लुका 2
2
येसुक जन्म
(मति १:१८-२५)
1उसे बेलायँ रोमि माहाराजा अगस्टसेइ#२:१ माहाराजा अगस्टस ग्रिक बाइबलयँ “कइसर अगस्टस” लेख्ल बाटइ “जम्मइ साम्राज्जेक मानुसके नाउ लेखिके पोरित” कइकुन आह्राल। 2इसे पइलापल्ट जनगडनायँ नाउ लेखिके पोरित कहल बेलायँ सिरियाक बड्क-हाकिम कुरेनियस रहइ। 3हसे माहाराजाक कुरा सुनिकुन जम्मइ जेना नाउ लेखिके आ-आफ्न पुर्खाक सहर जइल।
4उसे बेलायँ योसेफ पुनु गालिलक नासरतकमाटे यहुदियाक बेथलेहेम कलाहार राजा दाउद जर्मल सहरयँ जइल, किकेकने उसे दाउद राजाक खलक रहइ। 5योसेफक बिहाक कुरा मरियमसाङ छिन्ल रहइ। उसे बेलायँ मरियम पाउलाहारि रहि, उहइगुनेइ योसेफसाङ मरियम पुनु नाउ लेखाइके जइलि 6उसब उछिका भइल बेलायँ नइ मरियमक छावा जर्मालार बेला भइल। 7हसे मरियममेइ जेठा छावा पाउलि। छावाके थाङ्नाइ बेह्रिकुन गोठक डोडियँ सुतालि किकेकने उसबेइ होटलयँ बोसिके ठाउ निजपाउल।
सोर्गदुत र भेडा चरुहा
8उसे बेलायँ चरुहाँसब आफ्न भेडाक बगाल रुङिकुन बेथलेहेम नजिकइक जमारयँ रातभरि बोसिराख्ल रहत। 9उछिका परमप्रभुक एक्टा सोर्गदुत देखा पोर्ल र परमप्रभुक उजुङ उसब्क चारइपटि चम्कल। उअ उजुङ देखिकुन जम्मइ चरुहा डाराइकुन थुरथुर कामिके थाल्ल। 10तर सोर्गदुतेइ उसब्के कहिकेभइल “झुनडाराओ! किकेकने मोइ जम्मइ मानुससब्के बड्क आनन्द देलाहार खुसिक समचार लिकुन तेउह्र आघु अइल बाटम। 11सुनउ, आजु दाउदक सहरयँ तेउह्रासब्के बाचाइके लागि ख्रिस्ट जर्मिके भइल बाटत, जोनो चाहिँ प्रभु हखत। 12तोहेसब नान्हि छावाके थाङ्नाइ बेह्रिकुन डोडियँ सुताइराख्ल भेट्ताहाउ र तेउह्रासब्के लागि उहइ एक्टा चिना भइत।”
13हसे ओख्निहिँ अरु सोर्गदुतसब पुनु देखार पोरिकुन परमेसोरक गित गिदाइकुन प्रसम्सा करिके थाल्ल।
14“सोर्गयँ बोसिकेभइल परमेसोरके जयजयकार भइराखुस,
हसे ओनेन् पिर्थिबियँ जोनो मानुससाङ खुसि भइताहात्, उसबेइ सान्ति पाउस।”
15उछिसे सोर्गदुत सब सोर्गयँ फर्किकुन जइल, हसे भेडा चरुहाँसब एक-अर्कयँ कहिके थाल्ल, “आबे हामे बेथलेहेम जाहुँ र परमप्रभुइ कहिकेभइल घटनाक कुरा हेरउ।”
16उसब छिटो-छिटो जइल, उछिका मरियम, योसेफ र छावाके डोडियँ सुताइराख्ल भेट्ल। 17इसे देखिकुन सोर्गदुतेइ कहल कुरा सभइजेनाके चरुहाँसबेइ छावाक बारेयँ सुनाल। 18चरुहाँक कुरा सुन्लार जम्मइजेना छक्कइ पोर्ल। 19तर मरियममेइ सभइ कुरा आफ्निक मनयँ राखिकुन सोस्ते बोस्लि। 20सोर्गदुतेइ जे कहल उहइ सुन्ल र देख्ल गुनेइ परमेसोरके महिमा र प्रसम्सा कर्तिन चरुहाँसब फर्कल।
छावाक नाउ येसु राख्ल
