San Lucas 15
15
Tuꞌun ndíchi xaꞌa iin levo loꞌo kiti nda̱ñuꞌu
(Mt. 18:10-14)
1Saa ku̱u iin kivi ku̱yati ndiꞌi nda ndíkaya xuꞌun kuaꞌan ndaꞌa gobierno xiꞌin inka naꞌa na íkan ya väꞌa, ndi̱xaa na kuni soꞌo na ya káꞌan Jesús. 2Xaꞌa ya yóꞌó kua káꞌan nda fariseo xiꞌin nda sínaꞌa ley Ndioxi ya ta̱a ra Moisés, káꞌan nda xiꞌin taꞌan nda, káchi nda saa:
―Süvi ra vaꞌa ku ra yóꞌó. ¿Ndachu ítaꞌan ra xiꞌin na íkan ya väꞌa ta xíxi ra xiꞌin na? ―káchi nda.
3Saa ndi̱kuiin Jesús ndi̱kaꞌan ra iin tuꞌun ndíchi xiꞌin nda, káchi ra saa:
4―Tá kúu ndóꞌo̱ tá íyo iin ciento levo sana ndo ná kachi yo. Tá ná ndañuꞌu iin ri iku ta, ¿án sïndoo ndo ti kumi xiko uxi kumi ikán iku ta saa kaka ndo ndinuni loꞌo nduku ndo taꞌan ri? 5Ya ndaa kua saa ikan ndo. Tá nda̱niꞌi ndo ri ta kusini ni ndo xiꞌin ri, kiꞌin ndo ri chinuu ndo nuu soko ndo ndiko koo ndo. 6Tá ndi̱xaa ndo veꞌe, ta sikitaꞌan ndiꞌi ndo na xíni taꞌan xiꞌin ndo tin na ndóo yati xiꞌin ndo. Ta saa kaꞌan ndo xiꞌin na, kachi ndo: “Ná kusini yo saa chi xa nda̱niꞌi i levo loꞌo sana i kiti nda̱ñuꞌu”, kachi ndo xiꞌin na. 7Ya ndaa kua kúsini ni ndo tá nde̱ta iin kiti sana ndo ti nda̱ñuꞌu. Tá kuꞌva kúsini ndo xiꞌin sana ndo, saa kúsini Ndioxi xiꞌin iin naꞌa na i̱kan ya väꞌa kivi ndíko koo na nuu ra. Kúsini ni ka va ra xiꞌin na yóꞌó nuu na vaꞌa, na xa íyo xiꞌin Ndioxi, na köo xíniñuꞌu ndiko koo ini ―káchi Jesús xiꞌin na.
Tuꞌun ndíchi xaꞌa iin xuꞌun ya nda̱ñuꞌu
8Saa xa̱á Jesús káꞌan tuku ra inka tuꞌun ndíchi xiꞌin na, káchi ra saa:
―Tá tu íyo iin yá ñaꞌa ta íyo uxi xuꞌun kàà nuu yá, ta saa ná sandañuꞌu yá iin taꞌan ya ná kachi yo, ¿án ndïkaꞌmi yá ñu̱ꞌu̱ ta xáa yá tiꞌvi yá veꞌe yá án sana keta ya xiꞌin taka kaꞌán yá? 9Ya ndaa kua saa ndixa ikan yá, tá nda̱niꞌi yá ya ta kana ndiꞌi yá ná xíni taꞌan xiꞌin yá tin ná ndóo yati xiꞌin yá, kana yá ná kaꞌan yá xiꞌin ná: “Ná kusini yo chi nde̱ta xuꞌun i ya nda̱ñuꞌu”, kachi yá xiꞌin ná. 10Ya ndaa kua kúsini ni ná yóꞌó chi saa kúsini ni na tatun Ndioxi nuu ndivi xiꞌin iin naꞌa na ndíko koo ini xaꞌa ya väꞌa íkan na ―káchi Jesús xiꞌin na.
