Kodampaya 11
11
Peetiroosi wa malla orra Yihutaata in koddinin oppopa aane akka olkela la'ayshe
1Erkamampaya isho hellaa a kiristaana a piita Yihuta kara ca, akkima isasene Yihutaata in koddinin qaaleta Waaqa teyyaden dakayen. 2Ete Peetiroosi Yursaalamipa tiitaaweeyye, kiristaanase a Yihuta akka dawra qara muratta parpaaccisnitto amanno, isha qootishe 3ka kide, “Maana malla tika a orra dawra qara muranni in kinnin opa ante ka ishootta olli damta damte?” 4Peetiroosi xoori we piisa olkamma' oorshe ka ishootta' la'assa paayye ka kide,
5“An katama Iyyoobbe kara qinseetoppa co ka oppopa ollin taweeyye kelashaata akke; waan akke, nefo wa ohaata kaaranta a kutta paha'e qeppeelliyya afurin qapame ka moonte xata lekkanni ka ana kapopa deeni. 6Eten wessen quda ilda kode ka tooynooyye, ohaatase a kaaranta oppaayye, horeeta ka pinaana kappina ka uumata piitandesa kessan titmanno isho xampira moontan xa'anna'en akke. 7Ka nessa ana' kiino, ‘Peetiroosi, xa'e ka qalado ka dame!’ dakaye. 8Anka kide, ‘Poqallaay, in koddito, wa nyale taaki in qulqullaawnini afappaanne an kayanne ka an upo!’ 9Ma xoori nessa a lammattati moonte xata de'e ka kiini, ‘Wa Waaqa qulqullayshe atti inyalen kideeta ke parpaaccisni in co.’ Anka dakaye. 10Ete sede sessan koddite kammaayye, wossene piisa ka moontopa qeedamen. 11Tin sitiiyyi namase sessa Qeesaariyaayye ana kamma erkame ka tikase an anti kara co kayen. 12Hapura Qulqulloota ka an oppa an dikannin mali akkan ishootta olli aano'e, ana' lele. Hellosen xanno a kiristaana leh kuli ka ana olliiw caan; an ka ishootta ollinni, tika namase Qorneloosi kidammo opa kulline. 13Isha ka akka erkampattoota Waaqa tikaadippa qa'atte, ikka akke ka ishi kiite, ‘Iyyoobbepa Simoon-Peetiroosi kamma nama erke ka halacciise ino lele. 14Ka akkima ishi kiite, isha qaaleta ke isho toolaayti piisa ishin dintane ke' lelay.’ ino torre. 15Eten anti haasawatta paayyeeyye, akka paayyota Hapura Qulqulloota ino qara lekkade mina ishootta qara lekkadeew. 16Anka sitiiyyi qaaletase a Poqalla haasawade ka kide, ‘Yohaannisi pishaanne jaqqe ma, ishina xoori Hapura Qulqullootatinni jaqqamtan’ matteeyye oorsade. #koda 1:5 17Ino eten poqalla Yesuusi Kiristoosi amaneeyye, daassatase a Waaqa ino daashe; ete ishootta kuli daasheeyye, anti an ayno ka Waaqa dawra ettansha?”
18Ishootta ete sede dakayeneeyye, wa mina oorshane'e dapen ka jaw kiden ka Waaqa kalataysaden ka kidene, “Ete asse kodditeeyye orra Yihutaata in koddinin kuli'i juppootoppa ooreeta a caatta haarayoppan ishootta kayo ishootta' daashe kideeta.”
Akka orra amane Ansookkiyaayye “Kiristaana” kidame
19Ete Istifaanosi dakkame ka to'eyye, pora daanama a xa'e minanne, orrase amanno ka pase haka Finqe ka Qobbiroosi isho a Ansookkiyaati'i aane. Umma qaaletase orra pilaati torrini in caan ma, a Yihutaata patta'e torrini. #koda 8:1-4 20a koddito ma orrase amanno a Qobbiroosi isho Qereena de'e demo, ete Ansookkiyaapa aaneneeyye, qoota Poqalla Yesuusi desa isasene Yihutaata in koddinin kuli'i otootase a fayya torren. 21Poqalla nefo ka hupnaadin ishootta qaarqaarri. Orra lekayta ka amane ka Poqallaapa tiitaawe.