21इस्राएलि कानुन अनुसार आठ दिन्क दिनयँ खतना करिकुन छावाक नाउ येसु राख्ल, जोनो नाउ चाहिँ ओनेन् उइयाक्क गर्भयँ आइकेकते आघुहिँ नइ सोर्गदुतेइ देल रहत।#लेबि १२:३; लुक १:३१
मन्दिरयँ येसुके अर्पन
22मोसाइ उसब्के देल कानुन अनुसार चोखेलाहार दिनयँ येसुके परमप्रभुक आघु अर्पन करिके यरुसलेमक मन्दिरयँ उइयाक-बुबाहिँक आन्ल,#लेबि १२:६-८ 23किकेकने परमप्रभुक कानुनयँ इसे लेख्ल बाटइ “आघु जर्मल बेटा छावाके परमप्रभुयँ अर्पन#२:२३ अर्पन परमेसोरक लागि छुटेल करिकेपोरित।”#प्रस्था १३:२,१२,१५ 24हसे परमप्रभुक कानुन अनुसार “एकजोर ढुकुरि अथबा परेवाक दुक्टा छावा”#लेबि १२:८ भोक चाढाइके आन्ल।
25उसे बेला यरुसलेमयँ सिमियोन नाउक मानुस बोस्तेरहइ। जोनो इस्राएलिसब्के बाचालारके असेइरलाहार धर्माति र परमेसोरक भक्ति कर्लाहार मानुस रहइ, पबित्र आत्मा#२:२५ पबित्र आत्मा परमेसोरक पबित्र आत्मा उक्रसाङ रहत। 26र “परमप्रभुइ पाठाइकेभइल बाचालार ख्रिस्टके नदेखिकुन तोइ नाइमोरस” कइकुन आघुहिँ पबित्र आत्माइ सिमियोनके थाहा देल रहत। 27पबित्र आत्माइ सिमियोनके डोरेइकुन मन्दिरयँ लेजिकेभइल। उहइ बेलायँ छावा येसुके उइयाक-बुबाहिँक परमेसोरक कानुनयँ लेख्ल बिधि पुरा करिके मन्दिरयँ आन्ल, 28हसे येसुके कोरायँ लेइकुन सिमियोननेइ परमेसोरक गित गिदातिन यस्के प्रसम्सा कर्ल,
29“हे परमप्रभु, तोहे आफ्न बाचा पुरा करिकेभइल बाटउ,
आबे मेराके तेउह्र बचन अनुसार सान्तिसाङ बिदा देइके हबखाइ।
30किकेकने मोइ आफ्नइ आखिसे तोहे पाठाइकेभइल बाचाइके अइलाहारके देखिके पाउल,
31जोख्राके तोहे सभइ जातक मानुससबेइ देखुस कइकुन पाठाइकेभइल बाटउ,
32 #
यसइ ४२:६; ५२:१० ओनेन् नइ गइर यहुदि मानुससब्के उजुङ देखालाहार पायड हखतकने,
ओनेन् नइ तेउह्र इस्राएलिसब्के महिमा देताहात्।”#यसइ ४२:६; ५२:१०
33छावाक बारेयँ सिमियोनेइ कहल कुरा सुनिकुन येसुक उइयाक-बुबाक छक्कइ पोर्ल। 34उसब्के सिमियोननेइ आसिक दिकुन मरियमके कहिकेभइल, “सुनुक्, इसे छावाके इस्राएलयँ धेरइके मासिके र बाचाइके लागि परमेसोरेइ छानिकेभइल हखत, जोख्राके धेरइ जेनाइ बिरोध करिकुन आफुक मन्क बिचारके देखाताहात्, किकेकने ओनेनेइ परमेसोरेइ देखाइकेभइल चिना हखत। 35ओस्न भइनेपार तिखो तरबारेइ छेड्ल जस्नइ तेर मन पुनु छियाछिया भइताहिर।”
36उछिका फनुएलक छाहिक् हन्ना जोनि चाहिँ आसेर घरान्क बुढि अगमबादिनि रहि। बिहा भइलक सात बर्सपाछु उसे बिधुइनि भइलि रहि। 37उसे चउरासि बर्सक पुग्लि रहि। तर उहि मन्दिर निजछाड्ते रहि, रातदिन मन्दिरयँ उपास बोसिकुन, पार्थाना करिकुन परमेसोरक आरधना कर्तेरहइ। 38उहइ बेलायँ आइकुन उहाइ पुनु परमेसोरके धन्यबाद देइकुन यरुसलेमयँ बाचालार पायड असेइकुन बोस्लाहार सभइके छावाक बारेयँ बाताइदेलि।
