ལུ་ཀཱ། 5

ལེའུ་ལྔ་པ།

ཡེ་ཤུའི་སློབ་མ་དང་པོའི་སྐོར།

1ཡང་ཉིན་མ་ཞིག་ཡེ་ཤུ་གེན་ནེ་སཱ་རེལ་ཟེར་རི་མཚོ་འགྲམ་ལེ་བཞུགས་ཕེན། མི་ཚོགས་ཀྱ་ཀྱིས་དཀོན་མཆོག་གི་བཀའ་ལེ་ཉན་རྒྱུ་ཆེད་དུ། འཚང་ཁ་བརྒྱབ་སྟེ་ཁོང་གི་མཐའ་བསྐོར་རྒྱ།#5.1 གེན་ནེ་སཱ་རེལ་ཟེར་རི་དེ་ལེ། ག་ལིལ་མཚོ་ཟང་ཟིན་འོད་དིག 2ཁོང་གིས་མཚོའི་འགྲམ་ལེ་གྲུ་གཉིས་འོད་དི་གཟིགས་པི་དིག ཡིན་ནའང་། ཉ་པ་དེ་ཀྱ་ཀྱིས་གྲུ་ཟུར་ལེ་བོར་ཏེ། དྲྭ་དེ་ཆུ་ལེ་ཆུ་བཤལ་གཏོང་གིན་བསྡད་འོད་དིག 3ཁོང་རང་གྲུ་གཉིས་པོ་དེའི་ནང་ནས་སི་མོན་ཟེར་མཁན་ཁོའི་གྲུའི་ནང་དུ་ཕེབས་ཏེ། སི་མོན་ལེ་ང་སྐམ་ས་འདི་ནས་ཕར་ཚོད་མཚོའི་ནང་ལེ་སྐྱོལ་དང་གསུངས་པི་དིག དེ་ནས་ཁོང་རང་གྲུའི་ནང་ལེ་བཞུགས་ཏེ་མི་ཚོགས་ཀྱ་ལེ་ཆོས་གསུངས་པི་དིག 4ཡང་ཆོས་གསུངས་ཚར་རི་རྗེས་ལེ། ཡེ་ཤུས་ཉ་པ་སི་མོན་ལེ། ཆུ་གཏིང་རིང་པོ་འོད་ས་ཞིག་ལེ་དྲྭ་གཡུགས་དང་ཟིན་གསུངས་པི་དིག 5ཡིན་ནའང་། སི་མོན་གྱིས། སློབ་དཔོན། ཉེད་ཀྱ་ཀྱིས་མཚན་རྒྱ་དཀའ་ལས་བརྒྱབ་ནའང་། ཉ་གཅིག་ཟང་མ་ཐེམས་བྱུང་། ཡིན་ནའང་། ཁྱེད་ཀྱིས་གསུངས་པི་ཅོག་འདྲ་ངས་དྲྭ་འདི་ཆུའི་ནང་ལེ་གཡུག་གྱི་ཡིན་ཞུས་ཏེ། 6ཁོས་དྲྭ་དེ་ཆུའི་ནང་ལེ་གཡུགས་ལོང་མེད་ཉ་མང་པོ་འཇུ་གུ་ཐེམས་ཕེན་དྲྭ་དེ་ཟང་རལ་འགྲོ་འོད་དིག 7དེ་ནས་གྲུ་གཞན་མའི་ནང་ལེ་འོད་ཡོད་རང་གི་རོགས་པོ་ཀྱ་ལེ་རོགས་བགྱིད་དུ་ཤོག་ཟིན་ལག་གཡོབ་བྱས་ཕེན། རོགས་པོ་དེ་ཀྱ་ཟང་ཚུར་འོངས་ཏེ་གྲུ་གཉིས་ཀ་ཉ་བཀང་སྟེ་ཆུའི་ནང་ལེ་ཐིམ་ལྷག་བགྱིད་འོད་དིག 8ཡང་སི་མོན་པེ་ཏྲོ་ཁོས་ཟང་དོན་འདི་མཐོང་ཕེན། ཡེ་ཤུའི་ཞབས་དྲུང་དུ་པུས་མོ་ས་ལེ་བཙུགས་ཏེ། ཁོང་ལེ། ཇོ་བོ། ང་ནི་མི་སྡིག་ཅན་ཞིག་ཡིན། ཁྱེད་རང་ངའི་རྩ་ལེ་བཞུགས་མ་གནང་རོགས། ཕ་ལེ་ཕེབས་རོགས་གནང་ཟིན་ཞུས་པི་དིག 9ཁོའི་སྐྱེན་ལེ་འོད་ཡོད་ཉ་པ་ཡེ་རེས་ཐེངས་གཅིག་ལེ་ཉ་མང་པོ་འོ་འདི་གི་འཐེམས་པི་དེ་མཐོང་སྟེ་ཧ་ལས་ཆེན་པོ་བྱུང་པི་དིག 10ཡང་དེ་ཅོག་འདྲ། སི་མོན་པེ་ཏྲོའི་ལས་རོགས་ཟེ་བད་ཡཱ་ཟེར་མཁན་གྱི་བི་ས་ཡ་ཀོབ་དིང་ཡོ་ཧ་ནན་ཁོ་གཉིས་ཟང་དོན་དེ་ལེ་ཧ་ལས་ཆེན་པོ་བྱུང་པི་དིག དེ་ནས་ཡེ་ཤུས་སི་མོན་ལེ། འཁྱར་སྣང་བགྱིད་མི་དགོས། དུས་ད་ནས་ཕྱིན་ཆད། ཁྱོད་རང་མི་ཀྱ་ཐར་བའི་ལམ་ལེ་ལམ་སྟོན་བགྱིད་མཁན་ལེ་བསྐོ་གྱི་ཡིན་ཟིན་གསུངས་པི་དིག#5.10 གེ་རིག་གི་སྐད་ལུགས་ནང་ལེ། ཁྱེད་ཀྱ་ཀྱིས་ཉ་ཟིན་པི་ཅོག་འདྲ་མི་ཟིན་གྱི་དིག་ཟིན་འོད་དིག 11དེ་ནས་ཁོང་ཀྱ་ཀྱིས་གྲུ་གཉིས་ཀ་གཏང་སྟེ་མཚོ་འགྲམ་ལེ་སླེབས་ལོང་མེད། ཡེ་རེ་གཡུགས་ཏེ་ཡེ་ཤུའི་རྗེས་ལེ་འབྲངས་པི་དིག

