྲུབས་པི་བྱས་ནའང་། ད་རུང་བདག་པོ་ཁོས་གཡོག་པོ་དེ་ལེ་བཀའ་དྲིན་སྐྱངས་བྱུང་ཟིན་འོད་དི་གས། 10འོ་དེ་ཅོག་འདྲ། ཁྱེད་ཀྱ་ཀྱིས་ཟང་ངའི་བཀའ་གསུང་ཡེ་རེ་བསྒྲུབས་ནུས་པི་རྗེས་ལེ། ཉེད་ཀྱ་ནི་ཕན་ཐོགས་མེད་མེད་གཡོག་པོ་ཞིག་ཡིན་ནའང་། ཉེད་ཀྱ་ཀྱིས་བསྒྲུགས་དགོས་པའི་ལས་འགན་དེ་པ་རྐྱང་བྱས་པི་ཡིན་ཟེར་དགོས་འོད་དིག་ཟིན་གསུངས་པི་དིག

མཛེ་ནད་ཕོག་འོད་ཡོད་མི་བཅུ་དྲག་དུ་བཅུག་པ།

11ཡང་ཉིན་མ་ཞིག་ཡེ་ཤུ་དིང་སློབ་མ་ཀྱ་ཡེ་རུ་ས་གླིང་རྒྱལ་ས་ལེ་འགྲོ་རྒྱ། སཱ་མར་ཡཱ་ལུང་པ་དིང་། ག་ལིལ་ལུང་པ་དེ་གཉིས་ཀྱི་ས་མཚམས་བརྒྱུད་ནས་བྱས་ཏེ་བུད་དི་དིག 12-13དེ་ནས་ཁོང་ཀྱ་ཡུལ་ཞིག་གི་ནང་ལེ་སླེབས་ཕེན། ཡུལ་དེའི་ཉེ་འཁོར་ལེ་མཛེ་ནད་ཕོག་འོད་ཡོད་མི་བཅུ་པོ་དེ་ཀྱ་རྒྱང་རིང་པོ་ནས་ཡེ་ཤུ་ལེ་མཇལ་ཁ་ཞུས་ཏེ། སྐད་ཆེན་པོས་ངང་ནས། སློབ་དཔོན་ཡེ་ཤུ། ཉེད་ཀྱ་ལེ་ཐུགས་རྗེ་གཟིགས་རོགས་གནང་ཟིན་ཞུས་ཕེན། 14ཁོང་གིས་མི་དེ་ཀྱ་ལེ་གཟིགས་ཏེ། ད་ཁྱེད་ཀྱ་ཕ་ལེ་ལོག་རྒྱུགས་ཤིག མོ་ཤེའི་ཆོས་ཁྲིམས་ནང་ལེ་འོད་ཡོད་ཅོག་འདྲ། རང་གི་གཟུགས་པོ་ཡ་ཧུ་དཱ་པའི་མཆོད་པ་འབུལ་མཁན་ཀྱ་ལེ་སྟོན་ཅིག་ཟིན་གསུངས་པི་དིག དེ་ནས་མཛེ་ནད་ཕོག་པའི་མི་དེ་ཀྱ་ཟང་ཕ་ལེ་ལོག་འགྲོ་རྒྱ། ཁོང་ཀྱ་ལེ་ཕོག་འོད་ཡོད་མཛེ་ནད་དེ་ཟང་གཙང་མ་དྲག་པི་དིག 15དེ་ནས་མི་བཅུ་པོ་དེ་ཀྱ་ནང་ནས་མི་གཅིག་གིས་རང་གི་མཛེ་ནད་དྲག་པི་དེ་ལེ་དགའ་རི་ཆེན་པོ་བྱུང་ཕེན། ཡེ་ཤུ་དྲུང་དུ་ཚུར་རྒྱུགས་འོངས་ཏེ། སྐད་ཆེན་པོས་ངང་ནས་དཀོན་མཆོག་ལེ་བསྟོད་པ་ཕུལ་ལི་དིག 16ཡང་མི་དེས་ཡེ་ཤུ་དྲུང་དུ་བརྐྱངས་ཕྱག་འཚལ་ཏེ། ཁོང་ལེ་ཐུགས་རྗེ་ཆེ་ཞུས་པི་དིག མི་དེ་ནི་སཱ་མར་ཡཱ་ལུང་པའི་མི་ཞིག་ཡིན་དིག 17དེ་ནས་ཡེ་ཤུས་མི་ཁོ་ལེ། མི་བཅུ་མཛེ་ནད་ནས་དྲག་གི་མ་གས། ཡིན་ནའང་། མི་དགུ་པོ་གཞན་མ་དེ་ཀྱ་ག་ན། 18ཕྱི་མི་འདི་མ་གཏོགས། མི་གཞན་མ་སུ་ཞིག་གིས་ཟང་དཀོན་མཆོག་ལེ་བསྟོད་པ་འབུལ་མཁན་མེད་དིག་གས་ཟིན་གསུངས་པི་དིག 19ཡང་ཁོང་གིས་མི་དེ་ལེ། ད་ཁྱོད་རང་ཡར་ལོངས་དང་། ལོག་རྒྱུགས་ཤིག ཁྱོད་ཀྱི་དད་པས་ཁྱོད་རང་ལེ་བསྐྱབས་པི་དིག་ཟིན་གསུངས་པི་དིག

