Mariqoosi 10
10
Yesuusi akka qoota hemittati desa kollishe
Maati 5:31-32; 19:1-12; Luqa 16:18
1Yesuusi eyye xa'e ka piita Yihuta isho piitadda kirra Yurtaanoositiiyyi afa disiti ca opa aane. Orra akata leka ka isha kapopa ollopa de'ew, isha ka akka kollimaadi qara'e ishootta kollinni.
2Feresaattoppa lamaya ka isha kapopa de'en ka isha ekkaysatta faden ka isha kaassaden ka kidene “Hela seeroppa nama akkima iskatteetaadi alle diisho i'ishi faqqatamte?”
3Yesuusi ka ishootta oorshe ka kide, “Muuse qootoseti desa maana ishin ajaje?”
4Ishootta ka ishi oorshen ka kidene, “Muuse akka diirta warqata a ishin iskatteetaadi diishe, isheetta daasho ka isheetta diisho ifaqqate.” #ooreta 24:1-4; Maati 5:31
5Yesuusi ka ishootta oorshe ka kide, “Muuse, wa malla ajajaddosen ishina taafe, qoota karittaayshin daka kodde akka a dakayni a kinnin malla. 6Ma xoori, uumata paayyotati paayyatte, ‘Waaqa diirta ka iskatteeta'e kode ka ishootta uume. 7Semmalla nama aappaaysho ka aayyaasso'e diisha ka iskatteetaadi olli takka kodda. #uuma 2:24 8Ishootta lakki ka dakinta takka koddan’ sekulipaata lakki koddeetaysho ka hasta ikka takka koddan. 9Semmalla wa a Waaqa olli qudopa qape, nama olli quda in ma'innin.”
10Ete tikopa tiitaaweneeyye, tamaarewwaadi ka qootoseti desa a lammattati Yesuusi kaassadeneew. 11Isha ka ishootta oorshe ka kide, “Nama iskatteetaadi alle diinno ka a pila hemino, iskateetaadi qara'e juppoota dahala kooni. #Maati 5:32; Qoro 1ta 7:10-11 12Akkamose mina'ew, iskatteeta a diirtaadi alle diinnitto ka a pila opa hemammittow, a dahalsannitto koddini kideeta.”
Yesuusi akkima hellaa shashakkati sake
Maati 19:13-15; Luqa 18:15-17
13Akka harka ishootta qara qapado'e, orra hellaan Yesuusi kapopa de'e. Tamaarewwaadi xoori, orrase hellaan de'e peeqen. 14Yesuusi ka sede akke ka miirode ka tamaarewwaadi kide, “Mankisteeta Waaqa qoota a sene asse pappahaati koddite malla, hella in dawran diisha, ikka ana kapopa de'en. 15dukaatannen ishina kiini, nama a inna shakka mina in koddinin ka mankisteeta Waaqa teyyanni in kinnin, pakkanna oppopa in kalo. #Maati 18:3 ” 16Ka sekkammaayye hellaasene hahaduune ka harkaadi ishootta qara qapade ka ishootta sake.
Teyanta piita ka mankisteeta Waaqa
Maati 19:16-30; Luqa 18:18-30
17Yesuusi ete eyye sooke ka annooyyeew, nama takka isha minopa keere ka isha tura kilpiippade ka isha kaassade ka kide, “Atti kollissampayta a paxaara, akkan caatta parapara akkado'e, maana kodeeta ana faani?”
18Yesuusi ka ishi oorshe ka kide, “Waaqa takkayta mali a paxaara takka nefo in cooy, maana'e a paxaara ana kiini? 19Ajajadda i''upta, ishootta nefo ikiini; ‘In ishshan, in dahalan/ in dahalsadan, in hatan, darta in maakkuman, in sassapadan, aappaayshin isho aayyaassin ulfeesse.’” #sooka 20:12-16; ooreta 5:16-20
20Namase ka ishi oorshe ka kide, “Kollissampayto, ajajaddosen an shakkiyyiiwwin paayye ka tooyte.”
21Yesuusi ka ishopa tooyyade ka isha jaalade; ka ishi kide, “We takkane patta ke hase; aane ka wa a qapta piisa kate ka teekolaya qoote ka ana kamma xooye! Teyanta a tuulamte moonteeyye akkattaay.” 22Namase ete sede dakayeeyye, nyarrahatane fuulaadi poornayshe; ka qoota teyanta kutta qapo malla, nyarrahatan alle aane.
