Mariqoosi 9
9
Pissa akka Yesuusi pursame
Maati 17:1-13; Luqa 9:28-36
1Kamma desa Yesuusi i'ishootta kide, “Dukaatannen ishina kiini, orrose amma are co oppaayye, orra a in leenin mali mankisteeta Waaqa a hupna kuttan deenitto akko takka takka ca.”
2Ka kuyyaata lehi kammaayye, Peetiroosi ka Yayqoopi isho Yohaannisi isi quda qeede ka, ishootta pattan irroota takka kutta qaropa fayyade, pissaadi ka ishootta tura pursame#Peti 2ta 1:17-18. 3Mehaddaadi nefo ka harmo attaaden ka warwarri. Umma piita qaraayye, nama kadi mehadda diipa diipa nefooyye asse attassa in ettansho. 4Sitiiyyi Eeliyaasi isho Muuse a Yesuusi olli haasawanna ka ishootta tura akkaaden. 5Peetiroosi ka Yesuusi kide, “Kolissampayto are kallaatta i'ino paxaari; shaakka sessan qupna; takkan xaayti koddan, takkanka a Muuse koddan, takkan ka a Eeliyaasi koddan.” 6Tamaarewwasene sessa qoota harmo tatammaqen malla, Peetiroosi wa a haasawanna nefo in upo.
7Urratta ka de'e ka ishootta qara deke; Urrattase kara desa nessa a kiino, “Ini innasene xayyo an jaalanna, isha dakaya#Maati 3:17; Maari 1:11; Luqa 3:22 .” Ka dakaade. 8Eennow ete tiitaawen ka tooyyadeneeyye, Yesuusi mali a ishootta kapa co, nama takka nefo in akkine.
9A irrootase qara lekkannaaneeyye, Yesuusi i'ishootta ajaje ka kide, “Haka inna a nama tootoppa xa'an kara'e, wessen a akkitene nama takka nefo an lelan.”
10Ishootta ka qaalese dakayen ka isi kara qapaden; A koddito ma ixolli haasawanni ka kiini, “Tootoppa xaana kideese, maana kideeta?” 11Ka Yesuusi kaassaden ka kidene, “Kollissampaya a seera maana malla kiini, ‘A paayyota qara de'o, Eeliyaasi kodda parpaaccisni?’” #Mil 4:5; Maati 11:14
12Yesuusi ka oorshe ka ishootta kide, “Keeto Eeliyaasi paayyota qara de'a ka we piisa harmisha, a koddito ma ‘Inna nama akkima rakkoota kokkoka isha qara kayto ikka needdamo, sede taafamte attaaw?’ 13Anti xoori in ishina kiini, Eeliyaasi xattaaw de'e, orra ka akka qootaadi desa taafamte mina'e, wa ishootta aaka piisa isha qara kode.”
Yesuusi inna takkan hapura neeqan qapamexe dinshe
Maati 17:14-21; Luqa 9:37-43
14Yesuusi isho tamaarewwasene sessa ete tamaarewwasene ata hase kapopa tiitaaweneeyye, orra lekayta a ishootta kapopa ollopa oore akken. kollissampayasene a seera ka tamaarewwasene oli shiishni. 15Samaytase piisa ete Yesuusi akkeeyye itammaqe ka oppa qawwaawe. Ka isha kapopa hire ka nakayta isha qara kaassade. 16Yesuusi ka tamaarewwaadi kaassade ka kide, “Ata maana qara ishootta oli shiishnittan?”
17Nama takka ka orra kara desa oorshe ka kide, “Ha Poqallaay, hapura neeqa a nama tupa arrapa qapno innaayyo qape, an ka ke kapopan de'e. 18Oto isha qara de'oyye, piitopa isha kanni; ikka afaappa rumpaya urqinni, ka ilka ollin qommi, dakintaadi ka eyye kokni ka pukka pahanaani. Akkima orrittose innaayyo kara sookshane'e an ka tamaarewwaatti kaassade, umma in ettaninne.”
19Yesuusi ka ishootta kide, “Ishina orra amani in kinninitiiyyi, haka aytamiti'in ishin olli kallaada? Ka haka aytamiti ishin kela duupada? Intoonnooy, innoosen ana kapopan xooyaay.” 20Ishootta ka innasenetin isha kapopa de'en; Hapurase neeqa ete Yesuusi akkeeyye, eennow innasene piitopa kate ka akka feqado kode; ikka piitandesa kankalaanni ka rumpaya afaan urqinni. 21Yesuusi ka aappa opa innaseneti kaassade ka kide, “Paaqose atta kitto isha paayye.” Aappaaysho ka kide, “Innumanne isha paayye,
22Ka isha ikassa'e lekayteetan apitta isho pisha karopa isha kanni. Atara oton i'ettaninniiyyi, ino nyarrahe ka ino qaarqaare.”
