Lukas 1
1
ONTOPORUA 1.
Ehipopiro rja Lukas ketameko.
1Oshoka ojendji oja tameke okutshanga ehepururo rjiinima, mbi ja ningua mokati ketu,
2Ngashi je tu epururirua ku mbeja, mba ja ri eentari, jo aarongi johapu okuza ketameko,
3Otsho nduno na ngashi ja randuracana, ngaje sho nda kongo omurombo guotshiri mu ajishe mbi okuza ketameko, Theofilus omuorike,
4Opo u mone otshiri tsheehapu, mu di ua rongua.
Okuvarua kua Johannes taku uvicua.
5Muujuni ua Herodes, omukuaniirua gua Judea, omua ri mu nomupristeri, edina rje Zakarias, momutete guaapristeri, gua Abias. Omukiintu gue okua zi kaana ja Aaron, edina rje Elisabeta.
6Ajeshe jaari oja ri ju uka momesho ga Karunga, jo je ende miipango ajishe no meemukaro da Muene nediginino.
7Oja ri kaa naanona, oshoka Elisabeta okua ri ontimbe, jo ajeshe jaari ri ja koka, jo ja ninga esiku.
8Tsha ningua nduno, sho ta rongo iironga je juupristeri momesho ga Karunga morufo ruomutete gue.
9He to ogororua komukaro guaapristeri okuha montempeli ha Muene, a ninge egano rjotshitsinino.
10Ongundu onene haantu hi ri ruopondje, tahi garikana petango rjotshitsinino.
11Oko hoka omujengeli gua Muene e mu orokera, ta cikama korurjo ruohaltari hotshitsinino.
12Nde Zakarias a tira, sho e mu mono, he ta kekama.
13Nd’omujengeli ta ti ku he: Ino tira, Zakarias, oshoka egarikana rjohe orji iteerua, omukiintu guohe Elisabeta ote ke ku varera ko omumati, nguee to mu ruku Johannes.
14He one ku etere enjanju nerago, jo ojendji onaa njanjukirua okuvarua kue;
15Oshoka ona ningi omunene motshipara tsha Muene. Omavinju niikunua iidigu ite ke ji nua. Onu udua Ombepo Ondjapuki, manka e ri mera rja hina.
16Ojendji maana ja Israel one ja garurire ku Muene, Karunga kauo.
17One mu tetekerere mombepo no meenkondo da Elias, opo a ronge ojana omadiradiro gooshe, na mb’inaji iteera, te ja rongo uunongo nehuko, nde ta rongikidire Muene orudi orujapuki.
18Nde Zakarias ta rombuere omujengeli: Shino otii tshi tshiua ngiini, oshoka onda kurupa, nomukiintu guandje uo a ninga esiku.
19Omujengeli h’ota jamukura, ta ti ku he: Ongaje Gabriel, ohandi cikama kotshipara tsha Karunga, nda tumua, ndi ku rombuere, ngaje ndi ku etere omurombo ngu guenjenjanju.
20Nde tara, oto kara ua sit’eui, ngueje ito popi ue sigo okesiku tuu ndika, iinima mbi naji ningua, oshoka ino iteera eehapu dandje, di tadi ka guanicua pecimbo rjado.
21Aantu oja tegerere Zakarias, jo ja kumua ko, sho a kara orure montempeli.
22Sho a zi mo nduno, ina tshiua okupopja na jo. Naangashiingika oja dimburura, nokutja okua mono mo ehororo montempeli. Te ja kundu nomake, ndere a kara a muena.
23Omasiku giironga je sho ga pu ko, okua tshuna kaandje.
24Konima homasiku ngano Elisabeta, omukiintu gue, okua tuumba, he to orama eemuedi ntano, nde ta ti:
25Muene otsho a ningira ndje ngii pomasiku ngano, sho a tara ndje mondjeerera, a kuca ndje egugue maantu.
Omujengeli Gabriel pu Maria.
26Momuedi omutikanekamue nduno omujengeli Gabriel okua tuminua ku Karunga e je momukunda mu Galilea,
27E ja komukadona, h’a ri a jarua komurumentu, edina rje Josef, a zire mezimo rja David; edina rjomukadona Maria.
28Omujengeli h’okue ja mo, nde ta ti ku he: U kundue ngueje, u uda oshenda. Muene ohe e ku na. Ongueje ua simanekua mokati kaakiintu.
29Hera e tshu uvu, okua aruka komurombo gue, he ti ipura, nokutja ekundo ndika orja tshike.
30Nd’omujengeli te mu rombuere: Ino tira, Maria, oshoka oua mona oshenda ku Karunga.
