लुका 11
11
इसुले सिकाया प्रार्थना
(मत्ति ६:९-१३; ७:७-११)
1एक दिन इसु एक ठउँर प्रार्थना अद्दाथ्या। उनुले प्रार्थना अरि सक्या पाछा सिस्यानमिको एक जनाले उनलाइ भुन्यो, “हे प्रभु, युहन्नाले आफना सिस्यानलाइ प्रार्थना अद्द सिकायाजसेरि हामुलाइ लइ सिका।”
2उनुले तिनुनलाइ भुन्यो, तमुले प्रार्थना अरनज्या यसो भुण,
“हे पिता, तमरो नाउँ पबित्तर अरियोस।
तमरो राज्य आइजाउ।
3हामरो दिनभरिको खानाइ हामुलाइ दिया।
4हामरा पाप छिमा अरिदिय।
क्यालाइकि हामलइ हामरा बिरुद्मि पाप अद्यालाइ छिमा अद्दाउ।
हामुलाइ परिछ्यामि पड् जनदिया।”
5रे उनुले तिनुनलाइ भुन्यो, “मानउ, तमु मध्ये कसइ एक जनाको सङि छ। तन आधा रातमि सङिका वाँ जाइबर भुन्नाहान्, ए सङि, मुलाइ तिन रोटा पइचो दिय। 6क्यालाइकि मेरा एक जना सङि यात्राबटहइ मेरा वाँ आइरइछन्, रे तिनलाइ खानाइ दिनाइलाइ मुसित केइ आथिन्।” 7तइ सङिले भित्रबटहइ भुन्यो, “मुलाइ दिक्क जन्ला। देलो बन्द अरि सक्याछु, रे मेरा चेला-चेलि मुसित सिरइछन्। मु उठिबर तमलाइ केइ दिन सक्दइन।” 8इसुले तिनुनलाइ भुन्यो, “सङिका नाताले उनुले तनलाइ केइ नदिया लइ तनले मागि रयाले उठिबर उनुले चाया जति दिन्याछन्। 9मु तमुखि भुन्नउ, माग त तमुलाइ दिइन्या छ। खोज त तमु पाउन्याछउ, घचघच्या त तमरि निउति देलो खोलिन्या छ। 10क्यालाइकि जइले मागन्छ तइले पाउछ, जइले खोजन्छ तइले भेटाउन्छ। जइले घचघच्याउन्छ तइकि निउति खोलिन्या छ। 11तममि हइ को बा होलो जइका चेलाले रोटो मागनज्या तइलाइ ढुङा दिन्छ, रे माछा मागनज्या स्याप दिन्छ? 12यात अन्डा मागनज्या बिच्छि दिन्छ? 13तमु दुस्ट होइबर त आफना चेला-चेलिलाइ निका कुरा दिन जाणन्छउ भन्या तमरा पिता जो स्वर्गमि बस्साहान् उनसंग माग्द्यालाइ कति बर्ता अरिबर पबित्तर आत्मा दिनाहान्।”
इसु रे बालजिबुल
(मत्ति १२:२२-३०; मर्कुस ३:२०-२७)
14एक दिन इसुले भुत लागिबर बोल्ल नसक्द्या मान्सबटहइ भुत निकाल्लाथ्या। तइ मान्सबटहइ भुत निकलबर गया पाछा त्यो मान्स बोल्ल सक्द्या भयो। यो धेकिबर मान्सन अचम्ममि पड्या। 15तिन मान्स मध्ये कसइ कसइले भुन्यो, “भुतको मालिक बालजिबुल#११:१५ बालजिबुल भन्या सइतानको अर्खो नाम हो। रे भुतको राजा लइ हो।का सक्ति बटहइ तइले भुत निकालन्छ।”
16अउरले उनरो जाँच अद्दाइलाइ उनसङ स्वर्गबटहइ एक चिन्ह माग्यो। 17रे तिनरा मनइअसल रइबार जाणिबर इसुले तिनुनलाइ भुन्यो, “जइ राज्यमि फुट हुन्छ, त्यो रन्या आथिन्, रे जइ घरमि फुट हुन्छ, त्यो नास हुन्या छ। 18सइतानको लइ आफुसितफाटो भयाले तइको राज्य कसेरि रलो? क्यालाइकि तमु भनन्छउ कि मु बालजिबुलका सक्ति बटहइ भुत धपाउनउ। 19मु बालजिबुल बटहइ भुत धपाउनउ भन्या, तमरा सिस्यानले कइका सक्ति बटहइ भुत धपाउनाहान् ब? तबइलाइ तमरा सिस्यानले तमुले अर्या गलत कुरा धेकाइदिहान्। 20रे मुइले परमेस्वरका सक्तिले भुत निकाल्या भन्या परमेस्वरको राज्य तममि आइसक्याछ।
