Kodampaya Kullaysuma
Kullaysuma
Koda erkamampaya a Yesuusi, otootase a fayya a Luuqaasi' taafe kamma'e qanni. Mataafose wa malla taafame a kokkoka, orrase Yesuusi kamma anno a paayyota, akkima Hapura Qulqullootatin Marra'ame ka otootase a fayya a qoota Yesuusi desa torrinitto “Katama Yursaalami ka piita Yihuta piisa oppa ka piita Samaariya isho piita pisa oppan kaye” Torreeta. (1:8) Mataafose amanteeta kiristinna akka Yihutaatoppa' paayyatte ka haka amanteeta a samayta piita piisa koddinitto kara'e, atta akkima paldaatte torrini. Taafampaytose kiristaana, akkima orra a karandesa mankisteese a nuqusa kutta a Roomi toorro in koddinin, amanteeta kiristaana ka a amanteeta Yihutaata kokkonnannitto koddite la'assa'e, a kuttati kokkonnanni.
Mataafose a erkamampaya Yesuusi, pora a oppa otootas a fayya a Yesuusi kaynitto piisa akka paldaattaan annitto tika kiristaana ka qupammitto lelli ka porra a kukutta sessa' qootammi.
1 Amanteeta kiristaana a Yesuusi moontopa fayyade kammaayye akka Yursaalami kara' paayyatte.
2 Akka piita Isira'eeli piisa oppa kayte.
3 Akka piita Roomi isho piitadda pakateeta Mediteraaniya kapan desa ca oppa kayte.
Kodoose a erkamampaya' kara wa a kuttati akkaanna, koda a Hapura Qulqulloota akkima Hapura Qulqulloota, xayso nessuma a kuyyaata kunda kenattatiiyyi Yursaalami kara orra amanno qara' hupnan lekkade. Ka akkamose mina'ew, kodaddoosen mataafose kara' lelame piisan akka akkaatte mina'e, tika kiristaana isho saarraadi marra'e ka kokkonnayshe kuli lelli. Amanteese a kiristinna xatta, ete torraammittooyye, akka dehaamta mina'e dehaatte. Koda erkamampaya' kara wa kokodde akkima caatta orra amannooti isho takkumta kiristaana' qara, hupna kutta qapnaadene akkinni,
Wa mataafose kara ca
Dikkisama a maakkuma turan kodde 1:1-26
Ajaja isho kippeeta a yesuusi pirampira qara daashe 1:1-14
Nama a pakka Yihuta oppa' reexame 1:15-26
Maakkuma a Yursaalami kara' daasame 2:1—8:3
Maakkuma Yihuta isho samaariya kara' daasame 8:4—12:25
Pawloosi akka Erkamampayta Yesuusi kodde ka ishi koda kode. 13:1—28: 31
Anta a erkamampaytase a Pawloosi a paayyota 13:1—14:28
Xoora a Yursaalami kara' kodame 15:1-35
Anta a erkamampaytase a Pawloosi a lammatta 15:36—18:22
Anta a erkamampaytase a Pawloosi a sessatta 18:23—21:16
Pawloosi akkima Yursaalami ka Qiisaariya isho Roomi kara' hidame 21:17—28:31
Currently Selected:
Kodampaya Kullaysuma: MaQu
Highlight
Share
Copy
Want to have your highlights saved across all your devices? Sign up or sign in