ཡེ་ཤུས་མཛེ་ནད་ཕོག་པའི་མི་ཞིག་དྲག་ཏུ་བཅུག་པ།

12ཡང་ཁོང་ཡུལ་ཞིག་གི་ནང་ལེ་བཞུགས་གནང་རྒྱ། མཛེ་ནད་ཕོག་པའི་མི་ཞིག་གིས་ཡེ་ཤུ་མཐོང་ལོང་མེད་བརྐྱངས་ཕྱག་འཚལ་ཏེ། ཁོང་ལེ། རྒན། གལ་སྲིད་ཁྱེད་ཀྱི་ཐུགས་མཉེས་པི་ཡིན་ནི། ཁྱེད་ཀྱིས་ངའི་ན་ཚ་འདི་དྲག་དུ་བཅུག་ནུས་ཀྱི་དིག་ཟིན་ཞུ་བ་ཕུལ་ཕེན། 13ཡེ་ཤུས་རང་གི་ཕྱག་མི་དེའི་ལུས་ཀྱི་ལྟག་ལེ་བརྐྱངས་ཏེ། ང་འདོད་པ་འོད། ད་ཁྱོད་དྲག་སོང་ཟིན་གསུངས་ལོང་མེད། མི་དེའི་མཛེ་ནད་དེ་གཙང་མ་དྲག་པི་དིག 14དེ་ནས་ཡེ་ཤུས་མི་ཁོ་ལེ་གནས་ཚུལ་འདི་མི་གཞན་སུ་ལེ་ཟང་མ་ཟེར་ཅིག ད་ཁྱོད་རང་རྒྱུགས། རང་གི་ལུས་པོ་ཡ་ཧུ་དཱ་པའི་མཆོད་པ་འབུལ་མཁན་ལེ་སྟོན། ཁོང་ཀྱ་ལེ་བདེན་དཔང་བགྱིད་རྒྱུ་ཆེད་དུ། ལུང་སྟོན་པ་མོ་ཤེས་བཀའ་གནང་པི་ཅོག་འདྲ། ཁྱོད་རང་ན་ཚ་དྲག་པི་རྟགས་ལེ་མཆོད་པ་ཞིག་ཕུལ་ལེད་ཟིན་གསུངས་པི་དིག 15ཡིན་ནའང་། ཁོང་གི་མཚན་སྙན་གྲགས་དེ་ནི་སྔོན་མ་ལས་ཟང་ལྷག་ཚོད་ཁྱབ་ཕེན། མི་མང་པོ་ཁོང་གི་གསུང་ལེ་ཉན་རྒྱུ་དིང་། ཡང་ནད་དྲག་རྒྱུ་ཆེད་དུ་ཁོང་གི་དྲུང་དུ་མི་ཚོགས་མང་པོ་འཛོམས་འོངས་པི་དིག 16ཡིན་ནའང་། ཡེ་ཤུ་གསོལ་བ་སྨོན་ལམ་འདེབས་རྒྱུ་ཆེད་དུ་ནམ་རྒྱུན་ཅོག་འདྲ་ས་དབེན་སྟོང་ཞིག་ལེ་ཕེབས་པི་དིག

