Kodampaya 13
13
Parnapaasi isho Sawuli akka Hapura Qulqullootatin reexamen ka kollissa erkamen
1Tika kiristaana a Ansookkiya kara kitto karaayye xuumampaya ka orra a qaaleta Waaqa torrino isho a kollinno ca. Ishootta nefo Parnaapaasi ka Simoonise Ipoori kidammo. Ka Qereenittase Lukiyoosi ka Minahese, Herodiisise mankisteeta qudaayye paka afratta ukkummo olli qohame isho Sawuli. 2Ishootta a Poqalla waaqaysannaan ka damta musannaaneeyye, Hapura Qulqulloota ka kide, “Kodaan anti ishootta reexade'e, Parnapaasi isho Sawuli xawwa ana reexa.” 3Ishootta ka ete damta musaden ka qinsaden ka a harkaasso ishootta qara' qapaden kammaayye ishootta xaashen.
Parnapaasi isho Sawuli akkima Qobbiroosipa aanen
4Parnapaasi isho Sawuli ka Hapura Qulqullootatin erkamen ka Selewqiyapa aanen; ka eyye desa markapan Qobbiroosipa aanen. 5Ka ete katama Salamiisi kayeneeyye, tikkasene a qinseeta a orra Yihuta karaayye qaaleta Waaqa kollishen. Yohaannisise Maariqoosi kidammo ka ishootta olliiw ca ka ishootta qaarqaarri.
6Ete piitase a Qobbiroosi otanta pakateeta kara kitto pisa oppan tarpen ka Baafu kayeneeyye, So'ayta takka a Yihuta Paariyesuusi kidammo akken. Isha nefo xuumampayta darta. 7Ka nama takka upna qapo a piita mukinno ka Serkiyoosi Pawloosi kidammo kapa kala. Namase piita mukinno ka Parnapaasi isho Sawuli halacciise; ka qaaleta Waaqa dakaya fade. 8Ma xoori so'aytase, Paariyesuusi a afa Kirikkitin maxxaadi Elmaasi kidammo, akka mukissampaytase Waaqa in amannini fade ka Parnapaasi isho Sawuli dawre. 9Saawlise Pawloosi kidammo xoori, Hapura Qulqullootatin immakaade ka namase quda ilda kode ka isha kide, 10“Atti inna taaploosi paarakaala a dukaata piisa! A sassapa isho neequmtan immakaade, saantase a Poqalla jib kiite torkookkassa kamma a'oorto? 11Tin amma harka Poqalla'e ke daysha! ilda ka ke qara' patan, umma etaa desa la'ayta piirtota a akkito.”
Eennow qayanqayoota isho tukkanta ka ildaa qara ishi dekte. Ikka nama harka isha tupa qapo ka ishin aano isi kapan desa faddatta paayye. 12Mukissampaytase ka ete wa kodde akkeeyye amane ka qoota Poqallaati desa kollissase a dakaye opa qawwaawe.