21“हतियार बोग्द्या बलियो मान्सले घरको हेरबिचार अर्यो भन्या सप्पइ मालसामान सुरछित रनाहान्। 22रे तइभन्ना बलियो मान्स आइबर तइसित जाइ लागिबर जित्यो भन्या, उइले भर पड्या तइका जम्माइ हतियार खोसिबर लइजान्छ, रे तइका मालसामान लुटिबर आफना मान्ससित बाणन्छ।
23“जो मेरा पछ्यमि आथिन्, त्यो मेरा बिरुदमि हुन्छ, रे जइले मुसित बटुल्लइन्, तइले छर्बट् पाणन्छ।
भुत आत्मा फर्किबर आउछ
(मत्ति १२:४३-४५)
24“जब कसइ मान्सबटहइ भुत आत्मा निकलिबर जान्छ, रे त्यो उजाड ठउँर पुगन्छ रे आराम अद्द खोजन्छ। रे काइलइ ठउँर नपाइबर तइले भणन्छ, ‘मु निकलिबर आया मेराइ घर जानउ।’ 25जब त्यो फर्किबर आउछ त्यो घर झाडिबर सजाइ राख्या धेकन्छ। 26रे त्यो जाइबर आफु सित अउर सात भुत आत्मा सङइनि लेइबर आउछ, तिनुन तइ भित्र पस्साहान रे बास अद्दाछन्् तइ मान्सको दसा पइलिका हइ पाछा अज फुचेरो हुन्छ।”
साँचो आसिस
27इसुले इन कुरडि बोल्लाबोल्लाइ भिडबटहइ कसइ स्वानिले कला हालिबर भुन्यो, “धन्यकि हुन तिन स्वानि जइले तमलाइ जन्मायो रे आफनो दुद ख्वायो।”
28रे इसुले भुन्यो, “धन्य हुन तिनुन जइले परमेस्वरको बचन सुन्नाहान् रे मान्नाहान्।”
मान्सनले चिन्ह खोज्यो
(मत्ति १२:३८-४२)
29भिड बडन्ज्या उनुले भुन्यो, “येइ पुस्ताका दुस्ट मान्सनले चिन्ह खोज्जाहान्, रे योना अगमबक्ताको चिन्ह बाहेक इनुनलाइ अउर चिन्ह दिइन्या आथिन्। 30क्यालाइकि जइ रितिले योना निनबेका मान्सनकि निउति चिन्ह भया थ्या, तसइ रितिले मान्सको चेलोलइ यइ पुस्ताखिलाइ चिन्ह हुन्या छ। 31न्यायका दिनमि यइ पुस्ताका मान्सनलाइ दछिण देसकि रानिले उठिबर इनुनलाइ दोस लाउन्या छन्, क्यालाइकि तिन धर्तिका पल्ला छेउबटहइ सोलोमन राजाको बुद्दिका कुरा सुन्नाइलाइ आएइ थिन्। रे हेर, याँ एक जनो छ, जो सोलोमन राजा भन्नालइ ठुला छन्। 32निनबेका मान्सनले न्यायका दिनमि यइ पुस्तासित कल्लिबर यिनुनलाइ दोस लाउन्या छन्, क्यालाइकि तिनुनले योनाका प्रचारमि पस्याताप अर्याथ्यो, रे हेर, याँ एक जनो छ जो योना हइ माहान छन्।
सरिलको बत्ति
(मत्ति ५:१५; ६:२२-२३)
33“कसइले बत्ति बालिबर भाँडाले छोप्दइन या लुकाइबरलइ राख्दइन, रे भित्र आउन्या सप्पइले उजालो धेकन्ना भनिबर उच्चा ठउँर राख्दाहान्। 34तमरो सरिलको बत्ति तमरो आँखा हो। तमरा आँखा ठिक छन् भन्या तमरो पुराइ सरिल उज्यालो हुन्छ, रे त्यो खराब छ भन्या तमरो पुराइ सरिल अन्यारो हुन्छ। #११:३४ क्यालाइकि यहुदिनकि निउति, अउरसित निकेरि ब्याबहार अद्या बुजाउथ्यो भन्या, “खराब नजरले,” लोबि भन्या बुजाउथ्यो। 35तबइलाइ बिचार अर, तमुमिको उज्यालो अन्यारो जन हउ। 36रे तमरो पुराइ सरिल उज्यालो छ भन्या, रे केइ भागलइ अन्यारो आथिन् भन्या त्यो पुराइ उज्यालो हुन्छ, जसेरि बत्तिका उज्यालाले तमुलाइ चमक दिन्छ।”
फरिसि रे धर्म-गुरुलाइ इसुको चेतावनि
(मत्ति २३:१-३६; मर्कुस १२:३८-४०)