Tuꞌun ndíchi xaꞌa iin ra loꞌo kiꞌvi
11Saa ndi̱kaꞌan tuku ra inka tuꞌun ndíchi xiꞌin na, káchi ra:
―Saa ndo̱ꞌo iin ra taa, ndi̱xiyo uvi seꞌe taa ra. 12Ta iin kivi ndi̱kaꞌan seꞌe ra, ra loꞌo káchi ra saa: “Tata, vitin taxi un ñaꞌa ndaꞌa i, ya nditaꞌvi un xiꞌin nde”, káchi ra xiꞌin iva ra. Ta saa ndi̱taꞌvi iva ra ñaꞌa xiꞌin nda seꞌe ra. 13Saa ku̱u ta ndi̱yaꞌa uvi ndaa kivi ta iin ndi̱xiko yaa ra ñaꞌa ya ndi̱niꞌi ra. Saa ndi̱kiꞌin ra kuaꞌan xika ra. Kuaꞌan ra inka ñuu xiꞌin xuꞌun ikán, ta ikán ti̱in ndiꞌi ra ya, iin si̱siki ndikuu mií ra ya. 14Tá ti̱in ndiꞌi ra xuꞌun ra, saa xa̱á tama mi ñuu ikán. Ñaa xa̱á kaꞌun ini ra. 15Saa ke̱e ra ndi̱kiꞌin ra kuaꞌan ra nduku ra chiñu, ta ndi̱niꞌi ra chiñu kundaa ra kini. Saa ti̱ꞌvi na ra kuaꞌan ra xiꞌin ri. 16Ta kaꞌun ka vi ini ra, nda ñaꞌa xíxi kini xa̱á kúni ra kaxi ra, ta ni köo na taxi ya ndaꞌa ra. 17Saa xa̱á ndíkani ini ra índuꞌu ra: “¡Ndisaa vi na xáa chiñu xiꞌin tata i xíxi vaꞌa na, nda ndóo ñaꞌa yuꞌu na, ta yeꞌe ndinuni loꞌo xíꞌi i soko índuꞌu i yóꞌó! 18Vaꞌa ka ná ndiko koo i nuꞌu i veꞌe tata i, ta kaꞌan i xiꞌin ra: Tata, xaa kaꞌnu ini un xaꞌa i. Ndi̱yaꞌa i nuu Ndioxi tin nuu yóꞌo̱. 19Ni köo kúu mií ka i ichí kunani i seꞌe un, án nda tá káa iin na xáa chiñu nuu un yóꞌó saa ná koo i, kachi yo xiꞌin tata yo”, káꞌán ra.
20’Ñaa ke̱e ra ndi̱kiꞌin ra ichí ta ndi̱kiꞌin ra kuanuꞌu ra veꞌe ra. Xíka ka va kuaꞌan ra saa xi̱ni ñaꞌa iva ra. Ñaa ku̱ndaꞌvi ini ra xi̱ni ñaꞌa ra. Saa ke̱e ra xínu ra ndi̱xaꞌan ra nu̱mi ñaꞌa ra. 21Ta ndi̱kaꞌan ra xiꞌin iva ra, káchi ra saa: “Tata, xaa kaꞌnu ni ini un xaꞌa i. Ndi̱yaꞌa i nuu Ndioxi tin nuu yóꞌo̱, ni köo xíniñuꞌu ka i kunani i seꞌe un”, káchi ra xiꞌin iva ra. 22Ta ni köo ndi̱kiꞌin iva ra kuenta xaꞌa ya i̱kan ra xiꞌin ra. Saa ndi̱kaꞌan ra xiꞌin na xáa chiñu nuu ra, káchi ra saa: “Tava loꞌo ndo iin toto vavaꞌa náꞌa sikundixi ndo seꞌe i, ta chikaa ndo xeꞌe ndaꞌa ra, saa chikaa ndo nduxan xaꞌa ra. 23Ta kuáꞌan ndo ndikiꞌin ndo sindiki kiti si̱ndaꞌa i. Ndikiꞌin ndo ri kixi xiꞌin ndo, kaꞌni ndo. ¡Ná koo viko kuxi yo! 24Chi ndi̱ko koo ra loꞌo seꞌe i yóꞌó. Tá káa ra ndi̱xiꞌi saa ndi̱xiyo ra sundi vitin ta ndi̱taku ra. Nda̱ñuꞌu ra ndi̱xaꞌan ra ta vitin nde̱ta ra”, káchi iva ra. Ñaa xa̱á kúsini ni na.
