लुका 1
1
लुकाइ येसुक बारेयँ थियोफिलसके लेख्ल
1आदरनिय थियोफिलस ज्यु, हाम्र माझयँ घटिकुन पुरा भइल कुरासब्क बखान लेख्लाहार काम धेरइ मानुसेइ कर्ल बाटत।
2उसे घटनासब सुरुसे नइ आफ्नइ आखिइ देख्लाहार र उक्रइ बारेयँ खुसिक समचार प्रचार कर्लाहारसबेइ हाम्राके बाताल बाटत। 3मोइ पुनु इसे कुरासब सुरुसे नइ राम्रसे खोजिकुन तेउह्राके इसे घटनाक बारेयँ क्रम अनुसार लेखिके ठिक भइत कइकुन लेख्तिन बाटम। 4उहइगुनेइ तेउह्राके सिखाल कुरासब सत्ते रलाहाइ कइकुन इसे किताप पढिकुन तोहे थाहा पाउताहाउ।
बप्तिस्मा देलाहार युहन्ना जर्मतात् कइकुन सोर्गदुतेइ बाताल
5यहुदिया कलाहार ठाउक राजा हेरोदक पालायँ जकरिया नाउक पुजेहेरि रहइ। उसे चाहिँ अबिया कलाहार पुजेहेरि समुहक मानुस रहइ। उक्र दुलिहिक नाउ एलिसिबा रहइ। उसे हारुन कुलक पुजेहेरिक छाहिक् रहि। 6परमेसोरक नजरयँ उसब दुहइ जेना धर्माति रहत। उसबेइ परमप्रभुक सभइ आग्या र नियमसब मान्तेरहत। 7हसे एलिसिबा बाँझि भइलि गुनेइ उसब्क सन्तान निजभइल र दुहइ जेना धेरइ बुढाबुढि भइल रहत।
8एक दिन आफ्निक समुहक पालायँ जकरिया परमेसोरक मन्दिरयँ पुजेहेरिक काम कर्तिन रहइ 9पुजेहेरिक चलनचल्ति अनुसार चिट्ठा घाल्तेखना परमप्रभुक मन्दिरभितर धुप बार्लार काम जकरियाक नाउयँ पोर्ल। उहइगुनेइ उसे मन्दिरभितर धुप बारिके जइल। 10मन्दिर भितर धुप बार्लार बेलायँ मानुससब चाहिँ बाहार पार्थाना करिराख्ते रहत। 11उहइ बेलाके जकरियाकलघि परमप्रभुक एक जेना सोर्गदुत#१:११सोर्गदुत सोर्गकमाटे पाठाइकेभइल परमेसोरक सेवा कर्लाहार दुत देखार पोरिकुन धुप बार्लार थानक दाइनेपट्टि ठोडेल। 12हसे सोर्गदुतके देखिकुन जकरिया डाराल। 13तर सोर्गदुतेइ उख्राके कहल, “ए जकरिया, झुन्डाराउक! परमेसोरेइ तेर बिन्ति सुनिकेभइल बाटत। तेर दुलिहिर एलिसिबाइ एक्टा छावा जर्माइत। तोइ उक्र नाउ युहन्ना राखिसाइ। 14उसे बेलायँ तोइ खुसि र आनन्द भइतस हसे अरु धेरइ मानुस पुनु उसे जर्मतेखना रामाताहात्। 15किकेकने परमेसोरक नजरयँ उसे बड्क मानुस भइत। उहाइ अङ्गुर कुहाइकुन बानाल दाखमध र अन्न कुहाइकुन बानाल मातालार चिज नाखाओइ। आफ्निक उइयाक कोखयँ भइतेखना नइ उसे पबित्र आत्मासे भरित#१:१५पबित्र आत्मासे भरित पबित्र आत्माइ भरिके कलकुरा पबित्र आत्माक अगुवाइ अनुसार परमेसोरक इच्छायँ चलिके हखइ।। 16हसे इस्राएलि जातक धेरइ मानुससब्के उहाइ आफ्न परमेसोरपटि फर्काइत। 17उहाइ आत्मा र सक्तियँ एलिया अगमबक्ता जस्नइ भइकुन प्रभुक लागि मानुससब्के तयार पारिके प्रभुकते आघु जाइत। हसे बुबा र छाहोक-छाहिक माझयँ मेलमिलाप आन्देइत् र अटेरिसब्के परमेसोरक आग्या मान्लाहार मानुसक ग्यानपट्टि डोरेइ देइत।”
18जकरियाइ सोर्गदुतेके कहल, “मोइ र मेर दुलिहि धेरइ नइ बुढाबुढि भइसक्ल बाटिहिँ, इसे कुरा पक्का भइत कइकुन मोइ कस्के पत्यइके त नि?”
