Kodampaya 9
9
Sawuli akka Kiristoosi amane
koda 22:6-16; 26:12-18
1Sitiiyyi Sawuli orra Poqalla amanno lessaata'e ikki nyarri ka qeesittase kutta kapopa aane 2ka oto orra asaanta poqalla kamma anno, diira isho iskatta, akkooyye, akka hido ka Yursaalamipan deena ettansho'e, akka taptapeta, tikka qinseeta a orra a Yihuta a Tamaasqo kara caati taafamto ka ishi daasamto'e qeesitta kutta kaassade. #9:2 “orra pora poqalla kamma anno” kideeta “orra yesuusi amanno” kideeta.
3Ete anno ka katama Tamaasqo kapa dehaadeeyye, a isi qara in upnin mali, moonte xata la'ayta isha kapan desa la'aye. 4Sitiiyyi ikka piitopa pi'e ka nessa a kiino “Sawuli! Sawuli! maana'e pora ana kamma daanni?” dakaye.
5Sawuli ka kide, “Poqallaay, ata atti a ayno?” Isha ka ishi kide, “Anti an Yesuusise a atti pora daannitto. #9:5 turkumewwa demo ikiini otoon qaarta koraateta qarae qa'anni isi miiddita; 9:6 qara padaawniiw ka kiini “sawuli haka xarro ka fuuran oppa qawwaawno qudae ishi kide ‘poqallaay akkan maana kodo faani?’ sede nefo qajeeltota 22:10, 26:14 qarae taafamte. 6Ammaa xoori xa'e ka katama karopa kale, wa koda ke parpaaccisnitta eyyeeyye ke lelamaneey.”
7Orra Sawuli olli anno qoota nessaaw dakayen ka nama takka nefo in akkinnin malla, wa kidane'e dapen ka di'i kiden ka qa'aden. 8Sawuli ka piite xa'e ka ildaadi olikela paqqishe; Ma we takkan nefo akka in ettaninne. Orra ka isha tupa harka qape ka katama Tamaasqo opan kale. 9Ikka kuyyaata sessa kumma paata akka malaale; umma we takkan nefo in damme ka in ikkine.
10Sitiiyyi katama Tamaasqo karaayye nama takka Yesuusi amane Hanaaniya kidammo ca. Poqalla ka kelashaata oppan “Hanaaniya” kide ka isha hale; isha ka ehade ka kide, “poqallaay.” 11Poqalla ka ishi kide, “Saantase jib kiite” Kidammitton desa aane ka eyyeeyye tika Yihutaaye, nama takka a Terseesi Sawuli kidammo fade, isha amma qinseeta qara ca. 12Sawuli ka nefo akka ildaadi paata akka ettanshane'e, a nama takka Hanaaniya kidammo isha kapopa kulle ka a isha qara harkaadi qapanno keleshaatoppan akke.”
13Hanaaniya xoori i'orshe ka kide, “Poqallaay, namoose akkima orra a ke amanno a Yursaalami kara kalo qara nequmta kutta kode, orra lekayta qaraayyen dakaye. 14Ka are karaayye akka orra a maxxaayti haleeno piisa hido'e, saarra qeesewwa qara hupna ukkumeeta teyyade.”
15Poqalla ka Hanaaniya kide, “Isha akka orra ana amani in kinnin ka nuqussaasso isho samayta Isira'eeli tura maxxiyyo upnaysho'e qoota meehiyyo a reexxame kodde malla isha kapopa aane. 16Qootiyyo malla rakkoota kutta a atta kitto akka isha qara kayto ana isha akkishaay.”
17Semmalla Hanaaniya ka eyyepa aane ka tikase a isha kara co kelopa kulle ka harkaadi isha qara qapade ka isha kide, “Innaanno sawuli, a arepa deenittooyye Poqalla Yesuusi a poroppa ke tura akkaade, akka lammatta paata akka ettanisso ka Hapura Qulqulloota immakaatto'e ke kapopa ana erke.” 18Eennow wa qoffolla paha ka ildaappa ishi seehen. Ikka paata akka ettanshe. ka xa'e, ka jaqqame. 19Ka damta dame ka kokkonnaade. Ka orrase Yesuusi amanno katama Tamaasqo kara co kapa'e kuyyawwa lamaya pire.
Sawuli akka Tamaasqo karaayye kollishe
20Sawuli ka eennow Tamaasqo karaayye tikkasene a qinseeta a orra a Yihuta kara kollissa paayye ka kide, “Yesuusi inna Waaqa.” 21Orra isha dakaye piisa ka oppa qawwaawe ka kiini, “namoose isha a Yursaalami kara orra maxxose haleeno piisa patinnenne? Wa malla arepa de'e nefo, ishootta hideeta ka saarra qeesewwa turopa qeedeeta mallanne?”
