San Lucas 14
14
Jesús síndaꞌa ra iin taa ra ndi̱kiꞌvi kuiñu
1Saa ku̱u iin ichí kivi ndíkundee na, ke̱e Jesús kuaꞌan ra kuxi ra veꞌe iin ra chiñu kaꞌnu, ta ra fariseo ku ra. Saa ndóo inka nda fariseo xínani ni nda Jesús unkua ikan ra. 2Saa íyo iin ra kúꞌvi nuu Jesús, ta ra ikán iin ndi̱kiꞌvi ndiꞌi kuiñu ra. 3Ñaa ndi̱kaꞌan Jesús xiꞌin nda sínaꞌa ley Ndioxi ya ta̱a ra Moisés tin nda fariseo, káchi ra saa:
―¿Án vaꞌa sindaꞌa yo naꞌa kivi ndíkundee yo? ―káchi ra xiꞌin nda.
4Ta köo ndi̱kuiin nda yuꞌu ra. Saa chi̱nuu ndaꞌa ra sata ra kúꞌvi ikán ta si̱ndaꞌa ñaꞌa ra. Saa ti̱ꞌvi ñaꞌa ra kuanuꞌu ra veꞌe ra. 5Saa ndi̱ndakan tuꞌun Jesús nda fariseo ikán, káchi ra saa:
―¿Ta ndóꞌo̱, án ndixa kua köo xáa chiñu ndo kivi ndíkundee yo? Tá tu iin sindiki sana ndo án burru sana ndo ná ndikava ini iin pila ta, ¿án köo táva ndo ri ini ya? ―káchi ra xiꞌin nda.
6Ñaa ni köo ndi̱niꞌi ka nda tuꞌun kaꞌan nda xiꞌin ra.
Na kuaꞌan kuxi nuu viko tíndaꞌa
7Saa xi̱ni Jesús ndiꞌi na ndi̱xaa kuxi nuu viko tíndaꞌa ikán, nina nuu vaꞌa, nuu ndóo na naꞌnu ndíkundoo na. Tá xi̱ni ra ikán na saa, ñaa ndi̱kaꞌan ra xiꞌin na ndíkani ra nuu na, káchi ra saa:
8―Tá ndá na káꞌan xiꞌin ndo kuꞌun ndo kuxi ndo nuu viko tíndaꞌa, ta ndïkaxin ndo tai kundoo ndo nuu ndóo na naꞌnu, saa chi án sana xaa ka inka na naꞌnu ni ka ka̱na mií ra xákin viko ikán. 9Ta saa kaꞌan ra xiꞌin ndo, kachi ra saa: “Taxi ndo tai ndo ná koo na yóꞌó, ta kuáꞌan ndo chí kaa koo ndo nuu inka nu”, kachi ra xiꞌin ndo. Ta saa kukaꞌan ni nuu ndo kuꞌun ndo ndikundoo ndo nuu inka nu. 10Ta ïkan ndo saa. Tá kuaꞌan ndo nuu viko, ta nda kaꞌa kuꞌun ndo kundoo ndo, saa xaa mií ra ka̱na ndóꞌo̱ ikán kaꞌan ra xiꞌin ndo: “Kuayaꞌa ndo chí nuu ndóo na naꞌnu yóꞌó kundoo ndo, migo”, kachi ra xiꞌin ndo. Saa kuni na ndóo nuu mesa ikán ta kaꞌan vaꞌa na xaꞌa ndo. 11Saa chi ndiꞌi na chínuu mií tuꞌun ta kukaꞌan nuu na, ta ndiꞌi na köo chínuu mií tuꞌun ta ndikunuu vaꞌa ni tuꞌun na ―káchi ra xiꞌin na.
