Mariqoosi 11
11
Yesuusi akka ulfeena kuttanne katama Yursaalami opa kale
Maati 21:1-11; Luqa 19:28-40; Yoha 12:12-19
1Yesuusi isho tamaarewwaadi ete katama Yursaalami kapa dehadeneyye, Peetefaake isho Pittaaniyaanne aanen ka Taprasayti kayen. Yesuusi ka tamaarewwaadippa nama lakki erke ka ishootta kide, 2“Qatta ka paleese ishin tura kitto oppopa aana; ka oto eyye kaytaneeyye, innayya harreeta anama takka nefo turan qara in kutiinini, a eyye hiddame'e akkitaneey, fura ka ishin xooya. 3Oton nama ishina kiini, ‘Maana'e asse koonittan?’ ishi kida'e, ‘Poqalla'e parpaaccisni, ikka eennow oorsha ka erka.’”
4ishootta ka aanen ka innayyasene a harreeta pora kapa tika takkaayye xarra tura hiddame akken ka furen. 5Sitiiyyi orra eyye qa'anno oppa demo ka ishootta kaassaden ka kidene, “Maana'e innayyosen a harreeta furrittan?”
6Ishootta ka waasene a Yesuusi ishootta kide orraseti lelen, ikka ishootta diishen. 7Tamaarewwasene ka innayyasene a harreeta qeeden ka Yesuusi kapopan de'en; ka ohawwaasso innayyasene a harreeta qara afen, Yesuusi ka qara kute'e. 8Orra lekayta ka ohawwaasso poroppan desa afni, a demo ka taamma haashsha qapa quurri ka poroppan desa afni. 9Orra Yesuusi tura qate isho a kamma qate piisa ka nessa kuttan kiini, “Ulfeena a Waaqa koddo! a maxxa Poqallaatin deeno, a eeppisame. #mas 118:25-26 10Mankisteetase deenitto a aappinno a Taawwiti a eeppisamte; moonte'e, ulfeena a Waaqa koddo!”
11Yesuusi ete Yursaalami kayeeyye, tika qulqulloota kelopa kulle ka wa isha kapan desa ca piisa tooye. Ka qoota letta halkettaawte malla, tamaarewwaadi kudanka lakki olliiyyi Yursaalami kara sooke ka piita Pittaaniya opa aane.
Yesuusi akka hilteeta takka jiije
Maati 21:18-19
12Parraytaadi ete Pittaaniyaayye oorraaneeyye, Yesuusi idoxe. 13Ka laka desa qoyra takka hilteeta a haashshaan ilaawa akke ka kide, “Takka punu luukkata qara caada;” Ka kelopa aane. Ma xoori ete kapopa dehaadeeyye, qoota eta oppaayye qoyroose a hilteeta dallo in koddinin malla, haashsha mali we qara in teyne. 14Seminan Yesuusi ka qoyrase a hilteetati kide, “Arepa desa nama takka nefo ke qara luukkata in dammin” A sede haasawannooyye tamaarewwaadi ka dakayen.
Yesuusi akka orra tika qulqulloota kara hera heranno daane
Maati 21:12-17; Luqa 19:45-48; Yoha 2:13-22
15Ete Yursaalami kayeneeyye, Yesuusi tika qulqulloota kelopa kulle ka eyye kara orra paata katanno ka heranno alle sookissa paayye ka tarabbeesaddasene a orra kaaja purinnoti isho parjumasene a orra eleela katannoti alle kara kakkalshe. 16Umma akka nama takka nefo meeha xaysado ka qorrima tika qulqulloota karan tarpo'e in faqqanne. 17Ka ishootta kollishe ka kide, “In taafamme ka kiini in kitto, ‘Tikiyyo samayta piisa'e tika qinseeta kidamta?’ Ishina xoori rahana sarampayaati kooten.” #Issa 56:7; Er 7:11
18Saarra qeesewwa isho kollissampaya a seera ka a sede haasawannooyye isha dakayen ma qoota a samayta piisa kollissaadippa qawwaawno malla fuuren; ka saanta saanta a oppan isha ishshan faddanni 19Ete halkeettaawteeyye, Yesuusi isho tamaarewwaadi ka alle katamaappa sooken.
Qoyrase a hilteeta akkima koke
Maati 21:18-22
20Parraytaadi teykanteeyye, Yesuusi isho tamaarewwaadi ete porase oppa desa tarpinaaneeyye, qoyrase a hilteeta a hittinnaadi kuli ollin koke akken. 21Peetiroosi ka matte oorsade ka ishi kide, “Kollissampayto, tin qoyrase a jiijte ikoke.”