23Yesuusi ka ishi kide, “Hela ‘oton i'ettaninni’ kiini? Nama amanno'e, we piisa ettansammi.”
24Ennow aappa opa innaseneti ka ullupe ka kide, “In amani ma wa amana anan kamma pisa oppaayye atti ana qaarqaare.”
25Yesuusi ka akkima samayta olkelan isha kapopa hirro akke ka hapurase neeqa fukke ka kide, “Atti hapura dakkaawe ka haasa ettaninni in kinniniiyi! akka innoosen kara sookto! ka lammatta karopa a oorini in ke ajajini.”
26Hapurase neeqa ka harmo ullupe; ka akka innasene akata feqadane kode; ka kara sooke; Qoota innasene pukka pahanaaden malla, orra lekayta ka kide, “Ito'en!” 27Ma xoori Yesuusi harka innaseneti qape ka xaashe, ikka ela qa'aden.
28Yesuusi ete alleeta kelopa kulleeyye, tamaarewwaadi ka xawwi desa isha kaassaden ka kidene, “Ino xawwi maana mallan hapuroose neeqa sookissa malaalle?”
29Isha ka ishootta oorshe ka kide, “Ikose asse paho qinseeta [isho damta musatta#9:29 mataaffa akiriiki takka takka qara sede in kittoqinseeta ka dammta musatta] mali wa pila takkan nefon sookni in co.”
Yesuusi qoota tootaadi isho a tootoppa xaanaaditi desa a lammattati haasawadeew
Maati 17:22-23; Luqa 9:43-45
30Yesuusi isho tamaarewwaadi porase oppaayye alle xa'e n ka qinda piita Kelilaatin aanen. Yususi umma pora a ishi oppa co, akka nama takka nefo upnaado in faane. 31Sede nefo wa malla asse koddite, qoota Yesuusi tamaarewwaadi kollinno malla, ka kiino “Inna nama, harka orra oppopa tuukkaman; ishootta ka isha ishshan. Ma xoori kuyyaata sessa kammaayye tootoppa ixa'a malla.”
32Tamaarewwaadi xoori wossen ishootta in kalle; ma isha kaassatta ifuuren.
Ayno piisa qara jaalli?
Maati 18:1-5; Luqa 9:46-48
33Yesuusi isho tamaarewwaadi piita Qifirnahoomi opa de'en. Yesuusi ete alleeta kelopa kulle kammaayye, tamaarewwaadi kaassade ka kide, “A poroppa kittaneeyye, maana qara olli shiishnittan?”
34Ishootta xoori jawe kiden; sde nefo qoota a poroppa caaneeye olli shiishen ka kidene, “Ata amma, ayno ino piisa qara jaalli#Luqa 22:24?” Malla. 35Ete kute'e kammaayye, ikka tamaarewwaadi kudanka lakki isi kapopa hale ka ishootta kide, “Nama nama piisa qara qapnaatta heeno, a pisa kelopa xata caado; ka piisa kela orxayta koddo#Maati 20:26-27; 23:11; Maari 10:43-44; Luqa 22:26 .” 36Ka inna takkan shakka qeede ka otantaaysho oppa qa'atishe; ka hadduune ka ishootta kide, 37“Nama hellosen asse cecca oppa takka maxxiyyon teyyanno, ana teyyanni; a'ana teyyanno piisaaw anan ma, isase ana erke teyyanni#Maati 10:40; Luqa 10:16; Yoha 13:20.”
Nama ino toorri in kinnin piisa ino qudaaw
Luqa 9:49-50
38Yohaannisi ka Yesuusi kide, “Kollissampayyto, nama takka maxxaaytin orriyya sookinnon akkine ka, qoota inoppa in qapnin malla, isha dawrine.”
39Yesuusi xoori ikide, “Nama maxxiyyon wa orra qawwanna koono; ka eennow ana qara wa neeqa haasaanno, qoota in kinnin malla, isha an dawran. 40Nama ino toorri in kinnin piisa, ino qudaaw#Maati 12:30; Luqa 11:23 . 41Dukaatannen ishina kiini, ishina qoota a Kiristoosi kodditen malla, nama maxxiyyon qulla kela pisha ishina qapo, wa kapa akkada in dapo#Maati 10:42.”
