Los Hechos 13
13
Ya núnu̱ú kua ndi̱kaxin Tachi I̱í Ndioxi ra Bernabé xiꞌin ra Saulo
1Tañu na ndíkun Jesús ndóo ñuu Antioquía ñúꞌu nda káꞌan tuꞌun yuꞌu Ndioxi xiꞌin nda sínaꞌa. Ta nda kúu mií chiñu yóꞌó kuu ra Bernabé xiꞌin ra Simón ra káꞌan na xiꞌin ra tu̱ún, inka ra náni Lucio, ra ke̱e ñuu Cirene, xiꞌin ra náni Manaén, ra xa̱ꞌnu xiꞌin ra rey Herodes, ra ndi̱xiyo gobernador nuu na Galilea. Nda ikán xiꞌin ra Saulo ku nda ku̱u mií chiñu yóꞌó. 2Saa iin kivi ndi̱kitaꞌan ndiꞌi mií na ndíkun Jesús ndóo na xáa kaꞌnu na Ndioxi ta xíxi suꞌun na. Saa ndi̱kaꞌan Tachi I̱í Ndioxi xiꞌin na, káchi ya saa:
―Tava síin ndo ra Bernabé xiꞌin ra Saulo ya ikan nda chiñu ya ndi̱kaxin i nda ikan nda ―káchi ya xiꞌin na.
3Tá ndi̱ꞌi ndi̱kaꞌan nda xiꞌin Ndioxi xaꞌa nda tin xi̱xi suꞌun nda, ta saa chi̱nuu ndaꞌa nda sata ra Bernabé xiꞌin ra Saulo. Saa ndi̱kaꞌan ndioxi nda xiꞌin nda.
Káꞌan ndoso ra Bernabé xiꞌin ra Saulo tuꞌun Ndioxi xiꞌin na ñuu Chipre
4Saa ti̱ꞌvi Tachi I̱í Ndioxi ra Bernabé xiꞌin ra Saulo kuaꞌan nda kaꞌan ndoso nda tuꞌun Ndioxi. Xiꞌna ñuu Seleucia ndi̱xaa nda, saa nda̱a nda tun barco kuaꞌan nda ñuu Chipre, ya ndíkaa ñuꞌú íchi maꞌñu nduta ñûꞌu. 5Tá ndi̱xaa nda ñuꞌú íchi ikán, ta ndi̱xaa nda ñuu Salamina ta saa ndi̱kiꞌvi nda veꞌe ñuꞌu sinagoga na judío, xa̱á nda káꞌan ndoso nda tuꞌun Ndioxi xiꞌin naꞌa. Saa kuaꞌan tu inka ra náni Juan Marcos va xiꞌin nda. Kuaꞌan ra chindee taꞌan ra xiꞌin nda. 6Saa ndi̱yaꞌa ndiꞌi nda ñuꞌú íchi ya ndíkaa maꞌñu nduta ñûꞌu ñuu Pafos. Ta ikán ndi̱kitaꞌan nda xiꞌin iin ra judío, ra nani Barjesús ta ra tási ku ra ikán, ta kuaꞌa ni naꞌa síndaꞌvi ra káꞌan ra xiꞌin na, ya káꞌan ndoso ra tuꞌun yuꞌu Ndioxi, káchi ra, ta süvi ya ndaa kua, ra vata ku ra. 7Ta íyo ra Barjesús ikán xiꞌin ra gobernador ra náni Sergio Paulo, ta ndíchi ni ra gobernador ikán. Saa xa̱ꞌnda ra chiñu ya kuꞌun ra Bernabé xiꞌin ra Saulo nuu ra saa chi kúni ra kuni soꞌo ra tuꞌun Ndioxi. 8Ta suvi ra tási ra Barjesús ikán, ta káꞌan tu na xiꞌin ra Elimas va, chi saa kúni kachi kivi ra, ta sási ra nuu ra gobernador, köo xíin ra taxi ra kandixa ra tuꞌun Ndioxi. 9Ta ndee ni íyo Tachi I̱í Ndioxi xiꞌin ra Saulo, ra káꞌan na xiꞌin Pablo, saa ndi̱koto vaꞌa ra nuu ra Elimas. 10Ta ndi̱kaꞌan ra xiꞌin ra, káchi ra saa:
―¡Yóꞌo̱ väꞌa ku yóꞌo̱, seꞌe kiti nǎꞌa ku un yakan kúndasi un xíni un ndiꞌi ya vaꞌa! Ra vata, ra síndaꞌvi naꞌa ku un, ndiꞌi saa ichí kúni un ndikasi un ichí Ndioxi ya ndaa, ya nduu ya ichí väꞌa. 11Xaꞌa ya íkan un saa, ta vitin tiꞌvi Ndioxi tindoꞌo kixi sata un. Kindoo kuáa̱ un ta küchiñu ka un koto un nda xinu kivi kúni mií Ndioxi, saa kuchiñu ndikoto tuku un ―káchi ra Pablo xiꞌin ra Elimas.
Káꞌan ra saa xiꞌin ra, ta ndikun ki̱ndoo kuáa̱ ndixa ra. Saa xa̱á xíka kuáa̱ ra, ndúku ra naꞌa tiin ndaꞌa ra kuꞌun ra, chi küvi ka koto ra. 12Tá xi̱ni ra gobernador ya ndo̱ꞌo ra Elimas, ta ndi̱kundikun ra ichí Jesús, chi ndíkanda ni ini ra xaꞌa ichí Tata yo Jesucristo ya sínaꞌa ra Pablo.
