Luka 22

Bɛbɔɔ Yesu ti so pɔ

(Mateo 26:1-5; Marko 14:1-2)

1Afei na paanoo a mmɔreka nnim Afahyɛ a bɛfrɛ no Twam he ɔɔbɛne. 2#Luk 20:19 Na asɔfoɔ mpanyimfoɔ ne atwerɛfoɔ he nso ɔɔhwehwɛ kwane a bɛbɛfa so aku Yesu, efiri sɛ na besuro nkurofoɔ he.

Yuda gye toom sɛ obeyi Yesu ama

(Mateo 26:14-16; Marko 14:10-11)

3 # Yoh 13:2; 13:27 Na Satan wuraa Yuda a bɛfrɛ no Iskariot, a na ɔyɛ dummienu he mu baako he mu; 4na Yuda ne asɔfoɔ mpanyimfoɔ he ne asɔrefie ahwɛfoɔ he kɔkaa kwane a ɔbɛfa so ayi no ama bɛ he ho asɛm: 5Nti bɛ ani gyeɛ na bɛpenee so sɛ bɛbɛma no sika bi. 6Nti ɔgye toom, na ofirii aseɛ hwehwɛɛ kwane a ɔde beyi no ama bɛ berɛ a nnipa bebree nni hɔ.

Twam Afahyɛ ho ahosiesie

(Mateo 26:17-29; Marko 14:12-25)

7 # Eks 12:18-20 Na da a bedi paanoo a mmɔreka nnim afahyɛ duruiɛ he, na ɔsɛ sɛ bɛde twam dwane he bɔ afɔdeɛ. 8Nti Yesu somaa Petro ne Yohane ka kyerɛɛ bɛ sɛ, “Honkɔ na honkosiesie Twam aduane he mma yemmedi.” 9Bebisaa no sɛ, “Hefa ne wopɛ sɛ yekosiesie?” 10Obuaa sɛ, “Hontie! Sɛ howura kuro he mu a, beema bi a ɔsõ ahina a nsuo yam behyia ho. Honni n’akyi nkɔ fie a ɔbɛkɔ mu he mu. 11Na hommisa fiewura he sɛ, ‘Kyerɛkyerɛfoɔ he dɛ, “Hefa ne ahɔhodane a me ne m’asuafoɔ bedi twam afahyɛ ya mu he ya?” ’ 12Na beema he bɛkyerɛ ho dane kɛseɛ bi a ɔya abansoro a bɛasiesie mu. Honyɔ ahosiesie he hɔ.” 13#Luk 19:32Nti befirii hɔ kɔeɛ, na behuu bibiaa sɛnea ɔka kyerɛɛ bɛ he pɛpɛɛpɛ, na besiesiee Twam aduane he.

Adidie a otwa toɔ

14Berɛ he duruiɛ he, ɔkɔtenaa didipono ho a na asomafoɔ he ka ne ho. 15Na ɔka kyerɛɛ bɛ sɛ, “Mepɛ paa sɛ me ne ho bedi twam yi ansa na mahu amane; 16#Luk 13:29na meeka akyerɛ ho sɛ, menni bio kosi da a ne nkyerɛaseɛ paa he bɛbam Nyankopɔn ahennie mu.” 17Na afei ɔfaa kuruwa daa ase kaa sɛ, “Honye yei na honkyɛ nom; 18na meeka akyerɛ ho sɛ, efiri nnɛ ɔɔkɔ yi, mennom bobesa he bio kosi sɛ Nyankopɔn ahennie he bɛba.”

Awurade Adidie he asehyɛ

19 # 1 Ko 11:23-25 Afei nso, ɔfaa paanoo daa ase, bubuu mu de maa bɛ kaa sɛ, “Yei ne me honam a bɛde bɛma, esiane ho nti. Honyɔ yei mfa nkae me.” 20Saa ara nso ne berɛ a bedii anwummerɛduane he wieeɛ he, ɔfaa kuruwa he na ɔdaa ase de maa bɛ kaa sɛ, “Kuruwaa yi ne me mogyaa, apam foforɔ he mogyaa, a ho nti, beehwie agu. 21#Yoh 13:21-22 “Na honhu sɛ, nea obeyi me ama he ne me te didipono yi ho, 22ɔyam sɛ Nipa Ba he ɔɔkɔ sɛnea bɛahyɛ ato hɔ he deɛ; nso, nipa a obeyi no ama he nnue!” 23Nti befirii aseɛ bisabisaa bɛ ho bɛ ho sɛ bɛ mu hwane ne bɛyɔ yei.

