Kodampaya 12
12
Pora daannaamitta a kuttae kiristaana qara' kaye
1Sapanoosetiiyyi nuqusa takka Herodisi kidammo ka orra tika kiristaana oppaayye demo pora daanitta paayye. 2Ka Yayqoopi inna opa Yohaannisi koraatetan ishshacciise. 3Ka akkima sede Yihutaata xasasse akke ka, Peetiroosi kuli qapsiiseew. Sede nefo kuyyawwasene a Yihutaata xayso nessuma a laaqqota ulfeessinittaati koddite. 4Ka ete Peetiroosi qapsiise kammaayye, tika hida kelopa kalshe ka xayso nessuma a qaran tarpeeta a Yihuta kammaayye haka samayta turopa isha dehanno kara'e, akka afur afur koddan ka isha tooytane'e, foolisoota kita afuri isha daashe. #sooka 12:1-27 5Semmalla Peetiroosi Iqapame ka tika hida kara tooytammi. Ma xoori tika kiristaana qootaadi desa a kuttaati Waaqopa qinsanni.
Erkampattoota Waaqa akka Peetiroosi tika hida kara sookisse
6Parraytaadiiyyi Herodisi samayta turopa Peetiroosi dehassa dikade, halkeesse oppaayye Petiroosi ka sansalaata lakkin hidame ka foolisoota lakkiiyyi otanta kara muke. Foolisowwa a taakane ka xarra tikase a hida tooytini. 7Sitiiyyi erkampattoota Poqalla ka akkaatte, tikase a hida kela la'ayta ka la'aye. Erkampattootase ka Peetiroosi qinda kela da'isse ka isha impasisse ka isha kiite, “Irraqara xa'e!” Sansalaataddasene ka harka quda ishi seehen. 8Erkampattoose ka ishi kiiteewwe, “Mehaddaatti kallsado ka xopaatti xaayyado!” Peetiroosi ka akka ajajame qara' kode; erakampattootase ka ishi kiiteewwe “Ohaataayti uwwisado ka ana kamma xooye!” 9Petiroose ka sooke ka kamma aane. Ikka a keleshaata tooyno ishi pahanaatte umma, wessen a erkampattoota koote piisa, dukaata isha in pahanaanne. 10Ikka tooytampaya a paayyota ka alammatta tarpen ka xarrase a sipla a katamaapa orran anno oppa co kayen. Ikka a nama quda in kaynin mali asseew ishootta paname. Ikka karan sooken ka pora takka a maqaysuma tarpen; a Peetiroosi isiqara in upnin mali erkampattoota ka isha kapa tawte.
11Peetiroosi ka issi'upnaade ka kide, “Akkima Poqalla erkampattootaadi erke, ikka harka Herodisi isho wa samayta Yihuta asanna piisa kela anan pahe, amma in dukaatan in upnaade.” 12Ka ete sede qalpeeffade kammaayye tikase, a Maariyaami a orra lekayta karopa ollopa aane ka Waaqa qinsanno opa aane. Maariyaamise nefo ayya opa Yohaannisise Marqoosi kidammooti. 13Peetiroosi ete eyye kaye ka xarrase a laka tula kookoosheeyye, orxayteeta takka Rooda kidammitto, ayno akka kodde upanaatta xarrase turopa aane. 14Ka ete akka nessa Peetiroosi kodde upatteeyye, xasoottaadi a koope qaran xaate'e a xarrase in pannin mali alle tiitaawte ka keerte ka kiite, “Ha Peetiroosi, xarroppa'e qa'ade!” 15Ishootta ka ishetta kidene, “Ha ittaaronni!” Isheetta xoori ikokkonnase ka kiite, “Ha dukaatannen isha!” Ishootta ka kidene, “Asseeyye, erkampattootase isha tooytinitto koddita.”
16Peetiroosi xoori, xarrase kooko'issa kammaaw caade. Ishootta ka xarrase panen ka isha akken. Ka oppa ollin qawwaawen. 17Isha xoori akka jaw kidane'e harkan ishootta akkishe ka Poqalla atta akka tika hida kela isha sookshe ishootta torre ka ishootta kide, “Wossin Yayqoopi isho orra a amanno a ata hase' lela.” Ka ishootta kapa pora pila opa aane.
