Mariqoosi 12
12
Pahana a dula wayneeta a olturatta daasame
Maati 21:33-46; Luqa 20:9-19
1Kamma desa Yesuusi sede pahanaan ishootta lela paayye ka kide, “Nama takka dishma wayneeta'e dishe ka kapa oxne ka qaawa a kara wayneeta diipan qote ka harmishe ka poqa a qara xata wayneese lutan a dera dawe ka sekkammaaye, dulase a wayneeta olturatta daashe ka kapa piita seka opa aane#Issa 5:1-2. 2Ka ete luukkatase a wayneeta pohama kayteeyye, akka qeeraytaadi ishi qeedo'e, orxaytaadi orrase a olturatta kapopa erke. 3orrase xoori orxaytase xaadi qape ka oppa qide, ka harka lulen kalshe. 4Aappaase a dula ka a lammattati orxayta pila erkeew; orrase ka orxayse dakaan maaje ka jeershe ka kalshe. 5Ikka orxaya lekaya erkeew, ikka demo oppa qiden ka a demo leyshen. 6Amma oori wa hase, innaadi a jaalanna erkeeta patta. Ka dikade ka kide, ‘Innaayyo ulfeessa in diishan.’ Ka piraampira qara innaadi takkaya erke. 7Ma xoori orrase i'olli kide, ‘Lehampaytase ini ishaay, xooya ka ikanna; lehandaadi xanno koddaneey!’ 8Ka semmalla innasene xaadi qapen ka ishshen ka dulase a wayneetati laka tulopa katen.
9“Semalla oori aappase a dula wayneeta maana koda? Aappa dula isha mattaadi de'a; ka orrase leysha ka dulase xaadi a wayneeta, orra pilaati daasha.” 10Ka kide, “Hela ishina qaalese a mataafa qulqulloota kiinitto,
‘Dakaase a qupampaya puyaden
isha matta tika kodde#mas 118:22-23 , 11a sede kode nefo Waaqa,
ka ildaanno tura olsa pahata.’
ishina a nappapne?”
12Saarra Yihutaata akka Yesuusi pahanoosen ishootta kapa haasawade upnaaden ka semmalla Yesuusi qapeeta heennaaden. Ma xoori orra fuuren ka isha diishen ka kapa tawen.
Kaassuma qoota kipirati desa dehaade
Maati 22:15-22; Luqa 20:20-26
13Feresata isho orra Herodiisi quda kodde oppa a demo, akka afa talafan Yesuusi qapane'e isha kapopa erkamen. 14Ka dehaaden ka Yesuusi kidene, “Kollissampayto, atti akkima dukollayta koddite in upna. Umma nama fuureetan ka atta ana kidan kideetanne, wa a koonitta in caan ka dukaata qara saanta Waaqa kollinni; hela seerinno oppaayye nuqusase kutta a Roomiti'i kipira daassata ifaqqatamtem, mon in faqqatamme? Kipira in daannam mon an daanno?”
15Yesuusi xoori akkima okoto asse haasawannaane upnaade ka ishootta kide, “Maana malla afa talafan ana qapa faanittan? Intoonno, shilinka takkan ana xooya, an ka tooyyooy.”
16ikka ishin ishi de'en. Ikka ishootta kaassade ka kide, “pahanoosen are qara ca ka maxxose are qara taafame, a ayno?” Ishootta ka kidene, “A nuqusase kutta a Roomiti.”
17Yesuusi ka ishootta oorshe ka kide, “Ka asseeyye, a nuqusa nuqusa daasha, ka a Waaqa Waaqa daasha!” Ishootta ka oorissaadippa qawwaawen.
