Mataafa Uumata 21
21
Dalatta Hisaaqi
1Yaahiwwe akka kide mina'e Saara tooyyade ka kippeetase a isheetta' daashe isheetta' dikishe. 2Saara ka inna hitte ka eta Waaqa kide oppaayye, a Aprihaami kereeyye, inna diirta ishi' xaayte. #Ip 11:11 3Aprihaami ka innasene a iskatteetaadi Saara' xaayteeti'i, maxxa kode ka kide, “Hisaaqi.” 4Hisaaqi ete dalade ka kuyyaata sette' pireeyye, Aprihaami akka Waaqa isha ajaje qara'e dawra qara ishi' mure. #uuma 17:12; koda 7:8 5Ahisaaqi daladeeyye, Aprihaami para dippa kaye.
6Saara oori ikiite, “Waaqa wa xosalta'e ana' kodeey, nama sede dakayo piisa ana olli xosala.” 7Ka kiiteewwe, “Ata ayno Aprihaami' kida, ‘Saara inna xaaya ka luuksha?’ Amma anti ka kerantaadi kela inna diirta ishi' xaaye.”
Akkaari ka Isma'eeli akka tikoppa alle' daanamen
8Innasene ka kuttaden ka ku'en. Awta Hisaaqi ku'innaaneeyye, Aprihaami sankulta kode.
9Awsetiiyyiiw, Saara innasene a Kipsitteetase Akkaari Aprihaami' xaayte, a innaadin kahanna ka qara xosalla akkite. 10Ka Aprihaami' kiite, “innoosen a orxayteeseti innaayyo Hisaaqi olli tikiyyon lehadaneey, orxayteese isho innoosen xaadi alle ollin daane!” #Kelaati 4:29-30 11Aprihaami, Isma'eeli kuli qootan innaadi malla, akata dikattaappa' rakkade. 12Xoori Waaqa i'Aprihaami' kide, “Qoota orxayteetaayti ka a innaseneti desa oppa in dikadan. Itturopa Hisaaqi ke dakaytishaay, wa Saara ke' kiinitta piisa dakaye. #Roomi 9:7; Ip 11:18 13Innoosen a orxayteeta nefo, innaattiiwwiiy, samayta kutta'en isha koda.”
14Aprihaami ka parri paraappan xa'e ka damta qeede ka pisha okoleetoppa' qa'e ka tultoppa akkaari kaakkishe ka innaadi ollin tikoppa alle' sookshe. Isheetta ka oori sookte ka ante koommayta Persaape oppa pora rarraataawni. 15Ete pishasene okoleetoppa ca' pirameneeyye, isheetta innasene kaatta a qoyra shakkati kela' diisse. 16Ka issi karanxata kiite, “Innaayyo an akkinooyye ana kapa'en to'an.” Ka kapa desa a xaptitta daka mina kitto sekaatte ka mina desa kutiite ka pooyni.
17Waaqa ka pooyta innaseneti' dakaye. Erkampattoota Waaqa ka moonte xata Akkaari haleete ka kiite, “Ata Akkaari, hela maana ke teyni? Waaqa pooyta innaatti idakayeey, in fuuran. 18Xa'e ka aane innoosen piite xaashe ka isi qudopa qape, anti samayta kutta'en isha kodaay.” 19Waaqa ka oori isheetta ilda pane ikka ela pisha akkite ka okoleetase oppa' muuddite ka innaadi ikisse. 20Waaqa ka innasene olli caanni, ikka kuttaden ka koommayta Faaraani oppa' kallaanni ka nama paata pokno kodde. 21Ka ete koommayta Faaraani oppa kalooyye, aayyaasso ka enenta Kipsi ishi' hemite.
Akka Aprihaami isho Apimeleki olli' kalen
22Sitiiyyi, nuqusase Apimeleki aappase Fiikoli kidammo ka orraadi a oranna ajajino ollinni Aprihaami kapoopa aanen ka ishi' kide, “Wa' koonitta pisa oppa akka Waaqa ke olli co in akke. #uuma 26:26 23Semmalla akkima ana ka hellaayyo ka sanyeetiyyo qara wa neeqa a koonini'i, Waaqa tura ana' xaxado. Akkiman anti wa paxaara ke' kode mina'e, atti'iw ana ka piisse a are oppa xaykuma' kalto'e, asseew wa paxaara' kodeew.”
24Aprihaami ka owsade ka kide, “Iyya, in xaxada.” 25Ka Apimeleki' kide, “Ha orxayaatti wa neeqa'e koden. Ela pisha an anti' qotade qeeden ka akka orxayaayyo kara in oraapannini' dawren.” 26Apimeleki ka ishi oorshe ka kide, “Anti ayno akka asse kode an upnaanne. Amman ke qara dakaye diisheey, atti nefo deyyo ana'e a' lelle.” 27Aprihaami ka oori kaharra ka lo'alla Apimeleki' daashe ka lamatiiyyi ollin kodeeta kodaden. 28Aprihaami ka horeetaadippa sukeena tappa xawwi' desa reexxe. 29Apimeleki ka Aprihaami kaassade ka kide, “Ata maana malla' sukeenosen tappa xawwi desa reexxite?”
30Isha ka kide, “Akkaman anti eloose' qote, akkima' maakkitta ana koddito'e, sukeenosen tappa ana qara teyyado.” 31Semmalla porase a lamattiiy oppa olli kodeeta koden, “Persapehi” #21:31 persapeh ela tappa takki ela kodeeta kodeeta. kidame. 32Ete Persapehi kodeeta kodaden kammaayye, Apimeleki ka Fiikoliise orraadi a oranna ajajino ixa'en ka piita Filisteemi opa alle ooren. 33Aprihaami ka piita Persaapeti qoyra Temiri kidammo dishade ka eeyye'e Waaqase a parapara Waaqaysade. 34Aprihaami ka piisse a Filisteemiti para lekayta kallaade.
Currently Selected:
Mataafa Uumata 21: MaQu
Highlight
Share
Copy
Want to have your highlights saved across all your devices? Sign up or sign in