22Yesuusi ka ishootta kide, “Waaqa amana; 23Anti dukaatannen ishina kiini, nama oton isi karan xata oppa qaapni in kinnin ka wa kide akka ishi koddane amanni, kati irrootoseti kida, ‘Areppa xa'e ka pakateeta karopa katameeyye’ i'ishi koddita. #Maati 17:20; Qoro 1ta 13:2 24Semmalla oto qinseetan we takkan Waaqa naappannittaneeyye, akka ishina koddite kapa dika ka amana, wa qinsannittane piisa ishina daasamaay. 25Aappaase xaayshin moonte co akka juppootaayshin ishina diisho'e, oto qinseeta qa'annittaneeyye, oton nama we takkaneetin ishina ishin dapaayye, ishi diisha. #Maati 6:14-15” 26[Oto ishina dapa orra pilaati a diinni a kinniniiyi Aappaase xaayshin moonte kalo juppootayshin ishina in diishoow. #11:26 mataaffasene ollopa marrama takka takka dikoota 26 padaawanincaan maate 6; 15]
Yesuusi hupna ukkumeeta a maanaatin akka koda koono kaassuma a dehaade
Maati 21:23-27; Luqa 20:1-8
27Ka lammatta Yursaalamipa de'enew. A Yesuusi tika qulqulloota karan desa titiitaawnooyye, saarra qeesewwa ka kollissampaya a seera isho qimoota Yesuusi kapopa de'en 28ka isha kaassaden ka kidene, “Hupna a ukkumeeta a maanaatin wossen kooni? Taaki akka wossen kooto'e a hupnose a ukkumeeta ke daashe ayno?”
29Yesuusi ka ishootta kide, “Anti nefo kaassuma takkanen ishin kaassadaaw, oton i'ishina ana malseeta oorisseneeyye; anti nefo hupna ukkumeeta a maanaatin akkan wossen koono in ishina lela. 30Pishaan jaqeeta a Yohaannisi, hela Waaqa kapa deetem, moon nama kapa deete? intoonno, ana oorshay.”
31Ishootta ka olli oorsaden ka kidene, “Ka kuli maanan kiina? Oton in kiina, ‘Waaqa kapa deeteyye’ i'ino kida, ‘Maana malla isha a'amannin?’ 32Oton kiino ‘Nama kapa deete honnow?’ Qoota samayta piisa Yohaannisi xuumampayta kiino malla;” Asse kideeta ifuuren. 33Ka semmalla ishi oorshen ka kidene, “Ino an upno.”
Yesuusi ka ishootta kideewwe, “Asseeyye anti nefo, hupna ukkumeeta a maanaatin akkiman kodaddoosen koono, an ishina an lelo.”
Currently Selected:
Mariqoosi 11: MaQu
Highlight
Share
Copy
Want to have your highlights saved across all your devices? Sign up or sign in
Mariqoosi 11
11
Yesuusi akka ulfeena kuttanne katama Yursaalami opa kale
Maati 21:1-11; Luqa 19:28-40; Yoha 12:12-19
1Yesuusi isho tamaarewwaadi ete katama Yursaalami kapa dehadeneyye, Peetefaake isho Pittaaniyaanne aanen ka Taprasayti kayen. Yesuusi ka tamaarewwaadippa nama lakki erke ka ishootta kide, 2“Qatta ka paleese ishin tura kitto oppopa aana; ka oto eyye kaytaneeyye, innayya harreeta anama takka nefo turan qara in kutiinini, a eyye hiddame'e akkitaneey, fura ka ishin xooya. 3Oton nama ishina kiini, ‘Maana'e asse koonittan?’ ishi kida'e, ‘Poqalla'e parpaaccisni, ikka eennow oorsha ka erka.’”
4ishootta ka aanen ka innayyasene a harreeta pora kapa tika takkaayye xarra tura hiddame akken ka furen. 5Sitiiyyi orra eyye qa'anno oppa demo ka ishootta kaassaden ka kidene, “Maana'e innayyosen a harreeta furrittan?”
6Ishootta ka waasene a Yesuusi ishootta kide orraseti lelen, ikka ishootta diishen. 7Tamaarewwasene ka innayyasene a harreeta qeeden ka Yesuusi kapopan de'en; ka ohawwaasso innayyasene a harreeta qara afen, Yesuusi ka qara kute'e. 8Orra lekayta ka ohawwaasso poroppan desa afni, a demo ka taamma haashsha qapa quurri ka poroppan desa afni. 9Orra Yesuusi tura qate isho a kamma qate piisa ka nessa kuttan kiini, “Ulfeena a Waaqa koddo! a maxxa Poqallaatin deeno, a eeppisame. #mas 118:25-26 10Mankisteetase deenitto a aappinno a Taawwiti a eeppisamte; moonte'e, ulfeena a Waaqa koddo!”
11Yesuusi ete Yursaalami kayeeyye, tika qulqulloota kelopa kulle ka wa isha kapan desa ca piisa tooye. Ka qoota letta halkettaawte malla, tamaarewwaadi kudanka lakki olliiyyi Yursaalami kara sooke ka piita Pittaaniya opa aane.