39हसे परमप्रभुक कानुन अनुसार सभइ कामकाज सकाइकुन छावाके लेइकुन मरियम र योसेफ गालिलक आफ्नइ नासरत सहरयँ फर्कल।#मति २:२३ 40दिन-दिनइ छावा येसु बढिकुन बल, बुद्धि र ग्यानसे भोर्ते जाइकेभइल र परमेसोरक अनुग्रह ओनेन्साङ रहइ।
मन्दिरयँ छावा येसु
41 #
प्रस्था १२:१-२७; बेब १६:१-८; लुक २२:८ बर्सेहुन येसुक उइयाक-बुबाक निस्तार पाब्नि#२:४१ निस्तार पाब्नि मोसाक बेलायँ परमेसोरेइ मिस्रकमाटे इस्राएलिसब्के दुखक बेलायँ छुट्कारा देइकेभइल दिनके सम्झिके लागि मानालार पाब्निके नइ निस्तार पाब्नि कताहिँ। मानिके यरुसलेम जइते रहत। 42जोख्निके येसु बाह्र बर्स#२:४२येसु बाह्र बर्स यहुदिक चलन अनुसार बाह्र बर्स पुग्नेपार उसे तन्धेरियँ गनिते रहइ पुगिकेभइल ओख्निके उसब्क रिति अनुसार छुट्काराक पाब्नि मानिके यरुसलेम जइल। 43पाब्नि ओराइकुन उसब घर फर्कल तर येसु चाहिँ यरुसलेमयँ बोसिके भइल जोनकुरा ओनेन्क उइयाक-बुबाके थाहाइ निजभइल। 44किकेकने येसु बगालसाङ अइतिन् हबाहाइ कइकुन ओनेन्क उइयाक-बुबाक दिनइभरि हिठ्ल। बेर भइलपाछु पुनु ओनेन्के निजभेट्तेखना उसबेइ साङ्घातिसब र नाता पर्लारक लघि खोजिके थाल्ल। 45कुछिहुन् छावाके निजभेट्ल गुनेइ, खोजिके उसब यरुसलेमपट्टि नइ फर्कल। 46उसबेइ येसुके हेरालक तिन दिनयँ मन्दिरयँ धर्मगुरुसाङ बोसिकुन, उसब्क कुरा सुनिकुन प्रस्न करिराख्ते भेट्ल। 47ओनेन्क सम्झलार दिमाग देखिकुन र ओनेनेइ देइकेभइल उत्तर सुनिकुन सभइ मानुस छक्कइ पोर्ल। 48उइयाक-बुबाक पुनु ओनेन्के देखिकुन छक्कइ पोर्ल, र ओनेन्के उइयाहिक कहलि, “बाबु, तोइ हाम्राइके छाडिकुन किति करिके मन्दिरयँ बस्ल? चाहुक्, तेर बुबार र मोइ धेरइ चिन्ताकरिकुन तेह्राके खोजिराख्ते रहिँर।”
49ओनेनेइ उसब्के कहिकेभइल, “मेराके किति करिके खोज्ते? मोइ मेर बुबाक घरयँ भइकेपरित कइकुन तेउह्रासब्के थाहा निजसे?” 50तर ओनेन्क कुरा उसबेइ नइजे बुझ्ल।
51ओमाटे ओनेनेइ उसबसाङ नासरत फर्किके भइल, हसे ओनेनेइ आफ्न उइया-बुबाकान्क अधिनयँ बोसिके भइल। ओनेन्क उइयाहिक सभइ कुरा मनयँ राख्लि। 52हसे येसु परमेसोरक अनुग्रहयँ ग्यान, बुद्धि र जिउडालयँ पुनु बहढ्तिन जाइके भइल।#१ समु २:२६; हितो ३:४
Currently Selected:
लुका 2: DRY
Highlight
Share
Copy
Want to have your highlights saved across all your devices? Sign up or sign in
© 2024 (Active), Mother Tongue Translators Society and Wycliffe Bible Translators, Inc. All rights reserved.