ཡེ་ཤུས་མི་རྐང་པ་ཞ་རིལ་ཞིག་དྲག་ཏུ་བཅུག་པ།

17ཡང་ཉིན་མ་ཞིག་ཁོང་གིས་ཆོས་གསུང་གནང་རྒྱ། ག་ལིལ་ལུང་པ་དིང་ཡ་ཧུ་དཱ་ལུང་པའི་ཡུལ་ཕྱོགས་ཀུན་གྱི་མི་དིང་། ཡང་ཡེ་རུ་ས་གླིང་རྒྱལ་ས་ནས་འོངས་པའི་ཕཱ་རུ་ཤི་པ་དིང་། ཆོས་ཁྲིམས་མཁས་པ་ཁ་ཤས་ཟང་ས་ཆ་དེ་རུ་བསྡད་འོད་དི་མ་ཟད། ན་ཚ་དྲག་ཏུ་འཇུག་རྒྱུ་དཀོན་མཆོག་གི་ནུས་མཐུ་དེ་ནི་ཡེ་ཤུའི་སྐྱེན་གནས་འོད་དིག 18ཡང་མི་ཁ་ཤས་ཞིག་གིས་རྐང་པ་ཞ་རིལ་བྱུང་བའི་མི་དེ་གདན་དིང་སྐྱེན་ལེ་ཁུར་འོངས་ཏེ་ཡེ་ཤུའི་དྲུང་དུ་འོངས་པི་དིག 19ཡིན་ནའང་། ས་ཆ་དེ་རུ་མི་ཚོགས་མང་པོ་འཛོམས་འོད་དེ་རྐྱེན་གྱིས་ཁང་པའི་ནང་དུ་མ་ཐར་ཕེན། ཁང་ཐོག་ལེ་འཛེགས་ཏེ་ཐོག་བཀོག་སྟེ་ཨི་ཁུང་ནས་མར་ནད་པ་ཁོ་གདན་དིང་སྐྱེན་ལེ་མར་ལེ་ཡེ་ཤུ་དྲུང་དུ་བརྫངས་ཕེན། 20ཡེ་ཤུས་མི་དེ་ཀྱ་ཀྱི་དད་སེམས་དེ་ལེ་གཟིགས་ཏེ། མི་རྐང་པ་ཞ་རིལ་ཁོ་ལེ། བི་སོའོ། ཁྱོད་ཀྱི་སྡིག་ཉེས་བསལ་ཚར་དིག་ཟིན་གསུངས་པི་དིག 21ཡིན་ནའང་། མི་ཚོགས་ཀྱི་ནང་ལེ་འོད་ཡོད་ཆོས་ཁྲིམས་མཁས་པ་ཁ་ཤས་དིང་། ཕཱ་རུ་ཤི་པ་ཀྱ་ཀྱིས་སེམས་པ་ལེ། དཀོན་མཆོག་ལེ་སྐུར་བ་འདེབས་མཁན་མི་འདི་སུ་ཡིན་ནེ། ཅི་ལེ་ཟེར་ནི། དཀོན་མཆོག་གིས་པ་རྐྱང་མ་གཏོགས་མི་གཞན་སུ་ཞིག་གིས་ཟང་སྡིག་ཉེས་སེལ་མི་ཐུབ་འོད་དིག་བསམས་པི་དིག 22ཡིན་ནའང་། ཡེ་ཤུས་མི་འདི་ཀྱ་ཀྱི་བསམ་ཚུལ་དེ་མཁྱེན་ཏེ། ཁྱེད་ཀྱ་ཀྱིས་བསམ་བློ་ཅི་ལེ་འོ་དེ་གི་གཏོང་གི་ཡིན་དོ། 23ཁྱེད་ཀྱ་ཀྱིས་སྡིག་ཉེས་བསལ་ཚར་སོང་ཟེར་རི་དེ་ལས་སླ་འདུག་གོ། ཡང་ནི། ཁྱོད་རང་ཡར་ལོངས་དང་ཟེར་རི་དེ་ལས་སླ་འདུག་གོ། 24ཡིན་ནའང་། མིའི་བི་ས་ལེ་འཇིག་རྟེན་གྱི་སྡིག་པ་དེ་སེལ་ལི་དབང་ཆ་འོད་དི་ཁྱེད་ཀྱ་ཀྱིས་ཧ་གོ་རྒྱུ་ཆེད་དུ་ཡིན་ཟིན་གསུངས་པི་རྗེས་ལེ། ཁོང་གིས་མི་རྐང་པ་ཞ་རིལ་ཁོ་ལེ། ང་ཁྱོད་ལེ་ཟེར་རོ། ཡར་ལེ་ལོངས་དང་། རང་གི་གདན་ཁུར་ཏེ་ནང་ལེ་ལོག་རྒྱུགས་ཤིག་ཟིན་བཀའ་གནང་ལོང་མེད། 25མི་དེས་ཁོང་ཀྱ་ཀྱི་མདུན་ནས་ཡར་ལེ་ལངས་ཏེ་གདན་ཁུར་ཏེ་དཀོན་མཆོག་ལེ་བསྟོད་པ་འབུལ་གིན་འབུལ་གིན་ནང་ལེ་ལོག་བུད་དི་དིག 26ཡང་ས་ཆ་འདི་རུ་འོད་ཡོད་མི་ཡེ་རེ་ཧ་ལས་ཆེན་པོ་བྱུང་སྟེ། དཀོན་མཆོག་ལེ་བསྟོད་པ་ཕུལ་ལི་མ་ཟད། དཀོན་མཆོག་ལེ་གུས་ཞུམ་ཞུམ་བྱས་ཏེ། ཉེད་ཀྱ་ཀྱིས་སྔོན་མ་ནས་ཕེན་མཐོང་མྱོང་མེད་མེད་ཞིག་ད་རིང་མཐོང་བྱུང་ཟིན་འོད་དིག