12Ta saa ndi̱kaꞌan Jesús xiꞌin ra fariseo xákin viko ikán, káchi ra saa:
―Tá íkan un viko veꞌe un, táxi un kuxi na án kuxini na, ta käna un migo un, ni ñani un, ni na taꞌan un, ni na kuika ndóo yati xiꞌin un. Käna un na kixi na kuxi na xiꞌin un, saa chi vaxi kivi ta kana na yóꞌó kuꞌun un kuxi un veꞌe na, ta saa ndunuu ñaꞌa un ya xi̱xi na. 13Vaꞌa ka tá íkan un viko veꞌe un, ta kuáꞌan kana un na ndaꞌvi, na köo ndaꞌa, na küvi kaka xiꞌin na kuáa̱. 14Kuáꞌan kana na ñaa kuxi na xiꞌin un, ta saa koo vaꞌa ini un. Saa chi na ikán ta küchiñu na ndasa nuu na ñaꞌa un, sundi yóꞌo̱, ta niꞌi ka un ya vaꞌa nuu Ndioxi tiempo ná nditaku na ndaa ini, na xa ndi̱xiꞌi ―káchi Jesús xiꞌin ra.
Jesús káꞌan ra ndá kuꞌva kána Ndioxi yoo
(Mt. 22:1-10)
15Tá xi̱ni soꞌo iin ra índuꞌu nuu mesa ikán ya ndi̱kaꞌan Jesús, ta saa ndi̱kaꞌan ra xiꞌin ra, káchi ra saa:
―Vaꞌa ni kée na koo kuxi xiꞌin Ndioxi nuu xáꞌnda chiñu ra ―káchi ra.
16Xaꞌa ya ikán kua ndi̱kaꞌan Jesús iin tuꞌun ndíchi, káchi ra saa:
―Soꞌva ndo̱ꞌo iin ra, xa̱kin ra iin viko kaꞌnu veꞌe ra, ta kuaꞌa ni ku na ndi̱kaꞌan ra xiꞌin kuꞌun kuxini na veꞌe ra. 17Tá ti̱ndaa hora kuxina na, saa ndi̱kaꞌan ra xiꞌin ra xáa chiñu nuu ra, káchi ra saa: “Kuáꞌan kaꞌan un xiꞌin na ná kixi na kuxini na chi xa íyo ndúvi ndiꞌi ya, kachi un xiꞌin na”. 18Saa ke̱e ndixa ra moso ikán kuaꞌan ra ndikuiso ra na. Ndi̱xaa ra iin veꞌe, ta ndi̱kaꞌan ra xiꞌin iin taa ya kuꞌun ra kuxina ra. Saa ndi̱kuiin ra ikán káchi ra saa: “Xaa kaꞌnu ni ini un, künaꞌa i kuꞌun i xiꞌin un, chi sikan sa̱ta i iin ñuꞌú ta xíniñuꞌu loꞌo i kuꞌun i koto i ya”, káchi ra. 19Ñaa ke̱e ra moso ikán ndi̱xaa ra inka veꞌe, ta ndi̱kuiin inka ra ikán káchi ra saa: “Xaa kaꞌnu ni ini un, künaꞌa i kuꞌun i xiꞌin un, chi sikan sa̱ta kuiti i uꞌun yunta sindiki, ta xíniñuꞌu i kuꞌun i koto ndoso loꞌo i ri”, káchi ra. 20Saa ke̱e ra ndi̱xaa ra inka tuku veꞌe. Ta ndi̱kaꞌan inka ra ikán xiꞌin ra káchi ra saa: “Xaa kaꞌnu ni ini un xaꞌa i, künaꞌa i kuꞌun i xiꞌin un chi yeꞌe sikan ti̱ndaꞌa ku i”, káchi inka ra ikán. 21Saa ndi̱ko koo ra moso ikán veꞌe