लुका 2
2
येसुक जन्म
(मति १:१८-२५)
1उसे बेलायँ रोमि माहाराजा अगस्टसेइ#२:१ माहाराजा अगस्टस ग्रिक बाइबलयँ “कइसर अगस्टस” लेख्ल बाटइ “जम्मइ साम्राज्जेक मानुसके नाउ लेखिके पोरित” कइकुन आह्राल। 2इसे पइलापल्ट जनगडनायँ नाउ लेखिके पोरित कहल बेलायँ सिरियाक बड्क-हाकिम कुरेनियस रहइ। 3हसे माहाराजाक कुरा सुनिकुन जम्मइ जेना नाउ लेखिके आ-आफ्न पुर्खाक सहर जइल।
4उसे बेलायँ योसेफ पुनु गालिलक नासरतकमाटे यहुदियाक बेथलेहेम कलाहार राजा दाउद जर्मल सहरयँ जइल, किकेकने उसे दाउद राजाक खलक रहइ। 5योसेफक बिहाक कुरा मरियमसाङ छिन्ल रहइ। उसे बेलायँ मरियम पाउलाहारि रहि, उहइगुनेइ योसेफसाङ मरियम पुनु नाउ लेखाइके जइलि 6उसब उछिका भइल बेलायँ नइ मरियमक छावा जर्मालार बेला भइल। 7हसे मरियममेइ जेठा छावा पाउलि। छावाके थाङ्नाइ बेह्रिकुन गोठक डोडियँ सुतालि किकेकने उसबेइ होटलयँ बोसिके ठाउ निजपाउल।
सोर्गदुत र भेडा चरुहा
8उसे बेलायँ चरुहाँसब आफ्न भेडाक बगाल रुङिकुन बेथलेहेम नजिकइक जमारयँ रातभरि बोसिराख्ल रहत। 9उछिका परमप्रभुक एक्टा सोर्गदुत देखा पोर्ल र परमप्रभुक उजुङ उसब्क चारइपटि चम्कल। उअ उजुङ देखिकुन जम्मइ चरुहा डाराइकुन थुरथुर कामिके थाल्ल। 10तर सोर्गदुतेइ उसब्के कहिकेभइल “झुनडाराओ! किकेकने मोइ जम्मइ मानुससब्के बड्क आनन्द देलाहार खुसिक समचार लिकुन तेउह्र आघु अइल बाटम। 11सुनउ, आजु दाउदक सहरयँ तेउह्रासब्के बाचाइके लागि ख्रिस्ट जर्मिके भइल बाटत, जोनो चाहिँ प्रभु हखत। 12तोहेसब नान्हि छावाके थाङ्नाइ बेह्रिकुन डोडियँ सुताइराख्ल भेट्ताहाउ र तेउह्रासब्के लागि उहइ एक्टा चिना भइत।”
13हसे ओख्निहिँ अरु सोर्गदुतसब पुनु देखार पोरिकुन परमेसोरक गित गिदाइकुन प्रसम्सा करिके थाल्ल।
14“सोर्गयँ बोसिकेभइल परमेसोरके जयजयकार भइराखुस,
हसे ओनेन् पिर्थिबियँ जोनो मानुससाङ खुसि भइताहात्, उसबेइ सान्ति पाउस।”
15उछिसे सोर्गदुत सब सोर्गयँ फर्किकुन जइल, हसे भेडा चरुहाँसब एक-अर्कयँ कहिके थाल्ल, “आबे हामे बेथलेहेम जाहुँ र परमप्रभुइ कहिकेभइल घटनाक कुरा हेरउ।”
16उसब छिटो-छिटो जइल, उछिका मरियम, योसेफ र छावाके डोडियँ सुताइराख्ल भेट्ल। 17इसे देखिकुन सोर्गदुतेइ कहल कुरा सभइजेनाके चरुहाँसबेइ छावाक बारेयँ सुनाल। 18चरुहाँक कुरा सुन्लार जम्मइजेना छक्कइ पोर्ल। 19तर मरियममेइ सभइ कुरा आफ्निक मनयँ राखिकुन सोस्ते बोस्लि। 20सोर्गदुतेइ जे कहल उहइ सुन्ल र देख्ल गुनेइ परमेसोरके महिमा र प्रसम्सा कर्तिन चरुहाँसब फर्कल।
छावाक नाउ येसु राख्ल