Parnapaasi isho Pawloosi piita Ansookkiya opa aanen
13Sekkammaayye Pawloosi isho orra a isha quda co markapoppe fayyaden ka Baafu desa katamasene a Berke Binfiliya kara ca opa aanen. Yohaannisise Maariqoosi kidammo xoori eyye'e ishootta diishe ka Yursaalamipa tiitaawe. 14Ishootta ka Perke xa'en ka katamasene a Ansookkiya Bisdiya kara ca opa aanen ka kuyyaata a sampata Yihutaatiiyyi tikase a qinseeta a orra Yihuta kelopa kullen ka eeyye qa'en. 15Ete mataaffa seera isho a xuumampaya nappapamen kammaayye, saarrasene a tika qinseeta ka opa Pawloosi kapopa nama erken ka kidene, “Hellaanno, otoon qaaleta dehamta a orra xasa oorisso qaptaneeyye, haasawada.” 16Pawloosi ka xa'e ka harkan samayta akkishe ka kide, “Orra Isira'eeliti ka ishina a Yihutaata in koddinini ka Waaqa fuurraatiiyyi, dakkaysada! 17Waaqase samaytose a Isira'eeli, aappadaanno a xatta reexade ka a piita Kipsiti caaneyyeew lekna a kutta ishootta kode ka hupnase xaadi kuttan piitoose kara ishootta sookshe, #sooka 1:7; 12:51 18ka a para kunda afur mina kitto'e koommaytoppa ishootta kela duupade. #13:18 mataaffa ollopa marramma demo “ishootta qara tooye” kiini#dikoota 14:34; ooreta 1:31 19ka sekkammaayye piita Kene'aani karaayye mankistewwa tappa alle pashshe ka piitaaysho ishootta lehaanda daashe, #ooreta 7:1; Iyya 14:1 20Sede pisa para dippa afuri kunda ken mina kitto kara'e asse koddite. Ikka sekkammaayye haka kiseetase a xuumampaytase a Saamueeli kaynitto kara'e taanynyada ishootta daashe. #taanynya 2:16; Saamu a 1ta 3:20
21“Sekkammaayye ikka akka nuqusa ishootta daasho'e Waaqa qinsaden. Waaqa ka kafa Piniyaami oppaayye Sa'oli inna Qiisi haka para kunda afuriti ishootta qara nuqusumshe. #Saamu a 1ta 8:5; 10:21 22Ka ete Sa'oli shaare kammaayyeew, Taawwiti ishootta qara nuqusumsheew, Waaqa ete Taawwiti maakkumeeyye ikide, ‘Nama a karittaayyoppa sale ka wa an heena kodo, Taawwiti inna Issayin akkade.’ #Saamu a 1ta 13:14; 16:12; mas 89:20 23Sanynyeeta a namooseti oppaayye Waaqa akka kippeeta a daashe qara'e, Yesuusi dinshampaytase a Isira'eeli ishootta' xaashe. 24A Yesuusi in deenin turanne, Yohaannisi juppootoppa ooreeta ka jaqqatta orra Isira'eeli piisa torre. #Maari 1:4; Luqa 3:3 25Yohaannisi ete kodaadi dikkinnooyye ikiini, ‘Ata anti aynon ishina pahanaade? Annt an Kiristoosin ma, anti nama an isha kelaayye teeppa xopaadi nefo fureeta an kaynini, ana kamma desa de'a.’ #Maati 3:11; Maari 1:7; Luqa 3:16; Yoha 1:20, 27
26“Ishina a sanynyeeta Aprihaami oppaayye dalade hellaannooyye ka ishin a Yihutaata in koddinini a Waaqa fuurraatiiyyi, ha qaalese a dina ino'e erkamte. 27Orra a Yursaalami kara kalo isho saarraasso akka Yesuusi dinshampayta kodde in upnaanne, qoota mataaffasene a xuumampaya, sampata mina nappapamma matte in qapnin malla; ete Yesuusi qara' farannaaneeyye, akka xuumase dikkado'e koden. 28Kadi punu wa toota qaran isha kaya isha qara in teyniniiyyi, akka ishootta isha ishsho'e Pilatoosi naappaden. #Maati 27:22-23; Maari 15:13-14; Luqa 23:21-23; Yoha 19:15 29Ka ete wa qootaadi desa taafame piisa isha qara koden kammaayye, masqala qara isha lekkishen ka hawlen. #Maati 27:57-61; Maari 15:42-47; Luqa 23:50-56; Yoha 19:38-42 30Waaqa xoori tootoppa isha xaashe. 31Isha ka isasene Kelilaayye desa Yursalami opa isha olli de'eti'i, kuyyawwa lekaya akkaade. Ishootta amma samayta tura maakiyyaadi. #koda 1:3 32Ino nefo ka otootase a fayya a Waaqa, aappadaanno kippeeta daashe, ishina torrininna. 33Waaqa Yesuusi tootoppa xa'issaanne, kippeese ino hellaassoti dikkishe. Sede nefo akka masmuureta lammatta oppa taafamte ka kiinitto ‘atti ainnaayyo anti awwen ke xaaye mina. #mas 2:7 34Akka Waaqa tootoppa isha xaashe ikka lammattaen toonini'i Waaqa ihaasawade ka ikide,
kippeetase qulqullaawte ka amanamte
an Taawwiti daashen ishina daasha#Issa 55:3 .
