Mariqoosi 8
8
Yesuusi akkima nama kuma afuri damshe
Maati 15:32-39
1Etosen karaayye orra lekayta ka ollopa de'e. Umma wa damane in qapan; Yesuusi ka tamaarewwaadi hale ka ishootta kide, 2“Tin orroose kuyyaata sessa ana kapa pire, qoota wa damane in qapnin malla in ishootta suraysanni. 3Ishoottoppa orra demo pora sekaayye de'ey; oton ishootta doxe'en isi qara xa'inniiyyi, poroppa'e makkan.”
4Tamaarewwasene xaadi ka ishi oorshen ka kidene, “Ka kuli koommayse oppaayye damta orrose piisa kayto ayno akkatta ettansha?”
5Yesuusi ka ishootta kaassade ka kide, “Laaqqoota meeqa qaptan?” Ishootta ka ishi oorshen ka kidene, “Laaqqoota tappan qapna.”
6Isha ka akka orrase piitopa kuti'o ajaje ka laaqqootase tappa qeede ka qara Waaqa kalataysade ka oppa moose ka tamaarewwaadi daashe ka ishootta kide, “Samayta daasha” Ishootta ka samayta daashen 7ikka murkuja shashakka lamayyta qapaneew, ishakka murkujase qara Waaqa kalataysadeew ka akka samayta daashane tamaarewwaadi ajaje; 8Samaytase piisa ka dame ka duttane. Ikka moossowwa kela hase ollopa pohen, ikka satara kukutta tappa immakoota kayen. 9Orra damtose dame nefo, nama kuma afuri mina'e ca. Yesuusi ka isi qara ishootta xaashe. 10Ka sekkammaayye, tamaarewwaadi olliiyyi koonkaappa fayyade ka piita Dalmanuta opa aane.
Feresata akka daxxowwa akkeeta faate
Maati 16:1-4
11Feresata Yesuusi kapopa deete ka isha shiisha paayyite ka isha ekkaysatta dikatte ka akka moonte xata daxxoota takka ishootta akkisho isha kaassatte. #Maati 12:38; Luqa 11:16 12Yesuusi xoori isi karan xata harmo nyarrahe ka kide, “Orra xeltoseti maana'e akka ishootta daxxoota kodaneew faani? Anti dukaatannen ishina kiini, xeltoseti'i, daxxoota takka nefo in kodamto.” #Maati 12:39; Luqa 11:29
13Ka ishootta kapa koonkaan alle afa disi opa tuulleew.
Haddaya a Feresata isho a Herodiisi
Maati 16:5-12
14Tamaarewwasene xaadi qoota laaqqoota isi kela teyyatta teymen malla, laaqqoota takka mali a pila koonka kara in qapan. 15Yesuusi ka ishootta ajaje ka kide, “Haddaya a Feresata isho a Herodiisi kapa sekaada.” #Luqa 12:1
16Ishootta ka olli kidene, “Ha takka punu qootan laaqqoota an qapnin malla asse kide koddita.”
17Yesuusi ka dikattose xaaysho upnaade ka ishootta kide, “Maana malla dikannittan ka kiinittane, ‘Ha qootan laaqqoota an qapnin malla;’ Ka haasawannittan? Hela amma ikki'i we takkan nefo matte a qapnaani a kinnini? ikka ishina kalli in kinnini? Karittaayshin ka amma ikki lule? 18Hela a ilda qaptan kapa akkini a kinnin? Ka a nappa qaptan kapa a dakayni a kinnin? Atta ishina matte oorri in kinninii?” #Er 5:21; His 12:2; Maari 4:12 19Hela awtan nama kuma keni'i, laaqqoota keni oppa mooseeyye, “Moossowwa kela hase satara immakkoota meeqa pohotten?” Ishootta ka kidene, “Satara kudanka lakki immakkoota.”
20Ikka kideewwe, “Awtan laaqqoota tappa nama kuma afuri mooseeyye, moossowwa a kela hase satara immakkoota meeqa pohoteneew?” Ishootta ka kidene, “Satara tappa immakkoota.”
21Yesuusi ka ishootta kide, “Ka kuli amma ikki'i matte a qapnaani a kinnini?”