22Tikase a kiristaana Yursaalami kara kitto qoota sede dakayte malla, Parnapaasi Ansookkiyaapa erkite. 23Isha ka aane ka akka Waaqa samaytaadi daassataadi daashe akke ka xasoode ka akka piisantiiyyi karittaaysho piisan japaadan ka Poqalla amanaman kallaadane ishootta dehaame. 24Isha qoota nama paxaara a Hapura Qulqulloota isho amanteetan immakaade kodde malla; Orra lekayta ka qinda Poqalla opa tiitaawe.
25Sekkammaayye Parnapaasi Sawuli fada'e Terseesipa aane. 26Ka ete isha teyeeyye, Ansookkiyaapa ishin de'e ka lamattiiyyi, para takka kumma tika Kiristaana quda kinnaaden ka orra lekayta kollishen. Orra amanno ka paayyota qara, Ansookkiya kara'e “Kiristaana” kidame ka halaame.
27Sitiiyyi xuumampaya demo ka Yursaalami xata Ansookkiyaapa aanen. 28Ishoottoppaayye takka Akapoosi kidammo ka xa'e ka akka piita piisa qara do'a a kokkooka de'o Hapura Qulqullootatin xuuma haasawade. Sede nefo, sapanase a Qelawdoosi a nuqusase kutta a Roomitiiyyi koddite. #koda 21:10 29Semmalla kiristaana a Ansookkiya kara kalo matta mina'e akka ettanissaaysho mina'e akka hellaasso a kiristaana a Yihuta kara kalaati qaarqaarsa kodane piisaden. 30Ka akka dikaden qara koden ka Parnapaasi isho Sawuli qudanne qimaya tika kiristaanati erken.
Currently Selected:
Kodampaya 11: MaQu
Highlight
Share
Copy
Want to have your highlights saved across all your devices? Sign up or sign in
Kodampaya 11
11
Peetiroosi wa malla orra Yihutaata in koddinin oppopa aane akka olkela la'ayshe
1Erkamampaya isho hellaa a kiristaana a piita Yihuta kara ca, akkima isasene Yihutaata in koddinin qaaleta Waaqa teyyaden dakayen. 2Ete Peetiroosi Yursaalamipa tiitaaweeyye, kiristaanase a Yihuta akka dawra qara muratta parpaaccisnitto amanno, isha qootishe 3ka kide, “Maana malla tika a orra dawra qara muranni in kinnin opa ante ka ishootta olli damta damte?” 4Peetiroosi xoori we piisa olkamma' oorshe ka ishootta' la'assa paayye ka kide,
5“An katama Iyyoobbe kara qinseetoppa co ka oppopa ollin taweeyye kelashaata akke; waan akke, nefo wa ohaata kaaranta a kutta paha'e qeppeelliyya afurin qapame ka moonte xata lekkanni ka ana kapopa deeni. 6Eten wessen quda ilda kode ka tooynooyye, ohaatase a kaaranta oppaayye, horeeta ka pinaana kappina ka uumata piitandesa kessan titmanno isho xampira moontan xa'anna'en akke. 7Ka nessa ana' kiino, ‘Peetiroosi, xa'e ka qalado ka dame!’ dakaye. 8Anka kide, ‘Poqallaay, in koddito, wa nyale taaki in qulqullaawnini afappaanne an kayanne ka an upo!’ 9Ma xoori nessa a lammattati moonte xata de'e ka kiini, ‘Wa Waaqa qulqullayshe atti inyalen kideeta ke parpaaccisni in co.’ Anka dakaye. 10Ete sede sessan koddite kammaayye, wossene piisa ka moontopa qeedamen. 11Tin sitiiyyi namase sessa Qeesaariyaayye ana kamma erkame ka tikase an anti kara co kayen. 12Hapura Qulqulloota ka an oppa an dikannin mali akkan ishootta olli aano'e, ana' lele. Hellosen xanno a kiristaana leh kuli ka ana olliiw caan; an ka ishootta ollinni, tika namase Qorneloosi kidammo opa kulline. 13Isha ka akka erkampattoota Waaqa tikaadippa qa'atte, ikka akke ka ishi kiite, ‘Iyyoobbepa Simoon-Peetiroosi kamma nama erke ka halacciise ino lele. 14Ka akkima ishi kiite, isha qaaleta ke isho toolaayti piisa ishin dintane ke' lelay.’ ino torre. 15Eten anti haasawatta paayyeeyye, akka paayyota Hapura Qulqulloota ino qara lekkade mina ishootta qara lekkadeew. 16Anka sitiiyyi qaaletase a Poqalla haasawade ka kide, ‘Yohaannisi pishaanne jaqqe ma, ishina xoori Hapura Qulqullootatinni jaqqamtan’ matteeyye oorsade. #koda 1:5 17Ino eten poqalla Yesuusi Kiristoosi amaneeyye, daassatase a Waaqa ino daashe; ete ishootta kuli daasheeyye, anti an ayno ka Waaqa dawra ettansha?”