Pora Waaqa oppa orra kehaytissa tooytaatta
Maati 18:6-9; Luqa 17:1-2
42“Nama, a sene shashakka ana amane oppaayye, takka akka kamma dapo kodo kapaayye, kati yomatta a kutta xolmaappa ishi hiddan ka pakateeta karopa isha katane, ishi waayyi. 43Semmalla oton harkaayti akka juppoota kooto ke kooniiyyi, isi quda mure ka alle kate; a harka lakki qapnaatto ka kahannami oppopa katamto kapaayye, a kumuddayta harkatin caattappopa kalto ke wayyiiy#Maati 5:30 . 44[Kahannami pora oppaayye punatittaadi tooni in kinnin, apittaadi ka libbini in kinnin. #9:44 mataffa a ollopa marramma a xatta demo qaraayye dikoota 44iyaahiwwe padaawammi; isheetta nefo dikoota 48e pahata. ] 45Oton loqotayti akka kamma dapto ke kooniiyyi, mure ka alle kate; a loqqa lakki qapnaatto ka kahannami oppopa katamto kapaayye, a toonnayta koddito ka caatta oppopa kalto ke wayyiiy. [ 46Kahannami pora oppaayye punatittaadi tooni in kinnin, apittaadi ka libbini in kinnin. #9:46 mataffa a ollopa marramma axatta demo qaayye dikoota 46iyaahiwwe padaawammi; isheetta nefo dikoota 48e pahata. ] 47Oton iltaayti akka kamma dapto ke kooniyyi, isi kara sookshe ka alle kate; a ilda lakki qapnatto ka kahannami oppopa katamto kapa, a ilta takkaaw qapnaatto ka mankisteeta Waaqa oppopa kalto ke wayyiiy#Maati 5:29 . 48[Kahannami pora oppaayye punaatittaadi tooni in kinnin apittaadi ka libbini in kinnin#Issa 66:24 .]
49“Akka kalisoota sookittan me'aysammitto mina'e, nama piisa apittanne olkela oorsama.
50“Sookitta ipaxaari ma, kati marmaddumaadi, dapaayye maanaanne isha marmaddassaan? Ishin oppaayye, jaalala a sookitta mina marmaddaawna a caaden. Ka olli kala; ka nakaytan ollin kallaada#Maati 5:13; Luqa 14:34-35 .”
Currently Selected:
Mariqoosi 9: MaQu
Highlight
Share
Copy
Want to have your highlights saved across all your devices? Sign up or sign in
Mariqoosi 9
9
Pissa akka Yesuusi pursame
Maati 17:1-13; Luqa 9:28-36
1Kamma desa Yesuusi i'ishootta kide, “Dukaatannen ishina kiini, orrose amma are co oppaayye, orra a in leenin mali mankisteeta Waaqa a hupna kuttan deenitto akko takka takka ca.”
2Ka kuyyaata lehi kammaayye, Peetiroosi ka Yayqoopi isho Yohaannisi isi quda qeede ka, ishootta pattan irroota takka kutta qaropa fayyade, pissaadi ka ishootta tura pursame#Peti 2ta 1:17-18. 3Mehaddaadi nefo ka harmo attaaden ka warwarri. Umma piita qaraayye, nama kadi mehadda diipa diipa nefooyye asse attassa in ettansho. 4Sitiiyyi Eeliyaasi isho Muuse a Yesuusi olli haasawanna ka ishootta tura akkaaden. 5Peetiroosi ka Yesuusi kide, “Kolissampayto are kallaatta i'ino paxaari; shaakka sessan qupna; takkan xaayti koddan, takkanka a Muuse koddan, takkan ka a Eeliyaasi koddan.” 6Tamaarewwasene sessa qoota harmo tatammaqen malla, Peetiroosi wa a haasawanna nefo in upo.
7Urratta ka de'e ka ishootta qara deke; Urrattase kara desa nessa a kiino, “Ini innasene xayyo an jaalanna, isha dakaya#Maati 3:17; Maari 1:11; Luqa 3:22 .” Ka dakaade. 8Eennow ete tiitaawen ka tooyyadeneeyye, Yesuusi mali a ishootta kapa co, nama takka nefo in akkine.
9A irrootase qara lekkannaaneeyye, Yesuusi i'ishootta ajaje ka kide, “Haka inna a nama tootoppa xa'an kara'e, wessen a akkitene nama takka nefo an lelan.”