23Yesuusi ka tiitaawe ka tooyyade ka tamaarewwaadi kide, “Teyantoolaya'e, mankisteeta Waaqa oppopa kalta, oo attan rakkoota!”
24tamaarewwaadi ka qaalese xaadippa qawwaawen. Yesuusi xoori i'ishootta oorshe ka kide, “Hellaay, mankisteeta Waaqa oppopa kalta oo attan rakkoota. 25A teyantoolayta mankisteeta Waaqa oppopa kalo kapaayye, a kaala qaawa marfeeta karan kullo sholla'i.”
26Tamaarewwaadi ka harmo oppa qawwaawen ka olli kidene, “Ka kuli ayno dineeta ettansha?”
27Yesuusi ka ishoottopa tooyade ka ishootta kide, “Keeto sede nama'e in ettansamto ma, a Waaqati desa xoori i'ettansamta; Waaqa we piisa ettaninniiy.”
28Peetiroosi ka ishi kide, “Tin ino we piisan alle diinne ka ke kamma deene.”
29Yesuusi ka orshe ka kide, “Dukaatannen ishina kiini, nama ana ka otootase a fayya malla kido ka tikaadi, taaki hellaasso, taaki tuparraasso, taaki aayyaasso taaki aappaaysho, taaki hellaadi taaki lehandaadi alle diisho, 30ka xeltose are kitto oppaayye, kadi punu toorammaayye, tikaadi ka hellaasso ka tuparraasso ka aayyaasso ka hellaadi ka lehandaadi harka dippa akkaada. Ka piita itturopa deenittooyye, caatta parapara akkaada. 31A koddito ma, orra a tura qate lekayta kammopa oora, a kamma qate ka turopa oora.” #Maati 20:16; Luqa 13:30
Yesuusi akka to'o ka tootoppa xa'o a sessattati turanneew haasawade
Maati 20:17-19; Luqa 18:31-34
32Ete pora Yursaalamipa anno opa caaneeyye, Yesuusi ishootta tura desa anni. Tamaarewwaadi ka seppa qawwaawen, a ishootta kammadesa deena ka fuuren. Yesuusi ka tamaarewwasene xaadi kudanka lakki isi kapopa haleew; ka qoota wa a isha qara kayaati desa ishootta upnayshe. 33Ka kide, “Yursaalamipan anna, inna nama ka saarra qeesewwa isho kollissampaya a seera turopa tuukkaman ishootta ka isha qara toota faratan; ka turaayye harka orra a Waaqa amanni in kinnini oppopa tarpishaan. 34Ishootta ka isha qara seesan ka qara tufadan ka karafan ka ishshan ma kuyyaata sessa kammaayye, tootoppa ixa'a.”
Qinseeta a Yayqoopi isho a Yohaannisi
Maati 20:20-28
35Hellaa Septiyoosi Yayqoopi isho Yohaannisi ka Yesuusi kapopa de'en, ka ishi kidene, “Kollissampayto; waan ke qara qinsanninna piisa akkima ino kooton faaninna.”
36Isha ka ishootta kaassade ka kide, “Akkiman maana ishina kodo faanittan?”
37Ishootta ka ishi orshen ka kidene, “Ulfeena mankisteetaayti oppaay, ino oppa nama takka akka qindaayti a akkittatin kute'o, takka ka a pittittati kute'o ino faqqate.”
38Yesuusi ka ishootta oorshe ka kide, “Ha wa qinsannittane a uptan. Rakkoose dikke neeqa an anti rakkado, rakkatta i'ettanissane?” (ka jaqattaase an jaqado jaqatta ettanissane?)#Luqa 12:50
39Ishootta ka ishi oorshen ka kidene, “Aa, in ettaninna.” Yesuusi ka ishootta oorshe ka kide, “Dukaatanne jaqqattoose a rakkoota an anti jaqqado jaqqattan, ka rakkoose dikke neeqa an anti rakkado rakkattan 40Ma xoori a qindiyyo a akkita ka a pittitati nama kuti'inno anan; ini orra a Waaqa ishootta harmishe patta'e daasamta.”