21इस्राएलि कानुन अनुसार आठ दिन्क दिनयँ खतना करिकुन छावाक नाउ येसु राख्ल, जोनो नाउ चाहिँ ओनेन् उइयाक्क गर्भयँ आइकेकते आघुहिँ नइ सोर्गदुतेइ देल रहत।#लेबि १२:३; लुक १:३१
मन्दिरयँ येसुके अर्पन
22मोसाइ उसब्के देल कानुन अनुसार चोखेलाहार दिनयँ येसुके परमप्रभुक आघु अर्पन करिके यरुसलेमक मन्दिरयँ उइयाक-बुबाहिँक आन्ल,#लेबि १२:६-८ 23किकेकने परमप्रभुक कानुनयँ इसे लेख्ल बाटइ “आघु जर्मल बेटा छावाके परमप्रभुयँ अर्पन#२:२३ अर्पन परमेसोरक लागि छुटेल करिकेपोरित।”#प्रस्था १३:२,१२,१५ 24हसे परमप्रभुक कानुन अनुसार “एकजोर ढुकुरि अथबा परेवाक दुक्टा छावा”#लेबि १२:८ भोक चाढाइके आन्ल।
25उसे बेला यरुसलेमयँ सिमियोन नाउक मानुस बोस्तेरहइ। जोनो इस्राएलिसब्के बाचालारके असेइरलाहार धर्माति र परमेसोरक भक्ति कर्लाहार मानुस रहइ, पबित्र आत्मा#२:२५ पबित्र आत्मा परमेसोरक पबित्र आत्मा उक्रसाङ रहत। 26र “परमप्रभुइ पाठाइकेभइल बाचालार ख्रिस्टके नदेखिकुन तोइ नाइमोरस” कइकुन आघुहिँ पबित्र आत्माइ सिमियोनके थाहा देल रहत। 27पबित्र आत्माइ सिमियोनके डोरेइकुन मन्दिरयँ लेजिकेभइल। उहइ बेलायँ छावा येसुके उइयाक-बुबाहिँक परमेसोरक कानुनयँ लेख्ल बिधि पुरा करिके मन्दिरयँ आन्ल, 28हसे येसुके कोरायँ लेइकुन सिमियोननेइ परमेसोरक गित गिदातिन यस्के प्रसम्सा कर्ल,
29“हे परमप्रभु, तोहे आफ्न बाचा पुरा करिकेभइल बाटउ,
आबे मेराके तेउह्र बचन अनुसार सान्तिसाङ बिदा देइके हबखाइ।
30किकेकने मोइ आफ्नइ आखिसे तोहे पाठाइकेभइल बाचाइके अइलाहारके देखिके पाउल,
31जोख्राके तोहे सभइ जातक मानुससबेइ देखुस कइकुन पाठाइकेभइल बाटउ,
32 #
यसइ ४२:६; ५२:१० ओनेन् नइ गइर यहुदि मानुससब्के उजुङ देखालाहार पायड हखतकने,
ओनेन् नइ तेउह्र इस्राएलिसब्के महिमा देताहात्।”#यसइ ४२:६; ५२:१०
33छावाक बारेयँ सिमियोनेइ कहल कुरा सुनिकुन येसुक उइयाक-बुबाक छक्कइ पोर्ल। 34उसब्के सिमियोननेइ आसिक दिकुन मरियमके कहिकेभइल, “सुनुक्, इसे छावाके इस्राएलयँ धेरइके मासिके र बाचाइके लागि परमेसोरेइ छानिकेभइल हखत, जोख्राके धेरइ जेनाइ बिरोध करिकुन आफुक मन्क बिचारके देखाताहात्, किकेकने ओनेनेइ परमेसोरेइ देखाइकेभइल चिना हखत। 35ओस्न भइनेपार तिखो तरबारेइ छेड्ल जस्नइ तेर मन पुनु छियाछिया भइताहिर।”
36उछिका फनुएलक छाहिक् हन्ना जोनि चाहिँ आसेर घरान्क बुढि अगमबादिनि रहि। बिहा भइलक सात बर्सपाछु उसे बिधुइनि भइलि रहि। 37उसे चउरासि बर्सक पुग्लि रहि। तर उहि मन्दिर निजछाड्ते रहि, रातदिन मन्दिरयँ उपास बोसिकुन, पार्थाना करिकुन परमेसोरक आरधना कर्तेरहइ। 38उहइ बेलायँ आइकुन उहाइ पुनु परमेसोरके धन्यबाद देइकुन यरुसलेमयँ बाचालार पायड असेइकुन बोस्लाहार सभइके छावाक बारेयँ बाताइदेलि।