10Ishootta ka qaalese dakayen ka isi kara qapaden; A koddito ma ixolli haasawanni ka kiini, “Tootoppa xaana kideese, maana kideeta?” 11Ka Yesuusi kaassaden ka kidene, “Kollissampaya a seera maana malla kiini, ‘A paayyota qara de'o, Eeliyaasi kodda parpaaccisni?’” #Mil 4:5; Maati 11:14
12Yesuusi ka oorshe ka ishootta kide, “Keeto Eeliyaasi paayyota qara de'a ka we piisa harmisha, a koddito ma ‘Inna nama akkima rakkoota kokkoka isha qara kayto ikka needdamo, sede taafamte attaaw?’ 13Anti xoori in ishina kiini, Eeliyaasi xattaaw de'e, orra ka akka qootaadi desa taafamte mina'e, wa ishootta aaka piisa isha qara kode.”
Yesuusi inna takkan hapura neeqan qapamexe dinshe
Maati 17:14-21; Luqa 9:37-43
14Yesuusi isho tamaarewwasene sessa ete tamaarewwasene ata hase kapopa tiitaaweneeyye, orra lekayta a ishootta kapopa ollopa oore akken. kollissampayasene a seera ka tamaarewwasene oli shiishni. 15Samaytase piisa ete Yesuusi akkeeyye itammaqe ka oppa qawwaawe. Ka isha kapopa hire ka nakayta isha qara kaassade. 16Yesuusi ka tamaarewwaadi kaassade ka kide, “Ata maana qara ishootta oli shiishnittan?”
17Nama takka ka orra kara desa oorshe ka kide, “Ha Poqallaay, hapura neeqa a nama tupa arrapa qapno innaayyo qape, an ka ke kapopan de'e. 18Oto isha qara de'oyye, piitopa isha kanni; ikka afaappa rumpaya urqinni, ka ilka ollin qommi, dakintaadi ka eyye kokni ka pukka pahanaani. Akkima orrittose innaayyo kara sookshane'e an ka tamaarewwaatti kaassade, umma in ettaninne.”
19Yesuusi ka ishootta kide, “Ishina orra amani in kinninitiiyyi, haka aytamiti'in ishin olli kallaada? Ka haka aytamiti ishin kela duupada? Intoonnooy, innoosen ana kapopan xooyaay.” 20Ishootta ka innasenetin isha kapopa de'en; Hapurase neeqa ete Yesuusi akkeeyye, eennow innasene piitopa kate ka akka feqado kode; ikka piitandesa kankalaanni ka rumpaya afaan urqinni. 21Yesuusi ka aappa opa innaseneti kaassade ka kide, “Paaqose atta kitto isha paayye.” Aappaaysho ka kide, “Innumanne isha paayye,
22Ka isha ikassa'e lekayteetan apitta isho pisha karopa isha kanni. Atara oton i'ettaninniiyyi, ino nyarrahe ka ino qaarqaare.”
23Yesuusi ka ishi kide, “Hela ‘oton i'ettaninni’ kiini? Nama amanno'e, we piisa ettansammi.”
24Ennow aappa opa innaseneti ka ullupe ka kide, “In amani ma wa amana anan kamma pisa oppaayye atti ana qaarqaare.”
25Yesuusi ka akkima samayta olkelan isha kapopa hirro akke ka hapurase neeqa fukke ka kide, “Atti hapura dakkaawe ka haasa ettaninni in kinniniiyi! akka innoosen kara sookto! ka lammatta karopa a oorini in ke ajajini.”
26Hapurase neeqa ka harmo ullupe; ka akka innasene akata feqadane kode; ka kara sooke; Qoota innasene pukka pahanaaden malla, orra lekayta ka kide, “Ito'en!” 27Ma xoori Yesuusi harka innaseneti qape ka xaashe, ikka ela qa'aden.
28Yesuusi ete alleeta kelopa kulleeyye, tamaarewwaadi ka xawwi desa isha kaassaden ka kidene, “Ino xawwi maana mallan hapuroose neeqa sookissa malaalle?”
29Isha ka ishootta oorshe ka kide, “Ikose asse paho qinseeta [isho damta musatta#9:29 mataaffa akiriiki takka takka qara sede in kittoqinseeta ka dammta musatta] mali wa pila takkan nefon sookni in co.”
Yesuusi qoota tootaadi isho a tootoppa xaanaaditi desa a lammattati haasawadeew
Maati 17:22-23; Luqa 9:43-45
30Yesuusi isho tamaarewwaadi porase oppaayye alle xa'e n ka qinda piita Kelilaatin aanen. Yususi umma pora a ishi oppa co, akka nama takka nefo upnaado in faane. 31Sede nefo wa malla asse koddite, qoota Yesuusi tamaarewwaadi kollinno malla, ka kiino “Inna nama, harka orra oppopa tuukkaman; ishootta ka isha ishshan. Ma xoori kuyyaata sessa kammaayye tootoppa ixa'a malla.”