19सोर्गदुतेइ जबाफ देल, “मोइ परमेसोरक नजिकइ बोसिकुन सेवा कर्लाहार गब्रिएल सोर्गदुत हखम। ओनेनेइ मेराके तेरसाङ कुरा करिके र खुसिक समचार सुनाइके पाठाइकेभइल हखइ। 20इसे सभइ कुरा आफ्न बेलायँ पुरा भइत, तर मोइ कहल कुराके बिस्वास नइजेकर्ल गुनेइ तेर छाहोर निजजर्मलसमन तोइ बोराइकेनइ निजसक्लार भइतस।”
21जकरियाके मानुससबेइ मन्दिर बाहार असेइराख्ल रहत हसे उहाइ ढिलो कर्ल देखिकुन सभुनि दङ्गइ पोर्ल। 22बाहार अइतेखना त जकरिया मानुससाङ बोराइकेनइ निजसक्ल र उहाइ मन्दिरभितर दर्सन पाउल कइकुन मानुससबेइ बुझ्ल। हसे उक्र बोलि निजफुट्ते गुनेइ बाहार असेइकुन बोस्लाहार मानुससाङ हातक इसाराकमाटे बोराल।
23मन्दिरयँ पुजा कर्लाहार पालो ओरालपाछु जकरिया घर जइल। 24केहाउ दिनपाछु जकरियाक दुलिहिक एलिसिबा छावा पाउलारि भइलि, र पाँच मइनासमन घरकमाटे कतेहुन निजनिस्कलि। 25हसे एलिसिबाइ यस्के कहलि “इसे काम परमप्रभुइ नइ मेर लागि करिकेभइल हखत। ओनेनेइ दया करिकुन मेराके छावा निजर्मातेखना मानुसेइ कर्लाहार हेलाकमाटे जोगाइकेभइल!”
येसु जर्मतात् कइकुन सोर्गदुतेइ बाताल
26एलिसिबाक पेटयँ छ महिनाक छावा भइतेखना परमेसोरेइ गब्रिएल सोर्गदुतके गालिल ठाउक नासरत सहरयँ बस्लारि एक्टि कन्ये बेटिकलघि पाठाइकेभइल। 27उक्र नाउ मरियम रहइ। हसे दाउद राजाक खलकयँ जर्मल योसेफ नाउक मानुससाङ, मरियमक बिहाक कुरा छिनिसक्ल रहइ। 28सोर्गदुतेइ मरियमकलघि आइकुन सेवा ढोक कर्तिन कहल, “परमेसोरेइ तेह्राके धेरइ माया कर्ताहात्! ओनेन् तेरसाङ भइताहात्!”
29सोर्गदुतक कुरा सुनिकुन मरियम आत्तिलि हसे बुझिके नसकिकुन अल्मलि राख्लि। 30हसे सोर्गदुतेइ कहल, “झुन्डाराउक मरियम, परमेसोरेइ तेह्राके बड्क दया करिकेभइल बाटत। 31सुनुक्, तोइ छावा पाउलाहारि भइकुन, एक्टा बेटाछावा पाउतस, हसे तोइ छाहोरक नाउ येसु राखिसाइ। 32ओनेन् माहान भइताहात् र ओनेन्के माहान परमेसोरक छावा कताहात्। परमेसोरेइ ओनेन्कइ पुर्खा दाउदकेजस्नइ राजा बानाइकेभइतात्। 33ओनेनेइ याकुबक बङ्स इस्रायलिउप्र सद्देहुन राज्जे कर्ताहात्, हसे ओनेन्क राज्जेक अन्ते नाभओइ।”
34इसे कुरा सुनिकुन सोर्गदुतके मरियममेइ कहलि, “मोइ त कन्ये नइ बाटम, कस्के इसे कुरा भइके सकित र?”
