Eksodus Wan wortu na fesi
Wan wortu na fesi
A nen Eksodus wani taki “hari gwe.” A e taki fu a moro prenspari sani di psa ini a historia fu den Israelitisma: a gwe di den sma fu Israel hari gwe fu Egipte, pe den ben de srafu. Wi kan prati a buku disi ini dri pisi:
A fri di Gado fri den Hebrewsma fu katibo.
A ferbontu di Gado meki nanga den na a Sinaibergi.
A bow fu wan presi fu anbegi Gado, den wèt gi den priester nanga a fasi fa den mus anbegi Gado.
Ini a buku disi a e kon krin na fesi tu san Gado du di A ferlusu En folku di ben de ini katibo.
A prenspari sma ini a buku disi na Moses, a man di Gado ben teki fu tyari En folku kmoto ini Egipte.
San de ini a buku disi:
Den Israelitisma kon fri fu a katibo ini Egipte (1:1—15:21)
Srafu ini Egipte (1:1-22)
A ten di Moses gebore nanga den yongu yari fu en (2:1—4:31)
Moses nanga Aaron e waka miti a kownu fu Egipte (5:1—11:10)
Den sma fu Israel e kmoto ini Egipte (12:1—15:21)
Fu a Riet Se go miti a bergi Sinai (15:22—18:27)
A Wèt nanga a ferbontu (19:1—24:18)
A santa tenti nanga a fasi fa den ben mus anbegi Gado (25:1—40:38)
Currently Selected:
Eksodus Wan wortu na fesi: SB16
Highlight
Share
Copy
Want to have your highlights saved across all your devices? Sign up or sign in
Tekst © Surinaams Bijbelgenootschap 2016