Yesuusi akka hilteeta takka jiije
Maati 21:18-19
12Parraytaadi ete Pittaaniyaayye oorraaneeyye, Yesuusi idoxe. 13Ka laka desa qoyra takka hilteeta a haashshaan ilaawa akke ka kide, “Takka punu luukkata qara caada;” Ka kelopa aane. Ma xoori ete kapopa dehaadeeyye, qoota eta oppaayye qoyroose a hilteeta dallo in koddinin malla, haashsha mali we qara in teyne. 14Seminan Yesuusi ka qoyrase a hilteetati kide, “Arepa desa nama takka nefo ke qara luukkata in dammin” A sede haasawannooyye tamaarewwaadi ka dakayen.
Yesuusi akka orra tika qulqulloota kara hera heranno daane
Maati 21:12-17; Luqa 19:45-48; Yoha 2:13-22
15Ete Yursaalami kayeneeyye, Yesuusi tika qulqulloota kelopa kulle ka eyye kara orra paata katanno ka heranno alle sookissa paayye ka tarabbeesaddasene a orra kaaja purinnoti isho parjumasene a orra eleela katannoti alle kara kakkalshe. 16Umma akka nama takka nefo meeha xaysado ka qorrima tika qulqulloota karan tarpo'e in faqqanne. 17Ka ishootta kollishe ka kide, “In taafamme ka kiini in kitto, ‘Tikiyyo samayta piisa'e tika qinseeta kidamta?’ Ishina xoori rahana sarampayaati kooten.” #Issa 56:7; Er 7:11
18Saarra qeesewwa isho kollissampaya a seera ka a sede haasawannooyye isha dakayen ma qoota a samayta piisa kollissaadippa qawwaawno malla fuuren; ka saanta saanta a oppan isha ishshan faddanni 19Ete halkeettaawteeyye, Yesuusi isho tamaarewwaadi ka alle katamaappa sooken.
Qoyrase a hilteeta akkima koke
Maati 21:18-22
20Parraytaadi teykanteeyye, Yesuusi isho tamaarewwaadi ete porase oppa desa tarpinaaneeyye, qoyrase a hilteeta a hittinnaadi kuli ollin koke akken. 21Peetiroosi ka matte oorsade ka ishi kide, “Kollissampayto, tin qoyrase a jiijte ikoke.”
22Yesuusi ka ishootta kide, “Waaqa amana; 23Anti dukaatannen ishina kiini, nama oton isi karan xata oppa qaapni in kinnin ka wa kide akka ishi koddane amanni, kati irrootoseti kida, ‘Areppa xa'e ka pakateeta karopa katameeyye’ i'ishi koddita. #Maati 17:20; Qoro 1ta 13:2 24Semmalla oto qinseetan we takkan Waaqa naappannittaneeyye, akka ishina koddite kapa dika ka amana, wa qinsannittane piisa ishina daasamaay. 25Aappaase xaayshin moonte co akka juppootaayshin ishina diisho'e, oto qinseeta qa'annittaneeyye, oton nama we takkaneetin ishina ishin dapaayye, ishi diisha. #Maati 6:14-15” 26[Oto ishina dapa orra pilaati a diinni a kinniniiyi Aappaase xaayshin moonte kalo juppootayshin ishina in diishoow. #11:26 mataaffasene ollopa marrama takka takka dikoota 26 padaawanincaan maate 6; 15]
Yesuusi hupna ukkumeeta a maanaatin akka koda koono kaassuma a dehaade
Maati 21:23-27; Luqa 20:1-8
27Ka lammatta Yursaalamipa de'enew. A Yesuusi tika qulqulloota karan desa titiitaawnooyye, saarra qeesewwa ka kollissampaya a seera isho qimoota Yesuusi kapopa de'en 28ka isha kaassaden ka kidene, “Hupna a ukkumeeta a maanaatin wossen kooni? Taaki akka wossen kooto'e a hupnose a ukkumeeta ke daashe ayno?”
29Yesuusi ka ishootta kide, “Anti nefo kaassuma takkanen ishin kaassadaaw, oton i'ishina ana malseeta oorisseneeyye; anti nefo hupna ukkumeeta a maanaatin akkan wossen koono in ishina lela. 30Pishaan jaqeeta a Yohaannisi, hela Waaqa kapa deetem, moon nama kapa deete? intoonno, ana oorshay.”
31Ishootta ka olli oorsaden ka kidene, “Ka kuli maanan kiina? Oton in kiina, ‘Waaqa kapa deeteyye’ i'ino kida, ‘Maana malla isha a'amannin?’ 32Oton kiino ‘Nama kapa deete honnow?’ Qoota samayta piisa Yohaannisi xuumampayta kiino malla;” Asse kideeta ifuuren. 33Ka semmalla ishi oorshen ka kidene, “Ino an upno.”
Yesuusi ka ishootta kideewwe, “Asseeyye anti nefo, hupna ukkumeeta a maanaatin akkiman kodaddoosen koono, an ishina an lelo.”
Currently Selected:
:
Highlight
Share
Copy
Want to have your highlights saved across all your devices? Sign up or sign in