Luk 18
18
Bokobi bu Minkai ekud yi minrebag bɔpem
1Nyining Jisɔs asidi bɔ ba anyedag we bokobi akɔi bɔ arɔ basoag nsɔm kpɔkpɔk nten ekan jɔi bɔ. 2We arɔ, “Wa mpam yud efɔning minrebag bɔpem wu chang areag Ɔsɔwɔ erɔng chang ajegag bane. 3Erɔng minkai ekud ale wa mpam ayua wu acha abag ɔmɔ owu aledag we arɔ, ‘Betɛbi tɔb me oreb mpem ema yi mine ojing ama.’
4“Ka wa ekpri nten minrebag bɔpem akebokeb elemang nyum kpeyid ka wa nkurikuri we atɔ lɔ arɔ, ‘Kpe yi me chang nreag Ɔsɔwɔ yi yi chang egbarag me yi bane ali kerag, 5ka wantagi efegayɔ yi minkai ekud wufa acha akerag me, me ting nsob mpem nke we eru afa agɔba akerag me efegayɔ yi emanag eke me oboreri!’ ”
6Ka Minfɔni arɔ, “Wog yi minrebag mpem wu mbe wufa achɔding. 7Ɔsɔwɔ ahɔsob mpem enɔb bane abi ba we asanging, ba babeag akerag we epen yi boru a? We ting ayingi etɔbang bɔ a? 8Me nsidi nyɔ, we asobag mpem enɔb bɔ ahɔbebi nten. Ka ebu Mmɔn wu Mine alaba ting arɔ bane ba akwe ochorekpo wa nsisi a?”
Bokobi bu mine Farisi yi Minramag Ntɛbatɛba yu mpam
9Jisɔs ahɔke bokobi buntad ake bane ba akering arɔ bɔ anɔbing aking ka amɔnag bane bawag fɔng. 10“Banine bafai achin wa nju yu Ɔsɔwɔ aka soi nsɔm. Wud ale Farisi ka wu wag minramag ntɛbatɛba yu mpam. 11Wu Farisi alami ebad eyi asoi nsɔm arɔ, ‘Ɔsɔwɔ, me nkob we ndɔ me chang ala feb bane bantad, bajibag ba ejib, balemag ba bobe, ba boag ba befem. Chama Ɔsɔwɔ arɔ me chang ala minramag ntɛbatɛba yu mpam wufa. 12Ka me nkɛmag nsɔng nken efai wa efɛn erɔng nkerag ebad yid wa bebad ɔfɔ wa feb bi nkwei.’
13“Ka minramag ntɛbatɛba yu mpam alami eken era. We akaming arɔ we atam boso obu esɔ, ka we asom babɔ wa ekpokpo arɔ, ‘Ɔsɔwɔ, nkɔ we nsɔn, me minlemag bobe.’ ”
14Jisɔs arɔ, “Me nsidi nyɔ ndɔ wa banine bafa bafai minramag ntɛbatɛba yu mpam aleming nkeri wa boso bu Ɔsɔwɔ. Wantagi feb ba atamag beke apodag bɔ eboi ka bɔ ba apoding lɔ atamag bɔ esɔ.”
Jisɔs yi nkeked Mbɔnibɔni
(Mat 19:13-15; Mak 10:13-16)
15Bane erɔng ali bag yi mbɔn abibɔ ɔmɔ Jisɔs arɔ we achori bɔ babɔ, ake bɔ enɔb. Ka banyedag ba Jisɔs ahɔ rɔ yi, bɔ anyan bɔ ka akeb bɔ. 16Ka Jisɔs ayen mbɔn abag owu ka we arɔ, “Nungi nkekedi mbɔnibɔni abag ɔma, kan kpani bɔ, wantagi bɔlen bu Ɔsɔwɔ bole boke bane ala bɔ. 17Ekonekon me nsidi nyɔ, kpewun wu akan raming bɔlen bu Ɔsɔwɔ ala ni nɛminke yibanya ahɔ wei obu.”
Ba afangingɔfang yi Bɔlen bu Ɔsɔwɔ
(Mat 19:16-30; Mak 10:17-31)
18Minen wud abeb Jisɔs arɔ, “Etingi minkɔkɔi, ye me nlemag ka nfɔn ekwen yibanya yibanya?”