32Tamaarewwaadi xoori wossen ishootta in kalle; ma isha kaassatta ifuuren.
Ayno piisa qara jaalli?
Maati 18:1-5; Luqa 9:46-48
33Yesuusi isho tamaarewwaadi piita Qifirnahoomi opa de'en. Yesuusi ete alleeta kelopa kulle kammaayye, tamaarewwaadi kaassade ka kide, “A poroppa kittaneeyye, maana qara olli shiishnittan?”
34Ishootta xoori jawe kiden; sde nefo qoota a poroppa caaneeye olli shiishen ka kidene, “Ata amma, ayno ino piisa qara jaalli#Luqa 22:24?” Malla. 35Ete kute'e kammaayye, ikka tamaarewwaadi kudanka lakki isi kapopa hale ka ishootta kide, “Nama nama piisa qara qapnaatta heeno, a pisa kelopa xata caado; ka piisa kela orxayta koddo#Maati 20:26-27; 23:11; Maari 10:43-44; Luqa 22:26 .” 36Ka inna takkan shakka qeede ka otantaaysho oppa qa'atishe; ka hadduune ka ishootta kide, 37“Nama hellosen asse cecca oppa takka maxxiyyon teyyanno, ana teyyanni; a'ana teyyanno piisaaw anan ma, isase ana erke teyyanni#Maati 10:40; Luqa 10:16; Yoha 13:20.”
Nama ino toorri in kinnin piisa ino qudaaw
Luqa 9:49-50
38Yohaannisi ka Yesuusi kide, “Kollissampayyto, nama takka maxxaaytin orriyya sookinnon akkine ka, qoota inoppa in qapnin malla, isha dawrine.”
39Yesuusi xoori ikide, “Nama maxxiyyon wa orra qawwanna koono; ka eennow ana qara wa neeqa haasaanno, qoota in kinnin malla, isha an dawran. 40Nama ino toorri in kinnin piisa, ino qudaaw#Maati 12:30; Luqa 11:23 . 41Dukaatannen ishina kiini, ishina qoota a Kiristoosi kodditen malla, nama maxxiyyon qulla kela pisha ishina qapo, wa kapa akkada in dapo#Maati 10:42.”
Pora Waaqa oppa orra kehaytissa tooytaatta
Maati 18:6-9; Luqa 17:1-2
42“Nama, a sene shashakka ana amane oppaayye, takka akka kamma dapo kodo kapaayye, kati yomatta a kutta xolmaappa ishi hiddan ka pakateeta karopa isha katane, ishi waayyi. 43Semmalla oton harkaayti akka juppoota kooto ke kooniiyyi, isi quda mure ka alle kate; a harka lakki qapnaatto ka kahannami oppopa katamto kapaayye, a kumuddayta harkatin caattappopa kalto ke wayyiiy#Maati 5:30 . 44[Kahannami pora oppaayye punatittaadi tooni in kinnin, apittaadi ka libbini in kinnin. #9:44 mataffa a ollopa marramma a xatta demo qaraayye dikoota 44iyaahiwwe padaawammi; isheetta nefo dikoota 48e pahata. ] 45Oton loqotayti akka kamma dapto ke kooniiyyi, mure ka alle kate; a loqqa lakki qapnaatto ka kahannami oppopa katamto kapaayye, a toonnayta koddito ka caatta oppopa kalto ke wayyiiy. [ 46Kahannami pora oppaayye punatittaadi tooni in kinnin, apittaadi ka libbini in kinnin. #9:46 mataffa a ollopa marramma axatta demo qaayye dikoota 46iyaahiwwe padaawammi; isheetta nefo dikoota 48e pahata. ] 47Oton iltaayti akka kamma dapto ke kooniyyi, isi kara sookshe ka alle kate; a ilda lakki qapnatto ka kahannami oppopa katamto kapa, a ilta takkaaw qapnaatto ka mankisteeta Waaqa oppopa kalto ke wayyiiy#Maati 5:29 . 48[Kahannami pora oppaayye punaatittaadi tooni in kinnin apittaadi ka libbini in kinnin#Issa 66:24 .]
49“Akka kalisoota sookittan me'aysammitto mina'e, nama piisa apittanne olkela oorsama.
50“Sookitta ipaxaari ma, kati marmaddumaadi, dapaayye maanaanne isha marmaddassaan? Ishin oppaayye, jaalala a sookitta mina marmaddaawna a caaden. Ka olli kala; ka nakaytan ollin kallaada#Maati 5:13; Luqa 14:34-35 .”
Currently Selected:
:
Highlight
Share
Copy
Want to have your highlights saved across all your devices? Sign up or sign in