25’Ta inka ra seꞌe ra, ra xikuaꞌa, köo ra íyo veꞌe, ke̱e ra kuaꞌan ra iku. Saa ndi̱ko koo ra ku̱yati ra xa̱a ra veꞌe. Ta ñaa xi̱ni soꞌo ra xíta yaa tíxaꞌa na. 26Saa ka̱na ra iin ra xáa chiñu nuu iva ra, ndi̱ndakan tuꞌun ñaꞌa ra unkua íyo veꞌe na. 27Saa ndi̱kaꞌan ra ikán xiꞌin ra káchi ra saa: “Ra ñani un ku ra xa̱a, yakan xa̱ꞌni tata un sindiki kiti si̱ndaꞌa ra. Xa̱ꞌni ra ri xaꞌa ya kúsini ra ndi̱xaa vaꞌa ñani un”, káchi ra ikán xiꞌin ra. 28Saa tá ku̱ndaa ini ra, ta ndi̱saa ni ra, ni köo ndi̱xiin ka ra ndiꞌvi ra ini veꞌe. Ñaa ke̱ta iva ra xáku ndaꞌvi ra nuu ra ndiꞌvi ra ini veꞌe, ta ni köo xíin ra ndiꞌvi ra. 29Saa ndi̱kaꞌan ra xiꞌin iva ra, káchi ra saa: “Xa xíni mií un, Tata, ndisaa vi kuiya xáa chiñu i xiꞌin un ta xíni soꞌo ndiꞌi i ya káꞌan un xiꞌin i. Ta nda iin ichí täꞌan taxi loꞌo un iin tixuꞌu loꞌo ndaꞌa i ikan i viko kuxi i xiꞌin nda migo i. 30Sundi tá ndi̱ko koo seꞌe un ra ti̱in yaa xuꞌun un si̱siki ndiꞌi ra ya xiꞌin ná ñaꞌa ta xáꞌni ka un sindiki xaꞌa ra”, káchi ra ikán xiꞌin iva ra. 31Saa ndi̱kuiin iva ra káchi ra saa: “Ndiꞌi saa va kivi íyo yóꞌo̱ xiꞌin i, ta ndiꞌi ñaꞌa ya kúu mií i ñaꞌa yóꞌo̱ ku ndiꞌi va ya. 32Sundi vitin ná ikan yo viko, ná kusini yo saa chi ndi̱ko koo ñani un. Tá káa ra ndi̱xiꞌi saa ndi̱xiyo ra, ta ndi̱taku ra, nda̱ñuꞌu ra ta vitin nde̱ta ra xa̱a ra”, káchi iva ra xiꞌin ra. Soꞌva káchi tuꞌun ndíchi yóꞌó ―káchi Jesús xiꞌin na.
Currently Selected:
San Lucas 15: xta
Highlight
Share
Copy
Want to have your highlights saved across all your devices? Sign up or sign in
Active: ©Wycliffe Bible Translators, Inc. All rights reserved.
San Lucas 15
15
Tuꞌun ndíchi xaꞌa iin levo loꞌo kiti nda̱ñuꞌu
(Mt. 18:10-14)
1Saa ku̱u iin kivi ku̱yati ndiꞌi nda ndíkaya xuꞌun kuaꞌan ndaꞌa gobierno xiꞌin inka naꞌa na íkan ya väꞌa, ndi̱xaa na kuni soꞌo na ya káꞌan Jesús. 2Xaꞌa ya yóꞌó kua káꞌan nda fariseo xiꞌin nda sínaꞌa ley Ndioxi ya ta̱a ra Moisés, káꞌan nda xiꞌin taꞌan nda, káchi nda saa:
―Süvi ra vaꞌa ku ra yóꞌó. ¿Ndachu ítaꞌan ra xiꞌin na íkan ya väꞌa ta xíxi ra xiꞌin na? ―káchi nda.
3Saa ndi̱kuiin Jesús ndi̱kaꞌan ra iin tuꞌun ndíchi xiꞌin nda, káchi ra saa:
4―Tá kúu ndóꞌo̱ tá íyo iin ciento levo sana ndo ná kachi yo. Tá ná ndañuꞌu iin ri iku ta, ¿án sïndoo ndo ti kumi xiko uxi kumi ikán iku ta saa kaka ndo ndinuni loꞌo nduku ndo taꞌan ri? 5Ya ndaa kua saa ikan ndo. Tá nda̱niꞌi ndo ri ta kusini ni ndo xiꞌin ri, kiꞌin ndo ri chinuu ndo nuu soko ndo ndiko koo ndo. 6Tá ndi̱xaa ndo veꞌe, ta sikitaꞌan ndiꞌi ndo na xíni taꞌan xiꞌin ndo tin na ndóo yati xiꞌin ndo. Ta saa kaꞌan ndo xiꞌin na, kachi ndo: “Ná kusini yo saa chi xa nda̱niꞌi i levo loꞌo sana i kiti nda̱ñuꞌu”, kachi ndo xiꞌin na. 7Ya ndaa kua kúsini ni ndo tá nde̱ta iin kiti sana ndo ti nda̱ñuꞌu. Tá kuꞌva kúsini ndo xiꞌin sana ndo, saa kúsini Ndioxi xiꞌin iin naꞌa na i̱kan ya väꞌa kivi ndíko koo na nuu ra. Kúsini ni ka va ra xiꞌin na yóꞌó nuu na vaꞌa, na xa íyo xiꞌin Ndioxi, na köo xíniñuꞌu ndiko koo ini ―káchi Jesús xiꞌin na.
