प्रेरित 5
5
हननिया रे सफिरा
1तर हननिया भुन्न्या एक जना मान्स थ्या। तनरि स्वानिको नाउँ सफिरा थ्यो। तिनुनले लइ आफना खेतबटहइ थोक्काइ बेच्यो। 2रे त्यो जमिन बेच्या मोलबटहइ तिनरि स्वानिका जानकारिमि केइ हिस्सा आफुसित राख्यो, रे केइ हिस्सा लेइबर प्रेरितनका जिम्मामि राख्दियो। 3तर पत्रुसले भुन्यो, “ए हननिया, क्याकि सइतानलाइ तेरा मनमि बस्स दिबर पबित्तर आत्मासित झुटो बोलि? रे क्याकि बेच्या जमिनबटहइ थोक्काइ पइसा आफनि निउति लुकाइबर राखि? 4त्यो बेचिन भन्ना पइलि लइ कि तेरोइ थेएन ब? रे त्यो बेच्या पाछा लइ तेराइ अधिकारमि थेएन ब? यसो काम अद्द्या बिचार तेरा ह्रिदयमि कसेरि आयो? तुइले मान्सनलाइ त हइन, रे परमेस्वरइलाइ छल्या छइ।” 5यो कुरा सुणिबर हननिया भुइयइन लोट्यो रे मर्यो, यो सुन्न्या जति सप्पइमि ठुलो डर छायो। 6तबइ ज्वान मान्सन उठिबर तइलाइ लत्ताले बेणि बाइर बोकिबर लइया, रे गाड्दियो।
7लगभग तिन घन्टापाछा हननियाकि स्वानि भितर आइ। तिनलाइ आफनो बइकान मर्या कुरा थाँ थेएन। 8पत्रुसले तइलाइ सोध्यो, “मुलाइ भुण, तमुले जमिन तत्तिमि बेच्या हउ?”
रे तइले भुन्यो, “हो, तत्तिमि हो।”
9तर पत्रुसले तइलाइ भुन्यो, “तमु दुएइले प्रभुका आत्मालाइ छल अद्द्या मिल्यामतो कसेरि अर्या? हेर, तेरा बइकानलाइ गाड्डयान देलिमि छन् रे तिनुनले तुलाइ लइ बोकिबर बाइर लइजान्या छन्।” 10रे तन्जेइ त्यो पत्रुसका खुट्टाइनि ढलि रे मरि। ज्वान मान्सन भितर आइबर तइलाइ मरिसकेइ धेकिबर बाइर बोकिबर लइया, रे तइका बइकानको लास नजिकइ गाड्दियो। 11यसो घटना भयापाछा मण्डलिका सप्पइ मान्सन रे यो कुरा सुन्यान जति सप्पइमि एकदमइ ठुलो डर छायो।
प्रेरितनबटहइ चिन रे चमत्कार भया
12आब प्रेरितनले भउत चिन रे अचम्मका काम मान्सनका बिचमि अद्दा थ्या रे तिनुन सप्पइ #५:१२ यो यरुसलेम मन्धिरका वरिपरि पणन्थ्यो, जइलाइ सोलोमनको दलान भुणिन्थ्यो। जइ ठउँर मान्सन हिटन्थ्या तइका मल्तिर पाखो हालियाथ्यो, यो ठउँर अउरजातिनको भेला हुन्या ठउँरका नजिकइ थ्यो। रे यो सार्बजनिक छेत्र थ्यो। १राजा ६:३; युहन्ना १०:२३; मा पाउछउ सोलोमन मन्धिरका खलामि सङइ जमा हुन्थ्या। 13तर अउर मान्सनले तिनुनसित घुलमेल हुन्या आटइ अरेन्, रे मान्सन तिनुनलाइ आदर अरन्थ्या। 14प्रभुमि बिस्वास अद्द्या बइकान मान्सन रे स्वानिनको संख्या झन बर्ता थपिनलाग्यो। 15या सम्मकि मान्सनले बाटा बाटामि बिमारिनलाइ लेया, रे पत्रुस आउन्ज्या तिनरो छाया मात्तरइ भया लइ तन बिमारिनमध्ये कसइ कसइमि पडउ भणि खाटमि रे बिस्तरामि स्याइराखन्थ्या। 16यरुसलेम वल्तिर पल्तिरका सहरनबटहइ लइ भउत मान्सनले बिमारिनलाइ रे फुचेरा आत्माले सतायानलाइ लेइबर आउथ्या रे तिन सप्पइ निका हुन्थ्या।