Kuaꞌan ra Pablo xiꞌin ra Bernabé ñuu Antioquía ya ndíkaa estado Pisidia
13Saa ke̱e ra Pablo ñuu Pafos xiꞌin nda taꞌan ra, kuaꞌan nda xiꞌin barco ñuu Perge, ya ndíkaa estado Panfilia. Sundi ra Juan Marcos ta si̱ndoo ra nda. Saa ndi̱ko koo ra kuanuꞌu ra ñuu Jerusalén. 14Sindiꞌi ikán ta ndi̱kiꞌin nda kuaꞌan nda chí ñuu Antioquía ya ndíkaa estado Pisidia. Xiꞌna ñuu Perge ndi̱yaꞌa nda saa ndi̱xaa nda ñuu Antioquía, ndi̱kiꞌvi nda veꞌe ñuꞌu sinagoga na judío kivi i̱í ya ndíkundee na, saa ndi̱xaa nda ndi̱kundoo nda ini veꞌe ñuꞌu sinagoga ikán. 15Ta ikán ndóo nda tá ka̱ꞌvi na ley Ndioxi ya ta̱a ra Moisés xiꞌin ya ta̱a nda ndi̱kaꞌan ndoso tuꞌun yuꞌu Ndioxi. Tá ndi̱ꞌi ka̱ꞌvi na ya ikán, saa ti̱ꞌvi nda naꞌnu veꞌe ñuꞌu sinagoga ikán tuꞌun kuaꞌan nuu ra Pablo xiꞌin nda taꞌan ra, káchi nda saa:
―Ñani yo, tá tu íyo tuꞌun ndikani ndo nuu na ndóo yóꞌó nuu taxi ndo ndee ndaꞌa na, ta vaꞌa kaꞌan ndo xiꞌin na, che ―káchi nda xiꞌin ra Pablo.
16Ñaa ndi̱kundichi ra Pablo íkan ra seña nuu na ya kutaxin yuꞌu na, saa xa̱á ra káꞌan ra, káchi ra saa:
―Ndóꞌo̱ na taꞌan yo na judío xiꞌin ndóꞌo̱ na köo kúu judío, ndo káñuꞌu ni Ndioxi, kuni soꞌo ndó ná kaꞌan i xiꞌin ndo, 17Iva yo Ndioxi ra ndáa ni ndóꞌo̱ na ñuu yo Israel, ra ikán ku ra ndi̱kaxin xii sikua yo, tá xi̱ndoo na ñuu Egipto. Vani süvi ñuu na ndi̱xiyo ya, ta nda̱sa kuaꞌa ni ra na tá xi̱ndoo na ñuu ikán, saa ta̱va ra na ka̱na koo na xiꞌin ndee ra. 18Ta Ndioxi ku̱ndee ini ra xiꞌin na xaꞌa ya väꞌa i̱kan na nuu ra tá ndi̱xika na iku yuyu uvi xiko kuiya. 19Saa chi̱ndee Ndioxi na si̱ndiꞌi xaꞌa na uxa nuu ñuu ya ndi̱xiyo Canaán, ñuꞌú na xi̱ndoo ñuu ikán ndi̱xiyo ta ta̱xi Ndioxi ya ndaꞌa xii sikua yo. 20Sindiꞌi ikán ta ta̱xi Ndioxi ichí ndaꞌa xii yo ku̱u mií sava na chiñu ndee ndi̱xiyo na juez, xa̱ꞌnda chiñu na nuu ndiꞌi ka na taꞌan yo na Israel. Saa i̱kan na tixin kumi ciento uvi xiko uxi kuiya. Na ikán xa̱ꞌnda chiñu nuu xii yo nda kivi ndi̱kuita ra náni Samuel ra ndi̱kaꞌan ndoso tuꞌun yuꞌu Ndioxi. 21Ñaa ndu̱ku na iin ra kuu rey nuu na. Xaꞌa ya ikán kua ta̱xi Ndioxi ra Saúl ndi̱xiyo ra rey xa̱ꞌnda chiñu ra nuu na tixin uvi xiko kuiya. Ta seꞌe ra Cis, seꞌe sikua ra Benjamín, ndi̱xiyo ra ikán. 22Sindiꞌi ikán ta ki̱ndaa Ndioxi chiñu ndaꞌa ra Saúl. Saa ta̱xi ra ya ndaꞌa ra David ndi̱xiyo ra rey xa̱ꞌnda chiñu ra nuu xii yo na Israel. Ta ndi̱kaꞌan Ndioxi xaꞌa ra David, káchi ra saa: “Ndi̱taꞌan i iin taa ra ndítaꞌan ni ini mií i, seꞌe ra Isaí ku ra, ta ra ikán ku ra ikan ndiꞌi ya kúni i”, káchi Ndioxi xaꞌa ra David. 23Ta ra rey David ikán kúu xii sikua Jesús, ra ti̱ꞌvi Ndioxi ki̱xi sikaku yo na Israel. Tá íyo ya ki̱ndoo Ndioxi xiꞌin xii sikua yo, saa íyo ya i̱kan ra. 24Yachi tá täꞌan kixi Jesús ñuu ivi yóꞌó, ta ra Juan ku ra ndi̱xika ndi̱kaꞌan ndoso xiꞌin na taꞌan yo Israel ya ná ndiko koo ini na saa kuchi na káchi ra xiꞌin na. 25Tá xi̱ni ra Juan xa̱á kuaꞌan kúyati sindiꞌi ra chiñu ra, ta ndi̱kaꞌan ra, káchi ra saa: “Va yeꞌe ku ra ti̱ꞌvi Ndioxi vaxi sikaku na ñuu ivi yóꞌó, káꞌán ndo, ta süvi yeꞌe ku i. Sata yeꞌe ndíkun ra vaxi sikaku yoo ta ndee ni ra ikán nuu yeꞌe. Ta yeꞌe ni̱nu̱ ni kúni i nuu ra, ni iin correa loꞌo sata nduxan ra köo kúu mií i ichí ndaxin i”, káchi ra Juan xiꞌin na ―káchi ra Pablo xiꞌin na ñuu Antioquía ikán.