18Ete pariteeyye, foolisowwa harmo'e tatammaqen ka kidene, “Ata Peetiroosi atta kodde?” 19Herodisi mattaadi ete Peetiroosi fadacciise ka dapeeyye ka tooytampaya qore kammaayye, akka tooytampayasene leyshane'e ajaje ka sekkammaayye Yihutaayye desa Qeesaariyaapa aane ka eyye kuti'e.
Toota Herodiisi
20Herodisi orra Tiroosi isho a Sidoona qara'e a kuttaati miirode. Ishootta ka takka oli qapen ka de'en ka Pilaastoosi orxaytase a Herodiisi amaname akka ishootta qaarqaaro'e, isha naappaden ka ete ishootta oowsade kammaayye nuqusase qara araara kaassaden. Sede nefo wa malla asse kodene, qoota orra piitaayshoti piita a nuqusase mukinnootiiyyi damta akkanno malla.
21Kuyaatase xooran qapamte oppaayye Herodisi mehaddasene a nuqusuma'e kalsade ka suafaanetaadi qara kuti'e ka samayta haasawade. 22Samayta ka nessa kuttan kide, “Ini nessa Waaqa diisheey, a nama'en!” 23Herodisi qoota Waaqan ulfeessinin malla, erkampattoota Poqalla eennow isha da'isse. Punaata ka isha damen ikka to'e.
24qaaleta Waaqa xoori, kuyyaata mina'e kuttatta ka paldattan anni. 25Parnapaasi isho Sawuli ka kodaaysho dikkishen ka Yursaalamiiyyi dela Ansookkiyaapa tiitaawen ka Yohannisise Marqoosi kidammon isi quda qeeden ka ollin de'en.
Currently Selected:
Kodampaya 12: MaQu
Highlight
Share
Copy
Want to have your highlights saved across all your devices? Sign up or sign in
Kodampaya 12
12
Pora daannaamitta a kuttae kiristaana qara' kaye
1Sapanoosetiiyyi nuqusa takka Herodisi kidammo ka orra tika kiristaana oppaayye demo pora daanitta paayye. 2Ka Yayqoopi inna opa Yohaannisi koraatetan ishshacciise. 3Ka akkima sede Yihutaata xasasse akke ka, Peetiroosi kuli qapsiiseew. Sede nefo kuyyawwasene a Yihutaata xayso nessuma a laaqqota ulfeessinittaati koddite. 4Ka ete Peetiroosi qapsiise kammaayye, tika hida kelopa kalshe ka xayso nessuma a qaran tarpeeta a Yihuta kammaayye haka samayta turopa isha dehanno kara'e, akka afur afur koddan ka isha tooytane'e, foolisoota kita afuri isha daashe. #sooka 12:1-27 5Semmalla Peetiroosi Iqapame ka tika hida kara tooytammi. Ma xoori tika kiristaana qootaadi desa a kuttaati Waaqopa qinsanni.
Erkampattoota Waaqa akka Peetiroosi tika hida kara sookisse
6Parraytaadiiyyi Herodisi samayta turopa Peetiroosi dehassa dikade, halkeesse oppaayye Petiroosi ka sansalaata lakkin hidame ka foolisoota lakkiiyyi otanta kara muke. Foolisowwa a taakane ka xarra tikase a hida tooytini. 7Sitiiyyi erkampattoota Poqalla ka akkaatte, tikase a hida kela la'ayta ka la'aye. Erkampattootase ka Peetiroosi qinda kela da'isse ka isha impasisse ka isha kiite, “Irraqara xa'e!” Sansalaataddasene ka harka quda ishi seehen. 8Erkampattoose ka ishi kiiteewwe, “Mehaddaatti kallsado ka xopaatti xaayyado!” Peetiroosi ka akka ajajame qara' kode; erakampattootase ka ishi kiiteewwe “Ohaataayti uwwisado ka ana kamma xooye!” 9Petiroose ka sooke ka kamma aane. Ikka a keleshaata tooyno ishi pahanaatte umma, wessen a erkampattoota koote piisa, dukaata isha in pahanaanne. 10Ikka tooytampaya a paayyota ka alammatta tarpen ka xarrase a sipla a katamaapa orran anno oppa co kayen. Ikka a nama quda in kaynin mali asseew ishootta paname. Ikka karan sooken ka pora takka a maqaysuma tarpen; a Peetiroosi isiqara in upnin mali erkampattoota ka isha kapa tawte.