19Jisɔs abɔri we arɔ, “Ye ka oyen me etingi? Mine kpewud wu anɔbing chang ekinging Ɔsɔwɔ bibi. 20We oji beben: ‘We kan boi efem, we kan woi, we kan jibejib, we kan lami ntese yu baram, jegi nsi yi nyen eya.’ ”
21Ka minine awun abɔri arɔ, “Me nnungi beben bifa feb to yi me nle fe.”
22Yi Jisɔs awoging yifa, we atɔ we arɔ, “We onyinang yi nyum yid yi we ɔkan lem. Chɔ feb bi ɔkwei oke bakpak da we ting ɔfɔn efang wa mpam esɔ. Nyining bag ɔba nyedi me.”
23Ka yi we awoging yifa, nted achobing we, wantagi we afanging gbɔg. 24Jisɔs amɔn we ka arɔ, “Ejɔag ka efangane awei wa bɔlen bu Ɔsɔwɔ! 25Ele ewɔra kamel aking mpog yu aga eking efangane awei wa bɔlen bu Ɔsɔwɔ.”
26Bɔ ba awoging yifa abeb arɔ, “Nene nyining wu amanag asem?”
27Jisɔs abɔri arɔ, “Yi egan mine ehɔga Ɔsɔwɔ.”
28Nyining Pita atɔ we arɔ, “Mmɔn! Sɔ echai feb bi sɔ ekwei anyedi we.”
29Jisɔs abɔri bɔ arɔ, “Ekonekon me nsidi nyɔ ndɔ, kpewun wu achan nju oyu lale minkai lale mbɔn ba nyen lale nyen lale nsi lale mbɔn wantagi bɔlen bu Ɔsɔwɔ 30ahori eramag nken jugijugi aking abia wa ekwen yifa yi eramag ekwen yibanya yibanya yi enɔngɔ ba.”
Jisɔs ahɔchɔd wa ɔyɔgɔ nken isia abangang eko eyi
(Mat 20:17-19; Mak 10:32-34)
31Jisɔs akun bɔ eri ɔfɔ yi bafai ba ali nyedag we achag nkpɔgi aka sidi bɔ arɔ, “Sɔ enɔngɔ olo anyɔng Jerusalim, ka feb bi barɔag ba eyammɛd yi Ɔsɔwɔ asenging abangang Mmɔn wu Mine benɔngɔ ɔtɛb alafa. 32Anɔngɔ jɔg we ake bane ba akan sid bane ba Ju. Bɔ ting alang we bakig, achib we ka apum we basɔn. 33Bɔ ting akwud we ka awoi we, ka wa ɔyɔgɔ ndu isia we ting anyimi.”
34Ka bɔ ba ali nyedag we kpeyid yifa erebing bɔ. Eri eyi awobing yi bɔ akan mai, ka bɔ amang yi Jisɔs ali chɔdag abangang.
Jisɔs Agban Minine wu acheging mmɛd
(Mat 20:29-34; Mak 10:46-52)
35Nkeri Jisɔs anɔngɔ bosi Jeriko, minine wu acheging mmɛd akig nkpɔgi nnen aledag beledi. 36Yi we awoging ekɔi yi bane ali kingang, we abeb yi eli tɛbag. 37Bɔ asidi we arɔ, “Jisɔs wu arun Nasaret ali kingag.”
38We abeg elem esɔesɔ arɔ, “Jisɔs, Mmɔn wu Debid, nungi me nkɔ we nsɔn!”
39Bɔ bale boso anyan we atɔ we arɔ kɛmi wedeg, Ka we abegag abɔgagɔbɔg, “Mmɔni Debid! nungi me nkɔ we nsɔn!”
40Jisɔs alami ake ɔsa arɔ abag yi minine awun. Yi ahɔsi kped, Jisɔs abeb we arɔ, 41“Ye yi ɔken ɔrɔ me nlem nke we?”
We abɔri arɔ, “Minfɔni, me nken ndɔ nrɔ nnen.”
42Jisɔs atɔ we arɔ, “Rɔ nnen! Ekamang eya egban we.” 43Ebuyid we arɔ nnen ka anyedi Jisɔs, akagag Ɔsɔwɔ. Yi bane feb arɔn yi, bɔ erɔng akag Ɔsɔwɔ.