31Tara, ono ningi omusimba, nde to ka vara okamati, to ka ruku edina rjako Jesus.
32Ohe ta ka ninga omunene, he ti icanua Omumua gomombandambanda, Muene Karunga one mu pe otshipundi tsha she David. He ona pangere egumbo rja Jakob sigoosigo.
33Uukuaniirua ue kau na mpa nau shuru po.
34Maria ta pura omujengeli: Shino otatshi ka ningua ngiini, ngaje kandi tshi omurumentu.
35Nd’omujengeli ta jamukura, ta ti ku he: Ombepo Ondjapuki otahi ja hi ku nambere, neenkondo da ngo mombandambanda otahi ku siikire ng’omuzire. Ano otshijapuki, shi tatshi ka varua ku nguee, natshi tiue Omumua Karunga.
36Tara, itshee omukueni Elisabeta, na he uo okua mona okamati muukuruntu ue, oku ri momuedi omutikanekamue, ngu a ri a tiua ka vara.
37Oshoka kapena shi tatshi njenge Karunga.
38Maria he ta ti nokuri: Tara, ngaje omupija gua Muene, nandi ningue ngashi ua ti. Nd’omujengeli ta zi po pu he.
Maria ta hi ku Elisabeta.
39Inapu piti omasiku ogendji, Maria tahi nzija mondundu komukunda guotshirongo Juda.
40Nde te ja megumbo rja Zakarias. He ta kundu Elisabeta.
41Tsha ningi, Elisabeta sho a huvu ekundo rja Maria, okanona oka nuka kenjanju mera rje, nde Elisabeta tu udua Ombepo Ondjapuki.
42He ti igida neui enene, ta ti: Ngueje ua simanekua mokati kaakiintu, nomuvarua guomera rjohe okua simanekua uo.
43Shino otsha zire ndje peni, hina ha Muene sho e ja ku ngaje?
44Oshoka, tara, eui rjekundo rjohe sho rje ja kokutsi kuandje, okanona oka nuka kenjanju mera rjandje.
45Ngueje omunerago, oshoka oui iteera, kutja otatshi ka guanicua, shi tsha popiua ku Muene.
46Nde Maria ta ti: Omuenjo guandje otagu amberere Muene pombanda.
47N’ombepo handje otahi rigorere Karunga, omukuriri guadje.
48Oshoka okua tara uushupi uomupija gue. Tara, kongashiingika omarudi ageshe otaga simaneke ndje omunerago.
49Oshoka iinima iinene okue ji ningira ndje, h’Omunankondo, nedina rje ejapuki.
50Esiroshenda rje rjo otari ka cika komazimo nomazimo ku mba haa mu tira.
51He okua ronga iirongankondo nokooko kue, h’ota sharakanica mba haji inenepeke nokuinoma ko meemuenjo dauo.
52Oku undura ko kiipundi aanankondo, nd’okua renga aashupi.
53Okua kutica aakuandjara niinima iiuanaua, nd’okua rareka aajamba ja he ouara.
54Okuo ogorora Israel, omupija gue nokumudimburukua mesiroshenda rje.
55Ngashi a tire kootate, ku Abraham no koruvaro rue sigoosigo.
56Nde Maria okua menekere po ngaa pu Elisabeta eemuedi da ada ku ndatu, h’ota tshuna kegumbo ku Nazaret.
Okuvarua kua Johannes.
57Ecimbo sho rja ciki, Elisabeta a vare, okue eta ko okamati.
58Aatshiinda naakuauo sho je tshu uvu, kutja Karunga okue mu ningira esiroshenda enene, oja njanjukua puamue na he.
59Tsh’otsha ningi ano, omasiku uunutatu sho ga piti po, jo je ja, ja fukareke okamati. Taa ka ruku edina rja she Zakarias.#1:59 Mesiku etinuutatu kutja mesiku rjepico she nenge gumue guo maakuauo ota p’okanona okamati okajuda edidiriko rjuujuda morutu, rue, ko taka fukaruekua. Otsho Jesus e ri peua, tara Luk 2:21
60Nde hina ta ti ku jo: Aaue, naka rukue Johannes.
61Jo taa mu jamukura, taa ti: Maakueni kamu na ngu a rukua edina ndi.
62Nde taa rapa she, je mu pure, nokutja ote mu rukica ngiini.
63H’oti indire okatshangico, nde ta tshanga eehapu: Edina rje Johannes. Ajeshe oja ri ja kumua ko.
64No pokarara oko hoka eui rje orja cituruka, tsh’otsho eraka rje rja manguruka, he ta amberere Karunga, ta tshiua okupopja.