Yesuusi Peetesaydaayye nama ilda qaa paten dinshe
22Ete Peetesayda kayeneeyye, orra ka nama takka a ilda qara patenen Yesuusi kapopa de'e ka akka quda qappado'e, isha naappaden; 23Yesuusi ka namase a ilda qara paten tupa harka qape ka paleeta kara lakopa ishin sooke; ka ildasene xaadi oppa hanjufta tuffe ka qara harka qapade ka isha kaassade ka kide, “Ippaata akkini?”
24Namase a ilda qara paten ka ela kide ka kide, “Aa! orra in akkini ma, qora anna'e paha.”
25Yesuusi ka lammatta ilda a namaseti qara harkaadi qapadeew. Ildaadi ka tooyyaden, ikka dine ka fayya we piisa akka paayye. 26Yesuusi ka ishi kide, “Paleetoppopa in tiitaawan” #8:26 kodayteeta haraya akixisi, ka turkumeeta axafa amaara 1947; ka turkumewwa axata axafa kiriiki qaraayye sede padaawammi; “ka sede nama takka nefo kapaan lelam” Ka tikaadipa isha kalshe.
Peetiroosi akkima Yesuusi Kiristoosi kodde maakkume
Maati 16:13-20; Luqa 9:18-21
27Yesuusi isho tamaarewwaadi ollini palewwa Filippoosi Qeesaariya kapandesa ca oppopa aanen. Aporoppa caaneeyye, Yesuusi ka tamaarewwaadi kaassade ka kide, “Orra ayno ana kiini?”
28Ishootta ka ishi oorshen ka ishi kidene, “Orra demo ike kiini, ‘Yohannisise pishaan orra jaqno’ A demo ka kiiniwi, ‘Eliyaasi’ A demo ka kiiniwi, ‘Xuumampayaappa takka.’” #Yoha 6:68-69
29Ikka ishootta kaassadeew ka kide, “Ishina ayno ana kiinittaneew?” Peetiroosi ka ishi oorshe ka kide, “Atti a Kiristoosi!” #Yoha 6:68-69
30Yesuusi ka turadesaaw ishootta lele ka kide, “Qootiyyo desa nama takka nefo kapa in lelan!”
Yesuusi akka to'o ka tootoppa xa'o a paayyotati hasawade
Maati 16:21-28; Luqa 9:22-27
31Yesuusi tamaarewwaadi kollissa paayye ka kide, “Inna nama rakkoota kutta akkatta isha faani qimoota piita ka saarra qeesewwa isho kollissampaya a seera ka isha needdadan ka isha ishshan, ma xoori kuyyaata sessa kamma tootoppa ixa'a.” 32Ka sede fayya ishootta lele ka ishootta la'ayshe. Sitiiyyi Peetiroosi ka xawwi desa isha qeede ka isha fuka paayye ka kide, “Asse in kidan!” 33Yesuusi xoori itiitaawe ka tamaarewwaadi tooyyade ka Peetiroosi fukke ka ishi kide, “Atti seetano, ana kapa aane! A nama diisheey, a Waaqa a dikanni a kittooy!”
Yesuusi kamma anta rakkoota nama qara qeenitto
Maati 10:38-39; 16:24-28; Luqa 9:23-27; 14:24-27
34Sekamma Yesuusi samayta isho tamaarewwaadi ollin hale ka ishootta kide, “Nama ana kamma deena heeno, oton icaayye, a isqara karitta kutado, ka masqalaadi qapado ka ana kamma ishin de'o. #Maati 10:38; Luqa 14:27 35Nama issin paha heeno piisa, isi dapa; nama ana ka otootose a fayya malla toota isi daanno xoori, issinni paha#Maati 10:39; Luqa 17:33; Yoha 12:25. 36Nama kati teyanta a piita qara kitto piisa teyaayye ka kapa isi dapaayye, maana isha qara nessissa? 37Taaki isi furattaa'e maana kapa daassata ettansha? 38Nama xeltase marmattampayteeta ka juppoolayteeta koddite tura ana ka qaaletiyyon jeerro piisa, anti inna a namatiiyyi oton erkampattowwa qulqullaawe olli ulfeena Aappinnootin deenoyye, asseewwen ishan jeera”
Currently Selected:
Mariqoosi 8: MaQu
Highlight
Share
Copy
Want to have your highlights saved across all your devices? Sign up or sign in
Mariqoosi 8
8
Yesuusi akkima nama kuma afuri damshe
Maati 15:32-39
1Etosen karaayye orra lekayta ka ollopa de'e. Umma wa damane in qapan; Yesuusi ka tamaarewwaadi hale ka ishootta kide, 2“Tin orroose kuyyaata sessa ana kapa pire, qoota wa damane in qapnin malla in ishootta suraysanni. 3Ishoottoppa orra demo pora sekaayye de'ey; oton ishootta doxe'en isi qara xa'inniiyyi, poroppa'e makkan.”