22Sawuli xoori qara'ew kokkonnaattaan aane ka akkima Yesuusi Kiristoosi kodde oli kela la'assaanne Yihutaata a Tamaasqo kara kalto' torre. Ishootta ka wa isha mina kidane dapen.
23Kuyyawwa lekaya kammaayye Yihutaata ka Sawuli ikassa sulatte.” #Qoro 2ta 11:32-33 24Isha xoori isulaataaysho upnaade. Ishootta ka isha ikassa'e halkeetta ka kuyyaata xarrada a isha karan sookna tooytini. 25Ma xoori halkeetti orra a isha quda kodde isha qeede ka satara kara xaaye ka maskooteta oxinta kawwatta karan lakopa isha lekkishe.
Sawuli akka Yursaalamipa aane
26Sawuli ete Yursaalamipa aaneeyye, orra a Yesuusi amanno a eyye co quda koddeeta ekkayshe, ishootta xoori a isha Kiristoosi amane qoota dukaata ishootta in pahanaannin malla, piisani isha fuuren. 27Parnaapaasi ka erkamampaya kapopa Sawulin aane ka akka poroppa Poqalla isha tura akkaade ka isha' haasawsiise isha ka Tamaasqo karaayye maxxa Yesuusin maxanyumaan kollishe ishootta' lele. 28Semmalla Sawuli ka ishootta quda caade ka ishootta olli Yursaalami kara pora anni ka maxxa Poqallaatin maxanyumaan kollinni. 29Ka Yihutaata a afa Kirikki haasawannitto olli haasawanni ka ishootta shiishni. Ishootta xoori isha ikassa faden. 30Hellaasene xaaysho a Kiristaana ete sede upnaadeneeyye, katama Qesaariya opa ishan aanen ka akka eyye desa katama Terseesi opa aano koden.
31Tikase a kiristaana piita Yihuta ka a Kelila isho a Samaariya pisa oppa kitto ka nakayta akkatte ka japaatte ka Poqalla ulfeessaanne ka Hapura Qulqullootatinni xasa oorsattaanne, lekumaan kuttatte.
Wa Peetiroosi katama Liida isho a Iyyoobbe kara kode
32Peetiroosi ete piitaddaappa annooyye, orra amanno a Liida kara kalo kapopa aane. 33Ka eeyyeeye, toonnayta takka Eeniyya kidammo a para sette qoolla qara kalo akke. 34Ka ishi kide, “Atti Eeniyya! Yesuusi Kiristoosi ike dinshaay, xa'e ka qoolaayyti marrado.” Isha ka eennow xa'e. 35Orra Liida ka a Saroona kara kalo piisa ka isha akke ka Poqallaapa tiitaawe.
36Iyyoobbe karaayyew, iskatteeta takka Taabita kidammitto a Waaqa amannitto ca; maxxaadi nefo afa Kirikkitin Torqa kidammi. Se kideese nefo kuumanta kideeta. Isheetta iskatteeta awta piisa koda paxaara koonitto ka hiyyeesadda nefo qaarqaarritto. 37Sitiiyyi ishetta ka paaqte ka toote. Ikka jaqen ka alleeta tula qara kitto kela' xaayen. 38Liida qoota Iyyoobbe kapa dehi malla, orra a Yesuusi amanno a Iyyoobbe kara co, ka akka Peetiroosi Liidaayye co dakaye ka nama lakki isha kamma erke ka kide, “Atara a jarrin mali jarjartan ino qaqqaapsado!” 39Semmalla Peetiroosi ka xa'e ka orrase erkame olli aane. Ete desa kayeeyye, ikka alleetase tula qara kitto karopa ishan aanen. Iskatta a diiraasso qara le'en piisa ka isha kapan desa qaqqaade ka pooyni ka qamisewwa isho ohawwasene a torqa kittooyye koote piisa ishi akkinni. 40Peetiroosi xoori ishootta piisa alle lakopa sookshe ka kilpiippade ka qinsade ka pukkase opa desa tiitaawe ka kide, “Taapita, xa'e!” Isheetta ka ildaadi paqqisse ka peetiroosi akkite ka xaate ka ela kutiite. 41Isha ka harkaadi desa derayshe ka isheetta qape ka ishetta xaashe ka iskattase a diirasso qara le'en isho orra a amanno ollopa hale ka isheetta a caatte ishootta daashe. 42Sede ka Iyyoobbe piisa kara upnaysamte. Orra lekayta ka Poqalla amane. 43Peetiroosi ka a Iyyoobbe kara'e nama takka kollaya tuuqno Simooni kidammo kapa'e, kuyyawwa lekaya pire.
