Kodampaya 10
10
Peetiroosi isho Qorneloosi
1Nama takka Qorneloosi kidammo katama qiisaariya karaayye kala. Isha nefo xela oranna a Roomi karaayye kita takkan kita Taaliya kidamma oppaayye motolaqa. 2Isha nama toolaadi piisa ollinni Waaqa waaqaysanno ka Waaqa fuurro ka teekolaya daassata kutta daani ka awta piisa Waaqopa qinsanni. 3Kuyyaata takkaayye, a letta saateta sakal mina kittooyye a erkampattoota Waaqa isha kapopa kullinitto ka isha haleenitto ka kiinitto “Qorneloosi!” Keleshaatappan fayya akke. 4Ikka erkampattootase quda ildaa kode ka tammaqtan kide, “Poqallaay, ata maana?”
Erkampattootase ka isha kiite, “Qinseetaayti isho daassatase a teekolaya daannitto, kalisoota a paxaara a ishin matte ke oorsadane'e koddite ka opeela xaate ka Waaqa kapa kayte. 5Amma Iyyoobbepa orra erke ka nama Simoon Peetiroosii kidammo halacciise. 6Isha amma tikase pakateeta kapa kitto a Simoonise kollaya tuuqnootiiyyi xaykuman caay.”
7Ete erkampattootase sede isha lelte isha kapa tawteeyye, Qorneloosi ka orxayaadi oppaayye nama lakki isho xela oranna a kitaadi kara co oppa nama Waaqa fuurro takka hale 8ka ete we piisa ishootta' lele kammaayye Iyyoobbepa ishootta erke.
9Parraytaadiiyyi, ete ishootta katamasene kapa foolsadeneeyye, a letta saateta leh mina kittooyye, Peetiroosi tikase tula qara kitto a kela kalo qaropa qinseeta fayyade. 10Sitiiyyi Peetiroosii ka do'e ka we takkan a dama faani ka a damta ishi kodama qara kittooyye kelashaata akketoppopa ollin tawe. 11Kelashaatose a akke nefo: a moonta panamte wa ohaata a kaaranta a kutta paha ka qeppeellitta afurin qapame ka piitopa lekkana. 12Wossin oppaayye nefo pinaana ika lekayta uumata a piitan desa keessan titmanno isho xampira a moontan xa'anna'e ca. 13Sitiiyyi ikka nessa a kiino, “Peetiroosi, xa'e ka qalado ka dame” Dakaye.
14Peetiroosi xoori ikide, “Poqallaay, in koddito anti apari wa an qulqullaawnin taaki a nyele, an damme!”
15Ikka nessa a kiino, “Wa Waaqa qulqullayshe atti a nyele kideeta ke parpaaccisni in kitto.” dakayeew. 16Ete sede sessaan koddite kammaayye, wessen ohaata paha eennoow moontopa qeedamen.
17Peetiroosi ete wessen a kelashaatoppan akke maana kideeta akkima kodden oppa dikanno ka oppa' rakkannooyye, orrase a Qorneloosi erke kaassattanne tikase a Simooni akken ka xarroppa qa'aden 18ka wellelen ka kaassaden ka kidene, “Hela Simoon Peetiroosi ishin kapopa xaykuma de'e ka are caa?”
19Peetiroosi ete wossin a kelashaatoppan akke oppa dikannooyye, Hapura Qulqulloota i'ishi kide, “Tina nama sessa ke faani. 20xa'e ka lekkado ka ana ishootta erkeey, a oppa a' dikannin mali olli aane.”
21Peetiroosi ka lekkade ka orrase kapopa aane ka ishootta kide, “Namase a faanittan anaay, wa malla deetene maana?” 22Ishootta ka ishi kidene, “Ino Qernelewoosi motoloqitta kapan deene, isha samayta Yihuta piisa isha ulfeessini, ikka nama paxaara a Waaqa waaqaysanno, akka tikaadipa ke halacciiso ka wa kiinitta ke qara dakayo'e, erkampattoota a qulqullaawte ishi' lelte.” 23Peetiroosi ka tika karopa ishootta kullishe ka xaykuma ishootta teyyade ka eeyye ishootta mukshe.
