HECHOS 25
25
Mandac Festopac ñaupapi Pablo huillashcamanta
1Festo runaca llactata mandangapac yaicushca quimsa punzha q'uipami, Cesarea pueblomanta Jerusalenman rirca. 2Chaiman chayacpica, curacunata mandac curacunapish, israelcunapuramanta*f** caishuc mandaccunapish Pablota juchanchingapacmi, Festopacman shamurcacuna. 3Chaipimi paitaca:
—Ñucanchicmi caita mañac shamunchic: Pablota cai Jerusalenman apamuchun cachashpa cui— nircacuna.
Jerusalenman Pablo shamucucpica, ñanpi chapashpa huañuchinatami paicunaca yuyarinacushca carcacuna. 4Paicuna chashna nicpi Festoca:
—Pablotaca Cesarea pueblollapitac prezu charicuncunaca. Ñucallatac ñami chaiman rigrini. 5Imata juchanchishun nishpaca, mandaccunapura ñucahuan Cesareaman jacuchic. Pai ima mana allita ruhuashca cacpica, chaipi juchanchinguichicllami— nirca.
6Festoca pusac punzha yalli shinatami Jerusalenpica carca. Chaimanta cutin Cesareaman cutimushpaca, cayandic punzhaca pai mandashpa tiyarinapi tiyarishpami, Pablota c'ayac cacharca. 7Ña pai chayamucpica, Jerusalenmanta shamushca israelcunaca muyundicta shayarishpami, Pablotaca manapish cashcacunata munai juchanchishpa rimarcacuna. Ashtahuanpish paicuna juchanchicushcataca chashnatacmi nishpaca, pipish mana nircachu. 8Chashna juchanchicucpimi, Pabloca pai ima shina cashcata israelcunaman huillashpaca:
—Moisés mandashcacunapi ima nishcatapish ‘mana allimi’ nishpaca, mana nishcanichu. Diosman mañana huasita ‘yangallami’ nishpapish, mana nishcanichu. Roma llactata jatun mandac Cesartapish*f** ima mana allitaca mana nishcanichu— nirca.
9Festoca israelcunahuan alli ricurisha nishpami, Pablotaca:
—¿Jerusalenman risha ninguichu? Canta imamanta juchanchicushcataca, ñuca chaipi tapusha— nirca.
10Shina nicpi Pabloca:
—Canca jatun mandac César churashca, cai llactata ricucmi cangui. Chaimanta canllatac ñucataca tapuilla. Ñucaca israelcunata ima mana allita mana ruhuashcataca, canllatac yachanguimi. 11Huañuchina imapish mana caipaccunata ñuca ruhuashca cashpaca, huañuchichun nimanllami. Paicuna juchanchicushca manapish chashna cacpica, ñucataca pi mana paicunaman cachangallachu. Ñucataca Cesarllatac tapuchun ninimi— nirca.
12Shina nicpi, Festoca paita cunaccunahuan parlanacushpaca:
—‘Cesarllatac ñucata tapuchun’ nishcamantaca, cunanca paipacmanmi rina cangui— nirca.
Jatun mandac Agripa uyacucpi Pablo huillashcamanta
13Asha punzhacuna q'uipami, jatun mandac Agripaca paipac pani Berenicehuan Cesarea pueblopi mandac Festota “allillachu cangui” ningapac shamurcacuna. 14Paicuna ña tauca punzhacunata chaipi cacpimi, Festoca chai jatun mandacmanca Pablomanta parlashpaca:
—Caipica, mandac Felix saquishca shuc prezu runami tiyacun. 15Jerusalenpi ñuca cacpimi, Israel*f** curacunata mandac curacunapish, cunac yuyaccunapish chai runata juchanchishpa: ‘Huañuchilla’ ningapac shamurcacuna. 16Shina nicpimi paicunataca: ‘Imata juchanchicushcata manarac ñahuinchinacushpa, imapish cashcatatac manarac alli yachashpaca, Roma*f** llactata mandaccunaca pitapish mana huañuchichun ninchicllachu’ nircani. 17Shina nishpami, paicuna tandanacushpa caiman shamucpica, mana unaiyashpa chai cayandicta ñuca mandashpa tiyarinapi tiyarishpa, chai runataca apamuchun cacharcani. 18Paitaca: ‘Imapish mana caipaccunata ruhuacmi canga’ yuyacurcanimi. Ashtahuanpish paita juchanchiccunaca mana ñuca yuyashca shinachu nircacuna. 19Paitaca: ‘Chai ña huañushca Jesús runaca causacunmi’ nishpa huillashcamantami juchanchircacuna. Shinallatac imata crishcamantapish rimanacurcacunami. 20Chaicunamanta ima shina mana juchanchipac cashpami, ñucaca Pablotaca: ‘Juchanchiccunahuan Jerusalenpi ñahuinchinacungapac, ¿chaiman risha ninguichu?’ nishpa tapurcani. 21Chashna tapucpica paillatacmi: ‘Roma llactata jatun mandac Augustopac ñaupapi ñahuinchinacungacaman, caillapitac casha’ nirca. Shina nicpimi, jatun mandac Augustopacman apangacaman soldadocuna cuidachun nircani— nirca.