Kaassuma qoota tootoppa xaanaati desa dehaade
Maati 22:23-33; Luqa 20:27-40
18Saatuqaata a kiinitto, “Tootoppa xaana in caan” ka Yesuusi kapopa deete#koda 23:8. 19Ka isha kaassatte ka kiite, “Kollissampayto, Muuse i'ino taafe ka kide, ‘Nama takka oton a inna in xaayannin mali iskateetaadi qara to'aayye, innaasso a iskatteetaadi quda ooren ka oppaayye ishi hellaa xaayen#ooreta 25:5 .’ 20Hellaa diira a toola takkati tappa ka caan. Qaartaaysho a ishootta piisa tura qate ka iskatteeta heme ka a inna in xaaynin mali to'e. 21Kussitta a qaarta kamma qato ka iskatteetase quda oore ka a inna in xaaynin mali to'ew, a sessatta ka asseew kodeew. 22Ka tappanti iskatteese quda ooren ka a inna in xaaynin mali le'en. Ishootta piisa kammaayye iskatteese kuli ka toote. 23Helloosene a toola tappa piisa taran iskatteese hemeey, awta orra tootoppa xaanooyye, isheetta iskatteeta ayno koddita?”
24Yesuusi ka ishootta oorshe ka kide, “Ishina qoota mataafa qulqulloota isho hupna Waaqa a upnin malla, kamma dapnittan. 25Orra le'e oto tootoppa xa'ooyye, akka erkampattowwa moonta mina'e kodda diisheey, in hemo umma in hemamo. 26Qoota tootoppa xaanaati desa xoori apittase a ujitta kara desa wa Waaqa Muuse haasawade ka kide, ‘Anti an Waaqa Aprihaami ka an Waaqa Hisaaqi ka an Waaqa Yayqoopi’ mataafa Muuseppaayye hela ishina a nappapne#sooka 3:6 ? 27Semmalla Waaqa Waaqa orra cooti diisheey, Waaqa orra le'eti'in; Ishina xoori a kuttati kamma dapten.”
Ajajase piisa qara jaallo
Maati 22:34-40; Luqa 10:25-28
28Kollissampaya a seera oppaayye, takka ka shiishshaasso dakaye ka akka Yesuusi malseeta fayya ishootta oorshe upnaade ka Yesuusi kapopa dehaade ka isha kaassade ka kide, “Hela ajaja a xaamo piisa qara jaalli#Luqa 10:25-28 ?”
29Yesuusi ka ishi orshe ka kide, “Ajaja piisa qara jaallo, isase kiino, ‘Isira'eleteeyye dakkaysado! Waaqa poqallaanno isha Waaqa takkayta#ooreta 6:4-5. 30Atti Waaqa Poqallaatti, karittaayti piisan ka napseetaayti piisan ka dikattaayti piisan ka hupnaayti piisan, jaalado.’ 31Ajaja lammatta a sedeew paho ikiiniwwi, ‘Akkima isi jaalannitto mina, nama piisa jaalado.’ Ajaja ajajaddoosen lakki qara qapo in co#Lewi 19:18 .”
32Kollissampaytase a seera ka Yesuusi kide, “Kollissampayto, ini a kiite, ‘Waaqa takkayta umma isha mali Waaqa pila in co’ dukaata. 33Semmalla nama karittaadi piisan ka [napseetaadi piisan] ka dikattaadi piisan isho hupnaadi piisan Waaqa jaalatta isha faani; Ka akkima isi jaalanno mina'e, nama piisa jaalatta isha faaniiw. Kalisoota kupannitto isho kalisoota pila Waaqa kalissa kapaayye, ajajaddosen lakki tooyteeta jaalli#Hoose 6:6 .”
34Yesuusi akka kollissampaytase ookuman ishi oorshe akke ka ishi kide, “Atti mankisteeta Waaqa kapa assekan.” Sekamma oori nama takka nefo Yesuusi kaassatta in maxanyumme.
Kaassuma qoota kiristoosi desa dehaade
Maati 22:41-46; Luqa 20:41-44
35Yesuusi a tika qulqulloota kelopa kollinnooyye, ikaassade ka kide, “Kollissampaya a seera ata maana malla kiini ‘Kiristoosi inna Taawwiti? #12:35 “Kiristoosi” kideeta “dinshampaytase a Waaqa reexade” kideeta. 36Taawwiti mattaadi'i ete hapura qulqullootatin immakaade ikide, ‘Ha Waaqa ipoqallaayyo kide: hakan paarkaalaatti ke kelopa orsho kara'e harkiyyo a akkitaati kuti'e#mas 110:1 .’