Ka parraytaadiiyyi xa'e ka ishootta olli aane. Hellaasene xaaysho a kiristaana Iyyoobbe kara ca oppaayye demo ka isha olli aanen. 24Ka kuyaata lammatati Qeesaariya kayen. Qorneloosi ka daltaytaadi isho moottadaadi a jaalanna ollopa hale ka opa Peetiroosii mina asanni. 25Ete Peetiroosi tika karopa kullinooyye, Qorneloosi loqqaadi kela'e pi'e ka ishi sakatade. 26Peetiroosi xoori i'ishi kide, “xa'e! Anti an xaayti mina'ew an namaay,” Ka isha xaashe. 27Ka ete isha olli haasawattan tika kelopa kulleeyye, orra lekayta a'eyye kelopa ollopa de'e akke. 28Ka ishootta kide, “Nama a Yihutitta kodde akka orra pila olli parkumo ka tikaaysho kelopa kullo, seera amanteetinno oppa akka faqqatammi in kinnin, ishina mattaayshina i'uptan. Ma xoori, akkan nama takka nefo'e ‘in qulqullaawne taaki in nyalle’ An kiini'i Waaqa ana akkishe. 29Semmalla, ete ana kamma orra erkameeyye an tiinnin malin de'eey, wa malla ana haleetene, upnaattan heena.”
30Qorneloosi ka kide, “Kuyyaata afuri turanne esse saateta sakal qaran tikiyyoppa Waaqa qinsanni, tin an isqara an upniniiyyi, nama takka mehadda pippildaawna kalsade ka ana tura qa'ade; 31ka ana kide'e, ‘Qorneloosi! Waaqa qinseetaayti idakaye, daassatase xaayti a' teekolaya daannito nefo ka ke' dikatamte; 32semmalla Iyyoobbepa nama erke ka Simoon-Peetiroosi halacciise. Isha tikase pakateeta kapa kitto a Simoonise kollaya tuuqnootiiyyi xaykuman caay.’ 33Semmalla anka eennow ke kamma orra erke. Atti nefo sede a' deete fayya' koote. Wa Waaqa ke ajaje ke qara dakkaysatta'en piisantiiyyi are fuula Waaqa turopa ollopa deeneey akka haasawatto in heenna.”
Haasa Peetiroosi
34Peetiroosi ka haasawatta paayye ka kide'e, “Dukaatan Waaqa akkima orra olqaran jaalinni in kinnin amma iana kalte. #ooreta 10:17 35Nama kadii punu piita heenteeyye deaayye, oton Waaqa fuurriiyyi ka hanqeelluma kooniiyyi, Waaqa i'isha teyyanni. 36Waaqa akkima samayta Isira'eeliti qaaletaadi erke a upnaysamte ka ishootta'ew Yesuusi Kiristoosi, poqlase a orra piisa qudanne otootase a fayya a nakayta torreetan de'e. 37Eta a Yohaannisi qoota pisha jaqattaati desa torre paayyatte, Kelila xaate haka piita Yihuta piisa oppa'e, wa kodde i'uptan.
38“Ka asseew Waaqa akka Yesuusise a Naasirati Hapura Qulqullootatin daate ka hupna ishi daashe, i'uptan. Waaqa qoota isha olli co malla, isha ka wa pa'aara kodanne ka orra a hupna ukkumeeta kela miiddame piisa dinissaanne pora aane.
39“Isha koda kantaada Yihuta isho katama Yursaalami kara kodeeti desa ino an maakkiyya. Ma xoori qoyra qara'e isha fannisen ka ishshen. 40Waaqa xoori kuyyaata sessattatiiyyi, tootoppa isha xaashe ka akka akkaado kode. 41Akkaattaadi nefo maakkiyyasine a turan Waaqa ishootta reexadeeti'i, akkaade diisheey samayta piisa'en a isha tootoppa xa'e kammaayye ino a isha olli dame ka ikke an maakkiyyaadi. 42Ka akkan wossin samayta torrino'e, ka akka isha a ca isho a le'e qara' farato'e, akka Waaqa isha shuume maakkummo'e ino ajaje. 43Nama isha amanno piisa akkima maxxaadin diissata juppoota teyo, xuumampaya piisa isha maakkummi.”
44Ete Peetiroosi sede haasawannooyye, orra qaalese dakaye piisa qarae Hapura Qulqulloota lekkade. 45Orrase a Yihuta dawra qara murade ka kiristaana kodde a Peetiroosi olli de'e, ete Waaqa orra a Yihutaata in koddinin kuli Hapura Qulqulloota daashe ikka akkeneeyye oppa'e qawwaawen. 46Wa ishin akka Hapura Qulqulloota isasine Yihutaata in koddinini kuli daasame upnaadene, qoota isasine Yihutaata in koddinini a fadda pilaatin haasawannaan ka Waaqa kalataysannaan dakayen malla. Sitiiyyi Peetiroosi ka haasawade ka kide, 47“Orrose a xanno mina'ew Hapura Qulqulloota teyyadeey, Ayno pishaan jaqqama ishootta dawra?” 48Ka akka maxxa Yesuusi Kiristoosin jaqqamane ajaje. Sekkammayye, ikka akka Peetiroosi ishootta kapa kuyyawwa lamaya piro isha naappaden.