ndi̱tuꞌun ndiꞌi ra xiꞌin xitoꞌo ra unkua ndi̱kaꞌan na xiꞌin ra. Ñaa ndi̱saa ni xitoꞌo ra, ndi̱kuiin ra káchi ra saa: “Ná koo na saa tá tu köo kúni na kixi na. Kuáꞌan ndiꞌi ni kúu ichí naꞌnu tin ichí vali, ndikuiso ndiꞌi un na ndaꞌvi, na köo ndaꞌa xiꞌin na küvi kaka xiꞌin na kuáa̱. Na ñaa kundaka un kixi xiꞌin un”, káchi ra xiꞌin moso ra. 22Ñaa ke̱e ra moso ikán ndi̱xaꞌan ra ndi̱kaya ra na. Saa xa̱á ra káꞌan ra xiꞌin xitoꞌo ra, káchi ra saa: “Tata, xa i̱kan ndiꞌi i ya ndi̱kaꞌan un xiꞌin i, ta núna ka va nuu mesa”, káchi ra. 23Saa ndi̱kuiin xitoꞌo ra káꞌan ra: “Tá tu núna ka, ta kuáꞌan ndiꞌi ni kúu ichí naꞌnu tin ichí vali ndikuiso un na ná kixi na xiꞌin un. Tá köo xíin na kixi na xiꞌin un ta sixinu un ini na ná kixi na xiꞌin un. Ta saa chutu ndaa na veꞌe i. 24Chi ndiꞌi na ndi̱kaꞌan i xiꞌin kixi kuxi viko veꞌe i, ta köo ndi̱xiin na kixi na, ta vitin köo kúni ka i kixi na”, káchi ra ikán xiꞌin moso ra. Soꞌva íyo tuꞌun ndíchi yóꞌó ―káchi Jesús xiꞌin na.
Tindoꞌo ni kundikun yo sata Jesús
25Kuaꞌa ni na ndíkun kuaꞌan sata Jesús, saa ndi̱ko koo ra ndi̱kaꞌan ra xiꞌin na, káchi ra saa:
26―Tá tu ndá ndóꞌo̱ kúni kundikun yeꞌe, ta xíniñuꞌu ni ka ndo kuꞌvi ini ndo kuni ndo yeꞌe nuu tata ndo xiꞌin siꞌí ndo tin yá síꞌi ndo xiꞌin seꞌe ndo, saa tu ñani va ndo xiꞌin kuꞌva ndo. Nda ni mií ndo ta xíniñuꞌu ndo koo ndúvi ndo ndoꞌo ndo xaꞌa i. Tá tu köo xáꞌa ndee ini ndo ikan ndo ya yóꞌó, ta küvi kundikun ndo yeꞌe. 27Tá tu kúni ndo kundikun ndo yeꞌe ta vaꞌa kundiso ndo cruzin ndo ta saa kundikun ndo yeꞌe.
28Chi tá kúu ndóꞌo̱ xíka ini sikuaꞌa iin veꞌe, ná kachi yo, ta ¿án süvi xiꞌna xíniñuꞌu ndo koo ndo ndikani ini ndo ndisaa xuꞌun kusiki ndo xiꞌin ya, saa xinu ya? 29Chi tá tu ná ndïkani ini ndo, ta xáa ndo xiꞌin xaꞌa ya, ta sindiꞌi küchiñu ndo sixinu ndo ya, ñaa kuni ndiꞌi naꞌa ya köo ndíkuchiñu ndo sixinu ndo ya, ta ñaa xáa na kuaku ndaa na ndóꞌo̱. 30Kaꞌan na xaꞌa ndo káchi na saa: “Ra yóꞌó xa̱á ra síkuaꞌa ra veꞌe ra, ta köo ndi̱kuchiñu ra sixinu ra ya”, kachi na xaꞌa ndo, káchi tuꞌun ndíchi ikán ―káchi Jesús xiꞌin na.