Tuꞌun ndíchi xaꞌa iin xuꞌun ya nda̱ñuꞌu
8Saa xa̱á Jesús káꞌan tuku ra inka tuꞌun ndíchi xiꞌin na, káchi ra saa:
―Tá tu íyo iin yá ñaꞌa ta íyo uxi xuꞌun kàà nuu yá, ta saa ná sandañuꞌu yá iin taꞌan ya ná kachi yo, ¿án ndïkaꞌmi yá ñu̱ꞌu̱ ta xáa yá tiꞌvi yá veꞌe yá án sana keta ya xiꞌin taka kaꞌán yá? 9Ya ndaa kua saa ndixa ikan yá, tá nda̱niꞌi yá ya ta kana ndiꞌi yá ná xíni taꞌan xiꞌin yá tin ná ndóo yati xiꞌin yá, kana yá ná kaꞌan yá xiꞌin ná: “Ná kusini yo chi nde̱ta xuꞌun i ya nda̱ñuꞌu”, kachi yá xiꞌin ná. 10Ya ndaa kua kúsini ni ná yóꞌó chi saa kúsini ni na tatun Ndioxi nuu ndivi xiꞌin iin naꞌa na ndíko koo ini xaꞌa ya väꞌa íkan na ―káchi Jesús xiꞌin na.
Tuꞌun ndíchi xaꞌa iin ra loꞌo kiꞌvi
11Saa ndi̱kaꞌan tuku ra inka tuꞌun ndíchi xiꞌin na, káchi ra:
―Saa ndo̱ꞌo iin ra taa, ndi̱xiyo uvi seꞌe taa ra. 12Ta iin kivi ndi̱kaꞌan seꞌe ra, ra loꞌo káchi ra saa: “Tata, vitin taxi un ñaꞌa ndaꞌa i, ya nditaꞌvi un xiꞌin nde”, káchi ra xiꞌin iva ra. Ta saa ndi̱taꞌvi iva ra ñaꞌa xiꞌin nda seꞌe ra. 13Saa ku̱u ta ndi̱yaꞌa uvi ndaa kivi ta iin ndi̱xiko yaa ra ñaꞌa ya ndi̱niꞌi ra. Saa ndi̱kiꞌin ra kuaꞌan xika ra. Kuaꞌan ra inka ñuu xiꞌin xuꞌun ikán, ta ikán ti̱in ndiꞌi ra ya, iin si̱siki ndikuu mií ra ya. 14Tá ti̱in ndiꞌi ra xuꞌun ra, saa xa̱á tama mi ñuu ikán. Ñaa xa̱á kaꞌun ini ra. 15Saa ke̱e ra ndi̱kiꞌin ra kuaꞌan ra nduku ra chiñu, ta ndi̱niꞌi ra chiñu kundaa ra kini. Saa ti̱ꞌvi na ra kuaꞌan ra xiꞌin ri. 16Ta kaꞌun ka vi ini ra, nda ñaꞌa xíxi kini xa̱á kúni ra kaxi ra, ta ni köo na taxi ya ndaꞌa ra. 17Saa xa̱á ndíkani ini ra índuꞌu ra: “¡Ndisaa vi na xáa chiñu xiꞌin tata i xíxi vaꞌa na, nda ndóo ñaꞌa yuꞌu na, ta yeꞌe ndinuni loꞌo xíꞌi i soko índuꞌu i yóꞌó! 18Vaꞌa ka ná ndiko koo i nuꞌu i veꞌe tata i, ta kaꞌan i xiꞌin ra: Tata, xaa kaꞌnu ini un xaꞌa i. Ndi̱yaꞌa i nuu Ndioxi tin nuu yóꞌo̱. 19Ni köo kúu mií ka i ichí kunani i seꞌe un, án nda tá káa iin na xáa chiñu nuu un yóꞌó saa ná koo i, kachi yo xiꞌin tata yo”, káꞌán ra.