Yesu kasa tiaa ahomasoɔ

(Mateo 20:25-27; Marko 10:42-44)

24 # Luk 9:46 Na akasakasaa bi nso sɔree asuafoɔ he ntam fa bɛ mu nea ɔyɛ kɛseɛ ho. 25Na ɔka kyerɛɛ bɛ sɛ. “Amanamane ahene di bɛ so akokorokosɛm, na bɛfrɛ bɛ a bedi bɛ so tumi he adɛɛfoɔ. 26Na ho deɛ, ɔnsɛ sɛ hoyɔ saa. Na mmom homma nea ɔyɛ ho mu kɛseɛ he nyɛ te sɛ kumaa koraa, na kandifoɔ he nsom. 27#Yoh 13:4-14 Na hwane ne yɛ kɛseɛ, nea ɔte adidipono ho anaa nea ɔɔsom? Ɔnyɛ nea ɔte adidipono ho he a? Me mmom deɛ, meya ho mu sɛ somfo.

28“Ho ne hoda so bata me ho me sɔhwɛ brɛ mu. 29Na me nso sɛnea m’agya ayi me sɛ menni ahennie so he, saa ara ne me nso meeyi ho sɛ ahennie sodifoɔ, 30#Mat 19:28 na hoadidi anom me pono so m’ahennie mu, na hoatena nhennwa so abu Israel mmusuakuo dummienu he atɛne.

Petro pa ho nkɔmhyɛ

(Mateo 26:31-35; Marko 14:27-31; Yohane 13:36-38)

31 # 2 Ko 2:11 “Simon, Simon, hwɛ! Satan pɛ sɛ onya kwane na ohuhu ho so sɛ aburo. 32#Yoh 17:11; 17:15; 17:20; Dwom 51:13 Nso masrɛ ama wo, na wo ampa wo gyidie; na wo deɛ sɛ daakye wo sane gyina a, hyɛ wo nuanom dene.” 33Na ɔka kyerɛɛ no sɛ, “Awurade, masiesie me ho sɛ me ne wo bɛkɔ afiase ne wuo mu mpo.” 34Nso Yesu kaa sɛ, “Petro, meeka akyerɛ wo sɛ, ansa na akokɔ bɛbɔno nnɛ he, na woasane mprɛnsa sɛ wonnim me.”

Kɔkɔbɔ bi

35 # Luk 9:3 Afei Yesu bisaa bɛ sɛ, “Berɛ a mesomaa ho a hoamfa sika kotokuo ne akwantuo bɔtɔ ne mpaboa he, bibi hiaa ho anaa?” Bɛkaa sɛ, “Daabi!” 36Na ɔka kyerɛɛ bɛ sɛ. “Seesei deɛ, homma nea ɔpɛ sika kotokuo he mfa, na nea ɔpɛ akwantuo bɔtɔ he nso nyɔ saa; na ma nea onni sekane he ntɔno n’ataadeɛ ngugusoɔ na ɔntɔ bi. 37#Yes 53:12 Na meeka akyerɛ ho sɛ, otwa sɛ nea bɛatwerɛ yi bam fa me ho sɛ, ‘Bɛkane no fraa mmaratofoɔ.’ Na nea ɔfa me ho he anya abam.” 38Na bɛkaa sɛ, “Awurade, hwɛ, sekane mmienu di.” Ɔka kyerɛɛ bɛ sɛ. “Ɔyɛ.”

Yesu dii waerɛhoɔ ya Getsemane

(Mateo 26:30; 26:36-46; Marko 14:26; 14:32-42)

39 # Yoh 18:1 Befirii adi he, Yesu kɔɔ Ngo Bepɔ he so sɛnea na ɔtaa yɔ he; na asuafoɔ he nso dii n’akyi. 40Beduruu hɔ he, ɔka kyerɛɛ bɛ sɛ, “Hommɔ mpaeɛ na hoankɔ sɔhwɛ mu.” 41Afei ɔtwee ne ho firii bɛ ho kɔɔ bea bi a hɔ bɛne; na obuu nkotodwe firii ase bɔɔ mpaeɛ 42sɛ, “Agya, sɛ wopɛ a, yi kuruwa yi firi me so. Nso, ɔnyɛ me pɛ, na mmom ma wo pɛ ne nyɛ hɔ.” 43#1 Ah 19:5 [Na bɔfoɔ bi firi soro yii ne ho adi kyerɛɛ no hyɛɛ no dene. 44Na berɛ a ne ho yera no he, ɔbɔɔ mpaeɛ dendenndene; na ne ho mfifire yɛɛ sɛ mogyaa a ɔɔsosɔ gu fam.]#22:44 Tete atwerɛeɛ he bi mfa yei nka ho. 45Na ɔsɔre firii mpaebɔ mu he, ɔkɔɔ asuafoɔ he nkyɛne kohuu sɛ awerɛhoɔ nti bɛadeda. 46Na ɔka kyerɛɛ bɛ sɛ, “Ɛɛne nti ne hoadeda yi? Honsɔre na hommɔ mpaeɛ, na hoankɔ nsɔhwɛ mu.”