Currently Selected:
Kodampaya 10: MaQu
Highlight
Share
Copy
Want to have your highlights saved across all your devices? Sign up or sign in
Kodampaya 10
10
Peetiroosi isho Qorneloosi
1Nama takka Qorneloosi kidammo katama qiisaariya karaayye kala. Isha nefo xela oranna a Roomi karaayye kita takkan kita Taaliya kidamma oppaayye motolaqa. 2Isha nama toolaadi piisa ollinni Waaqa waaqaysanno ka Waaqa fuurro ka teekolaya daassata kutta daani ka awta piisa Waaqopa qinsanni. 3Kuyyaata takkaayye, a letta saateta sakal mina kittooyye a erkampattoota Waaqa isha kapopa kullinitto ka isha haleenitto ka kiinitto “Qorneloosi!” Keleshaatappan fayya akke. 4Ikka erkampattootase quda ildaa kode ka tammaqtan kide, “Poqallaay, ata maana?”
Erkampattootase ka isha kiite, “Qinseetaayti isho daassatase a teekolaya daannitto, kalisoota a paxaara a ishin matte ke oorsadane'e koddite ka opeela xaate ka Waaqa kapa kayte. 5Amma Iyyoobbepa orra erke ka nama Simoon Peetiroosii kidammo halacciise. 6Isha amma tikase pakateeta kapa kitto a Simoonise kollaya tuuqnootiiyyi xaykuman caay.”
7Ete erkampattootase sede isha lelte isha kapa tawteeyye, Qorneloosi ka orxayaadi oppaayye nama lakki isho xela oranna a kitaadi kara co oppa nama Waaqa fuurro takka hale 8ka ete we piisa ishootta' lele kammaayye Iyyoobbepa ishootta erke.
9Parraytaadiiyyi, ete ishootta katamasene kapa foolsadeneeyye, a letta saateta leh mina kittooyye, Peetiroosi tikase tula qara kitto a kela kalo qaropa qinseeta fayyade. 10Sitiiyyi Peetiroosii ka do'e ka we takkan a dama faani ka a damta ishi kodama qara kittooyye kelashaata akketoppopa ollin tawe. 11Kelashaatose a akke nefo: a moonta panamte wa ohaata a kaaranta a kutta paha ka qeppeellitta afurin qapame ka piitopa lekkana. 12Wossin oppaayye nefo pinaana ika lekayta uumata a piitan desa keessan titmanno isho xampira a moontan xa'anna'e ca. 13Sitiiyyi ikka nessa a kiino, “Peetiroosi, xa'e ka qalado ka dame” Dakaye.
14Peetiroosi xoori ikide, “Poqallaay, in koddito anti apari wa an qulqullaawnin taaki a nyele, an damme!”
15Ikka nessa a kiino, “Wa Waaqa qulqullayshe atti a nyele kideeta ke parpaaccisni in kitto.” dakayeew. 16Ete sede sessaan koddite kammaayye, wessen ohaata paha eennoow moontopa qeedamen.
17Peetiroosi ete wessen a kelashaatoppan akke maana kideeta akkima kodden oppa dikanno ka oppa' rakkannooyye, orrase a Qorneloosi erke kaassattanne tikase a Simooni akken ka xarroppa qa'aden 18ka wellelen ka kaassaden ka kidene, “Hela Simoon Peetiroosi ishin kapopa xaykuma de'e ka are caa?”
19Peetiroosi ete wossin a kelashaatoppan akke oppa dikannooyye, Hapura Qulqulloota i'ishi kide, “Tina nama sessa ke faani. 20xa'e ka lekkado ka ana ishootta erkeey, a oppa a' dikannin mali olli aane.”
21Peetiroosi ka lekkade ka orrase kapopa aane ka ishootta kide, “Namase a faanittan anaay, wa malla deetene maana?” 22Ishootta ka ishi kidene, “Ino Qernelewoosi motoloqitta kapan deene, isha samayta Yihuta piisa isha ulfeessini, ikka nama paxaara a Waaqa waaqaysanno, akka tikaadipa ke halacciiso ka wa kiinitta ke qara dakayo'e, erkampattoota a qulqullaawte ishi' lelte.” 23Peetiroosi ka tika karopa ishootta kullishe ka xaykuma ishootta teyyade ka eeyye ishootta mukshe.