Currently Selected:
Kodampaya 9: MaQu
Highlight
Share
Copy
Want to have your highlights saved across all your devices? Sign up or sign in
Kodampaya 9
9
Sawuli akka Kiristoosi amane
koda 22:6-16; 26:12-18
1Sitiiyyi Sawuli orra Poqalla amanno lessaata'e ikki nyarri ka qeesittase kutta kapopa aane 2ka oto orra asaanta poqalla kamma anno, diira isho iskatta, akkooyye, akka hido ka Yursaalamipan deena ettansho'e, akka taptapeta, tikka qinseeta a orra a Yihuta a Tamaasqo kara caati taafamto ka ishi daasamto'e qeesitta kutta kaassade. #9:2 “orra pora poqalla kamma anno” kideeta “orra yesuusi amanno” kideeta.
3Ete anno ka katama Tamaasqo kapa dehaadeeyye, a isi qara in upnin mali, moonte xata la'ayta isha kapan desa la'aye. 4Sitiiyyi ikka piitopa pi'e ka nessa a kiino “Sawuli! Sawuli! maana'e pora ana kamma daanni?” dakaye.
5Sawuli ka kide, “Poqallaay, ata atti a ayno?” Isha ka ishi kide, “Anti an Yesuusise a atti pora daannitto. #9:5 turkumewwa demo ikiini otoon qaarta koraateta qarae qa'anni isi miiddita; 9:6 qara padaawniiw ka kiini “sawuli haka xarro ka fuuran oppa qawwaawno qudae ishi kide ‘poqallaay akkan maana kodo faani?’ sede nefo qajeeltota 22:10, 26:14 qarae taafamte. 6Ammaa xoori xa'e ka katama karopa kale, wa koda ke parpaaccisnitta eyyeeyye ke lelamaneey.”
7Orra Sawuli olli anno qoota nessaaw dakayen ka nama takka nefo in akkinnin malla, wa kidane'e dapen ka di'i kiden ka qa'aden. 8Sawuli ka piite xa'e ka ildaadi olikela paqqishe; Ma we takkan nefo akka in ettaninne. Orra ka isha tupa harka qape ka katama Tamaasqo opan kale. 9Ikka kuyyaata sessa kumma paata akka malaale; umma we takkan nefo in damme ka in ikkine.
10Sitiiyyi katama Tamaasqo karaayye nama takka Yesuusi amane Hanaaniya kidammo ca. Poqalla ka kelashaata oppan “Hanaaniya” kide ka isha hale; isha ka ehade ka kide, “poqallaay.” 11Poqalla ka ishi kide, “Saantase jib kiite” Kidammitton desa aane ka eyyeeyye tika Yihutaaye, nama takka a Terseesi Sawuli kidammo fade, isha amma qinseeta qara ca. 12Sawuli ka nefo akka ildaadi paata akka ettanshane'e, a nama takka Hanaaniya kidammo isha kapopa kulle ka a isha qara harkaadi qapanno keleshaatoppan akke.”
13Hanaaniya xoori i'orshe ka kide, “Poqallaay, namoose akkima orra a ke amanno a Yursaalami kara kalo qara nequmta kutta kode, orra lekayta qaraayyen dakaye. 14Ka are karaayye akka orra a maxxaayti haleeno piisa hido'e, saarra qeesewwa qara hupna ukkumeeta teyyade.”
15Poqalla ka Hanaaniya kide, “Isha akka orra ana amani in kinnin ka nuqussaasso isho samayta Isira'eeli tura maxxiyyo upnaysho'e qoota meehiyyo a reexxame kodde malla isha kapopa aane. 16Qootiyyo malla rakkoota kutta a atta kitto akka isha qara kayto ana isha akkishaay.”
17Semmalla Hanaaniya ka eyyepa aane ka tikase a isha kara co kelopa kulle ka harkaadi isha qara qapade ka isha kide, “Innaanno sawuli, a arepa deenittooyye Poqalla Yesuusi a poroppa ke tura akkaade, akka lammatta paata akka ettanisso ka Hapura Qulqulloota immakaatto'e ke kapopa ana erke.” 18Eennow wa qoffolla paha ka ildaappa ishi seehen. Ikka paata akka ettanshe. ka xa'e, ka jaqqame. 19Ka damta dame ka kokkonnaade. Ka orrase Yesuusi amanno katama Tamaasqo kara co kapa'e kuyyawwa lamaya pire.
Sawuli akka Tamaasqo karaayye kollishe
20Sawuli ka eennow Tamaasqo karaayye tikkasene a qinseeta a orra a Yihuta kara kollissa paayye ka kide, “Yesuusi inna Waaqa.” 21Orra isha dakaye piisa ka oppa qawwaawe ka kiini, “namoose isha a Yursaalami kara orra maxxose haleeno piisa patinnenne? Wa malla arepa de'e nefo, ishootta hideeta ka saarra qeesewwa turopa qeedeeta mallanne?”