Saa ndi̱kaꞌan ka ra xiꞌin na, káchi ra saa:
26―Na taꞌan yo, káꞌan i xiꞌin ndiꞌi ndóꞌo̱ kúu seꞌe sikua ra Abraham ndóꞌo̱ káñuꞌu ni Ndioxi. Ndaꞌa ndóꞌo̱ kua ti̱ꞌvi Ndioxi tuꞌun ra vaxi ya kundaa ini yo ndá kuꞌva kaku ndo. 27Na ñuu Jerusalén xiꞌin na xáꞌnda chiñu nuu na ta köo ndi̱xiin na ndikuni na Jesús, ni tuꞌun ya ta̱a nda ndi̱kaꞌan ndoso tuꞌun yuꞌu Ndioxi ya káꞌvi na ndiꞌi saa kivi i̱í tá ndíkundee yo ta köo ndi̱kundaa ini na xiꞌin ya yakan xa̱ꞌni na Jesús nuu si̱xinu na ya ta̱a nda ikán. 28Köo ndi̱niꞌi na kuachi ra ya káꞌan kuvi ra, ta saa ni ndi̱kaꞌan na xiꞌin ra Pilato ya ná kaꞌnda ra chiñu kaꞌni ñaꞌa na. 29Saa tá ndi̱xinu ndiꞌi ya ta̱a nda ndi̱kaꞌan ndoso tuꞌun yuꞌu Ndioxi xaꞌa ra kundoꞌo ra, saa xa̱ꞌni na ra. Ñaa si̱nuu na ikin kuñu ra nuu itun cruzin ya kuꞌun ra nduxin ra. 30Sundi Ndioxi ta si̱taku ñaꞌa ra tañu nda ndíi. 31Ta kuaꞌa ni ichí ndi̱tuvi ra nuu na xi̱taꞌan xiꞌin ra, na ndóo estado Galilea ta saa ke̱e na ndi̱xaꞌan na xiꞌin ra nda ñuu Jerusalén nuu ndi̱xiꞌi ra, ta na ikán ku testigo ndíkuiin na xaꞌa ra ya ndixa kua ndi̱taku ra.
32’Yakan ndítuꞌun nde xiꞌin ndo tuꞌun vaꞌa ya ki̱ndoo Ndioxi xinaꞌa ikan ra xiꞌin xii sikua yo, 33ta xiꞌin yoo kúu seꞌe sikua na ikán kua si̱xinu ra ya ndi̱kaꞌan ra xiꞌin na, chi si̱taku ra Jesús, tá káchi ya íyo nuu tutu salmo ya uvi ya ta̱a iin ra ndi̱kaꞌan ndoso tuꞌun yuꞌu Ndioxi xinaꞌa, káchi ya saa: “Yóꞌo̱ ku seꞌe i, ta kivi vitin xiꞌin ndiꞌi ka kivi nduu i Iva un”, káchi Ndioxi xiꞌin ra ―káchi ra Pablo xiꞌin na.
Saa ndi̱kaꞌan ka ra xiꞌin na, káchi ra saa:
34―Xíni yo ya si̱taku Ndioxi Jesús, ta nda iin kivi ya vaxi küvi ka ra, ni kuñu ra täꞌi, saa chi saa káꞌan inka ñaꞌñu nuu tutu salmo, káchi Ndioxi saa: “Taꞌan ya vaꞌa, ya i̱í ndi̱kaꞌan i xaꞌa xiꞌin ra rey David, taꞌan ya ikán kua taxi i ndaꞌa ndo”, káchi Ndioxi. 35Ta inka ñaꞌñu nuu tutu Salmo káꞌan ya: “Tata Ndioxi, tá ná kuvi ra i̱í, ra xáa chiñu nuu un, ta täxi un taꞌi kuñu ra tixin ñuꞌú”, káchi ya.
36Xíni yo ya i̱kan ra David xiꞌin na ndi̱xiyo tiempo ndi̱xiyo ra. Tá kuꞌva chi̱tuni Ndioxi, saa i̱kan ra xiꞌin na. Vani vaꞌa ni ndi̱xiyo ra sundi tá ndi̱xiꞌi ra ta ndi̱nduxin ra nuu ndinduxin iva ra, saa ndi̱taꞌi ikin kuñu ra tixin ñuꞌú. 37Sundi ikin kuñu Jesús, ra ndi̱taku i̱kan Ndioxi, ta köo ndi̱taꞌi ya. 38Na taꞌan yo, ná kundaa ini ndo chi Jesús ra káꞌan nde xaꞌa xiꞌin ndo ku ra kuchiñu xaa kaꞌnu ini xaꞌa kuachi ndo. 39Chi ndiꞌi ñaꞌa i̱kan na tixin ley Ndioxi ta köo ndi̱kuchiñu ndasa vaꞌa ya na nuu Ndioxi, sundi vitin tá kándixa na Jesús ta saa kua ndása vaꞌa ra na nuu Ndioxi. 40Kuenta ni koo ndo, koto kundoꞌo ndo taꞌan ya ndi̱kaꞌan Ndioxi xiꞌin naꞌa tixin nda ndi̱kaꞌan ndoso tuꞌun yuꞌu ra, káchi ra saa:
41Kuni soꞌo ndóꞌo̱ kúndasi nuu xíni yeꞌe,
ta vaꞌa ndi̱kanda ka ini ndo kundoo ndo, ta saa ndiꞌi xaꞌa ndo.