35सोर्गदुतेइ कहल, “परमेसोरक पबित्र आत्मा तेरउप्र अइताहात्, हसे माहान परमेसोरक सक्तिक छाया तेरउप्र पोरित। उहइगुनेइ जर्मिकेभइलार छावा पबित्र भइताहात् र परमेसोरक छावा चिन्तात्। 36आबे फेरि सुनुक्, तेर नातापर्लारि एलिसिबा बुढि भइकुन पुनु बेटाछावा पाउलारि भइलि। यख्नि उक्र पेटयँ छ महिनाक छावा बाटइ, उक्र त छाहोक-छाहिक नइ नाभओइ कहल रहइ। 37किकेकने, परमेसोरेइ सबथोक करिके सक्ताहात्।”
38हसे मरियममेइ कहलि, “चाइकेहबखाइ, मोइ प्रभु परमेसोरक दासि हखम, तोहे कहिकेभइल कुरा मेर जिबनयँ पुरा भउस्।” उपाछु सोर्गदुत उछिकमाटे जइल।
मरियम र एलिसिबाक भेट
39उसे बेलायँ मरियम हतार-हतार करिकुन यहुदिया ठाउयँ पोर्लाहार एक्टा पाहाडि गाउयँ जइलि। 40हसे मरियम जकरियाक घरयँ पुगिकुन एलिसिबाके सेवाढोग कर्लि। 41एलिसिबाके मरियममेइ सेवाढोग कर्ल सुन्ल बितिक्कइ एलिसिबाक पेटयँ भइल छावा उफ्रल र उसे पबित्र आत्माइ भरिलि। 42हसे एलिसिबाइ बड्क सोरेइ कहलि, “बेटि मद्धेयँ तोइ धेरइ आसिक पाउलि बाटस्, तेर कोखसे जर्मिकेभइलार छावाके परमेसोरेइ आसिक देताहात्! 43मोइ कोनि हखम र? तोइ मेर प्रभुक उइया भइकुन पुनु मेरलघि अइलि। 44तोइ मेराके सेवाढोग कहल सुन्ल बित्थिकइ, मेर पेटयँ भइल छावा रामाइकुन उफ्रल। 45तोइ परमप्रभुइ कहिकेभइल कुरायँ बिस्वास कर्लि गुनेइ परमेसोरेइ तेह्राके आसिक देलबाटत्!”
मरियममेइ परमेसोरके गितकमाटे प्रसम्सा कर्लि
46हसे मरियममेइ कहलि,
“मेर भित्रि मनेइ नइ प्रभु परमेसोरक प्रसम्सा करित्;
47हसे मेर आत्मा मेराके बाचालार परमेसोरसाङ रामाइत,
48किकेकने मोइ जस्न काम निजलाग्लारि दासिके पुनु, परमेसोरेइ माया कर्ताहात्!
आबेसे सभइ पुस्ताक मानुससबेइ मेराके आसिक पाउलि कताहात्।
49किकेकने सक्तिसालि परमेसोरेइ मेर लागि एक्टा बड्क काम कर्देल बाटत
परमेसोरक नाउ पबित्र बाटइ।
50हसे परमेसोरक डर मान्लारके
ओनेनेइ पुस्ता-पुस्तासमन माया कर्ताहात्।
51ओनेनेइ आफ्न सक्तिइ अचम्मक कामसब कर्लबाटत!
ओनेनेइ मनभित्र घमन्ड कर्लाहारसब्के तितरबितर पार्देल बाटत।
52ओनेनेइ राजगद्दिकमाटे घमन्डि राजाके हाटाइदेल बाटत,
तर ओनेनेइ नम्र मानुसके उप्र उठाल बाटत।
53भुखालसब्के ओनेनेइ राम्र चिजसबेइ सन्तुस्ट पारिकेभइल बाटत,
तर धनिके खालि हात फर्काइदेल बाटत।
54परमेसोरेइ हाम्र बुबा-बाजेसाङ करिकेभइल बाचा पुरा करिकुन,
आफ्न दास इस्राएलके साघाल बाटत।
55ओनेनेइ हाम्र पुर्खा अब्राहाम र उक्र सन्तानके
सद्देहुन माया करिके निजबिस्राल बाटत!”