དཀོན་མཆོག་གི་རྒྱལ་ཁབ་འོང་རྒྱུ་སྐོར།

20ཡང་ཉིན་མ་ཞིག་ཕཱ་རུ་ཤི་པ་ཀྱ་ཀྱིས་ཡེ་ཤུ་ལེ། དཀོན་མཆོག་གི་རྒྱལ་ཁབ་དེ་དུས་ཚོད་ཅི་ལེ་འབྱུང་རྒྱུ་ཡིན་དི་སྐོར་ལེ་བཀའ་དྲིས་ཞུས་ཕེན། ཁོང་གིས་མི་དེ་ཀྱ་ལེ། དཀོན་མཆོག་གི་རྒྱལ་ཁབ་དེ་ནི་མིག་གིས་མཐོང་རྒྱུ་འོད་ཡོད་རྟགས་ཅོག་འདྲ་མེད་དིག 21མི་སུ་ཞིག་གིས་ཟང་ལྟོས་དང་འདི་རུ་འདུག ཡང་ནི། དེ་རུ་འདུག་ཟེར་མི་ནུས་འོད་དིག ཅི་ལེ་ཟེར་ནི། དཀོན་མཆོག་གི་རྒྱལ་ཁབ་དེ་ནི། ཁྱེད་ཀྱ་ཀྱི་ནང་ལེ་འོད་དིག་ཟིན་གསུངས་པི་དིག 22དེ་ནས་ཡང་ཁོང་གིས་སློབ་མ་ཀྱ་ལེ། ཁྱེད་ཀྱ་ཀྱིས་མིའི་བི་ས་འོང་གི་ཉིན་མ་དེ་ཀྱ་ནང་ནས། ཉིན་མ་གཅིག་རང་གཅིག་མཐོང་འདོད་འཇུ་གུ་བྱས་ནའང་། མཐོང་ཐུབ་ཀྱི་མ་དིག 23མི་ཀྱ་ཀྱིས་ཁྱེད་ཀྱ་ལེ་ལྟོས་དང་འདི་རུ་འདུག ཡང་ནི། དེ་རུ་འདུག་ཟེར་གྱི་དིག ཡིན་ནའང་། ཁྱེད་ཀྱ་ཀྱིས་མི་དེ་ཀྱ་ཁ་ལེ་འབྲང་སྟེ་མ་འགྲོ་ཅིག 24ཅི་ལེ་ཟེར་ནི། གློག་དམར་འཁྱུག་སྟེ། ནམ་མཁའི་ཕྱོགས་གཅིག་ནས་ཕྱོགས་གཞན་ལེ་འོད་རྒྱག་གི་ཅོག་འདྲ། མིའི་བི་ས་ཟང་འཇིག་རྟེན་འདི་རུ་འོང་གི་ཉིན་མོ་དེ་ལེ་ཟང་རྟགས་འོ་དེ་ཅོག་འདྲ་འོང་གྱི་དིག 25ཡིན་ནའང་། བི་ས་ཁོ་རང་ལེ་དེའི་སྔོན་ལེ་དཀའ་ངལ་མང་པོ་མྱང་དགོས་པི་མ་ཟད། མི་རབས་འདིའི་མི་ཀྱ་ཀྱིས་ཁོང་ལེ་ཁས་ལེན་བགྱིད་ཀྱི་མ་དིག 26སྔར་སྔ་མོའི་མེས་མེས་ནོ་ཨཱའི་དུས་ལེ་ཅི་བྱུང་པི་ཅོག་འདྲ། མིའི་བི་ས་འོང་གི་དུས་དེ་ལེ་ཟང་དེ་ཅོག་འདྲ་འོང་གྱི་དིག#17.26 ནོ་ཨཱའི་དུས་ལེ་མི་ཡེ་རེ་ངན་པའི་ལས་པ་རྐྱང་བྱས་ཕེན། དཀོན་མཆོག་གྱིས་མི་ཡེ་རེ་རྩ་མེད་གཏོང་རྒྱུ་ཆེད་དུ་འཇིག་རྟེན་ལེ་ཆུ་ལོག་བརྫངས་པི་དིག 27ནོ་ཨཱ་ཁོ་རང་གྲུ་གཟིངས་དེའི་ནང་ལེ་མ་ཞུགས་བར་དུ། མི་ཡེ་རེས་ཕོ་ལེ་བགྱིད་འོད་དི་མ་ཟད། མནའ་མའི་ནོར་སྐལ་ཚུར་ལེན་ཕར་བསྐྱེལ་བགྱིད་རྒྱ། ཆུ་ལོག་ཆེན་པོ་ཞིག་སླེབས་ཏེ། མི་ཡེ་རེ་རྩ་མེད་བཏང་པི་དིག 