Chi vaxi kivi ikan i iin ya chee nuu ndo ta küaꞌa ndo kandixa ndo ya.
Ni inka naꞌa ná kaꞌan xiꞌin ndo, ta küaꞌa ndo kandixa ndo na
káchi ya ta̱a nda xinaꞌa ―káchi ra Pablo xiꞌin na.
42Tá ndi̱ꞌi ndi̱kaꞌan ra xiꞌin nda, saa ke̱ta ra ini veꞌe ñuꞌu sinagoga xiꞌin nda taꞌan ra. Ñaa ndi̱xikan nda köo kúu judío ya mani nuu nda, ya ná kuꞌun tuku nda inka kivi ndíkundee na, ndi̱tuꞌun nda xaꞌa suvi ya xa ndi̱kaꞌan nda. 43Saa tá ndi̱ꞌi junta ikán ta kuaꞌa ni nda judío xiꞌin nda köo kúu judío nda káñuꞌu ni Ndioxi, ndi̱kundikun nda ra Pablo xiꞌin ra Bernabé. Saa káꞌan ra Pablo xiꞌin ra Bernabé xiꞌin nda ya ná kandixa ni ka nda Ndioxi vitin taan, ta saa niꞌi ka nda ya vaꞌa nuu ra, chi vaꞌa ni ini ra, káchi nda xiꞌin nda ikán.
44Tá ti̱ndaa inka kivi i̱í ya ndíkundee na ta ndi̱xaa tuku ra Pablo xiꞌin ra Bernabé veꞌe ñuꞌu sinagoga ikán. Ta ndiꞌi mií na ñuu ikán ndi̱xaa kuni soꞌo tuꞌun Ndioxi. 45Saa xi̱ni nda naꞌnu nuu na judío ya kuaꞌa ni naꞌa ndi̱kaya xíni soꞌo tuꞌun ya káꞌan ra Pablo xiꞌin ra Bernabé, ta xa̱á nda kûni ini nda xíni ñaꞌa nda. Xa̱á nda kánaꞌa nda xaꞌa nda, ta káꞌan nda süvi ya ndaa kua káꞌan nda, káchi nda ikán. 46Saa xa̱á ra Pablo xiꞌin ra Bernabé káꞌan nda, ndinuꞌu ini nda káꞌan nda, káchi nda saa:
―Xiꞌna ndóꞌo̱ ku ndo xíniñuꞌu kuni soꞌo tuꞌun Ndioxi, chi ndo judío ku ndo, sundi ndóꞌo̱ ta köo xíin ndo ndikiꞌin ndo ya, saa chi ndíkani ini ndo ni köo ndáa yaꞌvi ndo kutaku ndo ndiꞌi saa kivi xiꞌin Ndioxi, káꞌan ndo. Ta vaꞌa va chi vitin ndituꞌun nde xiꞌin na köo kúu judío. 47Saa chi saa íyo ya ndi̱kaꞌan Tata yo, káchi ra saa:
Tá íyo ñu̱ꞌu̱ yeꞌe, saa koo ndo ñuu ivi yoꞌo, nuu na köo kúu judío,
chi sinaꞌa ndo na ndóo ndiꞌi saa kúu ñuu ivi ndá kuꞌva kuꞌun na ichí ya ndaa nuu kaku na, káchi Ndioxi ―káchi ra Pablo xiꞌin na.
48Tá xi̱ni soꞌo na köo kuu judío tuꞌun ndi̱kaꞌan ra, ta kúsini ni na. Saa xa̱á káꞌan na ya vaꞌa xaꞌa Ndioxi. Ta na xa ndi̱kaxin Ndioxi koo xiꞌin ra ndiꞌi saa kivi ya vaxi ta ka̱ndixa na tuꞌun ra. 49Ta saa ndi̱xita tuꞌun Ndioxi ndiꞌi ni kúu estado ikán. 50Ta saa xaá nda judío táva nda kuachi xiꞌin ra Pablo tin ra Bernabé. Chi chi̱kaa nda yuꞌu na chiñu tin ná síꞌi ná ínuu vaꞌa ni tuꞌun, ná káñuꞌu ni Ndioxi. Ndi̱kaꞌan nda xiꞌin ndiꞌi na ikán, si̱xinu nda ini na ya ná kundasi na kuni na ra Pablo xiꞌin ra Bernabé. Ñaa ndi̱kitaꞌan ndiꞌi na ta̱xin na nda xiꞌin ya uꞌvi ta̱va na nda ka̱na koo nda ñuu na. 51Saa ndi̱yakun nda yaa chi̱chi sata nduxan nda, ya ná kundaa ini na ndíso na kuachi xiꞌin mií na, chi ku̱ndasi na tuꞌun Ndioxi. Saa ke̱e nda ñuu Antioquía ikán ta ndi̱kiꞌin nda kuaꞌan nda ñuu Iconio. 52Sundi na kándixa Jesús ndóo ñuu Antioquía ta kúsini ni na, chi ndee ni íyo Tachi I̱í Ndioxi xiꞌin na.
Currently Selected:
Los Hechos 13: xta
Highlight
Share
Copy
Want to have your highlights saved across all your devices? Sign up or sign in
Active: ©Wycliffe Bible Translators, Inc. All rights reserved.