11Peetiroosi ka issi'upnaade ka kide, “Akkima Poqalla erkampattootaadi erke, ikka harka Herodisi isho wa samayta Yihuta asanna piisa kela anan pahe, amma in dukaatan in upnaade.” 12Ka ete sede qalpeeffade kammaayye tikase, a Maariyaami a orra lekayta karopa ollopa aane ka Waaqa qinsanno opa aane. Maariyaamise nefo ayya opa Yohaannisise Marqoosi kidammooti. 13Peetiroosi ete eyye kaye ka xarrase a laka tula kookoosheeyye, orxayteeta takka Rooda kidammitto, ayno akka kodde upanaatta xarrase turopa aane. 14Ka ete akka nessa Peetiroosi kodde upatteeyye, xasoottaadi a koope qaran xaate'e a xarrase in pannin mali alle tiitaawte ka keerte ka kiite, “Ha Peetiroosi, xarroppa'e qa'ade!” 15Ishootta ka ishetta kidene, “Ha ittaaronni!” Isheetta xoori ikokkonnase ka kiite, “Ha dukaatannen isha!” Ishootta ka kidene, “Asseeyye, erkampattootase isha tooytinitto koddita.”
16Peetiroosi xoori, xarrase kooko'issa kammaaw caade. Ishootta ka xarrase panen ka isha akken. Ka oppa ollin qawwaawen. 17Isha xoori akka jaw kidane'e harkan ishootta akkishe ka Poqalla atta akka tika hida kela isha sookshe ishootta torre ka ishootta kide, “Wossin Yayqoopi isho orra a amanno a ata hase' lela.” Ka ishootta kapa pora pila opa aane.
18Ete pariteeyye, foolisowwa harmo'e tatammaqen ka kidene, “Ata Peetiroosi atta kodde?” 19Herodisi mattaadi ete Peetiroosi fadacciise ka dapeeyye ka tooytampaya qore kammaayye, akka tooytampayasene leyshane'e ajaje ka sekkammaayye Yihutaayye desa Qeesaariyaapa aane ka eyye kuti'e.
Toota Herodiisi
20Herodisi orra Tiroosi isho a Sidoona qara'e a kuttaati miirode. Ishootta ka takka oli qapen ka de'en ka Pilaastoosi orxaytase a Herodiisi amaname akka ishootta qaarqaaro'e, isha naappaden ka ete ishootta oowsade kammaayye nuqusase qara araara kaassaden. Sede nefo wa malla asse kodene, qoota orra piitaayshoti piita a nuqusase mukinnootiiyyi damta akkanno malla.
21Kuyaatase xooran qapamte oppaayye Herodisi mehaddasene a nuqusuma'e kalsade ka suafaanetaadi qara kuti'e ka samayta haasawade. 22Samayta ka nessa kuttan kide, “Ini nessa Waaqa diisheey, a nama'en!” 23Herodisi qoota Waaqan ulfeessinin malla, erkampattoota Poqalla eennow isha da'isse. Punaata ka isha damen ikka to'e.
24qaaleta Waaqa xoori, kuyyaata mina'e kuttatta ka paldattan anni. 25Parnapaasi isho Sawuli ka kodaaysho dikkishen ka Yursaalamiiyyi dela Ansookkiyaapa tiitaawen ka Yohannisise Marqoosi kidammon isi quda qeeden ka ollin de'en.
Currently Selected:
:
Highlight
Share
Copy
Want to have your highlights saved across all your devices? Sign up or sign in