ཡེ་ཤུས་ལེ་ཝི་ཟེར་མཁན་མི་ཞིག་སློབ་མ་ལེ་བོས་པ།

27དེའི་རྗེས་ལེ། ཡེ་ཤུ་ཡུལ་དེ་ནས་ཐོན་ཏེ་ཕེབས་གནང་རྒྱ། ཁྲལ་སྡུད་མཁན་མིང་ལེ་ལེ་ཝི་ཟེར་མཁན་ཞིག་འོད་དིག མི་དེ་ནི་ཁྲལ་སྡུད་ས་ལེ་བསྡད་འོད་དི་ཡེ་ཤུས་གཟིགས་ཏེ། ཡེ་ཤུས་ཁོ་ལེ་ཁྱོད་རང་ངའི་རྗེས་ལེ་འབྲོངས་ལེད་ཟིན་གསུངས་ཕེན། 28ཁོས་ཟང་ཡེ་རེ་གཡུགས་ཏེ་ཁོང་གི་རྗེས་ལེ་འབྲངས་པི་དིག 29དེ་ནས་ལེ་ཝི་ཁོས་རང་གི་ཁྱིམ་ལེ་ཡེ་ཤུ་བོས་ཏེ་མགྲོན་པོ་ཆེན་པོ་བཤམས་པི་དིག ཡང་ཁོའི་ནང་ལེ་མགྲོན་པོ་གཞན་མ་ཟང་མང་པོ་འོད་དི་མ་ཟད། ཁྲལ་སྡུད་མཁན་ཀྱ་ཟང་ཁོང་ཀྱ་ཀྱིས་སྐྱེན་ལེ་བཞེས་ལག་མཆོད་གྱོ་འོད་དིག 30དེ་རྒྱ་ཕཱ་རུ་ཤི་པ་དིང་ཆོས་ཁྲིམས་མཁས་པ་ཀྱ་ཀྱིས་ཡེ་ཤུའི་སློབ་མ་ཀྱ་ལེ། ཁྱེད་ཀྱ་མི་སྡིག་ཅན་དིང་། ཁྲལ་སྡུད་མཁན་ཀྱ་ཀྱི་སྐྱེན་ལེ་ཅི་ལེ་བཟའ་འཐུང་བགྱིད་དི་ཡིན་དོ་ཟིན་མི་འཐད་པའི་གཏམ་གླེང་བྱས་ཕེན། 31ཡེ་ཤུས་མི་དེ་ཀྱ་ལེ་གཟུགས་པོ་བདེ་མོ་འོད་ཡོད་ཀྱ་ལེ་ཨེམ་ཆི་དགོས་པ་མེད་དིག ཡིན་ནའང་། ནད་པ་ཀྱ་ལེ་ཨེམ་ཆི་དགོས་པ་འོད་དིག 32འོ་དེ་ཅོག་འདྲ། ང་རང་ནི་མི་བཟང་པོ་ཞིག་ཡིན་ཟེར་མཁན་ཀྱ་ཀྱི་ཆེད་དུ་འོངས་པི་མན། ང་རང་ནི་མི་སྡིག་ཅན་ཀྱ་ལེ་སྤྱོད་པ་ངན་པ་དེ་སྤངས་ཏེ་འགྱོད་བཤགས་གྱིས་ཤིག་ཟེར་དུ་འོངས་པི་ཡིན་ཟིན་གསུངས་པི་དིག