Currently Selected:
Luk 18: NBB
Highlight
Share
Copy
Want to have your highlights saved across all your devices? Sign up or sign in
©️2024 Luke Initiative for Scripture Translation
Luk 18
18
Bokobi bu Minkai ekud yi minrebag bɔpem
1Nyining Jisɔs asidi bɔ ba anyedag we bokobi akɔi bɔ arɔ basoag nsɔm kpɔkpɔk nten ekan jɔi bɔ. 2We arɔ, “Wa mpam yud efɔning minrebag bɔpem wu chang areag Ɔsɔwɔ erɔng chang ajegag bane. 3Erɔng minkai ekud ale wa mpam ayua wu acha abag ɔmɔ owu aledag we arɔ, ‘Betɛbi tɔb me oreb mpem ema yi mine ojing ama.’
4“Ka wa ekpri nten minrebag bɔpem akebokeb elemang nyum kpeyid ka wa nkurikuri we atɔ lɔ arɔ, ‘Kpe yi me chang nreag Ɔsɔwɔ yi yi chang egbarag me yi bane ali kerag, 5ka wantagi efegayɔ yi minkai ekud wufa acha akerag me, me ting nsob mpem nke we eru afa agɔba akerag me efegayɔ yi emanag eke me oboreri!’ ”
6Ka Minfɔni arɔ, “Wog yi minrebag mpem wu mbe wufa achɔding. 7Ɔsɔwɔ ahɔsob mpem enɔb bane abi ba we asanging, ba babeag akerag we epen yi boru a? We ting ayingi etɔbang bɔ a? 8Me nsidi nyɔ, we asobag mpem enɔb bɔ ahɔbebi nten. Ka ebu Mmɔn wu Mine alaba ting arɔ bane ba akwe ochorekpo wa nsisi a?”
Bokobi bu mine Farisi yi Minramag Ntɛbatɛba yu mpam
9Jisɔs ahɔke bokobi buntad ake bane ba akering arɔ bɔ anɔbing aking ka amɔnag bane bawag fɔng. 10“Banine bafai achin wa nju yu Ɔsɔwɔ aka soi nsɔm. Wud ale Farisi ka wu wag minramag ntɛbatɛba yu mpam. 11Wu Farisi alami ebad eyi asoi nsɔm arɔ, ‘Ɔsɔwɔ, me nkob we ndɔ me chang ala feb bane bantad, bajibag ba ejib, balemag ba bobe, ba boag ba befem. Chama Ɔsɔwɔ arɔ me chang ala minramag ntɛbatɛba yu mpam wufa. 12Ka me nkɛmag nsɔng nken efai wa efɛn erɔng nkerag ebad yid wa bebad ɔfɔ wa feb bi nkwei.’
13“Ka minramag ntɛbatɛba yu mpam alami eken era. We akaming arɔ we atam boso obu esɔ, ka we asom babɔ wa ekpokpo arɔ, ‘Ɔsɔwɔ, nkɔ we nsɔn, me minlemag bobe.’ ”
14Jisɔs arɔ, “Me nsidi nyɔ ndɔ wa banine bafa bafai minramag ntɛbatɛba yu mpam aleming nkeri wa boso bu Ɔsɔwɔ. Wantagi feb ba atamag beke apodag bɔ eboi ka bɔ ba apoding lɔ atamag bɔ esɔ.”
Jisɔs yi nkeked Mbɔnibɔni
(Mat 19:13-15; Mak 10:13-16)
15Bane erɔng ali bag yi mbɔn abibɔ ɔmɔ Jisɔs arɔ we achori bɔ babɔ, ake bɔ enɔb. Ka banyedag ba Jisɔs ahɔ rɔ yi, bɔ anyan bɔ ka akeb bɔ. 16Ka Jisɔs ayen mbɔn abag owu ka we arɔ, “Nungi nkekedi mbɔnibɔni abag ɔma, kan kpani bɔ, wantagi bɔlen bu Ɔsɔwɔ bole boke bane ala bɔ. 17Ekonekon me nsidi nyɔ, kpewun wu akan raming bɔlen bu Ɔsɔwɔ ala ni nɛminke yibanya ahɔ wei obu.”
Ba afangingɔfang yi Bɔlen bu Ɔsɔwɔ
(Mat 19:16-30; Mak 10:17-31)
18Minen wud abeb Jisɔs arɔ, “Etingi minkɔkɔi, ye me nlemag ka nfɔn ekwen yibanya yibanya?”