Ka parraytaadiiyyi xa'e ka ishootta olli aane. Hellaasene xaaysho a kiristaana Iyyoobbe kara ca oppaayye demo ka isha olli aanen. 24Ka kuyaata lammatati Qeesaariya kayen. Qorneloosi ka daltaytaadi isho moottadaadi a jaalanna ollopa hale ka opa Peetiroosii mina asanni. 25Ete Peetiroosi tika karopa kullinooyye, Qorneloosi loqqaadi kela'e pi'e ka ishi sakatade. 26Peetiroosi xoori i'ishi kide, “xa'e! Anti an xaayti mina'ew an namaay,” Ka isha xaashe. 27Ka ete isha olli haasawattan tika kelopa kulleeyye, orra lekayta a'eyye kelopa ollopa de'e akke. 28Ka ishootta kide, “Nama a Yihutitta kodde akka orra pila olli parkumo ka tikaaysho kelopa kullo, seera amanteetinno oppa akka faqqatammi in kinnin, ishina mattaayshina i'uptan. Ma xoori, akkan nama takka nefo'e ‘in qulqullaawne taaki in nyalle’ An kiini'i Waaqa ana akkishe. 29Semmalla, ete ana kamma orra erkameeyye an tiinnin malin de'eey, wa malla ana haleetene, upnaattan heena.”
30Qorneloosi ka kide, “Kuyyaata afuri turanne esse saateta sakal qaran tikiyyoppa Waaqa qinsanni, tin an isqara an upniniiyyi, nama takka mehadda pippildaawna kalsade ka ana tura qa'ade; 31ka ana kide'e, ‘Qorneloosi! Waaqa qinseetaayti idakaye, daassatase xaayti a' teekolaya daannito nefo ka ke' dikatamte; 32semmalla Iyyoobbepa nama erke ka Simoon-Peetiroosi halacciise. Isha tikase pakateeta kapa kitto a Simoonise kollaya tuuqnootiiyyi xaykuman caay.’ 33Semmalla anka eennow ke kamma orra erke. Atti nefo sede a' deete fayya' koote. Wa Waaqa ke ajaje ke qara dakkaysatta'en piisantiiyyi are fuula Waaqa turopa ollopa deeneey akka haasawatto in heenna.”
Haasa Peetiroosi
34Peetiroosi ka haasawatta paayye ka kide'e, “Dukaatan Waaqa akkima orra olqaran jaalinni in kinnin amma iana kalte. #ooreta 10:17 35Nama kadii punu piita heenteeyye deaayye, oton Waaqa fuurriiyyi ka hanqeelluma kooniiyyi, Waaqa i'isha teyyanni. 36Waaqa akkima samayta Isira'eeliti qaaletaadi erke a upnaysamte ka ishootta'ew Yesuusi Kiristoosi, poqlase a orra piisa qudanne otootase a fayya a nakayta torreetan de'e. 37Eta a Yohaannisi qoota pisha jaqattaati desa torre paayyatte, Kelila xaate haka piita Yihuta piisa oppa'e, wa kodde i'uptan.
38“Ka asseew Waaqa akka Yesuusise a Naasirati Hapura Qulqullootatin daate ka hupna ishi daashe, i'uptan. Waaqa qoota isha olli co malla, isha ka wa pa'aara kodanne ka orra a hupna ukkumeeta kela miiddame piisa dinissaanne pora aane.
39“Isha koda kantaada Yihuta isho katama Yursaalami kara kodeeti desa ino an maakkiyya. Ma xoori qoyra qara'e isha fannisen ka ishshen. 40Waaqa xoori kuyyaata sessattatiiyyi, tootoppa isha xaashe ka akka akkaado kode. 41Akkaattaadi nefo maakkiyyasine a turan Waaqa ishootta reexadeeti'i, akkaade diisheey samayta piisa'en a isha tootoppa xa'e kammaayye ino a isha olli dame ka ikke an maakkiyyaadi. 42Ka akkan wossin samayta torrino'e, ka akka isha a ca isho a le'e qara' farato'e, akka Waaqa isha shuume maakkummo'e ino ajaje. 43Nama isha amanno piisa akkima maxxaadin diissata juppoota teyo, xuumampaya piisa isha maakkummi.”
44Ete Peetiroosi sede haasawannooyye, orra qaalese dakaye piisa qarae Hapura Qulqulloota lekkade. 45Orrase a Yihuta dawra qara murade ka kiristaana kodde a Peetiroosi olli de'e, ete Waaqa orra a Yihutaata in koddinin kuli Hapura Qulqulloota daashe ikka akkeneeyye oppa'e qawwaawen. 46Wa ishin akka Hapura Qulqulloota isasine Yihutaata in koddinini kuli daasame upnaadene, qoota isasine Yihutaata in koddinini a fadda pilaatin haasawannaan ka Waaqa kalataysannaan dakayen malla. Sitiiyyi Peetiroosi ka haasawade ka kide, 47“Orrose a xanno mina'ew Hapura Qulqulloota teyyadeey, Ayno pishaan jaqqama ishootta dawra?” 48Ka akka maxxa Yesuusi Kiristoosin jaqqamane ajaje. Sekkammayye, ikka akka Peetiroosi ishootta kapa kuyyawwa lamaya piro isha naappaden.
Currently Selected:
:
Highlight
Share
Copy
Want to have your highlights saved across all your devices? Sign up or sign in