लुका 5
5
येसुको ङ्हाको चेलालम
(मति ४:१८-२२; मर्कुस १:१६-२०)
1यात दिन येसु गनेसरेत त तोओ दुह्मान तिःको#५:१ गनेसरेत त तोओ दुह्मान तिः इखे गालिल समुन्द्रको अर्को मय्ङ खेना। किनारहाङ चिङ्ति मुसास्याउधार्ना, नाःतो मान्तालम परमेस्वरको आखर साइलाङ न्हेङ्काइतोसम्म वाङाकाय। 2येसुइ दुह्मान तिःको किनारहाङ निसज्याङ दोङगा च्यउसास्यावा, ङाः वारोलमखे दोङगा फेति लयको लाःङलम हुर्धय खेइतो। 3यातज्यो दोङगाखे सिमोनको खेतो। येसु ओउको दोङगाहाङ लह्न्ति दोङगाकाय तिःताङ मइतोकाय धुसु त दाह्य्ति सिमोनकाय तोसास्यावा, ओहाङसयको दोङगाहाङ च्युःङ्ति मान्तालमकाय स्यान्सास्यावा।
4स्यान्तिभ्याआक्तिको, “दोङगाकाय बल ज्युह्मो तिःताङ लातु, अनि ङाः चुम्साकाय नाङको लाःङ वारु” त दाह्य्ति येसुइ सिमोनकाय तोसास्यावा।
5एत साइति सिमोनइ येसुकाय तोआकान, “गुरु, निइपाय याह्दिङभरि लाःङ वारालाङ्सु र यातज्यो ङाः मा ङाइङसुलु। तर नाङइ तोसास्यावोझ्यान्ते ङाइ लाःङ वार्नाङ।” 6जब ओउमयइ लाःङ वाराकानि अनि ओउमयइ नाःतो ङाः ङास्ताकाकानि र ओउमयको लाःङले क्रेत्सा लागआ। 7अनि ओउमयइ अर्को दोङगाहाङ मुओ होयालमकाय क्वाःल्ति गोहाराकानि। ओउमय वाङाक्तिको ङाः त्याःलाकानि अनि निसज्याङ दोङगामा ङाःइ ब्लिङा र ओउमय ज्युप्साले लागआकाय। 8एत च्यउति सिमोन पत्रुसइ येसुको दोमहाङ खुःङ्ति सेवति तोआकान, “प्रभु, ङा पापि मान्ता खेनाङ, ङाकसय लोक्तोले मुसास्याउपाना!”
9धइतिदाह्य्सा उच्युक नाःतो ङाः लाःङहाङ ङासोझ्यान्ते सिमोन र ओउको होयालम ग्याह्ङो खेइतो। 10र सिमोनकुस ब्रक काम जाह्ङो जब्दियाको चोःनिस याकुब र युहन्नामा आन ग्याह्ङाकाच। येसुइ सिमोनकाय तोसास्यावा, “रइलाम! द्याह्हाङसय नाङइ ङाः खेल, तर मान्तालमकायखे हुम्ति ङाको चेला जाह्ङ्लाङ वान्तेनउ।”
11एत साइबति ओउमयइ दोङगाकाय तिःको किनारहाङ तानति वान्ति गमाकानि अनि जुदा थोकलम फेआक्तिको येसुकाय गुह्ल्ति वाहाकाय।
येसुइ कोह्र्चाइ ङाःयो मान्ताकाय स्याक्ताक्सास्यावो
(मति ८:१-४; मर्कुस १:४०-४५)
12यातपल्त येसु गालिलको यातज्यो गाउहाङ दाह्सास्यावो खेतो र ओउ गाउहाङ यातचाक कोह्र्चाइ ङाःयो मान्तामा खेतो। येसुकाय च्यउति ओउ मान्ताइ येसुको दोमहाङ खुःङ्ति एतदाह्य्ति सेवति तोआकान, “अ प्रभु, यदि नाङ चाहसास्याउना त खेया, ङाकाय स्याक्ताक्ति सुद्ध जाह्ङ्सा#५:१२ स्याक्ताक्ति सुद्ध जाह्ङ्सा यहुदि धार्मिक नेम-कानुन अनुसार कोह्र्चाइ ङाःयो मान्ताखे असुद्ध स्याउतो। ओउतताह्ङो रोगइ ङाःयो मान्ता मन्दिरहाङ पोक्सा र अरु रोग नाःमालो मान्तालमकाय धिन्सामा स्यावाक्ल। खाइतेनाचि।”