Los Hechos 13
13
Ya núnu̱ú kua ndi̱kaxin Tachi I̱í Ndioxi ra Bernabé xiꞌin ra Saulo
1Tañu na ndíkun Jesús ndóo ñuu Antioquía ñúꞌu nda káꞌan tuꞌun yuꞌu Ndioxi xiꞌin nda sínaꞌa. Ta nda kúu mií chiñu yóꞌó kuu ra Bernabé xiꞌin ra Simón ra káꞌan na xiꞌin ra tu̱ún, inka ra náni Lucio, ra ke̱e ñuu Cirene, xiꞌin ra náni Manaén, ra xa̱ꞌnu xiꞌin ra rey Herodes, ra ndi̱xiyo gobernador nuu na Galilea. Nda ikán xiꞌin ra Saulo ku nda ku̱u mií chiñu yóꞌó. 2Saa iin kivi ndi̱kitaꞌan ndiꞌi mií na ndíkun Jesús ndóo na xáa kaꞌnu na Ndioxi ta xíxi suꞌun na. Saa ndi̱kaꞌan Tachi I̱í Ndioxi xiꞌin na, káchi ya saa:
―Tava síin ndo ra Bernabé xiꞌin ra Saulo ya ikan nda chiñu ya ndi̱kaxin i nda ikan nda ―káchi ya xiꞌin na.
3Tá ndi̱ꞌi ndi̱kaꞌan nda xiꞌin Ndioxi xaꞌa nda tin xi̱xi suꞌun nda, ta saa chi̱nuu ndaꞌa nda sata ra Bernabé xiꞌin ra Saulo. Saa ndi̱kaꞌan ndioxi nda xiꞌin nda.
Káꞌan ndoso ra Bernabé xiꞌin ra Saulo tuꞌun Ndioxi xiꞌin na ñuu Chipre
4Saa ti̱ꞌvi Tachi I̱í Ndioxi ra Bernabé xiꞌin ra Saulo kuaꞌan nda kaꞌan ndoso nda tuꞌun Ndioxi. Xiꞌna ñuu Seleucia ndi̱xaa nda, saa nda̱a nda tun barco kuaꞌan nda ñuu Chipre, ya ndíkaa ñuꞌú íchi maꞌñu nduta ñûꞌu. 5Tá ndi̱xaa nda ñuꞌú íchi ikán, ta ndi̱xaa nda ñuu Salamina ta saa ndi̱kiꞌvi nda veꞌe ñuꞌu sinagoga na judío, xa̱á nda káꞌan ndoso nda tuꞌun Ndioxi xiꞌin naꞌa. Saa kuaꞌan tu inka ra náni Juan Marcos va xiꞌin nda. Kuaꞌan ra chindee taꞌan ra xiꞌin nda. 6Saa ndi̱yaꞌa ndiꞌi nda ñuꞌú íchi ya ndíkaa maꞌñu nduta ñûꞌu ñuu Pafos. Ta ikán ndi̱kitaꞌan nda xiꞌin iin ra judío, ra nani Barjesús ta ra tási ku ra ikán, ta kuaꞌa ni naꞌa síndaꞌvi ra káꞌan ra xiꞌin na, ya káꞌan ndoso ra tuꞌun yuꞌu Ndioxi, káchi ra, ta süvi ya ndaa kua, ra vata ku ra. 7Ta íyo ra Barjesús ikán xiꞌin ra gobernador ra náni Sergio Paulo, ta ndíchi ni ra gobernador ikán. Saa xa̱ꞌnda ra chiñu ya kuꞌun ra Bernabé xiꞌin ra Saulo nuu ra saa chi kúni ra kuni soꞌo ra tuꞌun Ndioxi. 8Ta suvi ra tási ra Barjesús ikán, ta káꞌan tu na xiꞌin ra Elimas va, chi saa kúni kachi kivi ra, ta sási ra nuu ra gobernador, köo xíin ra taxi ra kandixa ra tuꞌun Ndioxi. 9Ta ndee ni íyo Tachi I̱í Ndioxi xiꞌin ra Saulo, ra káꞌan na xiꞌin Pablo, saa ndi̱koto vaꞌa ra nuu ra Elimas. 10Ta ndi̱kaꞌan ra xiꞌin ra, káchi ra saa:
―¡Yóꞌo̱ väꞌa ku yóꞌo̱, seꞌe kiti nǎꞌa ku un yakan kúndasi un xíni un ndiꞌi ya vaꞌa! Ra vata, ra síndaꞌvi naꞌa ku un, ndiꞌi saa ichí kúni un ndikasi un ichí Ndioxi ya ndaa, ya nduu ya ichí väꞌa. 11Xaꞌa ya íkan un saa, ta vitin tiꞌvi Ndioxi tindoꞌo kixi sata un. Kindoo kuáa̱ un ta küchiñu ka un koto un nda xinu kivi kúni mií Ndioxi, saa kuchiñu ndikoto tuku un ―káchi ra Pablo xiꞌin ra Elimas.
Káꞌan ra saa xiꞌin ra, ta ndikun ki̱ndoo kuáa̱ ndixa ra. Saa xa̱á xíka kuáa̱ ra, ndúku ra naꞌa tiin ndaꞌa ra kuꞌun ra, chi küvi ka koto ra. 12Tá xi̱ni ra gobernador ya ndo̱ꞌo ra Elimas, ta ndi̱kundikun ra ichí Jesús, chi ndíkanda ni ini ra xaꞌa ichí Tata yo Jesucristo ya sínaꞌa ra Pablo.