31Ñaa ndi̱kaꞌan tuku ra inka tuꞌun ndíchi xiꞌin na, káchi ra saa:
―Tá íyo iin rey kúni kani taꞌan xiꞌin inka rey ta xiꞌna ndíkani vaꞌa xiní ra án kuchiñu uxi mil nda lapa ra kani taꞌan na xiꞌin oko mil nda lapa inka ra rey ikán. 32Tá ndi̱kani xiní ra küchiñu na túvi ra, ta saa tíꞌvi ra sava nda lapa ra kuaꞌan nda nuu ra rey ikán, yachi ka tá täꞌan kixi ra nuu kuachi. Kuaꞌan nda káꞌan nda xiꞌin ra kíndoo nda ya mani xiꞌin taꞌan nda. 33Saa ndiꞌi ndóꞌo̱ tá tu köo xáꞌa ndee ini ndo sindoo ndo ndiꞌi ñaꞌa ya kúu mií ndo, ta küchiñu ndo kundikun ndo yeꞌe ―káchi Jesús.
Tá káa iín ya köo uꞌva ka saa íin na síndikoo ichí Ndioxi
(Mt. 5:13; Mr. 9:50)
34Saa káꞌan ka Jesús xiꞌin na, káchi ra saa:
―Ya vaꞌa ni ku iín chi tá uꞌva ya ta xáa uꞌva ndiꞌi ya ñaꞌa xíxi yo. Sundi tá ndíꞌi ya uꞌva ya, ta ni küchiñu yo ndasa uꞌva tuku yo ya. 35Chi tá köo uꞌva ya, ta ni nuu ñuꞌú küvi kee ya xaa xuxan ya ñuꞌú. Ndá taka va kuꞌun ya kuita ya xaꞌa ya väꞌa ka ya. Saa ndóꞌo̱ íyo soꞌo, kuni soꞌo vaꞌa ndo unkua káꞌan i xiꞌin ndo ―káchi Jesús xiꞌin na.
Currently Selected:
San Lucas 14: xta
Highlight
Share
Copy
Want to have your highlights saved across all your devices? Sign up or sign in
Active: ©Wycliffe Bible Translators, Inc. All rights reserved.
San Lucas 14
14
Jesús síndaꞌa ra iin taa ra ndi̱kiꞌvi kuiñu
1Saa ku̱u iin ichí kivi ndíkundee na, ke̱e Jesús kuaꞌan ra kuxi ra veꞌe iin ra chiñu kaꞌnu, ta ra fariseo ku ra. Saa ndóo inka nda fariseo xínani ni nda Jesús unkua ikan ra. 2Saa íyo iin ra kúꞌvi nuu Jesús, ta ra ikán iin ndi̱kiꞌvi ndiꞌi kuiñu ra. 3Ñaa ndi̱kaꞌan Jesús xiꞌin nda sínaꞌa ley Ndioxi ya ta̱a ra Moisés tin nda fariseo, káchi ra saa:
―¿Án vaꞌa sindaꞌa yo naꞌa kivi ndíkundee yo? ―káchi ra xiꞌin nda.
4Ta köo ndi̱kuiin nda yuꞌu ra. Saa chi̱nuu ndaꞌa ra sata ra kúꞌvi ikán ta si̱ndaꞌa ñaꞌa ra. Saa ti̱ꞌvi ñaꞌa ra kuanuꞌu ra veꞌe ra. 5Saa ndi̱ndakan tuꞌun Jesús nda fariseo ikán, káchi ra saa:
―¿Ta ndóꞌo̱, án ndixa kua köo xáa chiñu ndo kivi ndíkundee yo? Tá tu iin sindiki sana ndo án burru sana ndo ná ndikava ini iin pila ta, ¿án köo táva ndo ri ini ya? ―káchi ra xiꞌin nda.
6Ñaa ni köo ndi̱niꞌi ka nda tuꞌun kaꞌan nda xiꞌin ra.