39हसे परमप्रभुक कानुन अनुसार सभइ कामकाज सकाइकुन छावाके लेइकुन मरियम र योसेफ गालिलक आफ्नइ नासरत सहरयँ फर्कल।#मति २:२३ 40दिन-दिनइ छावा येसु बढिकुन बल, बुद्धि र ग्यानसे भोर्ते जाइकेभइल र परमेसोरक अनुग्रह ओनेन्साङ रहइ।
मन्दिरयँ छावा येसु
41 #
प्रस्था १२:१-२७; बेब १६:१-८; लुक २२:८ बर्सेहुन येसुक उइयाक-बुबाक निस्तार पाब्नि#२:४१ निस्तार पाब्नि मोसाक बेलायँ परमेसोरेइ मिस्रकमाटे इस्राएलिसब्के दुखक बेलायँ छुट्कारा देइकेभइल दिनके सम्झिके लागि मानालार पाब्निके नइ निस्तार पाब्नि कताहिँ। मानिके यरुसलेम जइते रहत। 42जोख्निके येसु बाह्र बर्स#२:४२येसु बाह्र बर्स यहुदिक चलन अनुसार बाह्र बर्स पुग्नेपार उसे तन्धेरियँ गनिते रहइ पुगिकेभइल ओख्निके उसब्क रिति अनुसार छुट्काराक पाब्नि मानिके यरुसलेम जइल। 43पाब्नि ओराइकुन उसब घर फर्कल तर येसु चाहिँ यरुसलेमयँ बोसिके भइल जोनकुरा ओनेन्क उइयाक-बुबाके थाहाइ निजभइल। 44किकेकने येसु बगालसाङ अइतिन् हबाहाइ कइकुन ओनेन्क उइयाक-बुबाक दिनइभरि हिठ्ल। बेर भइलपाछु पुनु ओनेन्के निजभेट्तेखना उसबेइ साङ्घातिसब र नाता पर्लारक लघि खोजिके थाल्ल। 45कुछिहुन् छावाके निजभेट्ल गुनेइ, खोजिके उसब यरुसलेमपट्टि नइ फर्कल। 46उसबेइ येसुके हेरालक तिन दिनयँ मन्दिरयँ धर्मगुरुसाङ बोसिकुन, उसब्क कुरा सुनिकुन प्रस्न करिराख्ते भेट्ल। 47ओनेन्क सम्झलार दिमाग देखिकुन र ओनेनेइ देइकेभइल उत्तर सुनिकुन सभइ मानुस छक्कइ पोर्ल। 48उइयाक-बुबाक पुनु ओनेन्के देखिकुन छक्कइ पोर्ल, र ओनेन्के उइयाहिक कहलि, “बाबु, तोइ हाम्राइके छाडिकुन किति करिके मन्दिरयँ बस्ल? चाहुक्, तेर बुबार र मोइ धेरइ चिन्ताकरिकुन तेह्राके खोजिराख्ते रहिँर।”
49ओनेनेइ उसब्के कहिकेभइल, “मेराके किति करिके खोज्ते? मोइ मेर बुबाक घरयँ भइकेपरित कइकुन तेउह्रासब्के थाहा निजसे?” 50तर ओनेन्क कुरा उसबेइ नइजे बुझ्ल।
51ओमाटे ओनेनेइ उसबसाङ नासरत फर्किके भइल, हसे ओनेनेइ आफ्न उइया-बुबाकान्क अधिनयँ बोसिके भइल। ओनेन्क उइयाहिक सभइ कुरा मनयँ राख्लि। 52हसे येसु परमेसोरक अनुग्रहयँ ग्यान, बुद्धि र जिउडालयँ पुनु बहढ्तिन जाइके भइल।#१ समु २:२६; हितो ३:४
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 (Active), Mother Tongue Translators Society and Wycliffe Bible Translators, Inc. All rights reserved.