Kuaꞌan ra Pablo xiꞌin ra Bernabé ñuu Antioquía ya ndíkaa estado Pisidia
13Saa ke̱e ra Pablo ñuu Pafos xiꞌin nda taꞌan ra, kuaꞌan nda xiꞌin barco ñuu Perge, ya ndíkaa estado Panfilia. Sundi ra Juan Marcos ta si̱ndoo ra nda. Saa ndi̱ko koo ra kuanuꞌu ra ñuu Jerusalén. 14Sindiꞌi ikán ta ndi̱kiꞌin nda kuaꞌan nda chí ñuu Antioquía ya ndíkaa estado Pisidia. Xiꞌna ñuu Perge ndi̱yaꞌa nda saa ndi̱xaa nda ñuu Antioquía, ndi̱kiꞌvi nda veꞌe ñuꞌu sinagoga na judío kivi i̱í ya ndíkundee na, saa ndi̱xaa nda ndi̱kundoo nda ini veꞌe ñuꞌu sinagoga ikán. 15Ta ikán ndóo nda tá ka̱ꞌvi na ley Ndioxi ya ta̱a ra Moisés xiꞌin ya ta̱a nda ndi̱kaꞌan ndoso tuꞌun yuꞌu Ndioxi. Tá ndi̱ꞌi ka̱ꞌvi na ya ikán, saa ti̱ꞌvi nda naꞌnu veꞌe ñuꞌu sinagoga ikán tuꞌun kuaꞌan nuu ra Pablo xiꞌin nda taꞌan ra, káchi nda saa:
―Ñani yo, tá tu íyo tuꞌun ndikani ndo nuu na ndóo yóꞌó nuu taxi ndo ndee ndaꞌa na, ta vaꞌa kaꞌan ndo xiꞌin na, che ―káchi nda xiꞌin ra Pablo.
16Ñaa ndi̱kundichi ra Pablo íkan ra seña nuu na ya kutaxin yuꞌu na, saa xa̱á ra káꞌan ra, káchi ra saa:
―Ndóꞌo̱ na taꞌan yo na judío xiꞌin ndóꞌo̱ na köo kúu judío, ndo káñuꞌu ni Ndioxi, kuni soꞌo ndó ná kaꞌan i xiꞌin ndo, 17Iva yo Ndioxi ra ndáa ni ndóꞌo̱ na ñuu yo Israel, ra ikán ku ra ndi̱kaxin xii sikua yo, tá xi̱ndoo na ñuu Egipto. Vani süvi ñuu na ndi̱xiyo ya, ta nda̱sa kuaꞌa ni ra na tá xi̱ndoo na ñuu ikán, saa ta̱va ra na ka̱na koo na xiꞌin ndee ra. 18Ta Ndioxi ku̱ndee ini ra xiꞌin na xaꞌa ya väꞌa i̱kan na nuu ra tá ndi̱xika na iku yuyu uvi xiko kuiya. 19Saa chi̱ndee Ndioxi na si̱ndiꞌi xaꞌa na uxa nuu ñuu ya ndi̱xiyo Canaán, ñuꞌú na xi̱ndoo ñuu ikán ndi̱xiyo ta ta̱xi Ndioxi ya ndaꞌa xii sikua yo. 20Sindiꞌi ikán ta ta̱xi Ndioxi ichí ndaꞌa xii yo ku̱u mií sava na chiñu ndee ndi̱xiyo na juez, xa̱ꞌnda chiñu na nuu ndiꞌi ka na taꞌan yo na Israel. Saa i̱kan na tixin kumi ciento uvi xiko uxi kuiya. Na ikán xa̱ꞌnda chiñu nuu xii yo nda kivi ndi̱kuita ra náni Samuel ra ndi̱kaꞌan ndoso tuꞌun yuꞌu Ndioxi. 21Ñaa ndu̱ku na iin ra kuu rey nuu na. Xaꞌa ya ikán kua ta̱xi Ndioxi ra Saúl ndi̱xiyo ra rey xa̱ꞌnda chiñu ra nuu na tixin uvi xiko kuiya. Ta seꞌe ra Cis, seꞌe sikua ra Benjamín, ndi̱xiyo ra ikán. 22Sindiꞌi ikán ta ki̱ndaa Ndioxi chiñu ndaꞌa ra Saúl. Saa ta̱xi ra ya ndaꞌa ra David ndi̱xiyo ra rey xa̱ꞌnda chiñu ra nuu xii yo na Israel. Ta ndi̱kaꞌan Ndioxi xaꞌa ra David, káchi ra saa: “Ndi̱taꞌan i iin taa ra ndítaꞌan ni ini mií i, seꞌe ra Isaí ku ra, ta ra ikán ku ra ikan ndiꞌi ya kúni i”, káchi Ndioxi xaꞌa ra David. 23Ta ra rey David ikán kúu xii sikua Jesús, ra ti̱ꞌvi Ndioxi ki̱xi sikaku yo na Israel. Tá íyo ya ki̱ndoo Ndioxi xiꞌin xii sikua yo, saa íyo ya i̱kan ra. 24Yachi tá täꞌan kixi Jesús ñuu ivi yóꞌó, ta ra Juan ku ra ndi̱xika ndi̱kaꞌan ndoso xiꞌin na taꞌan yo Israel ya ná ndiko koo ini na saa kuchi na káchi ra xiꞌin na. 25Tá xi̱ni ra Juan xa̱á kuaꞌan kúyati sindiꞌi ra chiñu ra, ta ndi̱kaꞌan ra, káchi ra saa: “Va yeꞌe ku ra ti̱ꞌvi Ndioxi vaxi sikaku na ñuu ivi yóꞌó, káꞌán ndo, ta süvi yeꞌe ku i. Sata yeꞌe ndíkun ra vaxi sikaku yoo ta ndee ni ra ikán nuu yeꞌe. Ta yeꞌe ni̱nu̱ ni kúni i nuu ra, ni iin correa loꞌo sata nduxan ra köo kúu mií i ichí ndaxin i”, káchi ra Juan xiꞌin na ―káchi ra Pablo xiꞌin na ñuu Antioquía ikán.