41Tamaarewwasene ata hase kudani ka sede dakayen, ka Yayqoopi isho Yohaannisi qara miiroden. 42Yesuusi ka ishootta piisa isi kapopa hale ka ishootta kide, “Ukkumampaya piisiti, akkima samaytaysho qara ukkumampaya kidammaan, ka ishootta qara hupna ukkumeeta qapan i''uptan. #Luqa 22:25-26 43Ishin oppa xoori, asse koddeeta parpaaccisni in kitto. Ishin oppa a nama kutta kodda faano, a orxaytayshin koddo; #Maati 23:11; Maari 9:35; Luqa 22:26 44akkimose mina'e a ishin oppaayye piisa qaropa jaala heeno, a pisa kela karpishsha koddo. 45Maana malla inna a nama nefo orra kela orxayta koddeeta'e ka caattaadi kaaja orra lekaytan furannaaneti kodeeta ka daassata'e de'e diisheey, akka isha kela orxuman malla in deene.”
Yesuusi akka ilda Pertemoosi dinshe
Maati 20:29-34; Luqa 18:35-43
46Sekkamma Yesuusi taamaarewwaadi olliiyyi katama Iyyaarko opa de'e. Ete katamasene oppan tarpino ka annooyye, samayta akata kutta ka isha kamma anni, nama takka Pertemoosi kidammo a ilda qara paten ka pora kapa qinsanni. Pertemoosi kideeta, “inna Temoosi” kideeta. 47A eeppa desa tarpino akkima Yesuusi a Naasirati kodde ete upnaadeeyye, “Yesuusi inna Taawwiti, atara ana suraysado!” Kideeta ka ullupa paayye;
48Orra lekayta ka isha fuke ka kide, “Jaw kide!” Isha xoori “Inna Taawwiti, atara ana suraysado!” Kide ka akata ullupe.
49Yesuusi ka qa'ade ka kide, “Isha hala!” Ishootta ka namase ilda qara patene kidene, “Xasoodo! ka xa'e, Yesuusi ke haleeniiy.”
50Isha ka ohaataadi isi quda kate ka shore ka qa'ade ka Yesuusi kapopa aane.
51Yesuusi ka isha kaassade ka kide, “Akkaan maana ke kodo faani?” Namase a ilda qara paten ka ishi oorshe ka kide, “Kollissampayto, paata akkaan faani.”
52Yesuusi ka ishi kide, “Amanteetaayti ke dinsheey, aane!” Namase ka eennow paata akkeeta ettanshe ka Yesuusi kamma qate ka olli aane.
Currently Selected:
Mariqoosi 10: MaQu
Highlight
Share
Copy
Want to have your highlights saved across all your devices? Sign up or sign in
Mariqoosi 10
10
Yesuusi akka qoota hemittati desa kollishe
Maati 5:31-32; 19:1-12; Luqa 16:18
1Yesuusi eyye xa'e ka piita Yihuta isho piitadda kirra Yurtaanoositiiyyi afa disiti ca opa aane. Orra akata leka ka isha kapopa ollopa de'ew, isha ka akka kollimaadi qara'e ishootta kollinni.
2Feresaattoppa lamaya ka isha kapopa de'en ka isha ekkaysatta faden ka isha kaassaden ka kidene “Hela seeroppa nama akkima iskatteetaadi alle diisho i'ishi faqqatamte?”
3Yesuusi ka ishootta oorshe ka kide, “Muuse qootoseti desa maana ishin ajaje?”
4Ishootta ka ishi oorshen ka kidene, “Muuse akka diirta warqata a ishin iskatteetaadi diishe, isheetta daasho ka isheetta diisho ifaqqate.” #ooreta 24:1-4; Maati 5:31
5Yesuusi ka ishootta oorshe ka kide, “Muuse, wa malla ajajaddosen ishina taafe, qoota karittaayshin daka kodde akka a dakayni a kinnin malla. 6Ma xoori, uumata paayyotati paayyatte, ‘Waaqa diirta ka iskatteeta'e kode ka ishootta uume. 7Semmalla nama aappaaysho ka aayyaasso'e diisha ka iskatteetaadi olli takka kodda. #uuma 2:24 8Ishootta lakki ka dakinta takka koddan’ sekulipaata lakki koddeetaysho ka hasta ikka takka koddan. 9Semmalla wa a Waaqa olli qudopa qape, nama olli quda in ma'innin.”
10Ete tikopa tiitaaweneeyye, tamaarewwaadi ka qootoseti desa a lammattati Yesuusi kaassadeneew. 11Isha ka ishootta oorshe ka kide, “Nama iskatteetaadi alle diinno ka a pila hemino, iskateetaadi qara'e juppoota dahala kooni. #Maati 5:32; Qoro 1ta 7:10-11 12Akkamose mina'ew, iskatteeta a diirtaadi alle diinnitto ka a pila opa hemammittow, a dahalsannitto koddini kideeta.”