56एलिसिबासाङ लगभग तिन मइनासमन बोसिकुन मरियम घर फर्कलि।
बप्तिस्मा देलाहार युहन्नाक जन्म
57जब एलिसिबाक सुत्केरि भइलाहार बेला अइल हसे उहि बेटाछावा पाउलि। 58परमप्रभुइ एलिसिबाके बड्क दया करिकेभइल सुनिकुन उक्र आफन्त र छरछिमेकिसब पुनु खुसि भइल।
59हसे उसब छावाके आठउ दिनयँ खतना कर्लाहार बिधि करिके जम्मा भइल। उसबेइ बुबाहाक जस्नइ छाहोक नाउ पुनु जकरिया राखिके थाल्ल रहइ। 60तर उक्र उइयाहिक कहलि, “नइजे, इक्र नाउ त युहन्ना राखिकेपरित।”
61उसबेइ एलिसिबाके कहल, “तेर आफन्तमद्धे यस्न नाउ कोक्रउ पुनु नइजे!” 62हसे उसबेइ बुबाहाके, “तोइ छाहोरक नाउ किति राख्तस कइकुन इसारा करिकुन पुछ्ल।”
63जकरियाइ लेख्लार पाटि माङिकुन “इक्र नाउ युहन्ना हखइ” कइकुन लेखिदेल। इसे देखिकुन सभइ जेना छक्कइ पोर्ल। 64ओख्निहिँ जकरिया मुहुँ खुल्ल र बोराइके सक्लाहार भइल, हसे उहाइ परमेसोरके प्रसम्सा करिके थाल्ल। 65इसे सभइ कुरा देखिकुन छरछिमेकिसब छक्कइ पर्तिहिन परमेसोरक डर मान्ल। उपाछु इसे कुरासब्क चर्चा यहुदियाक डाँडाक भागपट्टि पुनु फइलिल। 66इसे कुरा सुन्लार जत्का सभइजेनाइ मनमनेइ सोच्ल, “इसे छावा पाछु कस्न भइत हबखाइ?” किकेकने परमप्रभुक सक्ति उक्रउप्र रहइ।
जकरियाइ परमेसोरके गितकमाटे प्रसम्सा कर्ल
67युहन्नाक बुबाक जकरिया पबित्र आत्माइ भरिकुन, पाछु भइकेअइलार कुरा बोराइके थाल्ल,
68“इस्राएलिक परमप्रभु परमेसोरक प्रसम्सा भउस्!
किकेकने ओनेन् आइकेभइल बाटत, र आफ्न मानुससब्के छुट्कारा देताहात्।
69ओनेनेइ आफ्न सेवा कर्लाहार दाउदक खलकयँ हाम्र लागि
एक जेना सक्तिसालि मुक्ति दिकेभइलार खडा कर्देल बाटत।
70-71हाम्राके घिना कर्लाहार र हाम्र सत्रुसब्क हातकमाटे छुट्कारा देताहात् कइकुन,
ओनेनेइ आघुहिँसे नइ आफ्न पबित्र अगमबक्तासब्क मुहुकमाटे बोराइकेभइल रहत।
72ओनेनेइ हाम्र पुर्खासब्के दया देखाइके,
आफ्न पबित्र बाचाके सम्झल बाटत।
73-74ओनेनेइ हाम्र पुर्खा अब्राहामसाङ किरिया खाइकेभइल,
र हाम्र सत्रुक हातकमाटे छुट्कारा देताहात्,
75उहइगुनेइ हामे नडाराइकुन हाम्र जिबनभरि नइ पबित्र र धर्माति भइकुन
ओनेन्क सेवा करिके सकउ।
76हे मेर छाहोम्,
तोइ त माहान परमेसोरक अगमबक्ता भइतस।
तोइ प्रभुक पायड तयार पारिके ओनेन्क आघु-आघु जइतस्।
77‘पापकमाटे छेमा पाइकुन मुक्ति पाउताहाउ’
कहल कुरा तोइ प्रभुक मानुससब्के सिखातस।
78किकेकने हाम्र परमेसोर दयालु र मायालु बाटत।
उहइगुनेइ ओनेनेइ मुक्तिक उजुङ#१:७८मुक्तिक उजुङ इहाइ आइकेभइलाहार ख्रिस्टके जानाइत सोर्गकमाटे हाम्रलघि पाठाताहात्।
79हसे आन्धारघुसयँ बोस्लाहार र कालक मुहुयँ पोरिके थाल्लसब्के उजुङ देताहात्।
हसे उअ ओजङगेइ नइ हाम्राके सान्तिदेलार पइडायँ डोरेइत।”
80छावा युहन्ना देहि र आत्मायँ बहड्तिन जइल। तर इस्राएलिसब्क माझयँ प्रचार सुरु निजकर्लसमन उसे उजाड-ठाउयँ नइ बोस्ल।
Currently Selected:
लुका 1: DRY
Highlight
Share
Copy
Want to have your highlights saved across all your devices? Sign up or sign in
© 2024 (Active), Mother Tongue Translators Society and Wycliffe Bible Translators, Inc. All rights reserved.