4Tamaarewwasene xaadi ka ishi oorshen ka kidene, “Ka kuli koommayse oppaayye damta orrose piisa kayto ayno akkatta ettansha?”
5Yesuusi ka ishootta kaassade ka kide, “Laaqqoota meeqa qaptan?” Ishootta ka ishi oorshen ka kidene, “Laaqqoota tappan qapna.”
6Isha ka akka orrase piitopa kuti'o ajaje ka laaqqootase tappa qeede ka qara Waaqa kalataysade ka oppa moose ka tamaarewwaadi daashe ka ishootta kide, “Samayta daasha” Ishootta ka samayta daashen 7ikka murkuja shashakka lamayyta qapaneew, ishakka murkujase qara Waaqa kalataysadeew ka akka samayta daashane tamaarewwaadi ajaje; 8Samaytase piisa ka dame ka duttane. Ikka moossowwa kela hase ollopa pohen, ikka satara kukutta tappa immakoota kayen. 9Orra damtose dame nefo, nama kuma afuri mina'e ca. Yesuusi ka isi qara ishootta xaashe. 10Ka sekkammaayye, tamaarewwaadi olliiyyi koonkaappa fayyade ka piita Dalmanuta opa aane.
Feresata akka daxxowwa akkeeta faate
Maati 16:1-4
11Feresata Yesuusi kapopa deete ka isha shiisha paayyite ka isha ekkaysatta dikatte ka akka moonte xata daxxoota takka ishootta akkisho isha kaassatte. #Maati 12:38; Luqa 11:16 12Yesuusi xoori isi karan xata harmo nyarrahe ka kide, “Orra xeltoseti maana'e akka ishootta daxxoota kodaneew faani? Anti dukaatannen ishina kiini, xeltoseti'i, daxxoota takka nefo in kodamto.” #Maati 12:39; Luqa 11:29
13Ka ishootta kapa koonkaan alle afa disi opa tuulleew.
Haddaya a Feresata isho a Herodiisi
Maati 16:5-12
14Tamaarewwasene xaadi qoota laaqqoota isi kela teyyatta teymen malla, laaqqoota takka mali a pila koonka kara in qapan. 15Yesuusi ka ishootta ajaje ka kide, “Haddaya a Feresata isho a Herodiisi kapa sekaada.” #Luqa 12:1
16Ishootta ka olli kidene, “Ha takka punu qootan laaqqoota an qapnin malla asse kide koddita.”
17Yesuusi ka dikattose xaaysho upnaade ka ishootta kide, “Maana malla dikannittan ka kiinittane, ‘Ha qootan laaqqoota an qapnin malla;’ Ka haasawannittan? Hela amma ikki'i we takkan nefo matte a qapnaani a kinnini? ikka ishina kalli in kinnini? Karittaayshin ka amma ikki lule? 18Hela a ilda qaptan kapa akkini a kinnin? Ka a nappa qaptan kapa a dakayni a kinnin? Atta ishina matte oorri in kinninii?” #Er 5:21; His 12:2; Maari 4:12 19Hela awtan nama kuma keni'i, laaqqoota keni oppa mooseeyye, “Moossowwa kela hase satara immakkoota meeqa pohotten?” Ishootta ka kidene, “Satara kudanka lakki immakkoota.”
20Ikka kideewwe, “Awtan laaqqoota tappa nama kuma afuri mooseeyye, moossowwa a kela hase satara immakkoota meeqa pohoteneew?” Ishootta ka kidene, “Satara tappa immakkoota.”
21Yesuusi ka ishootta kide, “Ka kuli amma ikki'i matte a qapnaani a kinnini?”