13येसुइ ओउकाय क्रुतइ धिन्ति तोसास्यावा, “ङा चाहनाङ, नाङ पेतो स्याक्ति सुद्ध स्याउतेपा।” अनि रेह्न्तोले ओउको कोह्र्चा स्याका। 14ओहाङसयको येसुइ ओउकाय दर्कति तोसास्यावा, “लउ, इ कुरा सुकायमा तोलाम, बरु पुजारिकहाङ आल्ति लयकाय छ्यान्स र परमेस्वरइ मोसा दुवारा बइसास्यावो नेम-कानुनहाङ तोओलेखा भोक बयु र जुदा मान्तालमइ नाङ स्याक्ति सुद्ध स्यावो कुरा चिःपानानि।”#५:१४ ओउतोक बेलाहाङ यदि कुनय यहुदि मान्ताकाय कोह्र्चाइ ङाःयुतो त खेया ओउखे अरु सेल मान्तालमकुस ब्रक्त मुसा स्यावाक्ल। ओउकायखे गाउसय बाहिर मुताक्नितो। ओउ स्याका या स्याक्ल या त दाह्य्ति पुजारिइ मात्र जाचसा खाइनितो। यदि ओउ स्याक्ना त खेया, अरु सेल मान्तालमकहाङ आल्सासय ङ्हा, परमेस्वरइ मोसा दुवारा बइसास्यावो नेम-कानुन अनुसार भोक बइसा परतो (लेबि १४:१-३२)।
15तर ओउ दिनहाङसय झन् येसुको बारेहाङ वेःताङ-ङोइताङ भयभय त स्यावा अनि झन् नाःतो मान्तालमको हुल येसुको स्यानराय साइलाङ र ल-लयको रोगसय स्याक्लाङ वाङाकाय। 16तर येसुखे सुमा नाःमालो एकान्त थाउहाङ आल्ति प्राथना जाह्ङ्सास्याउतो।
येसुइ कुइच्या रोगइ ङाःयो यातचाक बिरामिकाय स्याक्ताक्सास्यावो
(मति ९:१-८; मर्कुस २:१-१२)
17यात दिन येसुइ मान्तालमकाय स्यान्सास्याउधय खेतो, यरुसलेम सहरसय अनि गालिल र यहुदिया छेत्रको जुदा गाउलमसय, फरिसि र धर्मगुरुलममा वाङ्ति येसुको द्याङ्तो च्युःङ्तिमुओ खेइतो। येसुकुस बिरामिलमकाय स्याक्ताको प्रभु परमेस्वरको जिःङ खेतो। 18मान्तालमइ कुइच्या रोगइ ङाइति वाह्सा खाइमालो यातचाक बिरामिकाय एःनो न्हापहाङले लात्ति वानाकानि, र ओउमयइ ओउ बिरामिकाय भित्र येसुकहाङ आःल्सा बोःङाकानि। 19तर नाःतो मान्तालमको हुल मुओझ्यान्ते, ओउमय येसुकहाङ दाह्सा ल्यामले दोःइलि। ओउतझ्यान्ते ओउमयइ बिरामिकाय किमको त्याःउसय लेङो छानाहाङ आःलाकानि र छाना भोह्लाक्तिको ओउसयले बिरामिकाय एःनो न्हापदोहि ओम्त येसुको ङ्हाहाङ क्लाःआकानि। 20ओउ मान्तालमको उच्युक ताह्ङो बिस्वास च्यउति येसुइ बिरामिकाय तोसास्यावा, “होया, नाङको पापलम छेमा स्यावो मुना।”
21येसुइ तोसास्यावो इ कुरा साइति धर्मगुरु र फरिसिलम लयमय नोःकायाकाय, “पाप छेमा जाह्ङ्साकाय परमेस्वरबाहेक अरु सुइमा खाइनिलि! परमेस्वरको अपमान जाह्ङ्सा इ मान्ता सु खेना र?”
22ओउमयको ल्हुङतुकको कुरा चिःति येसुइ तोसास्यावा, “निङ धइति लयको ल्हुङतुकहाङ ओउत म्हर्तेनय? 23ओउ कुइच्या रोगइ ङाःयो मान्ताकाय ‘नाङको पापलम छेमा स्यावा’ त तोसा र ‘चिङ्ति वाह’ त तोसाहाङ गाउखे सजिलो स्याउना? 24तर ङा मान्ताको चोःकाय#५:२४ ङा मान्ताको चोः मान्ताको चोः त तोओ मय्ङखे दानिएल ७:१३ हाङसय वाङो खेना, र दानिएलइ लेखओखे लयको बारेहाङले खेना त दाह्यो कुरा मान्तालमइ चिःपानानि त दाह्य्ति येसुइ इ मय्ङ अथबा उपाधि लयकाय बइसास्यावो खेना। इ ल्हाउदयबाङहाङ मान्ताको पाप छेमा जाह्ङ्सा अधिकार मुना त दाह्यो प्रमान ङाइ निङकाय बइनेनाङ्स।” अनि येसुइ ओउ कुइच्या रोगइ ङाःयो बिरामिकाय तोसास्यावा, “ङाइ नाङकाय तोनेनाङ, द्याह नाङ चिङ र लय एःनो न्हाप लात्ति किम पाह्य।”
25ओउ मान्ता ओउमय जुदाको ङ्हाहाङ रेह्न्तोले चिङा र लयको न्हाप लात्ति परमेस्वरको प्रसङ्सा जाह्ङ्धय किम पाह्या। 26ओउमय जुदाले आन जोक्तो ग्याह्ङाकाय! आन जोक्तो रइति ओउमय एतदाह्य्ति परमेस्वरको प्रसङ्सा जाह्ङ्धय तोआकानि, “तेन निइपाय गतताह्ङो ग्याह्ङ्सिओ कुरा च्यवातह्य्नि!”