37“Xawwa Taawwiti mattaadi'i ishi ‘Poqalla’ kiiniiy, Kiristoosi atta inna Taawwiti koddaaw?”
Orra kuttayta ka xasan Yesuusi dakkaysanni.
Kollissampaya a seera isho feresaata akka seeramen!”
Maati 23:1-36; Luqa 20:45-47
38Ete kollinnooyye Yesuusi ikide, “Kollissampaya a seera isaasene mehadda deddera kalsanna ka pora tittiitaawna ka urmalaappaayye akka orra kaareeta ishootta oorsho faana kapa isi tooytaada. 39Ishootta tikkasene a qinseeta a orra a Yihuta kela ka tikka sankulta kela pora ulfeene'ew faani. 40Ka akka nama ishootta akko'e, qinseeta a derannaan minan tikka hiyyeettewwa a diiraasso qara le'eneeti dammi; Se malla firteeta a kutta'e ishootta qara faratama.”
Passatta hiyyeetteta takkati
Luqa 21:1-4
41Yesuusi saatineeta a karopa hiyyeessa kaaja pohonan tura'e kuti'e ka orra saatineese karopa kaaja kanno tooyni. Teyantoolaya lekaya ka kaaja kutta dakkini. 42Teekolayteeta takka a hiyyetteeta ka deete ka kaaja saantima lakki mina ca a sipla oppa tumame saatineetase karopa katte. 43Yesuusi ka tamaarewwaadi hale ka ishootta kide, “Dukaatannen ishina kiini, Teekolayteese a hiyyetteeta, orra a saatineese karopa kaaja kate piisa qaranne jaalisse ka katte. 44Ataakane piisa a teyaantaysho a qapan kela hasse daashen; isheetta xoori teekolayteeta ma, a we takka nefo in hattisannin mali wa qapta piisa daasse.”
Currently Selected:
Mariqoosi 12: MaQu
Highlight
Share
Copy
Want to have your highlights saved across all your devices? Sign up or sign in
Mariqoosi 12
12
Pahana a dula wayneeta a olturatta daasame
Maati 21:33-46; Luqa 20:9-19
1Kamma desa Yesuusi sede pahanaan ishootta lela paayye ka kide, “Nama takka dishma wayneeta'e dishe ka kapa oxne ka qaawa a kara wayneeta diipan qote ka harmishe ka poqa a qara xata wayneese lutan a dera dawe ka sekkammaaye, dulase a wayneeta olturatta daashe ka kapa piita seka opa aane#Issa 5:1-2. 2Ka ete luukkatase a wayneeta pohama kayteeyye, akka qeeraytaadi ishi qeedo'e, orxaytaadi orrase a olturatta kapopa erke. 3orrase xoori orxaytase xaadi qape ka oppa qide, ka harka lulen kalshe. 4Aappaase a dula ka a lammattati orxayta pila erkeew; orrase ka orxayse dakaan maaje ka jeershe ka kalshe. 5Ikka orxaya lekaya erkeew, ikka demo oppa qiden ka a demo leyshen. 6Amma oori wa hase, innaadi a jaalanna erkeeta patta. Ka dikade ka kide, ‘Innaayyo ulfeessa in diishan.’ Ka piraampira qara innaadi takkaya erke. 7Ma xoori orrase i'olli kide, ‘Lehampaytase ini ishaay, xooya ka ikanna; lehandaadi xanno koddaneey!’ 8Ka semmalla innasene xaadi qapen ka ishshen ka dulase a wayneetati laka tulopa katen.
9“Semalla oori aappase a dula wayneeta maana koda? Aappa dula isha mattaadi de'a; ka orrase leysha ka dulase xaadi a wayneeta, orra pilaati daasha.” 10Ka kide, “Hela ishina qaalese a mataafa qulqulloota kiinitto,
‘Dakaase a qupampaya puyaden
isha matta tika kodde#mas 118:22-23 , 11a sede kode nefo Waaqa,
ka ildaanno tura olsa pahata.’
ishina a nappapne?”