लुका 1
1
लुकाइ येसुक बारेयँ थियोफिलसके लेख्ल
1आदरनिय थियोफिलस ज्यु, हाम्र माझयँ घटिकुन पुरा भइल कुरासब्क बखान लेख्लाहार काम धेरइ मानुसेइ कर्ल बाटत।
2उसे घटनासब सुरुसे नइ आफ्नइ आखिइ देख्लाहार र उक्रइ बारेयँ खुसिक समचार प्रचार कर्लाहारसबेइ हाम्राके बाताल बाटत। 3मोइ पुनु इसे कुरासब सुरुसे नइ राम्रसे खोजिकुन तेउह्राके इसे घटनाक बारेयँ क्रम अनुसार लेखिके ठिक भइत कइकुन लेख्तिन बाटम। 4उहइगुनेइ तेउह्राके सिखाल कुरासब सत्ते रलाहाइ कइकुन इसे किताप पढिकुन तोहे थाहा पाउताहाउ।
बप्तिस्मा देलाहार युहन्ना जर्मतात् कइकुन सोर्गदुतेइ बाताल
5यहुदिया कलाहार ठाउक राजा हेरोदक पालायँ जकरिया नाउक पुजेहेरि रहइ। उसे चाहिँ अबिया कलाहार पुजेहेरि समुहक मानुस रहइ। उक्र दुलिहिक नाउ एलिसिबा रहइ। उसे हारुन कुलक पुजेहेरिक छाहिक् रहि। 6परमेसोरक नजरयँ उसब दुहइ जेना धर्माति रहत। उसबेइ परमप्रभुक सभइ आग्या र नियमसब मान्तेरहत। 7हसे एलिसिबा बाँझि भइलि गुनेइ उसब्क सन्तान निजभइल र दुहइ जेना धेरइ बुढाबुढि भइल रहत।
8एक दिन आफ्निक समुहक पालायँ जकरिया परमेसोरक मन्दिरयँ पुजेहेरिक काम कर्तिन रहइ 9पुजेहेरिक चलनचल्ति अनुसार चिट्ठा घाल्तेखना परमप्रभुक मन्दिरभितर धुप बार्लार काम जकरियाक नाउयँ पोर्ल। उहइगुनेइ उसे मन्दिरभितर धुप बारिके जइल। 10मन्दिर भितर धुप बार्लार बेलायँ मानुससब चाहिँ बाहार पार्थाना करिराख्ते रहत। 11उहइ बेलाके जकरियाकलघि परमप्रभुक एक जेना सोर्गदुत#१:११सोर्गदुत सोर्गकमाटे पाठाइकेभइल परमेसोरक सेवा कर्लाहार दुत देखार पोरिकुन धुप बार्लार थानक दाइनेपट्टि ठोडेल। 12हसे सोर्गदुतके देखिकुन जकरिया डाराल। 13तर सोर्गदुतेइ उख्राके कहल, “ए जकरिया, झुन्डाराउक! परमेसोरेइ तेर बिन्ति सुनिकेभइल बाटत। तेर दुलिहिर एलिसिबाइ एक्टा छावा जर्माइत। तोइ उक्र नाउ युहन्ना राखिसाइ। 14उसे बेलायँ तोइ खुसि र आनन्द भइतस हसे अरु धेरइ मानुस पुनु उसे जर्मतेखना रामाताहात्। 15किकेकने परमेसोरक नजरयँ उसे बड्क मानुस भइत। उहाइ अङ्गुर कुहाइकुन बानाल दाखमध र अन्न कुहाइकुन बानाल मातालार चिज नाखाओइ। आफ्निक उइयाक कोखयँ भइतेखना नइ उसे पबित्र आत्मासे भरित#१:१५पबित्र आत्मासे भरित पबित्र आत्माइ भरिके कलकुरा पबित्र आत्माक अगुवाइ अनुसार परमेसोरक इच्छायँ चलिके हखइ।। 16हसे इस्राएलि जातक धेरइ मानुससब्के उहाइ आफ्न परमेसोरपटि फर्काइत। 17उहाइ आत्मा र सक्तियँ एलिया अगमबक्ता जस्नइ भइकुन प्रभुक लागि मानुससब्के तयार पारिके प्रभुकते आघु जाइत। हसे बुबा र छाहोक-छाहिक माझयँ मेलमिलाप आन्देइत् र अटेरिसब्के परमेसोरक आग्या मान्लाहार मानुसक ग्यानपट्टि डोरेइ देइत।”
18जकरियाइ सोर्गदुतेके कहल, “मोइ र मेर दुलिहि धेरइ नइ बुढाबुढि भइसक्ल बाटिहिँ, इसे कुरा पक्का भइत कइकुन मोइ कस्के पत्यइके त नि?”