65Ajeshe jo muutshiinda jo ja kuatua kembandaro, nd’omurombo guiinima mbi ajishe gu uvikirua apeshe mpo meendundu da Judea.
66Ajeshejeshe mba je tshu uvu, jo oje tshi ipura uo meemuenjo dauo, taa ti: Omunona ona ningi omukuatshike, oshoka eke rja Muene orja ri ngaa pu he?
67Nde Zakarias oku uda Ombepo Ondjapuki, he ta shunganeke, ta ti:
68Na simanekue Muene, Karunga ka Israel, oshoka okua tarera po aantu je, he e ja rongera ekuriro.
69Oruinga ruehupico okue ru tu tungire megumbo rja David, h’omupija gue.#1:69 Oruinga mumue neehapu da fa dika, rua tshangua uo meepsalmi: nokutja eenkondo, uufure, uujamba.
70Ngashi a shunganekere mokana kuaaprofeti je aajapuki jonare.
71E tu upice kaaniita na sse no miikasha jajeshe, mba je tu tonde.
72He a monica esiroshenda ootate, a dimburukua eguaneno rie ejapuki.
73Negano, ndi a ganenene tate Abraham, nokutja ote tu kuaca.
74Tu upicue miikasha jaatondi jetu, sse tu mu rongere, katu nuumbanda.
75Nuujapuki nehuko miipaci je omasiku getu ageshe.
76Nde nguee, kamati, oto ka rukua omuprofeti gua guOmombandambanda, oshoka oto tetekere kotshipara tsha Muene, u mu parere ondjira he.
77Ngueje u fare aantu je kokutshiua ehupico, ndi ri ri mediminopo rjeendjo dauo.
78Moru esiroshenda, ndi rja za muii momuenjo gua Karunga ketu, mu mue tu zira eruua rjomombanda.
79Opo ri tu etere uujerere atushe, mba tua kaatumba meemurema no meemuzire dokusa, rjo ri ture eempadi detu mondjira hombiri.
80Nd’omumati a koko, he ta koro mombepo, h’okua kara mombuga sigo okesiku ndija ti ihororere aahisrael.
Currently Selected:
Lukas 1: KWM
Highlight
Share
Copy
Want to have your highlights saved across all your devices? Sign up or sign in
Omission Heklesia Ekatolika, 1951. Namibian Catholic Bishops Conference.
Lukas 1
1
ONTOPORUA 1.
Ehipopiro rja Lukas ketameko.
1Oshoka ojendji oja tameke okutshanga ehepururo rjiinima, mbi ja ningua mokati ketu,
2Ngashi je tu epururirua ku mbeja, mba ja ri eentari, jo aarongi johapu okuza ketameko,
3Otsho nduno na ngashi ja randuracana, ngaje sho nda kongo omurombo guotshiri mu ajishe mbi okuza ketameko, Theofilus omuorike,
4Opo u mone otshiri tsheehapu, mu di ua rongua.
Okuvarua kua Johannes taku uvicua.
5Muujuni ua Herodes, omukuaniirua gua Judea, omua ri mu nomupristeri, edina rje Zakarias, momutete guaapristeri, gua Abias. Omukiintu gue okua zi kaana ja Aaron, edina rje Elisabeta.
6Ajeshe jaari oja ri ju uka momesho ga Karunga, jo je ende miipango ajishe no meemukaro da Muene nediginino.
7Oja ri kaa naanona, oshoka Elisabeta okua ri ontimbe, jo ajeshe jaari ri ja koka, jo ja ninga esiku.
8Tsha ningua nduno, sho ta rongo iironga je juupristeri momesho ga Karunga morufo ruomutete gue.
9He to ogororua komukaro guaapristeri okuha montempeli ha Muene, a ninge egano rjotshitsinino.
10Ongundu onene haantu hi ri ruopondje, tahi garikana petango rjotshitsinino.
11Oko hoka omujengeli gua Muene e mu orokera, ta cikama korurjo ruohaltari hotshitsinino.
12Nde Zakarias a tira, sho e mu mono, he ta kekama.
13Nd’omujengeli ta ti ku he: Ino tira, Zakarias, oshoka egarikana rjohe orji iteerua, omukiintu guohe Elisabeta ote ke ku varera ko omumati, nguee to mu ruku Johannes.
14He one ku etere enjanju nerago, jo ojendji onaa njanjukirua okuvarua kue;
15Oshoka ona ningi omunene motshipara tsha Muene. Omavinju niikunua iidigu ite ke ji nua. Onu udua Ombepo Ondjapuki, manka e ri mera rja hina.