Bɛkyee Yesu

(Mateo 26:47-56; Marko 14:43-49; Yohane 18:2-11)

47Yesu gu so ɔɔkasa he, mpofirem, nnipakuo bi baeɛ a na dummienu he mu baako a bɛfrɛ no Yuda di bɛ anim; na ɔbaa Yesu nkyɛne bɛfee n’ano. 48Na Yesu bisaa no sɛ, “Yuda, wode mfeano ooyi Nipa Ba he ama?” 49Berɛ a bɛ a bɛka ne ho he huu nea oobesi he, bebisaa sɛ, “Awurade, yɛntwe sekane nkɔ bɛ so anaa?” 50Bɛ mu baako mpo twee sɔfo panyini akoa he so sekane twaa n’aso nifa firii hɔ. 51Na Yesu kaa sɛ, “Homma no nso ha yiaa!” Na ɔde ne nsa kaa aso he maa ne ho tɔɔ no. 52Afei Yesu bisaa asɔfoɔ mpanyini ne asɔrefie ahwɛfoɔ ne mpanyimfoɔ a bɛaba ɔɔbɛkye no he sɛ. “Hode sekane ne nkontimaa aba me so te sɛ meyɛ dwotwafoɔ? 53#Yoh 7:30; 8:20 Berɛ a na me ne ho ya asɔrefie hɔ daa he, hoantene ho nsa me so. Nso yei ne ho berɛ ne sum mu tumi.”

Petro paa Yesu

(Mateo 26:57-58; 26:69-75; Marko 14:53-54; 14:66-72; Yohane 18:12-18; 18:25-27)

54Afei bɛkyee Yesu de no kɔeɛ, na bɛde no kɔɔ sɔfo panyini he fie, na Petro di bɛ akyi ya akyirikyiri. 55Berɛ a bɛsɔɔ gya adihɔ tenatenaa ho he, na Petro te bɛ mu bi. 56Na abaawa bi huu no sɛ ɔte gya he ho; na ɔhwɛɛ no gyee kaa sɛ, “Na beema yei nso ka ne ho.” 57Nso Petro sanee sɛ, “Baa, mennim no.” 58Na berɛ tiaa bi akyi he, nnipa foforɔ bi huu no kaa sɛ, “Wo nso woka bɛ ho.” Na Petro kaa sɛ. “Beema, menka bɛ ho.” 59Na bɛyɛ dɔnhwere baako akyi he, nipa foforɔ nso bɛkaa asɛm korɔ heaa sɛ, “Ampa na yei nso ka ne ho; nɔkwasɛm di, ɔyɛ Galileani!” 60Nso Petro kaa sɛ, “Damfo, mennim nea wooka he.” Na hɔaa, berɛ a ogu so ɔɔkasa he, akokɔ bɔneeɛ. 61#Luk 22:34 Na Awurade danee n’ani hwɛɛ Petro, na Petro kae asɛm a Awurade ka kyerɛɛ no he sɛ, “Ansa na akokɔ bɛbɔno nnɛ he, na woapo me mprɛnsa.” 62Na ofirii adi de awerɛhoɔ kosuu yayaaya.

Yesu ho agodie

(Mateo 26:67-68; Marko 14:65)

63Afei mmeema a na bekita ne mu he firii aseɛ dii ne ho agorɔ bobɔɔ no; 64na bɛde adeɛ kataa n’anim kɔɔ so bisaa no sɛ, “Hyɛ nkɔm! Hwane ne bɔɔ wo yi?” 65Na bɛkɔɔ so kekaa abususɛm bebree tiaa no.

66Na adeɛ kyeeɛ he, mane he mpanyimfoɔ abadwakuo he, asɔfoɔ mpanyimfoɔ ne atwerɛfoɔ he nyinaa ka boom, na bɛde no kogyinaa bɛ asennibea kaa sɛ. 67“Sɛ wone Kristo he a, ka kyerɛ yɛ.” Nso ɔka kyerɛɛ bɛ sɛ, “Sɛ meka kyerɛ ho mpo a, ɔnyɛ adeɛ a hobɛgye adi. 68Afei nso, sɛ mebisa ho asɛm a, hommua me nso. 69Nso, efiri sesɛɛ ɔɔkɔ he nipa Ba he bɛtena Nyankopɔn nsa nifa a tumi yam he so.” 70Na bɛ nyinaa bebisaa no sɛ, “Nti, wone Nyankopɔn Ba he?” Ɔka kyerɛɛ bɛ sɛ, “Hoaa ne hooka sɛ mene no.” 71Bɛkaa sɛ, “Abɛ adanseɛ bio ne yehia? Yɛate afiri ɔno ankasa n’anum.”

Currently Selected:

Luka 22: BBTP

Highlight

Copy