19सोर्गदुतेइ जबाफ देल, “मोइ परमेसोरक नजिकइ बोसिकुन सेवा कर्लाहार गब्रिएल सोर्गदुत हखम। ओनेनेइ मेराके तेरसाङ कुरा करिके र खुसिक समचार सुनाइके पाठाइकेभइल हखइ। 20इसे सभइ कुरा आफ्न बेलायँ पुरा भइत, तर मोइ कहल कुराके बिस्वास नइजेकर्ल गुनेइ तेर छाहोर निजजर्मलसमन तोइ बोराइकेनइ निजसक्लार भइतस।”
21जकरियाके मानुससबेइ मन्दिर बाहार असेइराख्ल रहत हसे उहाइ ढिलो कर्ल देखिकुन सभुनि दङ्गइ पोर्ल। 22बाहार अइतेखना त जकरिया मानुससाङ बोराइकेनइ निजसक्ल र उहाइ मन्दिरभितर दर्सन पाउल कइकुन मानुससबेइ बुझ्ल। हसे उक्र बोलि निजफुट्ते गुनेइ बाहार असेइकुन बोस्लाहार मानुससाङ हातक इसाराकमाटे बोराल।
23मन्दिरयँ पुजा कर्लाहार पालो ओरालपाछु जकरिया घर जइल। 24केहाउ दिनपाछु जकरियाक दुलिहिक एलिसिबा छावा पाउलारि भइलि, र पाँच मइनासमन घरकमाटे कतेहुन निजनिस्कलि। 25हसे एलिसिबाइ यस्के कहलि “इसे काम परमप्रभुइ नइ मेर लागि करिकेभइल हखत। ओनेनेइ दया करिकुन मेराके छावा निजर्मातेखना मानुसेइ कर्लाहार हेलाकमाटे जोगाइकेभइल!”
येसु जर्मतात् कइकुन सोर्गदुतेइ बाताल
26एलिसिबाक पेटयँ छ महिनाक छावा भइतेखना परमेसोरेइ गब्रिएल सोर्गदुतके गालिल ठाउक नासरत सहरयँ बस्लारि एक्टि कन्ये बेटिकलघि पाठाइकेभइल। 27उक्र नाउ मरियम रहइ। हसे दाउद राजाक खलकयँ जर्मल योसेफ नाउक मानुससाङ, मरियमक बिहाक कुरा छिनिसक्ल रहइ। 28सोर्गदुतेइ मरियमकलघि आइकुन सेवा ढोक कर्तिन कहल, “परमेसोरेइ तेह्राके धेरइ माया कर्ताहात्! ओनेन् तेरसाङ भइताहात्!”
29सोर्गदुतक कुरा सुनिकुन मरियम आत्तिलि हसे बुझिके नसकिकुन अल्मलि राख्लि। 30हसे सोर्गदुतेइ कहल, “झुन्डाराउक मरियम, परमेसोरेइ तेह्राके बड्क दया करिकेभइल बाटत। 31सुनुक्, तोइ छावा पाउलाहारि भइकुन, एक्टा बेटाछावा पाउतस, हसे तोइ छाहोरक नाउ येसु राखिसाइ। 32ओनेन् माहान भइताहात् र ओनेन्के माहान परमेसोरक छावा कताहात्। परमेसोरेइ ओनेन्कइ पुर्खा दाउदकेजस्नइ राजा बानाइकेभइतात्। 33ओनेनेइ याकुबक बङ्स इस्रायलिउप्र सद्देहुन राज्जे कर्ताहात्, हसे ओनेन्क राज्जेक अन्ते नाभओइ।”
34इसे कुरा सुनिकुन सोर्गदुतके मरियममेइ कहलि, “मोइ त कन्ये नइ बाटम, कस्के इसे कुरा भइके सकित र?”