Saa ndi̱kaꞌan ka ra xiꞌin na, káchi ra saa:
26―Na taꞌan yo, káꞌan i xiꞌin ndiꞌi ndóꞌo̱ kúu seꞌe sikua ra Abraham ndóꞌo̱ káñuꞌu ni Ndioxi. Ndaꞌa ndóꞌo̱ kua ti̱ꞌvi Ndioxi tuꞌun ra vaxi ya kundaa ini yo ndá kuꞌva kaku ndo. 27Na ñuu Jerusalén xiꞌin na xáꞌnda chiñu nuu na ta köo ndi̱xiin na ndikuni na Jesús, ni tuꞌun ya ta̱a nda ndi̱kaꞌan ndoso tuꞌun yuꞌu Ndioxi ya káꞌvi na ndiꞌi saa kivi i̱í tá ndíkundee yo ta köo ndi̱kundaa ini na xiꞌin ya yakan xa̱ꞌni na Jesús nuu si̱xinu na ya ta̱a nda ikán. 28Köo ndi̱niꞌi na kuachi ra ya káꞌan kuvi ra, ta saa ni ndi̱kaꞌan na xiꞌin ra Pilato ya ná kaꞌnda ra chiñu kaꞌni ñaꞌa na. 29Saa tá ndi̱xinu ndiꞌi ya ta̱a nda ndi̱kaꞌan ndoso tuꞌun yuꞌu Ndioxi xaꞌa ra kundoꞌo ra, saa xa̱ꞌni na ra. Ñaa si̱nuu na ikin kuñu ra nuu itun cruzin ya kuꞌun ra nduxin ra. 30Sundi Ndioxi ta si̱taku ñaꞌa ra tañu nda ndíi. 31Ta kuaꞌa ni ichí ndi̱tuvi ra nuu na xi̱taꞌan xiꞌin ra, na ndóo estado Galilea ta saa ke̱e na ndi̱xaꞌan na xiꞌin ra nda ñuu Jerusalén nuu ndi̱xiꞌi ra, ta na ikán ku testigo ndíkuiin na xaꞌa ra ya ndixa kua ndi̱taku ra.
32’Yakan ndítuꞌun nde xiꞌin ndo tuꞌun vaꞌa ya ki̱ndoo Ndioxi xinaꞌa ikan ra xiꞌin xii sikua yo, 33ta xiꞌin yoo kúu seꞌe sikua na ikán kua si̱xinu ra ya ndi̱kaꞌan ra xiꞌin na, chi si̱taku ra Jesús, tá káchi ya íyo nuu tutu salmo ya uvi ya ta̱a iin ra ndi̱kaꞌan ndoso tuꞌun yuꞌu Ndioxi xinaꞌa, káchi ya saa: “Yóꞌo̱ ku seꞌe i, ta kivi vitin xiꞌin ndiꞌi ka kivi nduu i Iva un”, káchi Ndioxi xiꞌin ra ―káchi ra Pablo xiꞌin na.
Saa ndi̱kaꞌan ka ra xiꞌin na, káchi ra saa:
34―Xíni yo ya si̱taku Ndioxi Jesús, ta nda iin kivi ya vaxi küvi ka ra, ni kuñu ra täꞌi, saa chi saa káꞌan inka ñaꞌñu nuu tutu salmo, káchi Ndioxi saa: “Taꞌan ya vaꞌa, ya i̱í ndi̱kaꞌan i xaꞌa xiꞌin ra rey David, taꞌan ya ikán kua taxi i ndaꞌa ndo”, káchi Ndioxi. 35Ta inka ñaꞌñu nuu tutu Salmo káꞌan ya: “Tata Ndioxi, tá ná kuvi ra i̱í, ra xáa chiñu nuu un, ta täxi un taꞌi kuñu ra tixin ñuꞌú”, káchi ya.
36Xíni yo ya i̱kan ra David xiꞌin na ndi̱xiyo tiempo ndi̱xiyo ra. Tá kuꞌva chi̱tuni Ndioxi, saa i̱kan ra xiꞌin na. Vani vaꞌa ni ndi̱xiyo ra sundi tá ndi̱xiꞌi ra ta ndi̱nduxin ra nuu ndinduxin iva ra, saa ndi̱taꞌi ikin kuñu ra tixin ñuꞌú. 37Sundi ikin kuñu Jesús, ra ndi̱taku i̱kan Ndioxi, ta köo ndi̱taꞌi ya. 38Na taꞌan yo, ná kundaa ini ndo chi Jesús ra káꞌan nde xaꞌa xiꞌin ndo ku ra kuchiñu xaa kaꞌnu ini xaꞌa kuachi ndo. 39Chi ndiꞌi ñaꞌa i̱kan na tixin ley Ndioxi ta köo ndi̱kuchiñu ndasa vaꞌa ya na nuu Ndioxi, sundi vitin tá kándixa na Jesús ta saa kua ndása vaꞌa ra na nuu Ndioxi. 40Kuenta ni koo ndo, koto kundoꞌo ndo taꞌan ya ndi̱kaꞌan Ndioxi xiꞌin naꞌa tixin nda ndi̱kaꞌan ndoso tuꞌun yuꞌu ra, káchi ra saa:
41Kuni soꞌo ndóꞌo̱ kúndasi nuu xíni yeꞌe,
ta vaꞌa ndi̱kanda ka ini ndo kundoo ndo, ta saa ndiꞌi xaꞌa ndo.