Na kuaꞌan kuxi nuu viko tíndaꞌa
7Saa xi̱ni Jesús ndiꞌi na ndi̱xaa kuxi nuu viko tíndaꞌa ikán, nina nuu vaꞌa, nuu ndóo na naꞌnu ndíkundoo na. Tá xi̱ni ra ikán na saa, ñaa ndi̱kaꞌan ra xiꞌin na ndíkani ra nuu na, káchi ra saa:
8―Tá ndá na káꞌan xiꞌin ndo kuꞌun ndo kuxi ndo nuu viko tíndaꞌa, ta ndïkaxin ndo tai kundoo ndo nuu ndóo na naꞌnu, saa chi án sana xaa ka inka na naꞌnu ni ka ka̱na mií ra xákin viko ikán. 9Ta saa kaꞌan ra xiꞌin ndo, kachi ra saa: “Taxi ndo tai ndo ná koo na yóꞌó, ta kuáꞌan ndo chí kaa koo ndo nuu inka nu”, kachi ra xiꞌin ndo. Ta saa kukaꞌan ni nuu ndo kuꞌun ndo ndikundoo ndo nuu inka nu. 10Ta ïkan ndo saa. Tá kuaꞌan ndo nuu viko, ta nda kaꞌa kuꞌun ndo kundoo ndo, saa xaa mií ra ka̱na ndóꞌo̱ ikán kaꞌan ra xiꞌin ndo: “Kuayaꞌa ndo chí nuu ndóo na naꞌnu yóꞌó kundoo ndo, migo”, kachi ra xiꞌin ndo. Saa kuni na ndóo nuu mesa ikán ta kaꞌan vaꞌa na xaꞌa ndo. 11Saa chi ndiꞌi na chínuu mií tuꞌun ta kukaꞌan nuu na, ta ndiꞌi na köo chínuu mií tuꞌun ta ndikunuu vaꞌa ni tuꞌun na ―káchi ra xiꞌin na.
12Ta saa ndi̱kaꞌan Jesús xiꞌin ra fariseo xákin viko ikán, káchi ra saa:
―Tá íkan un viko veꞌe un, táxi un kuxi na án kuxini na, ta käna un migo un, ni ñani un, ni na taꞌan un, ni na kuika ndóo yati xiꞌin un. Käna un na kixi na kuxi na xiꞌin un, saa chi vaxi kivi ta kana na yóꞌó kuꞌun un kuxi un veꞌe na, ta saa ndunuu ñaꞌa un ya xi̱xi na. 13Vaꞌa ka tá íkan un viko veꞌe un, ta kuáꞌan kana un na ndaꞌvi, na köo ndaꞌa, na küvi kaka xiꞌin na kuáa̱. 14Kuáꞌan kana na ñaa kuxi na xiꞌin un, ta saa koo vaꞌa ini un. Saa chi na ikán ta küchiñu na ndasa nuu na ñaꞌa un, sundi yóꞌo̱, ta niꞌi ka un ya vaꞌa nuu Ndioxi tiempo ná nditaku na ndaa ini, na xa ndi̱xiꞌi ―káchi Jesús xiꞌin ra.
Jesús káꞌan ra ndá kuꞌva kána Ndioxi yoo
(Mt. 22:1-10)
15Tá xi̱ni soꞌo iin ra índuꞌu nuu mesa ikán ya ndi̱kaꞌan Jesús, ta saa ndi̱kaꞌan ra xiꞌin ra, káchi ra saa:
―Vaꞌa ni kée na koo kuxi xiꞌin Ndioxi nuu xáꞌnda chiñu ra ―káchi ra.