35“Masmuureta pila oppa ikiiniw,
‘innasene xaayti qulqullaawe
akka japo a kooto.’ #mas 16:10
36Ma xoori Taawwiti xeltaadippaayye, ete kodaadi akka heenna Waaqa qara kode ka dikkishe kammaayye; ito'e ka aappadaasso oppa hawlame; ka japjape. 37Ma isase a Waaqa tootoppa isha xaashe in japjapne. #Issa 42:6; 49:6 38Semmalla hellaanno a kiristaanatiiyyi, akka haseenta juppoota Yesuusin akkannaan akka ishina torramte upnaada. 39nama isha amano piisa, juppootase a kelaayye, seerase a Muuse qudan daasame isha hanqeellassa ettanininnkinnin piisa kelaayye, hanqeellaawa. 40Semmalla isase xuumampaya qudan asse kidammte akka ishin qara'en kaynini'i tooytaada.
41Kadi punu nama heenti ishina la'anna ka lellaayye,
koda a ishina a amannini'in sapanaayshin oppa kodaay;
ishina seesampayaaye tooya! Ka oppa qawwaawa! ka pirama!” #Inpa 1:5
42Pawloosi isho Parnapaasi ete tikase a qinseeta a orra Yihuta kela sooknaaneeyye, akka sampata deenooyye wasene'ew ishootta' lelane'e orrase ishootta naappade. 43Ete tikase a qinseeta orra Yihuta kela orra sookeeyye, orra Yihuta isho orra amanteeta a Yihutaata teyyade ka Waaqa Waaqaysanno lekayta Pawloosi isho Parnapaasi kamma aane; Pawloosi isho Parnaapasi ka orrase kollishen. Ka akka daassata Waaqan japadan ka kallaadane'e ishootta dehaamen.
44Sampata a kamma deenooyye, orrase katamaappa kalo oppaayye kara kutta ka qaaleta Waaqa dakkaysatta ollopa de'e. 45Yihutaata ete lekuma a samaytaseti akkiteeyye, yootanne immakaatte ka haasa Pawloosi shiishni ka isha onni. 46Pawloosi isho Parnapaasi xoori, maxanyumaanne haasawaden; ka kidene, “qaaleta Waaqa paayyota'e ishina lelama parpaaccisni, ma oto ishina kiitene, ‘An teyyanno ka akkima caatta parapara ishin parpaaccisni in kinnin isi qara' farattaneeyye’ Ino in tiitaawna ka orra a Yihutaata in koddinin oppopa anna. 47Waan malla, sede koona nefo, Poqalla ino ajaje ka kide, ‘Akka orra piita piisa qaran dina kayto'en orra Yihutaata in koddinini'i, la'ayta ke kode ka ke shuume.’” malla.
48Orra a Yihutaata in koddinin ete sede dakayeeyye, ixasoode. Ka qaaleta Poqalla ulfeesse. Acaatta paraparati reexxame piisa ka amanen.
49Qaaleta Poqalla ka piitose pisa oppa paldaatte.
50Saarra Yihutaata xoori, teyantoolaya iskatta a amanteeta Yihutaatatin kallaanna isho katama appa orra a kukutta nyarrahasiisen ka akka Pawloosi isho Parnapaasi qara pora daanama xa'o koden. Ka piitaaysho oppa alle ishootta sookshen. 51Pawloosi isho Parnapaasi ka loqqaasso quda kuyyaalayta dawdawaden ka Iqqoniyoonipa alle aanen#Maati 10:14; Maari 6:11; Luqa 9:5; 10:11. 52Orra amanno ka xasootta isho Hapura Qulqullootatin immakaade.
