San Lucas 7:21-22

San Lucas 7:21-22 XTA

Ta mi hora ikán, si̱ndaꞌa Jesús kuaꞌa ni na kúꞌvi xiꞌin ndiꞌi nuu kueꞌe, saa si̱ndaꞌa ra na kúu mií tachi nduvaꞌa tin si̱ndaꞌa tu ra na kuáa̱ va. Saa ndi̱kuiin ra ndi̱kaꞌan ra xiꞌin nda, káchi ra saa: ―Kuáꞌan ndo ndituꞌun ndo xiꞌin ra Juan ya xi̱ni ndo, xiꞌin ya xi̱ni soꞌo ndo. Kaꞌan ndo xiꞌin ra na kuáa̱ ta ndíkoto na íkan i, na küvi kaka ta ndíkaka na, na kúu mií kueꞌe lepra ya táꞌi ta ndúvaꞌa na íkan i, na sóꞌo ta xúna i soꞌo na, na ndíi ta sítaku i na. Saa ndítuꞌun i tuꞌun vaꞌa xaꞌa Ndioxi xiꞌin ndiꞌi na ndaꞌvi.

Read San Lucas 7