Yesuusi akkima hellaa shashakkati sake
Maati 19:13-15; Luqa 18:15-17
13Akka harka ishootta qara qapado'e, orra hellaan Yesuusi kapopa de'e. Tamaarewwaadi xoori, orrase hellaan de'e peeqen. 14Yesuusi ka sede akke ka miirode ka tamaarewwaadi kide, “Mankisteeta Waaqa qoota a sene asse pappahaati koddite malla, hella in dawran diisha, ikka ana kapopa de'en. 15dukaatannen ishina kiini, nama a inna shakka mina in koddinin ka mankisteeta Waaqa teyyanni in kinnin, pakkanna oppopa in kalo. #Maati 18:3 ” 16Ka sekkammaayye hellaasene hahaduune ka harkaadi ishootta qara qapade ka ishootta sake.
Teyanta piita ka mankisteeta Waaqa
Maati 19:16-30; Luqa 18:18-30
17Yesuusi ete eyye sooke ka annooyyeew, nama takka isha minopa keere ka isha tura kilpiippade ka isha kaassade ka kide, “Atti kollissampayta a paxaara, akkan caatta parapara akkado'e, maana kodeeta ana faani?”
18Yesuusi ka ishi oorshe ka kide, “Waaqa takkayta mali a paxaara takka nefo in cooy, maana'e a paxaara ana kiini? 19Ajajadda i''upta, ishootta nefo ikiini; ‘In ishshan, in dahalan/ in dahalsadan, in hatan, darta in maakkuman, in sassapadan, aappaayshin isho aayyaassin ulfeesse.’” #sooka 20:12-16; ooreta 5:16-20
20Namase ka ishi oorshe ka kide, “Kollissampayto, ajajaddosen an shakkiyyiiwwin paayye ka tooyte.”
21Yesuusi ka ishopa tooyyade ka isha jaalade; ka ishi kide, “We takkane patta ke hase; aane ka wa a qapta piisa kate ka teekolaya qoote ka ana kamma xooye! Teyanta a tuulamte moonteeyye akkattaay.” 22Namase ete sede dakayeeyye, nyarrahatane fuulaadi poornayshe; ka qoota teyanta kutta qapo malla, nyarrahatan alle aane.
23Yesuusi ka tiitaawe ka tooyyade ka tamaarewwaadi kide, “Teyantoolaya'e, mankisteeta Waaqa oppopa kalta, oo attan rakkoota!”
24tamaarewwaadi ka qaalese xaadippa qawwaawen. Yesuusi xoori i'ishootta oorshe ka kide, “Hellaay, mankisteeta Waaqa oppopa kalta oo attan rakkoota. 25A teyantoolayta mankisteeta Waaqa oppopa kalo kapaayye, a kaala qaawa marfeeta karan kullo sholla'i.”
26Tamaarewwaadi ka harmo oppa qawwaawen ka olli kidene, “Ka kuli ayno dineeta ettansha?”
27Yesuusi ka ishoottopa tooyade ka ishootta kide, “Keeto sede nama'e in ettansamto ma, a Waaqati desa xoori i'ettansamta; Waaqa we piisa ettaninniiy.”
28Peetiroosi ka ishi kide, “Tin ino we piisan alle diinne ka ke kamma deene.”
29Yesuusi ka orshe ka kide, “Dukaatannen ishina kiini, nama ana ka otootase a fayya malla kido ka tikaadi, taaki hellaasso, taaki tuparraasso, taaki aayyaasso taaki aappaaysho, taaki hellaadi taaki lehandaadi alle diisho, 30ka xeltose are kitto oppaayye, kadi punu toorammaayye, tikaadi ka hellaasso ka tuparraasso ka aayyaasso ka hellaadi ka lehandaadi harka dippa akkaada. Ka piita itturopa deenittooyye, caatta parapara akkaada. 31A koddito ma, orra a tura qate lekayta kammopa oora, a kamma qate ka turopa oora.” #Maati 20:16; Luqa 13:30
Yesuusi akka to'o ka tootoppa xa'o a sessattati turanneew haasawade
Maati 20:17-19; Luqa 18:31-34
32Ete pora Yursaalamipa anno opa caaneeyye, Yesuusi ishootta tura desa anni. Tamaarewwaadi ka seppa qawwaawen, a ishootta kammadesa deena ka fuuren. Yesuusi ka tamaarewwasene xaadi kudanka lakki isi kapopa haleew; ka qoota wa a isha qara kayaati desa ishootta upnayshe. 33Ka kide, “Yursaalamipan anna, inna nama ka saarra qeesewwa isho kollissampaya a seera turopa tuukkaman ishootta ka isha qara toota faratan; ka turaayye harka orra a Waaqa amanni in kinnini oppopa tarpishaan. 34Ishootta ka isha qara seesan ka qara tufadan ka karafan ka ishshan ma kuyyaata sessa kammaayye, tootoppa ixa'a.”