22Chashna parlacpi Agripaca Festotaca:
—Ñucapish chai runa ima nishcata uyasha ninimi— nirca.
Shina nicpi Festoca:
—Cayallatacmi pai ima nishcataca uyangui— nirca.
23Chai cayandic punzhallatacmi Agripaca paipac pani Berenicendic sumac churanacunata churarishpa, soldadocunata mandaccunandic, chai pueblopi mandaccunandic, Festo mandashpa tiyana ucuman shamurcacuna. Paicuna ña chayamucpica, Festoca Pablota apamuchunmi cacharca. 24Pablo ña chayamucpica, Festoca:
—Jatun mandac Agripalla, shinallatac tucui caipi ñucanchichuan caccunalla, chai runaca ña caipimi. Paitaca Jerusalén pueblopipish, cai Cesarea pueblopipish tucui israelcunaca*f** juchanchishpami, huañuchichun nishpa caparicuncunalla. 25Chashna nicucpipish, ñuca yuyaipica paita huañuchichunca ima millaita mana ruhuashcachu. Shina cacpipish paillatac: ‘Roma llactata jatun mandac Augustomi tapushpa, imatapish ninga’ nishcamantami, paipacman cachanata yuyarcani. 26Ñucaca pai imata ruhuashcata mana alli yachashcamantami, jatun mandac Augustomanca mana imata quillcai pudini. Chaimantami jatun mandac Agripalla, can imatapish tapucpi chaita quillcashpa cachangapac cambac ñaupaman, shinallatac tucui caipi caccunapac ñaupaman paitaca apamuni. 27Shuc prezuta imamanta juchanchishcata mana huillashpa cachashpaca, ñucaca imata mana yachashpa tiyacuc shinami cani— nirca.
Currently Selected:
HECHOS 25: QXR96
Highlight
Share
Copy
Want to have your highlights saved across all your devices? Sign up or sign in
Quichua Cañar Nuevo Testamento © United Bible Societies in Ecuador, 1996.
HECHOS 25
25
Mandac Festopac ñaupapi Pablo huillashcamanta
1Festo runaca llactata mandangapac yaicushca quimsa punzha q'uipami, Cesarea pueblomanta Jerusalenman rirca. 2Chaiman chayacpica, curacunata mandac curacunapish, israelcunapuramanta*f** caishuc mandaccunapish Pablota juchanchingapacmi, Festopacman shamurcacuna. 3Chaipimi paitaca:
—Ñucanchicmi caita mañac shamunchic: Pablota cai Jerusalenman apamuchun cachashpa cui— nircacuna.
Jerusalenman Pablo shamucucpica, ñanpi chapashpa huañuchinatami paicunaca yuyarinacushca carcacuna. 4Paicuna chashna nicpi Festoca:
—Pablotaca Cesarea pueblollapitac prezu charicuncunaca. Ñucallatac ñami chaiman rigrini. 5Imata juchanchishun nishpaca, mandaccunapura ñucahuan Cesareaman jacuchic. Pai ima mana allita ruhuashca cacpica, chaipi juchanchinguichicllami— nirca.
6Festoca pusac punzha yalli shinatami Jerusalenpica carca. Chaimanta cutin Cesareaman cutimushpaca, cayandic punzhaca pai mandashpa tiyarinapi tiyarishpami, Pablota c'ayac cacharca. 7Ña pai chayamucpica, Jerusalenmanta shamushca israelcunaca muyundicta shayarishpami, Pablotaca manapish cashcacunata munai juchanchishpa rimarcacuna. Ashtahuanpish paicuna juchanchicushcataca chashnatacmi nishpaca, pipish mana nircachu. 8Chashna juchanchicucpimi, Pabloca pai ima shina cashcata israelcunaman huillashpaca:
—Moisés mandashcacunapi ima nishcatapish ‘mana allimi’ nishpaca, mana nishcanichu. Diosman mañana huasita ‘yangallami’ nishpapish, mana nishcanichu. Roma llactata jatun mandac Cesartapish*f** ima mana allitaca mana nishcanichu— nirca.
9Festoca israelcunahuan alli ricurisha nishpami, Pablotaca:
—¿Jerusalenman risha ninguichu? Canta imamanta juchanchicushcataca, ñuca chaipi tapusha— nirca.