20’Ñaa ke̱e ra ndi̱kiꞌin ra ichí ta ndi̱kiꞌin ra kuanuꞌu ra veꞌe ra. Xíka ka va kuaꞌan ra saa xi̱ni ñaꞌa iva ra. Ñaa ku̱ndaꞌvi ini ra xi̱ni ñaꞌa ra. Saa ke̱e ra xínu ra ndi̱xaꞌan ra nu̱mi ñaꞌa ra. 21Ta ndi̱kaꞌan ra xiꞌin iva ra, káchi ra saa: “Tata, xaa kaꞌnu ni ini un xaꞌa i. Ndi̱yaꞌa i nuu Ndioxi tin nuu yóꞌo̱, ni köo xíniñuꞌu ka i kunani i seꞌe un”, káchi ra xiꞌin iva ra. 22Ta ni köo ndi̱kiꞌin iva ra kuenta xaꞌa ya i̱kan ra xiꞌin ra. Saa ndi̱kaꞌan ra xiꞌin na xáa chiñu nuu ra, káchi ra saa: “Tava loꞌo ndo iin toto vavaꞌa náꞌa sikundixi ndo seꞌe i, ta chikaa ndo xeꞌe ndaꞌa ra, saa chikaa ndo nduxan xaꞌa ra. 23Ta kuáꞌan ndo ndikiꞌin ndo sindiki kiti si̱ndaꞌa i. Ndikiꞌin ndo ri kixi xiꞌin ndo, kaꞌni ndo. ¡Ná koo viko kuxi yo! 24Chi ndi̱ko koo ra loꞌo seꞌe i yóꞌó. Tá káa ra ndi̱xiꞌi saa ndi̱xiyo ra sundi vitin ta ndi̱taku ra. Nda̱ñuꞌu ra ndi̱xaꞌan ra ta vitin nde̱ta ra”, káchi iva ra. Ñaa xa̱á kúsini ni na.
25’Ta inka ra seꞌe ra, ra xikuaꞌa, köo ra íyo veꞌe, ke̱e ra kuaꞌan ra iku. Saa ndi̱ko koo ra ku̱yati ra xa̱a ra veꞌe. Ta ñaa xi̱ni soꞌo ra xíta yaa tíxaꞌa na. 26Saa ka̱na ra iin ra xáa chiñu nuu iva ra, ndi̱ndakan tuꞌun ñaꞌa ra unkua íyo veꞌe na. 27Saa ndi̱kaꞌan ra ikán xiꞌin ra káchi ra saa: “Ra ñani un ku ra xa̱a, yakan xa̱ꞌni tata un sindiki kiti si̱ndaꞌa ra. Xa̱ꞌni ra ri xaꞌa ya kúsini ra ndi̱xaa vaꞌa ñani un”, káchi ra ikán xiꞌin ra. 28Saa tá ku̱ndaa ini ra, ta ndi̱saa ni ra, ni köo ndi̱xiin ka ra ndiꞌvi ra ini veꞌe. Ñaa ke̱ta iva ra xáku ndaꞌvi ra nuu ra ndiꞌvi ra ini veꞌe, ta ni köo xíin ra ndiꞌvi ra. 29Saa ndi̱kaꞌan ra xiꞌin iva ra, káchi ra saa: “Xa xíni mií un, Tata, ndisaa vi kuiya xáa chiñu i xiꞌin un ta xíni soꞌo ndiꞌi i ya káꞌan un xiꞌin i. Ta nda iin ichí täꞌan taxi loꞌo un iin tixuꞌu loꞌo ndaꞌa i ikan i viko kuxi i xiꞌin nda migo i. 30Sundi tá ndi̱ko koo seꞌe un ra ti̱in yaa xuꞌun un si̱siki ndiꞌi ra ya xiꞌin ná ñaꞌa ta xáꞌni ka un sindiki xaꞌa ra”, káchi ra ikán xiꞌin iva ra. 31Saa ndi̱kuiin iva ra káchi ra saa: “Ndiꞌi saa va kivi íyo yóꞌo̱ xiꞌin i, ta ndiꞌi ñaꞌa ya kúu mií i ñaꞌa yóꞌo̱ ku ndiꞌi va ya. 32Sundi vitin ná ikan yo viko, ná kusini yo saa chi ndi̱ko koo ñani un. Tá káa ra ndi̱xiꞌi saa ndi̱xiyo ra, ta ndi̱taku ra, nda̱ñuꞌu ra ta vitin nde̱ta ra xa̱a ra”, káchi iva ra xiꞌin ra. Soꞌva káchi tuꞌun ndíchi yóꞌó ―káchi Jesús xiꞌin na.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Active: ©Wycliffe Bible Translators, Inc. All rights reserved.