22Sawuli xoori qara'ew kokkonnaattaan aane ka akkima Yesuusi Kiristoosi kodde oli kela la'assaanne Yihutaata a Tamaasqo kara kalto' torre. Ishootta ka wa isha mina kidane dapen.
23Kuyyawwa lekaya kammaayye Yihutaata ka Sawuli ikassa sulatte.” #Qoro 2ta 11:32-33 24Isha xoori isulaataaysho upnaade. Ishootta ka isha ikassa'e halkeetta ka kuyyaata xarrada a isha karan sookna tooytini. 25Ma xoori halkeetti orra a isha quda kodde isha qeede ka satara kara xaaye ka maskooteta oxinta kawwatta karan lakopa isha lekkishe.
Sawuli akka Yursaalamipa aane
26Sawuli ete Yursaalamipa aaneeyye, orra a Yesuusi amanno a eyye co quda koddeeta ekkayshe, ishootta xoori a isha Kiristoosi amane qoota dukaata ishootta in pahanaannin malla, piisani isha fuuren. 27Parnaapaasi ka erkamampaya kapopa Sawulin aane ka akka poroppa Poqalla isha tura akkaade ka isha' haasawsiise isha ka Tamaasqo karaayye maxxa Yesuusin maxanyumaan kollishe ishootta' lele. 28Semmalla Sawuli ka ishootta quda caade ka ishootta olli Yursaalami kara pora anni ka maxxa Poqallaatin maxanyumaan kollinni. 29Ka Yihutaata a afa Kirikki haasawannitto olli haasawanni ka ishootta shiishni. Ishootta xoori isha ikassa faden. 30Hellaasene xaaysho a Kiristaana ete sede upnaadeneeyye, katama Qesaariya opa ishan aanen ka akka eyye desa katama Terseesi opa aano koden.
31Tikase a kiristaana piita Yihuta ka a Kelila isho a Samaariya pisa oppa kitto ka nakayta akkatte ka japaatte ka Poqalla ulfeessaanne ka Hapura Qulqullootatinni xasa oorsattaanne, lekumaan kuttatte.
Wa Peetiroosi katama Liida isho a Iyyoobbe kara kode
32Peetiroosi ete piitaddaappa annooyye, orra amanno a Liida kara kalo kapopa aane. 33Ka eeyyeeye, toonnayta takka Eeniyya kidammo a para sette qoolla qara kalo akke. 34Ka ishi kide, “Atti Eeniyya! Yesuusi Kiristoosi ike dinshaay, xa'e ka qoolaayyti marrado.” Isha ka eennow xa'e. 35Orra Liida ka a Saroona kara kalo piisa ka isha akke ka Poqallaapa tiitaawe.
36Iyyoobbe karaayyew, iskatteeta takka Taabita kidammitto a Waaqa amannitto ca; maxxaadi nefo afa Kirikkitin Torqa kidammi. Se kideese nefo kuumanta kideeta. Isheetta iskatteeta awta piisa koda paxaara koonitto ka hiyyeesadda nefo qaarqaarritto. 37Sitiiyyi ishetta ka paaqte ka toote. Ikka jaqen ka alleeta tula qara kitto kela' xaayen. 38Liida qoota Iyyoobbe kapa dehi malla, orra a Yesuusi amanno a Iyyoobbe kara co, ka akka Peetiroosi Liidaayye co dakaye ka nama lakki isha kamma erke ka kide, “Atara a jarrin mali jarjartan ino qaqqaapsado!” 39Semmalla Peetiroosi ka xa'e ka orrase erkame olli aane. Ete desa kayeeyye, ikka alleetase tula qara kitto karopa ishan aanen. Iskatta a diiraasso qara le'en piisa ka isha kapan desa qaqqaade ka pooyni ka qamisewwa isho ohawwasene a torqa kittooyye koote piisa ishi akkinni. 40Peetiroosi xoori ishootta piisa alle lakopa sookshe ka kilpiippade ka qinsade ka pukkase opa desa tiitaawe ka kide, “Taapita, xa'e!” Isheetta ka ildaadi paqqisse ka peetiroosi akkite ka xaate ka ela kutiite. 41Isha ka harkaadi desa derayshe ka isheetta qape ka ishetta xaashe ka iskattase a diirasso qara le'en isho orra a amanno ollopa hale ka isheetta a caatte ishootta daashe. 42Sede ka Iyyoobbe piisa kara upnaysamte. Orra lekayta ka Poqalla amane. 43Peetiroosi ka a Iyyoobbe kara'e nama takka kollaya tuuqno Simooni kidammo kapa'e, kuyyawwa lekaya pire.
Currently Selected:
:
Highlight
Share
Copy
Want to have your highlights saved across all your devices? Sign up or sign in