28ཡང་དེ་ཅོག་འདྲ་སྔར་སྔ་མོའི་མེས་མེས་ལོད་ཐུའི་དུས་ལེ་ཟང་། མི་ཀྱ་ཀྱིས་དཀོན་མཆོག་སྣང་མེད་བཏང་སྟེ། ཕོ་ལེ་བགྱིད་འོད་དི་མ་ཟད། ཉོ་འཚོང་། ཞིང་ལས། ཡང་མི་ཁ་ཤས་ཁང་པ་བཟོ་འོད་དིག 29ཡིན་ནའང་། ལོཌ་ད་ཁོ་རང་སཱ་དོམ་ཟེར་རི་རྒྱལ་ས་ནས་ཕ་ལེ་འགྲོ་རྒྱ། ནམ་མཁའ་ནས་མེ་དིང་མུ་ཟིའི་ཆར་བ་བབས་ཏེ་མི་དེ་ཀྱ་ཡེ་རེ་རྩ་མེད་བཏང་པི་དིག 30ཡང་མིའི་བི་ས་ཟང་མངོན་སུམ་འོང་གི་ཉིན་མོ་དེ་ལེ་ཟང་། འོ་དེ་ཅོག་འདྲ་འོང་གྱི་དིག 31ཉིན་མོ་དེ་ལེ་ཁང་ཐོག་ལེ་འོད་མཁན་ཀྱ་རང་གི་ཅ་ལག་ལེན་རྒྱུ་ཆེད་དུ་མར་ལེ་འབབ་མ་འགྲོ་ཅིག ཡང་དེ་ཅོག་འདྲ། ཞིང་ལེ་འོད་མཁན་ཀྱ་ཟང་ཕ་ལེ་ལོག་མ་འགྲོ་ཅིག 32ཁྱེད་ཀྱ་ཀྱིས་སྔར་སྔ་མོའི་མེས་མེས་ལོཌ་དའི་བུད་མེད་ལེ་བྱུང་བའི་གནས་ཚུལ་དེ་ལེ་དྲན་པ་གྱིས་ཤིག#17.32 ཚིགས་བཅད་འདི་ནི་བཀོད་པ་མདོ་ལེའུ་ 19 ཨང་ 26 ནང་ལེ་གཟིགས་རོགས། 33རང་གི་སྲོག་སྐྱབ་མཁན་མི་སུ་ཞིག་ཡིན་ནའང་། དེའི་རང་སྲོག་ཤོར་གྱི་དིག ངའི་ཆེད་དུ་རང་སྲོག་བློས་གཏོང་མཁན་མི་སུ་ཞིག་ཡིན་ནའང་། དེའི་རང་གི་སྲོག་སྐྱོབ་གྱི་དིག་ཟིན་གསུངས་པི་དིག 34ང་ཁྱེད་ཀྱ་ལེ་ཟེར་རོ། ཉིན་དེའི་མཚན་མོ་ཉལ་ཁྲི་ཞིག་ལྟག་ག་ལེ་མི་གཉིས་ཉལ་འོད་ནི། མི་གཅིག་ཡར་འཁྱེར་འགྲོ་གྱི་དིག མི་གཅིག་གཡུགས་འབོར་གྱི་དིག 35ཡང་ལག་སྐོར་འཐག་མཁན་བུ་མའ་གཉིས་འོད་ནི། བུ་མའ་གཅིག་ཡར་འཁྱེར་འགྲོ་གྱི་དིག གཅིག་གཡུགས་འབོར་གྱི་དིག་ཟིན་གསུངས་པི་དིག 36#17.36 ལུ་ཀཱས་བྲིས་པའི་གཏམ་བཟང་གི་བཤུས་ཡིག་སྔ་ཤོས་ནང་ལེ་བྲིས་པའི་ཚིགས་བཅད་འདི་མེད་དིག ཡིན་ནའང་། མི་མཁས་པ་ཀྱ་ཀྱིས་ཨང་ 36 ནང་གི་ཚིགས་བཅད་འདི་ནི། ཚོད་ཕག་བྱས་ཏེ་མི་གཉིས་ཞིང་ལེ་འོད་ནི། མི་གཅིག་ཡར་ལེ་འཁྱེར་ཏེ། གཅིག་གཡུགས་འབོར་གྱི་དིག་ཟིན་བྲིས་པི་དིག 37དེ་ནས་སློབ་མ་ཀྱ་ཀྱི་ཁོང་ལེ། ཇོ་བོ། དོན་དེ་ཀྱ་ས་ཆ་ག་ན་ལེ་འོང་འོད་དི་གོ་ཟིན་ཞུས་ཕེན། ཁོང་གིས་སློབ་མོ་ཀྱ་ལེ། ཤི་རོ་ག་ན་ལེ་འོད་ནི། དེ་རུ་བྱ་རྒྱལ་འཁོར་གྱོ་འོད་དིག་ཟིན་གསུངས་པི་དིག །

Currently Selected:

ལུ་ཀཱ། 17: DLPO

Highlight

Copy