18Ishootta ete sede dakayeneeyye, wa mina oorshane'e dapen ka jaw kiden ka Waaqa kalataysaden ka kidene, “Ete asse kodditeeyye orra Yihutaata in koddinin kuli'i juppootoppa ooreeta a caatta haarayoppan ishootta kayo ishootta' daashe kideeta.”
Akka orra amane Ansookkiyaayye “Kiristaana” kidame
19Ete Istifaanosi dakkame ka to'eyye, pora daanama a xa'e minanne, orrase amanno ka pase haka Finqe ka Qobbiroosi isho a Ansookkiyaati'i aane. Umma qaaletase orra pilaati torrini in caan ma, a Yihutaata patta'e torrini. #koda 8:1-4 20a koddito ma orrase amanno a Qobbiroosi isho Qereena de'e demo, ete Ansookkiyaapa aaneneeyye, qoota Poqalla Yesuusi desa isasene Yihutaata in koddinin kuli'i otootase a fayya torren. 21Poqalla nefo ka hupnaadin ishootta qaarqaarri. Orra lekayta ka amane ka Poqallaapa tiitaawe.
22Tikase a kiristaana Yursaalami kara kitto qoota sede dakayte malla, Parnapaasi Ansookkiyaapa erkite. 23Isha ka aane ka akka Waaqa samaytaadi daassataadi daashe akke ka xasoode ka akka piisantiiyyi karittaaysho piisan japaadan ka Poqalla amanaman kallaadane ishootta dehaame. 24Isha qoota nama paxaara a Hapura Qulqulloota isho amanteetan immakaade kodde malla; Orra lekayta ka qinda Poqalla opa tiitaawe.
25Sekkammaayye Parnapaasi Sawuli fada'e Terseesipa aane. 26Ka ete isha teyeeyye, Ansookkiyaapa ishin de'e ka lamattiiyyi, para takka kumma tika Kiristaana quda kinnaaden ka orra lekayta kollishen. Orra amanno ka paayyota qara, Ansookkiya kara'e “Kiristaana” kidame ka halaame.
27Sitiiyyi xuumampaya demo ka Yursaalami xata Ansookkiyaapa aanen. 28Ishoottoppaayye takka Akapoosi kidammo ka xa'e ka akka piita piisa qara do'a a kokkooka de'o Hapura Qulqullootatin xuuma haasawade. Sede nefo, sapanase a Qelawdoosi a nuqusase kutta a Roomitiiyyi koddite. #koda 21:10 29Semmalla kiristaana a Ansookkiya kara kalo matta mina'e akka ettanissaaysho mina'e akka hellaasso a kiristaana a Yihuta kara kalaati qaarqaarsa kodane piisaden. 30Ka akka dikaden qara koden ka Parnapaasi isho Sawuli qudanne qimaya tika kiristaanati erken.
Currently Selected:
:
Highlight
Share
Copy
Want to have your highlights saved across all your devices? Sign up or sign in