प्रेरितनलाइ सतावट
17ठुला पुजारि रे उनसित हुन्यान सदुकिले प्रेरितनको भउत रिस माणिबर डाहा अद्द लाग्या। 18रे तिनुनलाइ पकणिबर सार्बजनिक झेलखानामि हाल्दियो। 19रे प्रभुका एक स्वर्गदुतले रात झेलखानाको देलो खोल्दियो, रे प्रेरितनलाइ बाइर लेइबर भुन्यो, 20“जा रे मन्धिरमि खडा होइबर कभइ नमद्या जिबनका सारा सन्देस मान्सनलाइ सुणा।” 21यो सुण्यापाछा तिनुन भोलिबार ब्याहानइ मन्धिरमि गइबर मान्सनलाइ सिछ्या दिन लाग्या।
इसइ बिचमि ठुला पुजारि रे तिनुनसित हुन्यान सङइ आया, रे इज्राएलिनका माहासभाका सप्इ अगुवानलाइ बोलायो। तइपाछा प्रेरितनलाइ झेलखानाबटहइ ल्याउनाइलाइ सिपाइनलाइ पठायो।
22रे सिपाइनले तिनुनलाइ झेलखानामि नभेट्याहुनाले फर्कि आइबर यो रइबार दियो, 23“हामले झेलखानामि सुरछ्यासित ताला लाया रे चउकिदार देलिमि कल्लिया धेक्या, रे देलि उघाणन्ज्या त भितर कसइलाइ धेकेन।” 24यो सुनिबर मन्धिरका सिपाइका कप्तान रे मुख्य पुजारिन अचम्म पड्या, रे आब कि हुन्या हो भनिबर अलमलमि पड्या। 25तसइबेला एक मान्स आइबर तिनुनलाइ भुन्यो, “सुन, तमुले कइद अर्या मान्सन त मन्धिरमि कल्लिबर मान्सनलाइ इसुका बिसयमि सिछ्या दिन्नाछन्।” 26यसो सुनिबर सिपाइनका सङ मन्धिरका कप्तान गया रे प्रेरितनलाइ जबरजस्ति नअरिबर लेया, क्यालाइकि मान्सनले तिनुनलाइ ढुङाले हाणन्नाकि भुनिबर तिनुन डराया। 27तिनुनले प्रेरितनलाइ माहासभाका अगाडि कलेयो, रे ठुला पुजारिले तिनुनलाइ सोध्यो,
28“हामले तमुलाइ इसुका नाउँमि अज कसइलाइ केइ जन भुन्या भनिबर कडा आदेस दियाथ्या, तर तमुले त आफनो सिछ्या यरुसलेमभरि फिजाइसक्या, रे इसुलाइ मार्या दोस हामुलाइ पो लाउन् चाहान्छउ!”
29रे पत्रुस रे अउर प्रेरितनले भुन्यो, “मान्सनको भुन्ना परमेस्वरइको आग्या हामले मान्न पडन्छ। 30तमुले काठका कुस्रमि किल्ला ठोकिबर मार्या इसुलाइ हामरा पिता-पुरखाका परमेस्वरले उनलाइ मर्याबटहइ जिउना पाड्यो। 31इज्राएलिनले पस्साताप अरि पापबटहइ छिमा पाउन् भनिबर परमेस्वरले इसुलाइ मुक्ति दिन्या राजा बनाइबर आफना दाइनतिर आदरका ठउँर बसायो। 32यइ कुराका साछि हाम छउँ, रे परमेस्वरले उनरा आग्या मान्यान्लाइ दिया पबित्तर आत्माले लइ साछि दिन्नाछन्। 33रे जबइ उनुनले यो कुरा सुण्यो, तबइ माहासभाका अगुवान रिसले आगो भया, रे प्रेरितनलाइ माद्दया इछ्या आर्यो। 34तसइबेला गमलिएल नाउँ भया फरिसि सभाका अगाडि खडा भया। उन सप्पइले माण्या धर्म-गुरु थ्या। उनुले प्रेरितनलाइ एक्कइबेरइ निउति बाइर जान्या आग्या दियो। 35रे उनुले माहासभाका मान्सनलाइ भुन्यो, इज्राएलि हो, यिन मान्सलाइ तमुले जि अद्द्या सोच राख्या छउ, तइमि होस् अर। 