Currently Selected:
Kodampaya 13: MaQu
Highlight
Share
Copy
Want to have your highlights saved across all your devices? Sign up or sign in
Kodampaya 13
13
Parnapaasi isho Sawuli akka Hapura Qulqullootatin reexamen ka kollissa erkamen
1Tika kiristaana a Ansookkiya kara kitto karaayye xuumampaya ka orra a qaaleta Waaqa torrino isho a kollinno ca. Ishootta nefo Parnaapaasi ka Simoonise Ipoori kidammo. Ka Qereenittase Lukiyoosi ka Minahese, Herodiisise mankisteeta qudaayye paka afratta ukkummo olli qohame isho Sawuli. 2Ishootta a Poqalla waaqaysannaan ka damta musannaaneeyye, Hapura Qulqulloota ka kide, “Kodaan anti ishootta reexade'e, Parnapaasi isho Sawuli xawwa ana reexa.” 3Ishootta ka ete damta musaden ka qinsaden ka a harkaasso ishootta qara' qapaden kammaayye ishootta xaashen.
Parnapaasi isho Sawuli akkima Qobbiroosipa aanen
4Parnapaasi isho Sawuli ka Hapura Qulqullootatin erkamen ka Selewqiyapa aanen; ka eyye desa markapan Qobbiroosipa aanen. 5Ka ete katama Salamiisi kayeneeyye, tikkasene a qinseeta a orra Yihuta karaayye qaaleta Waaqa kollishen. Yohaannisise Maariqoosi kidammo ka ishootta olliiw ca ka ishootta qaarqaarri.
6Ete piitase a Qobbiroosi otanta pakateeta kara kitto pisa oppan tarpen ka Baafu kayeneeyye, So'ayta takka a Yihuta Paariyesuusi kidammo akken. Isha nefo xuumampayta darta. 7Ka nama takka upna qapo a piita mukinno ka Serkiyoosi Pawloosi kidammo kapa kala. Namase piita mukinno ka Parnapaasi isho Sawuli halacciise; ka qaaleta Waaqa dakaya fade. 8Ma xoori so'aytase, Paariyesuusi a afa Kirikkitin maxxaadi Elmaasi kidammo, akka mukissampaytase Waaqa in amannini fade ka Parnapaasi isho Sawuli dawre. 9Saawlise Pawloosi kidammo xoori, Hapura Qulqullootatin immakaade ka namase quda ilda kode ka isha kide, 10“Atti inna taaploosi paarakaala a dukaata piisa! A sassapa isho neequmtan immakaade, saantase a Poqalla jib kiite torkookkassa kamma a'oorto? 11Tin amma harka Poqalla'e ke daysha! ilda ka ke qara' patan, umma etaa desa la'ayta piirtota a akkito.”
Eennow qayanqayoota isho tukkanta ka ildaa qara ishi dekte. Ikka nama harka isha tupa qapo ka ishin aano isi kapan desa faddatta paayye. 12Mukissampaytase ka ete wa kodde akkeeyye amane ka qoota Poqallaati desa kollissase a dakaye opa qawwaawe.