Yesuusi Peetesaydaayye nama ilda qaa paten dinshe
22Ete Peetesayda kayeneeyye, orra ka nama takka a ilda qara patenen Yesuusi kapopa de'e ka akka quda qappado'e, isha naappaden; 23Yesuusi ka namase a ilda qara paten tupa harka qape ka paleeta kara lakopa ishin sooke; ka ildasene xaadi oppa hanjufta tuffe ka qara harka qapade ka isha kaassade ka kide, “Ippaata akkini?”
24Namase a ilda qara paten ka ela kide ka kide, “Aa! orra in akkini ma, qora anna'e paha.”
25Yesuusi ka lammatta ilda a namaseti qara harkaadi qapadeew. Ildaadi ka tooyyaden, ikka dine ka fayya we piisa akka paayye. 26Yesuusi ka ishi kide, “Paleetoppopa in tiitaawan” #8:26 kodayteeta haraya akixisi, ka turkumeeta axafa amaara 1947; ka turkumewwa axata axafa kiriiki qaraayye sede padaawammi; “ka sede nama takka nefo kapaan lelam” Ka tikaadipa isha kalshe.
Peetiroosi akkima Yesuusi Kiristoosi kodde maakkume
Maati 16:13-20; Luqa 9:18-21
27Yesuusi isho tamaarewwaadi ollini palewwa Filippoosi Qeesaariya kapandesa ca oppopa aanen. Aporoppa caaneeyye, Yesuusi ka tamaarewwaadi kaassade ka kide, “Orra ayno ana kiini?”
28Ishootta ka ishi oorshen ka ishi kidene, “Orra demo ike kiini, ‘Yohannisise pishaan orra jaqno’ A demo ka kiiniwi, ‘Eliyaasi’ A demo ka kiiniwi, ‘Xuumampayaappa takka.’” #Yoha 6:68-69
29Ikka ishootta kaassadeew ka kide, “Ishina ayno ana kiinittaneew?” Peetiroosi ka ishi oorshe ka kide, “Atti a Kiristoosi!” #Yoha 6:68-69
30Yesuusi ka turadesaaw ishootta lele ka kide, “Qootiyyo desa nama takka nefo kapa in lelan!”
Yesuusi akka to'o ka tootoppa xa'o a paayyotati hasawade
Maati 16:21-28; Luqa 9:22-27
31Yesuusi tamaarewwaadi kollissa paayye ka kide, “Inna nama rakkoota kutta akkatta isha faani qimoota piita ka saarra qeesewwa isho kollissampaya a seera ka isha needdadan ka isha ishshan, ma xoori kuyyaata sessa kamma tootoppa ixa'a.” 32Ka sede fayya ishootta lele ka ishootta la'ayshe. Sitiiyyi Peetiroosi ka xawwi desa isha qeede ka isha fuka paayye ka kide, “Asse in kidan!” 33Yesuusi xoori itiitaawe ka tamaarewwaadi tooyyade ka Peetiroosi fukke ka ishi kide, “Atti seetano, ana kapa aane! A nama diisheey, a Waaqa a dikanni a kittooy!”
Yesuusi kamma anta rakkoota nama qara qeenitto
Maati 10:38-39; 16:24-28; Luqa 9:23-27; 14:24-27
34Sekamma Yesuusi samayta isho tamaarewwaadi ollin hale ka ishootta kide, “Nama ana kamma deena heeno, oton icaayye, a isqara karitta kutado, ka masqalaadi qapado ka ana kamma ishin de'o. #Maati 10:38; Luqa 14:27 35Nama issin paha heeno piisa, isi dapa; nama ana ka otootose a fayya malla toota isi daanno xoori, issinni paha#Maati 10:39; Luqa 17:33; Yoha 12:25. 36Nama kati teyanta a piita qara kitto piisa teyaayye ka kapa isi dapaayye, maana isha qara nessissa? 37Taaki isi furattaa'e maana kapa daassata ettansha? 38Nama xeltase marmattampayteeta ka juppoolayteeta koddite tura ana ka qaaletiyyon jeerro piisa, anti inna a namatiiyyi oton erkampattowwa qulqullaawe olli ulfeena Aappinnootin deenoyye, asseewwen ishan jeera”
Currently Selected:
:
Highlight
Share
Copy
Want to have your highlights saved across all your devices? Sign up or sign in