ཡེ་ཤུས་སྨྱུང་གནས་སྐོར་ལེ་ཆོས་གསུངས་པ།

33ཡང་མི་དེ་ཀྱ་ཀྱིས་ཁོང་ལེ། ཁྲུས་གསོལ་བགྱིད་མཁན་ཡོ་ཧ་ནན་གྱི་སློབ་མ་ཀྱ་ཀྱིས་ལན་མ་མང་པོ་སྨྱུང་གནས་སྲུང་གྱོ་འོད་དི་མ་ཟད། གསོལ་བ་སྨོན་ལམ་འདེབས་ཀྱི་འདུག ཕཱ་རུ་ཤི་པའི་སློབ་མ་ཀྱ་ཀྱིས་ཟང་དེ་ཅོག་འདྲ་སྨྱུང་གནས་སྲུང་གྱོ་འོད་དིག ཡིན་ནའང་། ཁྱེད་ཀྱི་སློབ་མ་ཀྱ་ཀྱིས་བཟའ་འཐུང་བགྱིད་འདུག་སྨྲས་ཕེན། 34ཡེ་ཤུས་མི་དེ་ཀྱ་ལེ། མག་པ་དིང་བག་གཡོག་སྐྱེན་ལེ་འོད་རྒྱ། བག་གཡོག་ཀྱ་སྨྱུང་གནས་ཅི་གི་བྱས་ཏེ་སྲུང་དུ་འཇུག་ཐུབ་རྒྱུ། 35ཡིན་ནའང་། མག་པ་དིང་བག་གཡོག་ཀྱ་ཁ་འབྲལ་གཏོང་གི་དུས་ཞིག་འོང་གྱི་དིག དེ་རྒྱ་བག་གཡོག་ཀྱ་ཀྱིས་སྨྱུང་གནས་སྲུང་གྱི་དིག་ཟིན་གསུངས་པི་དིག 36ཡང་ཁོང་གིས་མི་དེ་ཀྱ་ལེ་དཔེ་ཞིག་བསྟན་ཏེ། མི་སུ་ཞིག་ཡིན་ནའང་། གོས་གསར་པ་བཅད་དེ་གོས་རྙིང་པ་ལེ་ལྷན་པ་མི་རྒྱག་འོད་དིག གལ་སྲིད་ལྷན་པ་བརྒྱབ་པི་ཡིན་ནི། གོས་གསར་པ་དེ་རལ་འགྲོ་འོད་དི་མ་ཟད། གསར་པ་དིང་རྙིང་པ་མ་མཐུན་ཕེན། གཉིས་ཀ་ཕན་ཐོགས་མེད་མེད་འགྲོ་གྱི་དིག་ཟིན་གསུངས་པི་དིག 37ཡང་མི་སུ་ཞིག་གིས་ཟང་རྒུན་ཆང་གསར་པ་དེ་རྐྱལ་པ་རྙིང་པའི་ནང་ལེ་མི་བསྙལ་འོད་དིག གལ་སྲིད་བསྙལ་ལི་ཡིན་ནི་རྒུན་ཆང་འཕེལ་ཏེ། རྐྱལ་པ་རྡོལ་ཕེན་ཆང་དིང་རྐྱལ་པ་གཉིས་ཀ་འཕྲོག་བརླག་འགྲོ་གྱི་དིག 38རྒུན་ཆང་གསར་པ་དེ་རྐྱལ་པ་གསར་པའི་ནང་དུ་བསྙལ་དགོས་འོད་དིག 39ཡང་མི་སུ་ཞིག་ཡིན་ནའང་། རྒུན་ཆང་རྙིང་པ་བཏུངས་ཕེན། རྒུན་ཆང་གསར་པ་དེ་འཐུང་འདོད་མི་བགྱིད་འོད་དིག ཁོས་རྟག་ཏུ་རྒུན་ཆང་རྙིང་པ་དེ་ཞིམ་པོ་འདུག་ཟེར་གྱི་དིག་ཟིན་གསུངས་པི་དིག །

Currently Selected:

ལུ་ཀཱ། 5: DLPO

Highlight

Copy