16Xaꞌa ya ikán kua ndi̱kaꞌan Jesús iin tuꞌun ndíchi, káchi ra saa:
―Soꞌva ndo̱ꞌo iin ra, xa̱kin ra iin viko kaꞌnu veꞌe ra, ta kuaꞌa ni ku na ndi̱kaꞌan ra xiꞌin kuꞌun kuxini na veꞌe ra. 17Tá ti̱ndaa hora kuxina na, saa ndi̱kaꞌan ra xiꞌin ra xáa chiñu nuu ra, káchi ra saa: “Kuáꞌan kaꞌan un xiꞌin na ná kixi na kuxini na chi xa íyo ndúvi ndiꞌi ya, kachi un xiꞌin na”. 18Saa ke̱e ndixa ra moso ikán kuaꞌan ra ndikuiso ra na. Ndi̱xaa ra iin veꞌe, ta ndi̱kaꞌan ra xiꞌin iin taa ya kuꞌun ra kuxina ra. Saa ndi̱kuiin ra ikán káchi ra saa: “Xaa kaꞌnu ni ini un, künaꞌa i kuꞌun i xiꞌin un, chi sikan sa̱ta i iin ñuꞌú ta xíniñuꞌu loꞌo i kuꞌun i koto i ya”, káchi ra. 19Ñaa ke̱e ra moso ikán ndi̱xaa ra inka veꞌe, ta ndi̱kuiin inka ra ikán káchi ra saa: “Xaa kaꞌnu ni ini un, künaꞌa i kuꞌun i xiꞌin un, chi sikan sa̱ta kuiti i uꞌun yunta sindiki, ta xíniñuꞌu i kuꞌun i koto ndoso loꞌo i ri”, káchi ra. 20Saa ke̱e ra ndi̱xaa ra inka tuku veꞌe. Ta ndi̱kaꞌan inka ra ikán xiꞌin ra káchi ra saa: “Xaa kaꞌnu ni ini un xaꞌa i, künaꞌa i kuꞌun i xiꞌin un chi yeꞌe sikan ti̱ndaꞌa ku i”, káchi inka ra ikán. 21Saa ndi̱ko koo ra moso ikán veꞌe ndi̱tuꞌun ndiꞌi ra xiꞌin xitoꞌo ra unkua ndi̱kaꞌan na xiꞌin ra. Ñaa ndi̱saa ni xitoꞌo ra, ndi̱kuiin ra káchi ra saa: “Ná koo na saa tá tu köo kúni na kixi na. Kuáꞌan ndiꞌi ni kúu ichí naꞌnu tin ichí vali, ndikuiso ndiꞌi un na ndaꞌvi, na köo ndaꞌa xiꞌin na küvi kaka xiꞌin na kuáa̱. Na ñaa kundaka un kixi xiꞌin un”, káchi ra xiꞌin moso ra. 22Ñaa ke̱e ra moso ikán ndi̱xaꞌan ra ndi̱kaya ra na. Saa xa̱á ra káꞌan ra xiꞌin xitoꞌo ra, káchi ra saa: “Tata, xa i̱kan ndiꞌi i ya ndi̱kaꞌan un xiꞌin i, ta núna ka va nuu mesa”, káchi ra. 23Saa ndi̱kuiin xitoꞌo ra káꞌan ra: “Tá tu núna ka, ta kuáꞌan ndiꞌi ni kúu ichí naꞌnu tin ichí vali ndikuiso un na ná kixi na xiꞌin un. Tá köo xíin na kixi na xiꞌin un ta sixinu un ini na ná kixi na xiꞌin un. Ta saa chutu ndaa na veꞌe i. 24Chi ndiꞌi na ndi̱kaꞌan i xiꞌin kixi kuxi viko veꞌe i, ta köo ndi̱xiin na kixi na, ta vitin köo kúni ka i kixi na”, káchi ra ikán xiꞌin moso ra. Soꞌva íyo tuꞌun ndíchi yóꞌó ―káchi Jesús xiꞌin na.