Chi vaxi kivi ikan i iin ya chee nuu ndo ta küaꞌa ndo kandixa ndo ya.
Ni inka naꞌa ná kaꞌan xiꞌin ndo, ta küaꞌa ndo kandixa ndo na
káchi ya ta̱a nda xinaꞌa ―káchi ra Pablo xiꞌin na.
42Tá ndi̱ꞌi ndi̱kaꞌan ra xiꞌin nda, saa ke̱ta ra ini veꞌe ñuꞌu sinagoga xiꞌin nda taꞌan ra. Ñaa ndi̱xikan nda köo kúu judío ya mani nuu nda, ya ná kuꞌun tuku nda inka kivi ndíkundee na, ndi̱tuꞌun nda xaꞌa suvi ya xa ndi̱kaꞌan nda. 43Saa tá ndi̱ꞌi junta ikán ta kuaꞌa ni nda judío xiꞌin nda köo kúu judío nda káñuꞌu ni Ndioxi, ndi̱kundikun nda ra Pablo xiꞌin ra Bernabé. Saa káꞌan ra Pablo xiꞌin ra Bernabé xiꞌin nda ya ná kandixa ni ka nda Ndioxi vitin taan, ta saa niꞌi ka nda ya vaꞌa nuu ra, chi vaꞌa ni ini ra, káchi nda xiꞌin nda ikán.
44Tá ti̱ndaa inka kivi i̱í ya ndíkundee na ta ndi̱xaa tuku ra Pablo xiꞌin ra Bernabé veꞌe ñuꞌu sinagoga ikán. Ta ndiꞌi mií na ñuu ikán ndi̱xaa kuni soꞌo tuꞌun Ndioxi. 45Saa xi̱ni nda naꞌnu nuu na judío ya kuaꞌa ni naꞌa ndi̱kaya xíni soꞌo tuꞌun ya káꞌan ra Pablo xiꞌin ra Bernabé, ta xa̱á nda kûni ini nda xíni ñaꞌa nda. Xa̱á nda kánaꞌa nda xaꞌa nda, ta káꞌan nda süvi ya ndaa kua káꞌan nda, káchi nda ikán. 46Saa xa̱á ra Pablo xiꞌin ra Bernabé káꞌan nda, ndinuꞌu ini nda káꞌan nda, káchi nda saa:
―Xiꞌna ndóꞌo̱ ku ndo xíniñuꞌu kuni soꞌo tuꞌun Ndioxi, chi ndo judío ku ndo, sundi ndóꞌo̱ ta köo xíin ndo ndikiꞌin ndo ya, saa chi ndíkani ini ndo ni köo ndáa yaꞌvi ndo kutaku ndo ndiꞌi saa kivi xiꞌin Ndioxi, káꞌan ndo. Ta vaꞌa va chi vitin ndituꞌun nde xiꞌin na köo kúu judío. 47Saa chi saa íyo ya ndi̱kaꞌan Tata yo, káchi ra saa:
Tá íyo ñu̱ꞌu̱ yeꞌe, saa koo ndo ñuu ivi yoꞌo, nuu na köo kúu judío,
chi sinaꞌa ndo na ndóo ndiꞌi saa kúu ñuu ivi ndá kuꞌva kuꞌun na ichí ya ndaa nuu kaku na, káchi Ndioxi ―káchi ra Pablo xiꞌin na.
48Tá xi̱ni soꞌo na köo kuu judío tuꞌun ndi̱kaꞌan ra, ta kúsini ni na. Saa xa̱á káꞌan na ya vaꞌa xaꞌa Ndioxi. Ta na xa ndi̱kaxin Ndioxi koo xiꞌin ra ndiꞌi saa kivi ya vaxi ta ka̱ndixa na tuꞌun ra. 49Ta saa ndi̱xita tuꞌun Ndioxi ndiꞌi ni kúu estado ikán. 50Ta saa xaá nda judío táva nda kuachi xiꞌin ra Pablo tin ra Bernabé. Chi chi̱kaa nda yuꞌu na chiñu tin ná síꞌi ná ínuu vaꞌa ni tuꞌun, ná káñuꞌu ni Ndioxi. Ndi̱kaꞌan nda xiꞌin ndiꞌi na ikán, si̱xinu nda ini na ya ná kundasi na kuni na ra Pablo xiꞌin ra Bernabé. Ñaa ndi̱kitaꞌan ndiꞌi na ta̱xin na nda xiꞌin ya uꞌvi ta̱va na nda ka̱na koo nda ñuu na. 51Saa ndi̱yakun nda yaa chi̱chi sata nduxan nda, ya ná kundaa ini na ndíso na kuachi xiꞌin mií na, chi ku̱ndasi na tuꞌun Ndioxi. Saa ke̱e nda ñuu Antioquía ikán ta ndi̱kiꞌin nda kuaꞌan nda ñuu Iconio. 52Sundi na kándixa Jesús ndóo ñuu Antioquía ta kúsini ni na, chi ndee ni íyo Tachi I̱í Ndioxi xiꞌin na.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Active: ©Wycliffe Bible Translators, Inc. All rights reserved.