35सोर्गदुतेइ कहल, “परमेसोरक पबित्र आत्मा तेरउप्र अइताहात्, हसे माहान परमेसोरक सक्तिक छाया तेरउप्र पोरित। उहइगुनेइ जर्मिकेभइलार छावा पबित्र भइताहात् र परमेसोरक छावा चिन्तात्। 36आबे फेरि सुनुक्, तेर नातापर्लारि एलिसिबा बुढि भइकुन पुनु बेटाछावा पाउलारि भइलि। यख्नि उक्र पेटयँ छ महिनाक छावा बाटइ, उक्र त छाहोक-छाहिक नइ नाभओइ कहल रहइ। 37किकेकने, परमेसोरेइ सबथोक करिके सक्ताहात्।”
38हसे मरियममेइ कहलि, “चाइकेहबखाइ, मोइ प्रभु परमेसोरक दासि हखम, तोहे कहिकेभइल कुरा मेर जिबनयँ पुरा भउस्।” उपाछु सोर्गदुत उछिकमाटे जइल।
मरियम र एलिसिबाक भेट
39उसे बेलायँ मरियम हतार-हतार करिकुन यहुदिया ठाउयँ पोर्लाहार एक्टा पाहाडि गाउयँ जइलि। 40हसे मरियम जकरियाक घरयँ पुगिकुन एलिसिबाके सेवाढोग कर्लि। 41एलिसिबाके मरियममेइ सेवाढोग कर्ल सुन्ल बितिक्कइ एलिसिबाक पेटयँ भइल छावा उफ्रल र उसे पबित्र आत्माइ भरिलि। 42हसे एलिसिबाइ बड्क सोरेइ कहलि, “बेटि मद्धेयँ तोइ धेरइ आसिक पाउलि बाटस्, तेर कोखसे जर्मिकेभइलार छावाके परमेसोरेइ आसिक देताहात्! 43मोइ कोनि हखम र? तोइ मेर प्रभुक उइया भइकुन पुनु मेरलघि अइलि। 44तोइ मेराके सेवाढोग कहल सुन्ल बित्थिकइ, मेर पेटयँ भइल छावा रामाइकुन उफ्रल। 45तोइ परमप्रभुइ कहिकेभइल कुरायँ बिस्वास कर्लि गुनेइ परमेसोरेइ तेह्राके आसिक देलबाटत्!”
मरियममेइ परमेसोरके गितकमाटे प्रसम्सा कर्लि
46हसे मरियममेइ कहलि,
“मेर भित्रि मनेइ नइ प्रभु परमेसोरक प्रसम्सा करित्;
47हसे मेर आत्मा मेराके बाचालार परमेसोरसाङ रामाइत,
48किकेकने मोइ जस्न काम निजलाग्लारि दासिके पुनु, परमेसोरेइ माया कर्ताहात्!
आबेसे सभइ पुस्ताक मानुससबेइ मेराके आसिक पाउलि कताहात्।
49किकेकने सक्तिसालि परमेसोरेइ मेर लागि एक्टा बड्क काम कर्देल बाटत
परमेसोरक नाउ पबित्र बाटइ।
50हसे परमेसोरक डर मान्लारके
ओनेनेइ पुस्ता-पुस्तासमन माया कर्ताहात्।
51ओनेनेइ आफ्न सक्तिइ अचम्मक कामसब कर्लबाटत!
ओनेनेइ मनभित्र घमन्ड कर्लाहारसब्के तितरबितर पार्देल बाटत।
52ओनेनेइ राजगद्दिकमाटे घमन्डि राजाके हाटाइदेल बाटत,
तर ओनेनेइ नम्र मानुसके उप्र उठाल बाटत।
53भुखालसब्के ओनेनेइ राम्र चिजसबेइ सन्तुस्ट पारिकेभइल बाटत,
तर धनिके खालि हात फर्काइदेल बाटत।
54परमेसोरेइ हाम्र बुबा-बाजेसाङ करिकेभइल बाचा पुरा करिकुन,
आफ्न दास इस्राएलके साघाल बाटत।
55ओनेनेइ हाम्र पुर्खा अब्राहाम र उक्र सन्तानके
सद्देहुन माया करिके निजबिस्राल बाटत!”