19Jisɔs abɔri we arɔ, “Ye ka oyen me etingi? Mine kpewud wu anɔbing chang ekinging Ɔsɔwɔ bibi. 20We oji beben: ‘We kan boi efem, we kan woi, we kan jibejib, we kan lami ntese yu baram, jegi nsi yi nyen eya.’ ”
21Ka minine awun abɔri arɔ, “Me nnungi beben bifa feb to yi me nle fe.”
22Yi Jisɔs awoging yifa, we atɔ we arɔ, “We onyinang yi nyum yid yi we ɔkan lem. Chɔ feb bi ɔkwei oke bakpak da we ting ɔfɔn efang wa mpam esɔ. Nyining bag ɔba nyedi me.”
23Ka yi we awoging yifa, nted achobing we, wantagi we afanging gbɔg. 24Jisɔs amɔn we ka arɔ, “Ejɔag ka efangane awei wa bɔlen bu Ɔsɔwɔ! 25Ele ewɔra kamel aking mpog yu aga eking efangane awei wa bɔlen bu Ɔsɔwɔ.”
26Bɔ ba awoging yifa abeb arɔ, “Nene nyining wu amanag asem?”
27Jisɔs abɔri arɔ, “Yi egan mine ehɔga Ɔsɔwɔ.”
28Nyining Pita atɔ we arɔ, “Mmɔn! Sɔ echai feb bi sɔ ekwei anyedi we.”
29Jisɔs abɔri bɔ arɔ, “Ekonekon me nsidi nyɔ ndɔ, kpewun wu achan nju oyu lale minkai lale mbɔn ba nyen lale nyen lale nsi lale mbɔn wantagi bɔlen bu Ɔsɔwɔ 30ahori eramag nken jugijugi aking abia wa ekwen yifa yi eramag ekwen yibanya yibanya yi enɔngɔ ba.”
Jisɔs ahɔchɔd wa ɔyɔgɔ nken isia abangang eko eyi
(Mat 20:17-19; Mak 10:32-34)
31Jisɔs akun bɔ eri ɔfɔ yi bafai ba ali nyedag we achag nkpɔgi aka sidi bɔ arɔ, “Sɔ enɔngɔ olo anyɔng Jerusalim, ka feb bi barɔag ba eyammɛd yi Ɔsɔwɔ asenging abangang Mmɔn wu Mine benɔngɔ ɔtɛb alafa. 32Anɔngɔ jɔg we ake bane ba akan sid bane ba Ju. Bɔ ting alang we bakig, achib we ka apum we basɔn. 33Bɔ ting akwud we ka awoi we, ka wa ɔyɔgɔ ndu isia we ting anyimi.”
34Ka bɔ ba ali nyedag we kpeyid yifa erebing bɔ. Eri eyi awobing yi bɔ akan mai, ka bɔ amang yi Jisɔs ali chɔdag abangang.
Jisɔs Agban Minine wu acheging mmɛd
(Mat 20:29-34; Mak 10:46-52)
35Nkeri Jisɔs anɔngɔ bosi Jeriko, minine wu acheging mmɛd akig nkpɔgi nnen aledag beledi. 36Yi we awoging ekɔi yi bane ali kingang, we abeb yi eli tɛbag. 37Bɔ asidi we arɔ, “Jisɔs wu arun Nasaret ali kingag.”
38We abeg elem esɔesɔ arɔ, “Jisɔs, Mmɔn wu Debid, nungi me nkɔ we nsɔn!”
39Bɔ bale boso anyan we atɔ we arɔ kɛmi wedeg, Ka we abegag abɔgagɔbɔg, “Mmɔni Debid! nungi me nkɔ we nsɔn!”
40Jisɔs alami ake ɔsa arɔ abag yi minine awun. Yi ahɔsi kped, Jisɔs abeb we arɔ, 41“Ye yi ɔken ɔrɔ me nlem nke we?”
We abɔri arɔ, “Minfɔni, me nken ndɔ nrɔ nnen.”
42Jisɔs atɔ we arɔ, “Rɔ nnen! Ekamang eya egban we.” 43Ebuyid we arɔ nnen ka anyedi Jisɔs, akagag Ɔsɔwɔ. Yi bane feb arɔn yi, bɔ erɔng akag Ɔsɔwɔ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©️2024 Luke Initiative for Scripture Translation