10Shina nicpi Pabloca:
—Canca jatun mandac César churashca, cai llactata ricucmi cangui. Chaimanta canllatac ñucataca tapuilla. Ñucaca israelcunata ima mana allita mana ruhuashcataca, canllatac yachanguimi. 11Huañuchina imapish mana caipaccunata ñuca ruhuashca cashpaca, huañuchichun nimanllami. Paicuna juchanchicushca manapish chashna cacpica, ñucataca pi mana paicunaman cachangallachu. Ñucataca Cesarllatac tapuchun ninimi— nirca.
12Shina nicpi, Festoca paita cunaccunahuan parlanacushpaca:
—‘Cesarllatac ñucata tapuchun’ nishcamantaca, cunanca paipacmanmi rina cangui— nirca.
Jatun mandac Agripa uyacucpi Pablo huillashcamanta
13Asha punzhacuna q'uipami, jatun mandac Agripaca paipac pani Berenicehuan Cesarea pueblopi mandac Festota “allillachu cangui” ningapac shamurcacuna. 14Paicuna ña tauca punzhacunata chaipi cacpimi, Festoca chai jatun mandacmanca Pablomanta parlashpaca:
—Caipica, mandac Felix saquishca shuc prezu runami tiyacun. 15Jerusalenpi ñuca cacpimi, Israel*f** curacunata mandac curacunapish, cunac yuyaccunapish chai runata juchanchishpa: ‘Huañuchilla’ ningapac shamurcacuna. 16Shina nicpimi paicunataca: ‘Imata juchanchicushcata manarac ñahuinchinacushpa, imapish cashcatatac manarac alli yachashpaca, Roma*f** llactata mandaccunaca pitapish mana huañuchichun ninchicllachu’ nircani. 17Shina nishpami, paicuna tandanacushpa caiman shamucpica, mana unaiyashpa chai cayandicta ñuca mandashpa tiyarinapi tiyarishpa, chai runataca apamuchun cacharcani. 18Paitaca: ‘Imapish mana caipaccunata ruhuacmi canga’ yuyacurcanimi. Ashtahuanpish paita juchanchiccunaca mana ñuca yuyashca shinachu nircacuna. 19Paitaca: ‘Chai ña huañushca Jesús runaca causacunmi’ nishpa huillashcamantami juchanchircacuna. Shinallatac imata crishcamantapish rimanacurcacunami. 20Chaicunamanta ima shina mana juchanchipac cashpami, ñucaca Pablotaca: ‘Juchanchiccunahuan Jerusalenpi ñahuinchinacungapac, ¿chaiman risha ninguichu?’ nishpa tapurcani. 21Chashna tapucpica paillatacmi: ‘Roma llactata jatun mandac Augustopac ñaupapi ñahuinchinacungacaman, caillapitac casha’ nirca. Shina nicpimi, jatun mandac Augustopacman apangacaman soldadocuna cuidachun nircani— nirca.
22Chashna parlacpi Agripaca Festotaca:
—Ñucapish chai runa ima nishcata uyasha ninimi— nirca.
Shina nicpi Festoca:
—Cayallatacmi pai ima nishcataca uyangui— nirca.
23Chai cayandic punzhallatacmi Agripaca paipac pani Berenicendic sumac churanacunata churarishpa, soldadocunata mandaccunandic, chai pueblopi mandaccunandic, Festo mandashpa tiyana ucuman shamurcacuna. Paicuna ña chayamucpica, Festoca Pablota apamuchunmi cacharca. 24Pablo ña chayamucpica, Festoca:
—Jatun mandac Agripalla, shinallatac tucui caipi ñucanchichuan caccunalla, chai runaca ña caipimi. Paitaca Jerusalén pueblopipish, cai Cesarea pueblopipish tucui israelcunaca*f** juchanchishpami, huañuchichun nishpa caparicuncunalla. 25Chashna nicucpipish, ñuca yuyaipica paita huañuchichunca ima millaita mana ruhuashcachu. Shina cacpipish paillatac: ‘Roma llactata jatun mandac Augustomi tapushpa, imatapish ninga’ nishcamantami, paipacman cachanata yuyarcani. 26Ñucaca pai imata ruhuashcata mana alli yachashcamantami, jatun mandac Augustomanca mana imata quillcai pudini. Chaimantami jatun mandac Agripalla, can imatapish tapucpi chaita quillcashpa cachangapac cambac ñaupaman, shinallatac tucui caipi caccunapac ñaupaman paitaca apamuni. 27Shuc prezuta imamanta juchanchishcata mana huillashpa cachashpaca, ñucaca imata mana yachashpa tiyacuc shinami cani— nirca.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Quichua Cañar Nuevo Testamento © United Bible Societies in Ecuador, 1996.