12Saarra Yihutaata akka Yesuusi pahanoosen ishootta kapa haasawade upnaaden ka semmalla Yesuusi qapeeta heennaaden. Ma xoori orra fuuren ka isha diishen ka kapa tawen.
Kaassuma qoota kipirati desa dehaade
Maati 22:15-22; Luqa 20:20-26
13Feresata isho orra Herodiisi quda kodde oppa a demo, akka afa talafan Yesuusi qapane'e isha kapopa erkamen. 14Ka dehaaden ka Yesuusi kidene, “Kollissampayto, atti akkima dukollayta koddite in upna. Umma nama fuureetan ka atta ana kidan kideetanne, wa a koonitta in caan ka dukaata qara saanta Waaqa kollinni; hela seerinno oppaayye nuqusase kutta a Roomiti'i kipira daassata ifaqqatamtem, mon in faqqatamme? Kipira in daannam mon an daanno?”
15Yesuusi xoori akkima okoto asse haasawannaane upnaade ka ishootta kide, “Maana malla afa talafan ana qapa faanittan? Intoonno, shilinka takkan ana xooya, an ka tooyyooy.”
16ikka ishin ishi de'en. Ikka ishootta kaassade ka kide, “pahanoosen are qara ca ka maxxose are qara taafame, a ayno?” Ishootta ka kidene, “A nuqusase kutta a Roomiti.”
17Yesuusi ka ishootta oorshe ka kide, “Ka asseeyye, a nuqusa nuqusa daasha, ka a Waaqa Waaqa daasha!” Ishootta ka oorissaadippa qawwaawen.
Kaassuma qoota tootoppa xaanaati desa dehaade
Maati 22:23-33; Luqa 20:27-40
18Saatuqaata a kiinitto, “Tootoppa xaana in caan” ka Yesuusi kapopa deete#koda 23:8. 19Ka isha kaassatte ka kiite, “Kollissampayto, Muuse i'ino taafe ka kide, ‘Nama takka oton a inna in xaayannin mali iskateetaadi qara to'aayye, innaasso a iskatteetaadi quda ooren ka oppaayye ishi hellaa xaayen#ooreta 25:5 .’ 20Hellaa diira a toola takkati tappa ka caan. Qaartaaysho a ishootta piisa tura qate ka iskatteeta heme ka a inna in xaaynin mali to'e. 21Kussitta a qaarta kamma qato ka iskatteetase quda oore ka a inna in xaaynin mali to'ew, a sessatta ka asseew kodeew. 22Ka tappanti iskatteese quda ooren ka a inna in xaaynin mali le'en. Ishootta piisa kammaayye iskatteese kuli ka toote. 23Helloosene a toola tappa piisa taran iskatteese hemeey, awta orra tootoppa xaanooyye, isheetta iskatteeta ayno koddita?”
24Yesuusi ka ishootta oorshe ka kide, “Ishina qoota mataafa qulqulloota isho hupna Waaqa a upnin malla, kamma dapnittan. 25Orra le'e oto tootoppa xa'ooyye, akka erkampattowwa moonta mina'e kodda diisheey, in hemo umma in hemamo. 26Qoota tootoppa xaanaati desa xoori apittase a ujitta kara desa wa Waaqa Muuse haasawade ka kide, ‘Anti an Waaqa Aprihaami ka an Waaqa Hisaaqi ka an Waaqa Yayqoopi’ mataafa Muuseppaayye hela ishina a nappapne#sooka 3:6 ? 27Semmalla Waaqa Waaqa orra cooti diisheey, Waaqa orra le'eti'in; Ishina xoori a kuttati kamma dapten.”
Ajajase piisa qara jaallo
Maati 22:34-40; Luqa 10:25-28
28Kollissampaya a seera oppaayye, takka ka shiishshaasso dakaye ka akka Yesuusi malseeta fayya ishootta oorshe upnaade ka Yesuusi kapopa dehaade ka isha kaassade ka kide, “Hela ajaja a xaamo piisa qara jaalli#Luqa 10:25-28 ?”