Parnapaasi isho Pawloosi piita Ansookkiya opa aanen
13Sekkammaayye Pawloosi isho orra a isha quda co markapoppe fayyaden ka Baafu desa katamasene a Berke Binfiliya kara ca opa aanen. Yohaannisise Maariqoosi kidammo xoori eyye'e ishootta diishe ka Yursaalamipa tiitaawe. 14Ishootta ka Perke xa'en ka katamasene a Ansookkiya Bisdiya kara ca opa aanen ka kuyyaata a sampata Yihutaatiiyyi tikase a qinseeta a orra Yihuta kelopa kullen ka eeyye qa'en. 15Ete mataaffa seera isho a xuumampaya nappapamen kammaayye, saarrasene a tika qinseeta ka opa Pawloosi kapopa nama erken ka kidene, “Hellaanno, otoon qaaleta dehamta a orra xasa oorisso qaptaneeyye, haasawada.” 16Pawloosi ka xa'e ka harkan samayta akkishe ka kide, “Orra Isira'eeliti ka ishina a Yihutaata in koddinini ka Waaqa fuurraatiiyyi, dakkaysada! 17Waaqase samaytose a Isira'eeli, aappadaanno a xatta reexade ka a piita Kipsiti caaneyyeew lekna a kutta ishootta kode ka hupnase xaadi kuttan piitoose kara ishootta sookshe, #sooka 1:7; 12:51 18ka a para kunda afur mina kitto'e koommaytoppa ishootta kela duupade. #13:18 mataaffa ollopa marramma demo “ishootta qara tooye” kiini#dikoota 14:34; ooreta 1:31 19ka sekkammaayye piita Kene'aani karaayye mankistewwa tappa alle pashshe ka piitaaysho ishootta lehaanda daashe, #ooreta 7:1; Iyya 14:1 20Sede pisa para dippa afuri kunda ken mina kitto kara'e asse koddite. Ikka sekkammaayye haka kiseetase a xuumampaytase a Saamueeli kaynitto kara'e taanynyada ishootta daashe. #taanynya 2:16; Saamu a 1ta 3:20
21“Sekkammaayye ikka akka nuqusa ishootta daasho'e Waaqa qinsaden. Waaqa ka kafa Piniyaami oppaayye Sa'oli inna Qiisi haka para kunda afuriti ishootta qara nuqusumshe. #Saamu a 1ta 8:5; 10:21 22Ka ete Sa'oli shaare kammaayyeew, Taawwiti ishootta qara nuqusumsheew, Waaqa ete Taawwiti maakkumeeyye ikide, ‘Nama a karittaayyoppa sale ka wa an heena kodo, Taawwiti inna Issayin akkade.’ #Saamu a 1ta 13:14; 16:12; mas 89:20 23Sanynyeeta a namooseti oppaayye Waaqa akka kippeeta a daashe qara'e, Yesuusi dinshampaytase a Isira'eeli ishootta' xaashe. 24A Yesuusi in deenin turanne, Yohaannisi juppootoppa ooreeta ka jaqqatta orra Isira'eeli piisa torre. #Maari 1:4; Luqa 3:3 25Yohaannisi ete kodaadi dikkinnooyye ikiini, ‘Ata anti aynon ishina pahanaade? Annt an Kiristoosin ma, anti nama an isha kelaayye teeppa xopaadi nefo fureeta an kaynini, ana kamma desa de'a.’ #Maati 3:11; Maari 1:7; Luqa 3:16; Yoha 1:20, 27
26“Ishina a sanynyeeta Aprihaami oppaayye dalade hellaannooyye ka ishin a Yihutaata in koddinini a Waaqa fuurraatiiyyi, ha qaalese a dina ino'e erkamte. 27Orra a Yursaalami kara kalo isho saarraasso akka Yesuusi dinshampayta kodde in upnaanne, qoota mataaffasene a xuumampaya, sampata mina nappapamma matte in qapnin malla; ete Yesuusi qara' farannaaneeyye, akka xuumase dikkado'e koden. 28Kadi punu wa toota qaran isha kaya isha qara in teyniniiyyi, akka ishootta isha ishsho'e Pilatoosi naappaden. #Maati 27:22-23; Maari 15:13-14; Luqa 23:21-23; Yoha 19:15 29Ka ete wa qootaadi desa taafame piisa isha qara koden kammaayye, masqala qara isha lekkishen ka hawlen. #Maati 27:57-61; Maari 15:42-47; Luqa 23:50-56; Yoha 19:38-42 30Waaqa xoori tootoppa isha xaashe. 31Isha ka isasene Kelilaayye desa Yursalami opa isha olli de'eti'i, kuyyawwa lekaya akkaade. Ishootta amma samayta tura maakiyyaadi. #koda 1:3 32Ino nefo ka otootase a fayya a Waaqa, aappadaanno kippeeta daashe, ishina torrininna. 33Waaqa Yesuusi tootoppa xa'issaanne, kippeese ino hellaassoti dikkishe. Sede nefo akka masmuureta lammatta oppa taafamte ka kiinitto ‘atti ainnaayyo anti awwen ke xaaye mina. #mas 2:7 34Akka Waaqa tootoppa isha xaashe ikka lammattaen toonini'i Waaqa ihaasawade ka ikide,
kippeetase qulqullaawte ka amanamte
an Taawwiti daashen ishina daasha#Issa 55:3 .