36क्यालाइकि आजभन्ना अगाडि लइ थुदास भन्न्या एक जनो मान्सले आफुलाइ ठुलो मान्स हुँ भन्न्या दाबि अर्या थ्यो। लगभग चार सय मान्सन तइका पाछा लाग्या। त्यो मारियो, रे तइका पाछा लाग्द्दयान सप्पइ छरबट्ट भया। इसेरि तइको नाउँनिसानइ मेटियो। 37तइपाछा जनगणनाका समयमि गालिलको यहुदा भन्या मान्स धेकियो। भउत मान्सन तइका पाछा लाग्या। त्यो लइ मारियो रे तइका पाछा लागद्यान लइ छरबट्ट भया। 38तबइलाइ आब यइ मामिलामि मु तमुलाइ भुन्नउ, तिन मान्सनका बिरोधमि केइ जनअर, बर तिनुनलाइ छाड्दिय क्यालाइकि तिनुनको यो बिचार रे काम मान्स आफुबटहइ बनाया हो भन्या, त्यो आफुइ हराइबर जान्छ। 39तर यो काम परमेस्वरबटहइ हो भन्या, तमुले यइलाइ रोक्द सक्दानु, नति तमु परमेस्वरका बिरुद्दमि उठ्या हुन्या छउ।”
40तबइ सभाका मान्सनले गमलिएलका सर-सल्लाहा मान्यो। तिनुनले प्रेरितनलाइ भितर बोलाइबर हान्न लायो, रे इसुका नाउँमि अज कभइ लइ प्रचार जनअर्या भन्न्या कडा आदेस दिबर छाड्दियो। 41प्रेरितन माहासभाबटहइ बाइर आया रे परमेस्वरले हामुलाइ इसुका नाउँमि दुःख रे अमान सहन्या योग्यका बनाइया भनिबर तिनुन आन्नदले भरिपुर भया। 42तइपाछा तिनुनले दिनदिनि मन्धिरका वल्तिरपल्तिर रे मान्सनका घरघरमि गइबर इसुइ मुक्ति दिन्या ख्रिस्ट हुन् भुणि सिकाउन रे प्रचार अद्द छाडेन।
Currently Selected:
प्रेरित 5: DOTY
Highlight
Share
Copy
Want to have your highlights saved across all your devices? Sign up or sign in
© 2024 (Active), Mother Tongue Translators Society and Wycliffe Bible Translators, Inc. All rights reserved.
प्रेरित 5
5
हननिया रे सफिरा
1तर हननिया भुन्न्या एक जना मान्स थ्या। तनरि स्वानिको नाउँ सफिरा थ्यो। तिनुनले लइ आफना खेतबटहइ थोक्काइ बेच्यो। 2रे त्यो जमिन बेच्या मोलबटहइ तिनरि स्वानिका जानकारिमि केइ हिस्सा आफुसित राख्यो, रे केइ हिस्सा लेइबर प्रेरितनका जिम्मामि राख्दियो। 3तर पत्रुसले भुन्यो, “ए हननिया, क्याकि सइतानलाइ तेरा मनमि बस्स दिबर पबित्तर आत्मासित झुटो बोलि? रे क्याकि बेच्या जमिनबटहइ थोक्काइ पइसा आफनि निउति लुकाइबर राखि? 4त्यो बेचिन भन्ना पइलि लइ कि तेरोइ थेएन ब? रे त्यो बेच्या पाछा लइ तेराइ अधिकारमि थेएन ब? यसो काम अद्द्या बिचार तेरा ह्रिदयमि कसेरि आयो? तुइले मान्सनलाइ त हइन, रे परमेस्वरइलाइ छल्या छइ।” 5यो कुरा सुणिबर हननिया भुइयइन लोट्यो रे मर्यो, यो सुन्न्या जति सप्पइमि ठुलो डर छायो। 6तबइ ज्वान मान्सन उठिबर तइलाइ लत्ताले बेणि बाइर बोकिबर लइया, रे गाड्दियो।
7लगभग तिन घन्टापाछा हननियाकि स्वानि भितर आइ। तिनलाइ आफनो बइकान मर्या कुरा थाँ थेएन। 8पत्रुसले तइलाइ सोध्यो, “मुलाइ भुण, तमुले जमिन तत्तिमि बेच्या हउ?”
