लुका 3
3
बप्तिस्मा देलाहार युहन्ना
(मति ३:१-१२; मर्कुस १:१-८; युहन्ना १:१९-२८)
1रोमि माहाराजा तिबेरिअसेइ राज्जे कर्लक पन्ध्र बर्स पुग्ल बेलायँ; पन्तियस पिलातस यहुदियाक बड्क हाकिम रहइ, उहइबेलायँ हेरोद गालिलयँ सासन कर्तेरहइ कने, उक्रइ भाइक फिलिपेइ इतुरिया र तराखोनितिसयँ, हसे लुसानियासेइ अबिलेनेयँ सासन कर्तेरहइ, 2उसे बेलायँ हन्नास र कइयाफा सभइसे बड्क पुजेहेरि रहत। परमेसोरक बचन उजाड-ठाउयँ जकरियाक छाहोक् युहन्नाक लघि अइल। 3हसे युहन्नाइ यर्दन खोलाक#३:३ खोलातिरान चारइपटि जाइकुन मानुससब्के, “पाप छेमा पाइके आ-आफ्न पाप छाड्ल बाटिहिँ कइकुन पर्मानक रुपयँ बप्तिस्मा लेओ, तेउह्रसब्क पाप परमेसोरेइ छेमा करिदेताहात् कइकुन प्रचार कर्ल।” 4#यसइ ४०:३-५यसइया अगमबक्ता#३:४ अगमबक्ता परमेसोरकमाटे कुरा पाइकुन अरु मानुससब्के बाताइदेलार मानुसइ युहन्नाक बारेयँ यस्के लेख्ल बाटइ:
“उजाड-ठाउयँ एक जेनाइ बड्क सोरेइ कहल:
‘परमप्रभु अइलाहार पायड तयार पारुक;
ओनेन् हिठ्लार पइडा सोझो बानाउक!
5सभइ खाल्टा-खुल्टि पुरिके पोरित,
डाँडासब सम्मेइके पोरित।
घुमाउरो पायड सोझेइके
र अस्कार पायड सजिलो बानाइके पोरित।
6हसे सभइजेनाइ परमेसोरेइ पाठाइके भइल बाचालारके देख्तात्!’”#यसइ ४०:३-५
7युहन्नाकलघि मानुससब्क भिड बप्तिस्मा लेइके अइल। युहन्नाइ कहल, “ए बिखालु सापक सन्तान! परमेसोरक दन्डकमाटे भागिके सक्ताहिँ कइकुन तेउह्रासब्के कोनेइ सिखाल?#मति १२:३४; २३:३३ 8तोहेसब आफ्न पाप छाडिकुन राम्र काम देखाओ। ‘हामे अब्राहामक सन्तान हखिहि’ कहतिन् उम्कताहि कइकुन मनयँ नाठान्ने भइत। मोइ तेउह्रासब्के कतेबाटम, इसे पाथरक माटे पुनु परमेसोरेइ अब्राहामक सन्तान बानाइके सक्ताहात्।#युह ८:३३ 9यख्निहि नइ टाङ्गि रुखक जरियँ पोरिसक्ल बाटइ। उहइगुनेइ राम्र फोर निजफोरालार सभइ रुखके काटिकुन आगियँ घुघाइदेइत।”#मति ३:१०; ७:१९
10युहन्नाके मानुससबेइ पुछ्ल, “ओसेकने हामे केकरिके पोरित?”
11युहन्नाइ जबाफ देल, “जोख्रासे दुक्टा दउरा बाटइ उहि नइजे भइलाहारके एक्टा देउस। हसे खइलाहार कुरा पुनु जोख्रासे बाटइ निजभइलारके देउस।”
12उछिका तिरो उठालारसब पुनु बप्तिस्मा लेइके अइल र युहन्नाके पुछ्ल, “गुरुजिउ, हामे किति करिकेपोरित?”#लुक ७:२९
13युहन्नाइ उसब्के कहल, “सरकारेइ तोक्ल कते बर्ता तिरो झुन् उठाओसब।”
14हसे सिपाहिसबेइ पुछ्ल, “हामे किति करिकेपोरित?”