Qinseeta a Yayqoopi isho a Yohaannisi
Maati 20:20-28
35Hellaa Septiyoosi Yayqoopi isho Yohaannisi ka Yesuusi kapopa de'en, ka ishi kidene, “Kollissampayto; waan ke qara qinsanninna piisa akkima ino kooton faaninna.”
36Isha ka ishootta kaassade ka kide, “Akkiman maana ishina kodo faanittan?”
37Ishootta ka ishi orshen ka kidene, “Ulfeena mankisteetaayti oppaay, ino oppa nama takka akka qindaayti a akkittatin kute'o, takka ka a pittittati kute'o ino faqqate.”
38Yesuusi ka ishootta oorshe ka kide, “Ha wa qinsannittane a uptan. Rakkoose dikke neeqa an anti rakkado, rakkatta i'ettanissane?” (ka jaqattaase an jaqado jaqatta ettanissane?)#Luqa 12:50
39Ishootta ka ishi oorshen ka kidene, “Aa, in ettaninna.” Yesuusi ka ishootta oorshe ka kide, “Dukaatanne jaqqattoose a rakkoota an anti jaqqado jaqqattan, ka rakkoose dikke neeqa an anti rakkado rakkattan 40Ma xoori a qindiyyo a akkita ka a pittitati nama kuti'inno anan; ini orra a Waaqa ishootta harmishe patta'e daasamta.”
41Tamaarewwasene ata hase kudani ka sede dakayen, ka Yayqoopi isho Yohaannisi qara miiroden. 42Yesuusi ka ishootta piisa isi kapopa hale ka ishootta kide, “Ukkumampaya piisiti, akkima samaytaysho qara ukkumampaya kidammaan, ka ishootta qara hupna ukkumeeta qapan i''uptan. #Luqa 22:25-26 43Ishin oppa xoori, asse koddeeta parpaaccisni in kitto. Ishin oppa a nama kutta kodda faano, a orxaytayshin koddo; #Maati 23:11; Maari 9:35; Luqa 22:26 44akkimose mina'e a ishin oppaayye piisa qaropa jaala heeno, a pisa kela karpishsha koddo. 45Maana malla inna a nama nefo orra kela orxayta koddeeta'e ka caattaadi kaaja orra lekaytan furannaaneti kodeeta ka daassata'e de'e diisheey, akka isha kela orxuman malla in deene.”
Yesuusi akka ilda Pertemoosi dinshe
Maati 20:29-34; Luqa 18:35-43
46Sekkamma Yesuusi taamaarewwaadi olliiyyi katama Iyyaarko opa de'e. Ete katamasene oppan tarpino ka annooyye, samayta akata kutta ka isha kamma anni, nama takka Pertemoosi kidammo a ilda qara paten ka pora kapa qinsanni. Pertemoosi kideeta, “inna Temoosi” kideeta. 47A eeppa desa tarpino akkima Yesuusi a Naasirati kodde ete upnaadeeyye, “Yesuusi inna Taawwiti, atara ana suraysado!” Kideeta ka ullupa paayye;
48Orra lekayta ka isha fuke ka kide, “Jaw kide!” Isha xoori “Inna Taawwiti, atara ana suraysado!” Kide ka akata ullupe.
49Yesuusi ka qa'ade ka kide, “Isha hala!” Ishootta ka namase ilda qara patene kidene, “Xasoodo! ka xa'e, Yesuusi ke haleeniiy.”
50Isha ka ohaataadi isi quda kate ka shore ka qa'ade ka Yesuusi kapopa aane.
51Yesuusi ka isha kaassade ka kide, “Akkaan maana ke kodo faani?” Namase a ilda qara paten ka ishi oorshe ka kide, “Kollissampayto, paata akkaan faani.”
52Yesuusi ka ishi kide, “Amanteetaayti ke dinsheey, aane!” Namase ka eennow paata akkeeta ettanshe ka Yesuusi kamma qate ka olli aane.
Currently Selected:
:
Highlight
Share
Copy
Want to have your highlights saved across all your devices? Sign up or sign in