लुका कितापको परिचय
कितापको परिचय
इ कितापखे येसुको चेलालम मध्येको यातचाक लुका त मय्ङ्ओ मान्ताइ लेखओझ्यान्ते इको ब्रावो मय्ङखे परमेस्वरको पेओ खबरको किताप लुका त दाह्य्ति चिःसा खाइना, र त्युनो मय्ङखे लुका त दाह्य्ति मात्र चिःसा खाइना। इ कितापइ येसुकाय इस्राएलिलमको लागि बाचा जाह्ङो मुक्तिदाता र इ ल्हाउदयबाङको जुदा मान्तालमकाय स्याक्ताक्साखेओ मुक्तिदाता त दाह्य्ति छ्यानो मुना। लुकाइ लेखओ इ किताप अनुसार जुदा मान्तालमकाय परमेस्वरको पेओ खबर बइलाङ र खान्चोहाङ परओलमकाय सहयोग जाह्ङ्लाङ परमेस्वरइ येसुकाय इ ल्हाउदयबाङहाङ ल्होक्सास्यावो खेना। इ कितापहाङ परमेस्वरको पेओ खबरको आससिओ कुरा पेतोकुस छ्यानो मुना, बिसेस रुपहाङ ङ्हाको अध्यायलमहाङ येसु वाङ्सास्यावो कुरा र लोन्हेको अध्यायहाङखे परमेस्वरइ येसुकाय लाङकाताङ आःल्सास्यावो कुरा तोओ मुना। येसु लाङका पाह्य्सास्यावापछि इ ल्हाउदयबाङहाङ ख्रिस्तिय बिस्वास नाःधय आलो र वेःताङ-ङोइताङ ब्याउधय आलो घतनालमको बारेहाङ लुकाइ लयको अर्को येसुको खबरदुतलमको काम त तोओ कितापहाङ लेखओ मुना।
भाक २ र ६ हाङ उल्लेख स्यावो घतनालमखे, इ कितापहाङ मात्र लेखओ मुना, र ओउ घतनालमखे बिसेस जाह्ङ्ति इ खेना—
लाङकादुतलमइ मेओ प्रसङ्साको गित,
येसु नाःसास्याउधार्ना गोथालोलम येसुको दर्सन जाह्ङ्लाङ वाङो,
येसु बालाखको समयहाङ परमेस्वरको मन्दिरहाङ आल्सास्यावो,
र पेओ सामरि र मिह्ओ चोःको ल्हाकराय।
ओउतहाइतिले इ कितापभरि प्राथना, पबित्र ग्वालाम, येसुको सेवाको कामहाङ मोम्चोलमको जिम्मेवारि, र मान्तालमको पापहाङ परमेस्वरको छेमाको बारेहाङमा बिसेस रुपहाङ तोओ मुना।
बिसय-सुचि
१) परिचय (१:१-४)
२) बप्तिस्मा बयो युहन्ना र येसु नाःसास्यावो (१:५—२:५२)
३) बप्तिस्मा बयो युहन्नाको सेवाकाय (३:१-२०)
४) येसुको बप्तिस्मा र परिछ्या (३:२१—४:१३)
५) गालिलहाङ येसुको सेवाकाय (४:१४—९:५०)
६) येसु गालिलसय यरुसलेमसम्म आल्सास्यावो (९:५१—१९:२७)
७) यरुसलेमहाङ येसुको लोन्हेको साता (१९:२८—२३:५६)
८) येसु सिओसय उह्ति च्योक्ति लाङका पाह्य्सास्यावो (२४:१-५३)
Currently Selected:
लुका कितापको परिचय: CHEP
Highlight
Share
Copy
Want to have your highlights saved across all your devices? Sign up or sign in
© 2024 (Active), Mother Tongue Translators Society and Wycliffe Bible Translators, Inc. All rights reserved.