56एलिसिबासाङ लगभग तिन मइनासमन बोसिकुन मरियम घर फर्कलि।
बप्तिस्मा देलाहार युहन्नाक जन्म
57जब एलिसिबाक सुत्केरि भइलाहार बेला अइल हसे उहि बेटाछावा पाउलि। 58परमप्रभुइ एलिसिबाके बड्क दया करिकेभइल सुनिकुन उक्र आफन्त र छरछिमेकिसब पुनु खुसि भइल।
59हसे उसब छावाके आठउ दिनयँ खतना कर्लाहार बिधि करिके जम्मा भइल। उसबेइ बुबाहाक जस्नइ छाहोक नाउ पुनु जकरिया राखिके थाल्ल रहइ। 60तर उक्र उइयाहिक कहलि, “नइजे, इक्र नाउ त युहन्ना राखिकेपरित।”
61उसबेइ एलिसिबाके कहल, “तेर आफन्तमद्धे यस्न नाउ कोक्रउ पुनु नइजे!” 62हसे उसबेइ बुबाहाके, “तोइ छाहोरक नाउ किति राख्तस कइकुन इसारा करिकुन पुछ्ल।”
63जकरियाइ लेख्लार पाटि माङिकुन “इक्र नाउ युहन्ना हखइ” कइकुन लेखिदेल। इसे देखिकुन सभइ जेना छक्कइ पोर्ल। 64ओख्निहिँ जकरिया मुहुँ खुल्ल र बोराइके सक्लाहार भइल, हसे उहाइ परमेसोरके प्रसम्सा करिके थाल्ल। 65इसे सभइ कुरा देखिकुन छरछिमेकिसब छक्कइ पर्तिहिन परमेसोरक डर मान्ल। उपाछु इसे कुरासब्क चर्चा यहुदियाक डाँडाक भागपट्टि पुनु फइलिल। 66इसे कुरा सुन्लार जत्का सभइजेनाइ मनमनेइ सोच्ल, “इसे छावा पाछु कस्न भइत हबखाइ?” किकेकने परमप्रभुक सक्ति उक्रउप्र रहइ।
जकरियाइ परमेसोरके गितकमाटे प्रसम्सा कर्ल
67युहन्नाक बुबाक जकरिया पबित्र आत्माइ भरिकुन, पाछु भइकेअइलार कुरा बोराइके थाल्ल,
68“इस्राएलिक परमप्रभु परमेसोरक प्रसम्सा भउस्!
किकेकने ओनेन् आइकेभइल बाटत, र आफ्न मानुससब्के छुट्कारा देताहात्।
69ओनेनेइ आफ्न सेवा कर्लाहार दाउदक खलकयँ हाम्र लागि
एक जेना सक्तिसालि मुक्ति दिकेभइलार खडा कर्देल बाटत।
70-71हाम्राके घिना कर्लाहार र हाम्र सत्रुसब्क हातकमाटे छुट्कारा देताहात् कइकुन,
ओनेनेइ आघुहिँसे नइ आफ्न पबित्र अगमबक्तासब्क मुहुकमाटे बोराइकेभइल रहत।
72ओनेनेइ हाम्र पुर्खासब्के दया देखाइके,
आफ्न पबित्र बाचाके सम्झल बाटत।
73-74ओनेनेइ हाम्र पुर्खा अब्राहामसाङ किरिया खाइकेभइल,
र हाम्र सत्रुक हातकमाटे छुट्कारा देताहात्,
75उहइगुनेइ हामे नडाराइकुन हाम्र जिबनभरि नइ पबित्र र धर्माति भइकुन
ओनेन्क सेवा करिके सकउ।
76हे मेर छाहोम्,
तोइ त माहान परमेसोरक अगमबक्ता भइतस।
तोइ प्रभुक पायड तयार पारिके ओनेन्क आघु-आघु जइतस्।
77‘पापकमाटे छेमा पाइकुन मुक्ति पाउताहाउ’
कहल कुरा तोइ प्रभुक मानुससब्के सिखातस।
78किकेकने हाम्र परमेसोर दयालु र मायालु बाटत।
उहइगुनेइ ओनेनेइ मुक्तिक उजुङ#१:७८मुक्तिक उजुङ इहाइ आइकेभइलाहार ख्रिस्टके जानाइत सोर्गकमाटे हाम्रलघि पाठाताहात्।
79हसे आन्धारघुसयँ बोस्लाहार र कालक मुहुयँ पोरिके थाल्लसब्के उजुङ देताहात्।
हसे उअ ओजङगेइ नइ हाम्राके सान्तिदेलार पइडायँ डोरेइत।”
80छावा युहन्ना देहि र आत्मायँ बहड्तिन जइल। तर इस्राएलिसब्क माझयँ प्रचार सुरु निजकर्लसमन उसे उजाड-ठाउयँ नइ बोस्ल।
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 (Active), Mother Tongue Translators Society and Wycliffe Bible Translators, Inc. All rights reserved.