रे तइले भुन्यो, “हो, तत्तिमि हो।”
9तर पत्रुसले तइलाइ भुन्यो, “तमु दुएइले प्रभुका आत्मालाइ छल अद्द्या मिल्यामतो कसेरि अर्या? हेर, तेरा बइकानलाइ गाड्डयान देलिमि छन् रे तिनुनले तुलाइ लइ बोकिबर बाइर लइजान्या छन्।” 10रे तन्जेइ त्यो पत्रुसका खुट्टाइनि ढलि रे मरि। ज्वान मान्सन भितर आइबर तइलाइ मरिसकेइ धेकिबर बाइर बोकिबर लइया, रे तइका बइकानको लास नजिकइ गाड्दियो। 11यसो घटना भयापाछा मण्डलिका सप्पइ मान्सन रे यो कुरा सुन्यान जति सप्पइमि एकदमइ ठुलो डर छायो।
प्रेरितनबटहइ चिन रे चमत्कार भया
12आब प्रेरितनले भउत चिन रे अचम्मका काम मान्सनका बिचमि अद्दा थ्या रे तिनुन सप्पइ #५:१२ यो यरुसलेम मन्धिरका वरिपरि पणन्थ्यो, जइलाइ सोलोमनको दलान भुणिन्थ्यो। जइ ठउँर मान्सन हिटन्थ्या तइका मल्तिर पाखो हालियाथ्यो, यो ठउँर अउरजातिनको भेला हुन्या ठउँरका नजिकइ थ्यो। रे यो सार्बजनिक छेत्र थ्यो। १राजा ६:३; युहन्ना १०:२३; मा पाउछउ सोलोमन मन्धिरका खलामि सङइ जमा हुन्थ्या। 13तर अउर मान्सनले तिनुनसित घुलमेल हुन्या आटइ अरेन्, रे मान्सन तिनुनलाइ आदर अरन्थ्या। 14प्रभुमि बिस्वास अद्द्या बइकान मान्सन रे स्वानिनको संख्या झन बर्ता थपिनलाग्यो। 15या सम्मकि मान्सनले बाटा बाटामि बिमारिनलाइ लेया, रे पत्रुस आउन्ज्या तिनरो छाया मात्तरइ भया लइ तन बिमारिनमध्ये कसइ कसइमि पडउ भणि खाटमि रे बिस्तरामि स्याइराखन्थ्या। 16यरुसलेम वल्तिर पल्तिरका सहरनबटहइ लइ भउत मान्सनले बिमारिनलाइ रे फुचेरा आत्माले सतायानलाइ लेइबर आउथ्या रे तिन सप्पइ निका हुन्थ्या।
प्रेरितनलाइ सतावट
17ठुला पुजारि रे उनसित हुन्यान सदुकिले प्रेरितनको भउत रिस माणिबर डाहा अद्द लाग्या। 18रे तिनुनलाइ पकणिबर सार्बजनिक झेलखानामि हाल्दियो। 19रे प्रभुका एक स्वर्गदुतले रात झेलखानाको देलो खोल्दियो, रे प्रेरितनलाइ बाइर लेइबर भुन्यो, 20“जा रे मन्धिरमि खडा होइबर कभइ नमद्या जिबनका सारा सन्देस मान्सनलाइ सुणा।” 21यो सुण्यापाछा तिनुन भोलिबार ब्याहानइ मन्धिरमि गइबर मान्सनलाइ सिछ्या दिन लाग्या।
इसइ बिचमि ठुला पुजारि रे तिनुनसित हुन्यान सङइ आया, रे इज्राएलिनका माहासभाका सप्इ अगुवानलाइ बोलायो। तइपाछा प्रेरितनलाइ झेलखानाबटहइ ल्याउनाइलाइ सिपाइनलाइ पठायो।
22रे सिपाइनले तिनुनलाइ झेलखानामि नभेट्याहुनाले फर्कि आइबर यो रइबार दियो, 23“हामले झेलखानामि सुरछ्यासित ताला लाया रे चउकिदार देलिमि कल्लिया धेक्या, रे देलि उघाणन्ज्या त भितर कसइलाइ धेकेन।” 24यो सुनिबर मन्धिरका सिपाइका कप्तान रे मुख्य पुजारिन अचम्म पड्या, रे आब कि हुन्या हो भनिबर अलमलमि पड्या। 25तसइबेला एक मान्स आइबर तिनुनलाइ भुन्यो, “सुन, तमुले कइद अर्या मान्सन त मन्धिरमि कल्लिबर मान्सनलाइ इसुका बिसयमि सिछ्या दिन्नाछन्।” 26यसो सुनिबर सिपाइनका सङ मन्धिरका कप्तान गया रे प्रेरितनलाइ जबरजस्ति नअरिबर लेया, क्यालाइकि मान्सनले तिनुनलाइ ढुङाले हाणन्नाकि भुनिबर तिनुन डराया। 27तिनुनले प्रेरितनलाइ माहासभाका अगाडि कलेयो, रे ठुला पुजारिले तिनुनलाइ सोध्यो,
28“हामले तमुलाइ इसुका नाउँमि अज कसइलाइ केइ जन भुन्या भनिबर कडा आदेस दियाथ्या, तर तमुले त आफनो सिछ्या यरुसलेमभरि फिजाइसक्या, रे इसुलाइ मार्या दोस हामुलाइ पो लाउन् चाहान्छउ!”