युहन्नाइ उसब्के कहल, “कोख्राहुके करकापयँ पारिकुन र ठगिकुन पइसा नालेइके, बुरु आफ्नइ जेलायँ चित्त बुझाइके पोरित।”
15बाचाइके अइलाहार ख्रिस्टके मानुससबेइ असेइराख्ल रहत। हसे उसबेइ मनमनेइ “युहन्ना नइ ख्रिस्ट हखत कि?” कइकुन बिचार कर्तेरहत। 16उहइगुनेइ युहन्नाइ सभइके कहल, “मोइ तेउह्रासब्के पानिकमाटे बप्तिस्मा देतम, हसे मेरासे कते माहान एक जेना अइताहात्। जोक्र जुत्ताक तोनो फुचाइके पुनु मोइ लायक नइजे बाटम। ओनेनेइ तेउह्रासब्के पबित्र आत्मा र आगिसे बप्तिस्मा देताहात्। 17ओनेन्साङ फड्कलाहार सुप्पा बाटइ, गहुँ फड्किकुन पटहियँ थन्केतात्, हसे भुसाचाहिँ कइह्याउ निजबोतालाहार आगियँ जाराइदेताहात्।”
18युहन्नाइ मानुससब्के यस्न अरु धेरइ अर्ति देतिन् खुसिक समचार सुनाल। 19#मति १४:१; १४:३-४; मर्कु ६:१७-१८राजा हेरोदेइ भाइक दुलिहिक हेरोदियासके बिहा कर्लगुनेइ युहन्नाइ उख्राके साप्से झापारिकुन, उहाइ कर्ल दुस्ट काम पुनु देखाइ देल। 20हसे हेरोदेइ युहन्नाके झेलखानायँ घाल्देल यसेकरिकुन उहाइ आफ्न धेरइ दुस्ट काम मद्धेयँ अर्क एक्टा दुस्ट काम थप्ल।
येसुइ बप्तिस्मा लेइकेभइल
(मति ३:१३-१७; मर्कुस १:९-११; युहन्ना १:३२-३४)
21सभइ मानुससबेइ बप्तिस्मा लेइसक्लपाछु, येसुइ पुनु बप्तिस्मा लेइकुन पार्थाना करिराख्तेखना सोर्ग उघ्रल, 22र पबित्र आत्मा ढुकुरिक रुपयँ ओनेन्कलघि अइल बित्थिकइ सोर्गसे यस्न आबाज अइल, “तोइ मेर मायालु छाहोम् हखस, मोइ तेह्रासे एक्दमइ खुसि बाटम।”#उत २२:२; भज २:७; यसइ ४२:१; लुक ९:३५
येसुक पुर्खासब
(मति १:१-१७)
23येसुइ आफ्न काम सुरु कर्ल बेलायँ ओनेन्क उमेर तिस बर्स जत्का पुग्ल रहइ। मानुससबेइ ओनेन्के योसेफक छाहोक् हखत कइकुन ठान्तेरहत। योसेफ एलिक छाहोक् रहइ, 24एलि मत्तातक छाहोक्, मत्तात लेबिक छाहोक्, लेबि मल्किक छाहोक्, मल्कि यान्नाक छाहोक्, यान्ना योसेफक छाहोक्, 25यसिनकरिकुन योसेफ मत्ताथियासक छाहोक्, मत्ताथियास आमोसक छाहोक्, आमोस नहुमक छाहोक्, नहुम इसलिक छाहोक्, इसलि नग्गइक छाहोक्। 26नग्गइ माथक छाहोक्, माथ मत्ताथियासक छाहोक्, मत्ताथियास सेमइनक छाहोक्, सेमइन योसेखक छाहोक्, योसेख योदाक छाहोक् रहइ। 27योदा योआन्नक छाहोक्, योआन्न रेसाक छाहोक्, रेसा यरुबाबेलक छाहोक्, यरुबाबेल सालतिएलक छाहोक्, सालतिएल नेरिक छाहोक्, 28नेरि मल्किक छाहोक्, मल्कि अद्दिक छाहोक्, अद्दि कोसामक छाहोक्, कोसाम एलमादमक छाहोक्, एलमादम एर्क छाहोक्, 29एर् यहोसुक छाहोक्, यहोसु एलिएजरक छाहोक्, एलिएजर योरिमक छाहोक्, योरिम मत्तातक छाहोक्, मत्तात लेबिक छाहोक्, 30लेबि सिमियोनक छाहोक्, सिमियोन यहुदाक छाहोक्, यहुदा योसेफक छाहोक्, योसेफ योनानक छाहोक्, योनान एल्याकिमक छाहोक् रहइ, 31एल्याकिम मलेआक छाहोक्, मलेआ मिन्नाक छाहोक्, मिन्ना मत्ताथाक छाहोक्, मत्ताथा नातानक छाहोक्, नातान दाउदक छाहोक्, 32दाउद यिसइक छाहोक्, यिसइ ओबेदक छाहोक्, ओबेद बोअजक छाहोक्, बोअज सल्मोनक छाहोक्, सल्मोन नहसोनक छाहोक्, 33नहसोन अम्मिनादाबक छाहोक्, अम्मिनादाब आरामक छाहोक्, आराम हेस्रोनक छाहोक्, हेस्रोन फारेसक छाहोक्, फारेस यहुदाक छाहोक्, 34यहुदा याकुबक छाहोक्, याकुब इसहाकक छाहोक्, इसहाक अब्राहामक छाहोक्, अब्राहाम तेरहक छाहोक्, तेरह नाहोरक छाहोक्, 35नाहोर सरुगक छाहोक्, सरुग रउक छाहोक्, रउ पेलेगक छाहोक्, पेलेग एबेरक छाहोक्, एबेर सेलहक छाहोक्, 36सेलह केनानक छाहोक्, केनान अर्पछेदक छाहोक्, अर्पछेद सोमक छाहोक्, सोम नोआक छाहोक्, नोआ लेमेखक छाहोक्, 37लेमेख मतुसेलहक छाहोक्, मतुसेलह हनोकक छाहोक्, हनोक येरेदक छाहोक्, येरेद महलालेलक छाहोक्, महलालेल केनानक छाहोक्, 38केनान एनोसक छाहोक्, एनोस सेतक छाहोक्, सेत आदमक छाहोक्, आदम परमेसोरक छाहोक् रहइ।
Currently Selected:
लुका 3: DRY
Highlight
Share
Copy
Want to have your highlights saved across all your devices? Sign up or sign in
© 2024 (Active), Mother Tongue Translators Society and Wycliffe Bible Translators, Inc. All rights reserved.