येसुइ लेबिकाय गोत्सास्यावो
(मति ९:९-१३; मर्कुस २:१३-१७)
27ओहाङसयको येसु बाहिरताङ आल्धय मुसास्याउधार्ना येसुइ लेबि#५:२७ लेबि लेबि त तोओखे मतिको अर्को मय्ङ खेना। धइतिदाह्य्सा ङ्हाको सताब्दिताङ यहुदि रितिथिति अनुसार न्हाङ्तोकाय दोङ मय्ङको होन्त अर्को मय्ङ प्रयोग जाह्ङो चलन खेतो। त मय्ङ्ओ यातचाक तिरो लेःओ मान्ताकाय तिरो लेःओ थाउहाङ च्युःङ्तिमुओ च्यउसास्यावा। येसुइ ओउकाय तोसास्यावा, “ङाकाय गुह्ल्ति वाङ, र ङाको चेला स्याव।” 28अनि लेबि चिङा र जुदा थोकलम फेति येसुकाय गुह्ल्ति वाहा।
29ओहाङसयको लेबिइ येसुकाय लयको किमहाङ भोस बयाकान, ओउ भोसहाङ नाःतो तिरो लेःओ मान्तालम र अरु मान्तालममा खेइतो। 30तर फरिसिलम र ओउमयको केहि धर्मगुरुलमइ काथ्याउधय येसुको चेलालमकाय तोआकानि, “निङ धइति तिरो लेःओ मान्ता र पापि मान्तालमकुस ब्रक मुति जेतेनानि?”
31येसुइ ओउमयकाय जवाफ बइसासास्यावा, “बइदाङ्गिपाय सेल मान्ताकाय खेल, तर बिरामि स्यावो मान्तालमकाय चाहना। 32ओउतले लयकाय धर्मि त म्हरोलमकाय खेल, तर लयकाय पापि त चिःति पस्ताप जाह्ङ्सा झाकोलमकाय ङा गोत्लाङ वाङो खेनाङ।”
उपाङको बारेहाङ प्रस्न
(मति ९:१४-१७; मर्कुस २:१८-२२)
33गच्युक मान्तालमइ येसुकाय तोआकानि, “बप्तिस्मा बयो युहन्नाको चेलालम गलखेयामा उपाङ मुनय र प्राथना जाह्ङ्नानि अनि फरिसिलमको चेलालमइमा ओउतले जाह्ङ्नानि, तर नाङको चेलालमखे जेःति-तुङ्ति मात्र मुनय।”
34येसुइ ओउमयकाय जवाफ बइसास्यावा, “निङइ बिह्याको भोसहाङ दुलाहाकुस वाङो मान्तालमकाय दोहमा जेःसा बइमात गम्तेनानि र? पक्कामा गम्तेनिलि! 35तर एतताह्ङो दिनमा वाङ्ना जब दुलाहाकाय ओउमयकसय वेङ्ति आःल्ना अनि ओउमय उपाङ मुलेनय।”
36अनि येसुइ इ ल्हाकरायमा तोसास्यावा, “सुइमा नया नाय क्रेत्ति पुरानो नायकाय काप्निलि। यदि काप्ना त खेयाकायमा, नया नाय बिग्रना र नया कापोमा पुरानो नायकुस ब्राःङ्लेल। 37र सुइमा धाकसायको नया ङोतिः पुरानो छालाको स्योङथोङहाङ #५:३७ छालाको स्योङथोङ ओउतोक बेलाहाङ मान्तालमइ छालाको स्योङथोङ अथबा थइलोहाङ ङोतिः काति गम्नितो।गम्निलि। यदि गम्नानि त खेयाकायमा, स्योङथोङ पक्ना र ङोतिः म्होक्ति वाइना। 38ओउतझ्यान्ते धाकसायको नया ङोतिःखे नया छालाको स्योङथोङहाङले गम्सा परना। 39र सुइमा धाकसायको पुरानो ङोतिः तुङबति धाकसायको नया ङोतिः तुङ्सा झाकिलि। ‘पुरानो ङोतिःखे न्युम्तो मुना’ त ओउमय दाह्य्नय।”
Currently Selected:
लुका 5: CHEP
Highlight
Share
Copy
Want to have your highlights saved across all your devices? Sign up or sign in
© 2024 (Active), Mother Tongue Translators Society and Wycliffe Bible Translators, Inc. All rights reserved.