16Ojendji maana ja Israel one ja garurire ku Muene, Karunga kauo.
17One mu tetekerere mombepo no meenkondo da Elias, opo a ronge ojana omadiradiro gooshe, na mb’inaji iteera, te ja rongo uunongo nehuko, nde ta rongikidire Muene orudi orujapuki.
18Nde Zakarias ta rombuere omujengeli: Shino otii tshi tshiua ngiini, oshoka onda kurupa, nomukiintu guandje uo a ninga esiku.
19Omujengeli h’ota jamukura, ta ti ku he: Ongaje Gabriel, ohandi cikama kotshipara tsha Karunga, nda tumua, ndi ku rombuere, ngaje ndi ku etere omurombo ngu guenjenjanju.
20Nde tara, oto kara ua sit’eui, ngueje ito popi ue sigo okesiku tuu ndika, iinima mbi naji ningua, oshoka ino iteera eehapu dandje, di tadi ka guanicua pecimbo rjado.
21Aantu oja tegerere Zakarias, jo ja kumua ko, sho a kara orure montempeli.
22Sho a zi mo nduno, ina tshiua okupopja na jo. Naangashiingika oja dimburura, nokutja okua mono mo ehororo montempeli. Te ja kundu nomake, ndere a kara a muena.
23Omasiku giironga je sho ga pu ko, okua tshuna kaandje.
24Konima homasiku ngano Elisabeta, omukiintu gue, okua tuumba, he to orama eemuedi ntano, nde ta ti:
25Muene otsho a ningira ndje ngii pomasiku ngano, sho a tara ndje mondjeerera, a kuca ndje egugue maantu.
Omujengeli Gabriel pu Maria.
26Momuedi omutikanekamue nduno omujengeli Gabriel okua tuminua ku Karunga e je momukunda mu Galilea,
27E ja komukadona, h’a ri a jarua komurumentu, edina rje Josef, a zire mezimo rja David; edina rjomukadona Maria.
28Omujengeli h’okue ja mo, nde ta ti ku he: U kundue ngueje, u uda oshenda. Muene ohe e ku na. Ongueje ua simanekua mokati kaakiintu.
29Hera e tshu uvu, okua aruka komurombo gue, he ti ipura, nokutja ekundo ndika orja tshike.
30Nd’omujengeli te mu rombuere: Ino tira, Maria, oshoka oua mona oshenda ku Karunga.
31Tara, ono ningi omusimba, nde to ka vara okamati, to ka ruku edina rjako Jesus.
32Ohe ta ka ninga omunene, he ti icanua Omumua gomombandambanda, Muene Karunga one mu pe otshipundi tsha she David. He ona pangere egumbo rja Jakob sigoosigo.
33Uukuaniirua ue kau na mpa nau shuru po.
34Maria ta pura omujengeli: Shino otatshi ka ningua ngiini, ngaje kandi tshi omurumentu.
35Nd’omujengeli ta jamukura, ta ti ku he: Ombepo Ondjapuki otahi ja hi ku nambere, neenkondo da ngo mombandambanda otahi ku siikire ng’omuzire. Ano otshijapuki, shi tatshi ka varua ku nguee, natshi tiue Omumua Karunga.
36Tara, itshee omukueni Elisabeta, na he uo okua mona okamati muukuruntu ue, oku ri momuedi omutikanekamue, ngu a ri a tiua ka vara.
37Oshoka kapena shi tatshi njenge Karunga.
38Maria he ta ti nokuri: Tara, ngaje omupija gua Muene, nandi ningue ngashi ua ti. Nd’omujengeli ta zi po pu he.
Maria ta hi ku Elisabeta.
39Inapu piti omasiku ogendji, Maria tahi nzija mondundu komukunda guotshirongo Juda.
40Nde te ja megumbo rja Zakarias. He ta kundu Elisabeta.
41Tsha ningi, Elisabeta sho a huvu ekundo rja Maria, okanona oka nuka kenjanju mera rje, nde Elisabeta tu udua Ombepo Ondjapuki.
42He ti igida neui enene, ta ti: Ngueje ua simanekua mokati kaakiintu, nomuvarua guomera rjohe okua simanekua uo.
43Shino otsha zire ndje peni, hina ha Muene sho e ja ku ngaje?
44Oshoka, tara, eui rjekundo rjohe sho rje ja kokutsi kuandje, okanona oka nuka kenjanju mera rjandje.
45Ngueje omunerago, oshoka oui iteera, kutja otatshi ka guanicua, shi tsha popiua ku Muene.
46Nde Maria ta ti: Omuenjo guandje otagu amberere Muene pombanda.