29रे पत्रुस रे अउर प्रेरितनले भुन्यो, “मान्सनको भुन्ना परमेस्वरइको आग्या हामले मान्न पडन्छ। 30तमुले काठका कुस्रमि किल्ला ठोकिबर मार्या इसुलाइ हामरा पिता-पुरखाका परमेस्वरले उनलाइ मर्याबटहइ जिउना पाड्यो। 31इज्राएलिनले पस्साताप अरि पापबटहइ छिमा पाउन् भनिबर परमेस्वरले इसुलाइ मुक्ति दिन्या राजा बनाइबर आफना दाइनतिर आदरका ठउँर बसायो। 32यइ कुराका साछि हाम छउँ, रे परमेस्वरले उनरा आग्या मान्यान्लाइ दिया पबित्तर आत्माले लइ साछि दिन्नाछन्। 33रे जबइ उनुनले यो कुरा सुण्यो, तबइ माहासभाका अगुवान रिसले आगो भया, रे प्रेरितनलाइ माद्दया इछ्या आर्यो। 34तसइबेला गमलिएल नाउँ भया फरिसि सभाका अगाडि खडा भया। उन सप्पइले माण्या धर्म-गुरु थ्या। उनुले प्रेरितनलाइ एक्कइबेरइ निउति बाइर जान्या आग्या दियो। 35रे उनुले माहासभाका मान्सनलाइ भुन्यो, इज्राएलि हो, यिन मान्सलाइ तमुले जि अद्द्या सोच राख्या छउ, तइमि होस् अर। 36क्यालाइकि आजभन्ना अगाडि लइ थुदास भन्न्या एक जनो मान्सले आफुलाइ ठुलो मान्स हुँ भन्न्या दाबि अर्या थ्यो। लगभग चार सय मान्सन तइका पाछा लाग्या। त्यो मारियो, रे तइका पाछा लाग्द्दयान सप्पइ छरबट्ट भया। इसेरि तइको नाउँनिसानइ मेटियो। 37तइपाछा जनगणनाका समयमि गालिलको यहुदा भन्या मान्स धेकियो। भउत मान्सन तइका पाछा लाग्या। त्यो लइ मारियो रे तइका पाछा लागद्यान लइ छरबट्ट भया। 38तबइलाइ आब यइ मामिलामि मु तमुलाइ भुन्नउ, तिन मान्सनका बिरोधमि केइ जनअर, बर तिनुनलाइ छाड्दिय क्यालाइकि तिनुनको यो बिचार रे काम मान्स आफुबटहइ बनाया हो भन्या, त्यो आफुइ हराइबर जान्छ। 39तर यो काम परमेस्वरबटहइ हो भन्या, तमुले यइलाइ रोक्द सक्दानु, नति तमु परमेस्वरका बिरुद्दमि उठ्या हुन्या छउ।”
40तबइ सभाका मान्सनले गमलिएलका सर-सल्लाहा मान्यो। तिनुनले प्रेरितनलाइ भितर बोलाइबर हान्न लायो, रे इसुका नाउँमि अज कभइ लइ प्रचार जनअर्या भन्न्या कडा आदेस दिबर छाड्दियो। 41प्रेरितन माहासभाबटहइ बाइर आया रे परमेस्वरले हामुलाइ इसुका नाउँमि दुःख रे अमान सहन्या योग्यका बनाइया भनिबर तिनुन आन्नदले भरिपुर भया। 42तइपाछा तिनुनले दिनदिनि मन्धिरका वल्तिरपल्तिर रे मान्सनका घरघरमि गइबर इसुइ मुक्ति दिन्या ख्रिस्ट हुन् भुणि सिकाउन रे प्रचार अद्द छाडेन।
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2024 (Active), Mother Tongue Translators Society and Wycliffe Bible Translators, Inc. All rights reserved.