35“Masmuureta pila oppa ikiiniw,
‘innasene xaayti qulqullaawe
akka japo a kooto.’ #mas 16:10
36Ma xoori Taawwiti xeltaadippaayye, ete kodaadi akka heenna Waaqa qara kode ka dikkishe kammaayye; ito'e ka aappadaasso oppa hawlame; ka japjape. 37Ma isase a Waaqa tootoppa isha xaashe in japjapne. #Issa 42:6; 49:6 38Semmalla hellaanno a kiristaanatiiyyi, akka haseenta juppoota Yesuusin akkannaan akka ishina torramte upnaada. 39nama isha amano piisa, juppootase a kelaayye, seerase a Muuse qudan daasame isha hanqeellassa ettanininnkinnin piisa kelaayye, hanqeellaawa. 40Semmalla isase xuumampaya qudan asse kidammte akka ishin qara'en kaynini'i tooytaada.
41Kadi punu nama heenti ishina la'anna ka lellaayye,
koda a ishina a amannini'in sapanaayshin oppa kodaay;
ishina seesampayaaye tooya! Ka oppa qawwaawa! ka pirama!” #Inpa 1:5
42Pawloosi isho Parnapaasi ete tikase a qinseeta a orra Yihuta kela sooknaaneeyye, akka sampata deenooyye wasene'ew ishootta' lelane'e orrase ishootta naappade. 43Ete tikase a qinseeta orra Yihuta kela orra sookeeyye, orra Yihuta isho orra amanteeta a Yihutaata teyyade ka Waaqa Waaqaysanno lekayta Pawloosi isho Parnapaasi kamma aane; Pawloosi isho Parnaapasi ka orrase kollishen. Ka akka daassata Waaqan japadan ka kallaadane'e ishootta dehaamen.
44Sampata a kamma deenooyye, orrase katamaappa kalo oppaayye kara kutta ka qaaleta Waaqa dakkaysatta ollopa de'e. 45Yihutaata ete lekuma a samaytaseti akkiteeyye, yootanne immakaatte ka haasa Pawloosi shiishni ka isha onni. 46Pawloosi isho Parnapaasi xoori, maxanyumaanne haasawaden; ka kidene, “qaaleta Waaqa paayyota'e ishina lelama parpaaccisni, ma oto ishina kiitene, ‘An teyyanno ka akkima caatta parapara ishin parpaaccisni in kinnin isi qara' farattaneeyye’ Ino in tiitaawna ka orra a Yihutaata in koddinin oppopa anna. 47Waan malla, sede koona nefo, Poqalla ino ajaje ka kide, ‘Akka orra piita piisa qaran dina kayto'en orra Yihutaata in koddinini'i, la'ayta ke kode ka ke shuume.’” malla.
48Orra a Yihutaata in koddinin ete sede dakayeeyye, ixasoode. Ka qaaleta Poqalla ulfeesse. Acaatta paraparati reexxame piisa ka amanen.
49Qaaleta Poqalla ka piitose pisa oppa paldaatte.
50Saarra Yihutaata xoori, teyantoolaya iskatta a amanteeta Yihutaatatin kallaanna isho katama appa orra a kukutta nyarrahasiisen ka akka Pawloosi isho Parnapaasi qara pora daanama xa'o koden. Ka piitaaysho oppa alle ishootta sookshen. 51Pawloosi isho Parnapaasi ka loqqaasso quda kuyyaalayta dawdawaden ka Iqqoniyoonipa alle aanen#Maati 10:14; Maari 6:11; Luqa 9:5; 10:11. 52Orra amanno ka xasootta isho Hapura Qulqullootatin immakaade.
Currently Selected:
:
Highlight
Share
Copy
Want to have your highlights saved across all your devices? Sign up or sign in