37इसुले बोलिसक्या पाछा एक जनो फरिसिले उनलाइ खाना खानाइलाइ बोलायो। उन घरभित्र जाइबर खाना खानालाइ बस्या। 38रे इसुले खाना खानाहइ पल्लि हात नधोया धेकिबर तन फरिसि अचम्ममि पड्या। 39रे प्रभुले तिनुनलाइ भुन्यो, “तम फरिसि कटउरा रे थालका बाइर माजन्छउ, रे तमरा मन भित्र लोभ रे दुस्टताले भरिया हुन्छ। 40मुर्ख मान्स हो, जइले बाइरको भाग बनायो, तसइले भित्रको लइ बानाया हइन ब? 41रे गरिबनलाइ दान दिय, रे तमरि निउति सप्पइ कुरा सुद्द हुन्या छ।”
42“धिक्कार तम फरिसिलाइ! क्यालाइकि तम पुदिना, मेथि, जडिबुटि जसानको दसाम्स दिन्छउ। न्याय रे परमेस्वरलाइ पिरिम अद्या कुरामि वास्ता अद्दानु, यिनइ कुराका सङसङइ तमुले न्याय रे पिरिम अद्द पणन्थ्यो।”
43“तमु फरिसिलाइ धिक्कार! क्यालाइकि तम सभाघरमि सम्मान पाउन्या ठउँर रे बजारमि अभिबादन चाहान्छउ। 44धिक्कार तमुलाइ! क्यालाइकि तमु नधेकिन्या च्याहान जसा छउ, तसा नधेकिन्या च्याहानबटहइ थाइ नपाइबर मान्सन हिट्टाहान्।”#११:४४ तिन दिनमि, यहुदिनले च्याहानमि चिन्ह लाउथ्या क्यालाइकि कसइले तइमि कुचल्यो भन्या, त्यो असुद्द हुन्थ्यो। यहुदि जइले तसेरि च्याहान छोयाले सात दिनसम्म बिधिअन्सार असुद्द हुन्या अरन्थ्या। गन्ति १९:१६
45परमेस्वरका निएम सिकाउन्या मध्ये एक जनाले उनलाइ भुन्यो, “गुरुज्यु, इन कुरडिअरिबर तमले त हामरोलइ बेजत अरन्छउ।”
46इसुले भुन्यो, “तम ब्यबस्था सिकाउन्यालाइ लइ धिक्कार! क्यालाइकि बोक्द नसकद्या धर्म-कर्मको गरुवा भारि मान्सलाइ बोकाउछउ। रे तम आफुइ भन्या तइ गरुवा भारिलाइ एक अउलाले लइ छुनानु।” 47धिक्कार तमलाइ! क्यालाइकि तमरा पुर्खाले मार्या अगमबक्ताका च्याहान बनाउछउ। 48इसेरि तम आफना पुर्खानले अर्या कामका साछि छउ रे तिनसित सहमत हुन्छउ, क्यालाइकि तिनले अगमबक्तालाइ मार्या हो, रे तमु उनरा च्याहान बनाउछउ। 49तबइलाइ परमेस्वरले आफना बुद्दि बटहइ भन्नाहान्, “मु तमरा वाँ अगमबक्ता रे प्रेरित पठाउन्या छु। रे उनुन मध्ये कसइलाइ तिनुनले माद्याछन् रे कसइलाइ सताउन्याछन्। 50तसेरि सन्सारका सुरुबटहइ जम्माइ अगमबक्तानका रगतको दोस यइ पुस्तासित लिइन्या छ। 51हो, मु तमखि भन्नउ, हाबिलको रगत बटहइ लेइबर बेदि रे मन्धिरको पबित्तर ठउँरमि मारिया जकरियासम्मका रगतको लेखा यइ पुस्तासित लिइन्या छ।#११:५१ पुराना नियममि मारिया पइलो मान्स हाबिल थ्यो, भन्या जकरिया अन्तिम (उत्पति ४:८ रे २ इतिहास २४:२०-२२)। हिब्रु बाइबलमि इतिहासका किताबलाइ अन्तिम तहमि राखिया छन् भन्या जनभुल।
52“धिक्कार तम परमेस्वरका निएम सिकाउन्यालाइ! क्यालाइकि तमले ग्यानको साँचो लिन त लिया रे तम आफुइ भित्र गयानु रे अउर आउन्यालाइ लइ आउन दियानु।”
53इसु ताँ बटहइ निकल्या, फरिसिनले उनरो भउत बिरोध अद्दाइ कद्बइ बिसयमि उनलाइ सोधपुछ अद्द लाग्या, 54रे उनुले जवाफ दिन्ज्या काइ केइ भुल भेटिन्छ कि भनिबर तिनुन उनरो मउका हेद्दलाग्या।
Currently Selected:
लुका 11: DOTY
Highlight
Share
Copy
Want to have your highlights saved across all your devices? Sign up or sign in
© 2024 (Active), Mother Tongue Translators Society and Wycliffe Bible Translators, Inc. All rights reserved.