47N’ombepo handje otahi rigorere Karunga, omukuriri guadje.
48Oshoka okua tara uushupi uomupija gue. Tara, kongashiingika omarudi ageshe otaga simaneke ndje omunerago.
49Oshoka iinima iinene okue ji ningira ndje, h’Omunankondo, nedina rje ejapuki.
50Esiroshenda rje rjo otari ka cika komazimo nomazimo ku mba haa mu tira.
51He okua ronga iirongankondo nokooko kue, h’ota sharakanica mba haji inenepeke nokuinoma ko meemuenjo dauo.
52Oku undura ko kiipundi aanankondo, nd’okua renga aashupi.
53Okua kutica aakuandjara niinima iiuanaua, nd’okua rareka aajamba ja he ouara.
54Okuo ogorora Israel, omupija gue nokumudimburukua mesiroshenda rje.
55Ngashi a tire kootate, ku Abraham no koruvaro rue sigoosigo.
56Nde Maria okua menekere po ngaa pu Elisabeta eemuedi da ada ku ndatu, h’ota tshuna kegumbo ku Nazaret.
Okuvarua kua Johannes.
57Ecimbo sho rja ciki, Elisabeta a vare, okue eta ko okamati.
58Aatshiinda naakuauo sho je tshu uvu, kutja Karunga okue mu ningira esiroshenda enene, oja njanjukua puamue na he.
59Tsh’otsha ningi ano, omasiku uunutatu sho ga piti po, jo je ja, ja fukareke okamati. Taa ka ruku edina rja she Zakarias.#1:59 Mesiku etinuutatu kutja mesiku rjepico she nenge gumue guo maakuauo ota p’okanona okamati okajuda edidiriko rjuujuda morutu, rue, ko taka fukaruekua. Otsho Jesus e ri peua, tara Luk 2:21
60Nde hina ta ti ku jo: Aaue, naka rukue Johannes.
61Jo taa mu jamukura, taa ti: Maakueni kamu na ngu a rukua edina ndi.
62Nde taa rapa she, je mu pure, nokutja ote mu rukica ngiini.
63H’oti indire okatshangico, nde ta tshanga eehapu: Edina rje Johannes. Ajeshe oja ri ja kumua ko.
64No pokarara oko hoka eui rje orja cituruka, tsh’otsho eraka rje rja manguruka, he ta amberere Karunga, ta tshiua okupopja.
65Ajeshe jo muutshiinda jo ja kuatua kembandaro, nd’omurombo guiinima mbi ajishe gu uvikirua apeshe mpo meendundu da Judea.
66Ajeshejeshe mba je tshu uvu, jo oje tshi ipura uo meemuenjo dauo, taa ti: Omunona ona ningi omukuatshike, oshoka eke rja Muene orja ri ngaa pu he?
67Nde Zakarias oku uda Ombepo Ondjapuki, he ta shunganeke, ta ti:
68Na simanekue Muene, Karunga ka Israel, oshoka okua tarera po aantu je, he e ja rongera ekuriro.
69Oruinga ruehupico okue ru tu tungire megumbo rja David, h’omupija gue.#1:69 Oruinga mumue neehapu da fa dika, rua tshangua uo meepsalmi: nokutja eenkondo, uufure, uujamba.
70Ngashi a shunganekere mokana kuaaprofeti je aajapuki jonare.
71E tu upice kaaniita na sse no miikasha jajeshe, mba je tu tonde.
72He a monica esiroshenda ootate, a dimburukua eguaneno rie ejapuki.
73Negano, ndi a ganenene tate Abraham, nokutja ote tu kuaca.
74Tu upicue miikasha jaatondi jetu, sse tu mu rongere, katu nuumbanda.
75Nuujapuki nehuko miipaci je omasiku getu ageshe.
76Nde nguee, kamati, oto ka rukua omuprofeti gua guOmombandambanda, oshoka oto tetekere kotshipara tsha Muene, u mu parere ondjira he.
77Ngueje u fare aantu je kokutshiua ehupico, ndi ri ri mediminopo rjeendjo dauo.
78Moru esiroshenda, ndi rja za muii momuenjo gua Karunga ketu, mu mue tu zira eruua rjomombanda.
79Opo ri tu etere uujerere atushe, mba tua kaatumba meemurema no meemuzire dokusa, rjo ri ture eempadi detu mondjira hombiri.
80Nd’omumati a koko, he ta koro mombepo, h’okua kara mombuga sigo okesiku ndija ti ihororere aahisrael.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Omission Heklesia Ekatolika, 1951. Namibian Catholic Bishops Conference.