29Yesuusi ka ishi orshe ka kide, “Ajaja piisa qara jaallo, isase kiino, ‘Isira'eleteeyye dakkaysado! Waaqa poqallaanno isha Waaqa takkayta#ooreta 6:4-5. 30Atti Waaqa Poqallaatti, karittaayti piisan ka napseetaayti piisan ka dikattaayti piisan ka hupnaayti piisan, jaalado.’ 31Ajaja lammatta a sedeew paho ikiiniwwi, ‘Akkima isi jaalannitto mina, nama piisa jaalado.’ Ajaja ajajaddoosen lakki qara qapo in co#Lewi 19:18 .”
32Kollissampaytase a seera ka Yesuusi kide, “Kollissampayto, ini a kiite, ‘Waaqa takkayta umma isha mali Waaqa pila in co’ dukaata. 33Semmalla nama karittaadi piisan ka [napseetaadi piisan] ka dikattaadi piisan isho hupnaadi piisan Waaqa jaalatta isha faani; Ka akkima isi jaalanno mina'e, nama piisa jaalatta isha faaniiw. Kalisoota kupannitto isho kalisoota pila Waaqa kalissa kapaayye, ajajaddosen lakki tooyteeta jaalli#Hoose 6:6 .”
34Yesuusi akka kollissampaytase ookuman ishi oorshe akke ka ishi kide, “Atti mankisteeta Waaqa kapa assekan.” Sekamma oori nama takka nefo Yesuusi kaassatta in maxanyumme.
Kaassuma qoota kiristoosi desa dehaade
Maati 22:41-46; Luqa 20:41-44
35Yesuusi a tika qulqulloota kelopa kollinnooyye, ikaassade ka kide, “Kollissampaya a seera ata maana malla kiini ‘Kiristoosi inna Taawwiti? #12:35 “Kiristoosi” kideeta “dinshampaytase a Waaqa reexade” kideeta. 36Taawwiti mattaadi'i ete hapura qulqullootatin immakaade ikide, ‘Ha Waaqa ipoqallaayyo kide: hakan paarkaalaatti ke kelopa orsho kara'e harkiyyo a akkitaati kuti'e#mas 110:1 .’
37“Xawwa Taawwiti mattaadi'i ishi ‘Poqalla’ kiiniiy, Kiristoosi atta inna Taawwiti koddaaw?”
Orra kuttayta ka xasan Yesuusi dakkaysanni.
Kollissampaya a seera isho feresaata akka seeramen!”
Maati 23:1-36; Luqa 20:45-47
38Ete kollinnooyye Yesuusi ikide, “Kollissampaya a seera isaasene mehadda deddera kalsanna ka pora tittiitaawna ka urmalaappaayye akka orra kaareeta ishootta oorsho faana kapa isi tooytaada. 39Ishootta tikkasene a qinseeta a orra a Yihuta kela ka tikka sankulta kela pora ulfeene'ew faani. 40Ka akka nama ishootta akko'e, qinseeta a derannaan minan tikka hiyyeettewwa a diiraasso qara le'eneeti dammi; Se malla firteeta a kutta'e ishootta qara faratama.”
Passatta hiyyeetteta takkati
Luqa 21:1-4
41Yesuusi saatineeta a karopa hiyyeessa kaaja pohonan tura'e kuti'e ka orra saatineese karopa kaaja kanno tooyni. Teyantoolaya lekaya ka kaaja kutta dakkini. 42Teekolayteeta takka a hiyyetteeta ka deete ka kaaja saantima lakki mina ca a sipla oppa tumame saatineetase karopa katte. 43Yesuusi ka tamaarewwaadi hale ka ishootta kide, “Dukaatannen ishina kiini, Teekolayteese a hiyyetteeta, orra a saatineese karopa kaaja kate piisa qaranne jaalisse ka katte. 44Ataakane piisa a teyaantaysho a qapan kela hasse daashen; isheetta xoori teekolayteeta ma, a we takka nefo in hattisannin mali wa qapta piisa daasse.”
Currently Selected:
:
Highlight
Share
Copy
Want to have your highlights saved across all your devices? Sign up or sign in