Tindoꞌo ni kundikun yo sata Jesús
25Kuaꞌa ni na ndíkun kuaꞌan sata Jesús, saa ndi̱ko koo ra ndi̱kaꞌan ra xiꞌin na, káchi ra saa:
26―Tá tu ndá ndóꞌo̱ kúni kundikun yeꞌe, ta xíniñuꞌu ni ka ndo kuꞌvi ini ndo kuni ndo yeꞌe nuu tata ndo xiꞌin siꞌí ndo tin yá síꞌi ndo xiꞌin seꞌe ndo, saa tu ñani va ndo xiꞌin kuꞌva ndo. Nda ni mií ndo ta xíniñuꞌu ndo koo ndúvi ndo ndoꞌo ndo xaꞌa i. Tá tu köo xáꞌa ndee ini ndo ikan ndo ya yóꞌó, ta küvi kundikun ndo yeꞌe. 27Tá tu kúni ndo kundikun ndo yeꞌe ta vaꞌa kundiso ndo cruzin ndo ta saa kundikun ndo yeꞌe.
28Chi tá kúu ndóꞌo̱ xíka ini sikuaꞌa iin veꞌe, ná kachi yo, ta ¿án süvi xiꞌna xíniñuꞌu ndo koo ndo ndikani ini ndo ndisaa xuꞌun kusiki ndo xiꞌin ya, saa xinu ya? 29Chi tá tu ná ndïkani ini ndo, ta xáa ndo xiꞌin xaꞌa ya, ta sindiꞌi küchiñu ndo sixinu ndo ya, ñaa kuni ndiꞌi naꞌa ya köo ndíkuchiñu ndo sixinu ndo ya, ta ñaa xáa na kuaku ndaa na ndóꞌo̱. 30Kaꞌan na xaꞌa ndo káchi na saa: “Ra yóꞌó xa̱á ra síkuaꞌa ra veꞌe ra, ta köo ndi̱kuchiñu ra sixinu ra ya”, kachi na xaꞌa ndo, káchi tuꞌun ndíchi ikán ―káchi Jesús xiꞌin na.
31Ñaa ndi̱kaꞌan tuku ra inka tuꞌun ndíchi xiꞌin na, káchi ra saa:
―Tá íyo iin rey kúni kani taꞌan xiꞌin inka rey ta xiꞌna ndíkani vaꞌa xiní ra án kuchiñu uxi mil nda lapa ra kani taꞌan na xiꞌin oko mil nda lapa inka ra rey ikán. 32Tá ndi̱kani xiní ra küchiñu na túvi ra, ta saa tíꞌvi ra sava nda lapa ra kuaꞌan nda nuu ra rey ikán, yachi ka tá täꞌan kixi ra nuu kuachi. Kuaꞌan nda káꞌan nda xiꞌin ra kíndoo nda ya mani xiꞌin taꞌan nda. 33Saa ndiꞌi ndóꞌo̱ tá tu köo xáꞌa ndee ini ndo sindoo ndo ndiꞌi ñaꞌa ya kúu mií ndo, ta küchiñu ndo kundikun ndo yeꞌe ―káchi Jesús.
Tá káa iín ya köo uꞌva ka saa íin na síndikoo ichí Ndioxi
(Mt. 5:13; Mr. 9:50)
34Saa káꞌan ka Jesús xiꞌin na, káchi ra saa:
―Ya vaꞌa ni ku iín chi tá uꞌva ya ta xáa uꞌva ndiꞌi ya ñaꞌa xíxi yo. Sundi tá ndíꞌi ya uꞌva ya, ta ni küchiñu yo ndasa uꞌva tuku yo ya. 35Chi tá köo uꞌva ya, ta ni nuu ñuꞌú küvi kee ya xaa xuxan ya ñuꞌú. Ndá taka va kuꞌun ya kuita ya xaꞌa ya väꞌa ka ya. Saa ndóꞌo̱ íyo soꞌo, kuni soꞌo vaꞌa ndo unkua káꞌan i xiꞌin ndo ―káchi Jesús xiꞌin na.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Active: ©Wycliffe Bible Translators, Inc. All rights reserved.