Lukas 2
2
ONTOPORUA 2.
Okuvarua kua Jesus.
1Momasiku ngeja opua ningi, otshipango tsha zire komukuaniirua Augustus, uujuni aushe u jarurue.#2:1 Uujuni aushe, nokutja uujuni mbu ua tshiuika perara ndika, uo ua ri mepangero rjomukuaniirua guo ku Roma.
2Etshango ndika orja ri rjotango, rjo rja ningua ku Tsirinus, erenga mu Siria.
3Ajeshe oja hi, ji itshangice, keshe muntu momukunda guezimo rjaandjauo.
4Josef uo okua zire mu Galilea, momukunda Nazaret, nde ta hi mu Judea, momukunda gua David, edina rjago Betlehem, oshoka okua ri guezimo no guegumbo rja David.
5Okui ire i itshangice puamue na Maria, omujarekua gue, ngu a ri omusimba.
6Sho ja ciki ko, okua ningi, omasiku ga pua ko a vare.
7H’ota vara ko otsheeri tshe, te mu dingire momarapi, he te mu rangeke mokatemba kokurira iimuna, oshoka kapua ri nand’eshara meendjugo daahenda.
8Peharara ndika opua ri pu naasita, haa rica, jo haa rangere iimuna jauo uusiku.
9Nde tara omujengeli gua Muene a cikama pu jo, nuujerere ua Karunga oue ja minikira, nde taa kara ja tiririra.
10Nd’omujengeli ta ti ku jo: Inamu tira, oshoka otandi mu uvicire enjanju enene, ndi tari ningirua aantu ajeshe.
11Nena omua varerua omukuriri momukunda gua David, Kristus Muene.
12Na shika otshidimburukico ku ne: otamu ka mona okanona, ka dingirua momarapi, ko ka rangekua mokatemba kokurira iimuna.
13Naanzijanzija pomujengeli opue ja ongundu haakuiita jeguru, tahi tanga Karunga, tahi ti:
14Na simanekue Karunga guomombandambanda, nombiri maantu poshi mpa, mba je neharo euanaua.
15Tsha ningi, aajengeli sho ja zi po, ja tshuna meguru, aasita jo ja tjacana: Tu eni ku Betlehem, tu tare ohapu, ndji ha ningua, ndji Muene e tu uvicira.
16Jo oje enderere, taa hada ko Maria na Josef nokanona ke ri mokatemba.
17Sho je ka mono, jo otaa hepurura ajishe, mbi ja rombuererue jokanona haka.
18Ajeshe mba je tshu uvu, oja kumua ko kiinima ajishe, mbi ju uvite kaasita.
19Nde Maria okua pungura eehapu dika adishe, he te di diradira momutima gue.
20Aasita jo oja tshuna, taa hamberere Karunga, taa mu tanga kiinima ajishe, mbi ju uva, jo je ji mona.
Jesus ta farua montempeli.
21Sho pua piti omasiku uunutatu, okanona oka fukarekua, nedina rjako Jesus, ngashi ka rukirue nare komujengeli, manka inaka varua.#2:21 Tara Luk 1:59.
22Ano omasiku gehijereko, ndi rja romborua ku Moses, sho ga piti po, jo oje ke etera ku Jerusalem, je ka gandjere Muene.
23Ngashi pua tshangererue mompango ha Muene: Okamati keshe, ha taka varua tango, otaka japurirua Muene.
24Nokugandja eenguti mbaari nenge eengutjona mbaari, orjo egano ndi rja romborua mompango ha Muene.
25Nde tara, mu Jerusalem omua ri omurumentu, e nedina Simeon; omurumentu ngu okua ri a huka, ha tira Karunga, he a ri a tegerera nejeeruko ehekererico rja Israel, Ombepo Ondjapuki ho ha ri mu he.
26H’okua rombuerua kOmbepo Ondjapuki, nokutja ita si, manka ina mona Omuguajekua gua Muene.#2:26 Aakuaniirua jonare oja guajekerue momutse, nde Jesus okua shunganekerue he omukuaniirua guo mezimo rja David.
27H’okue ja montempeli, e neue kOmbepo Ondjapuki. Aakuruntu sho je eta mo okanona Jesus, ka guanicirue ompango nomukaro.
28Okue ka tuumba momooko ge, ta tanga Karunga, ta, ti:
29Nena oto rareke ndje, Muene, ngaje omupija guohe, ndi he nombiri, ngashi ua tire.
30Oshoka omesho gandje oga mona ehupico rjohe.
31Ndi ua ronga miipaci jaantu ajeshe.
32Uujerere uokujerera aapagani no uesimaneko rjaantu johe Israel.
33She na hina oja ri ja kumua ko kiinima, mbi ja popiua po.
34Simeon okue ja jambeke, nde ta ti ku Maria, hina hako: Tara, nguka okua turua po a ninge otshipundukiro, h’otshipendukiro tshojendji mu Israel, h’otshidimburukico, shi tatshi ka patacanua.
35Egonga onari tapakana omutima guohe, omadiradiro geemutima odindji go oroke.
36Omua ri itshee omuprofeti omukiintu, e nedina Anna, omumua Fanuel, guomezimo rja Aser. Okua ri a koka. Sho a hokanua omukadona, okua kara nomurumentu gue eemuvo uunuari.
37Perara ndiono okua ri omusherekadi, e neemuvo eemurongo uunutatu neemuvo iine. Ka ri he eca mo montempeli, ta karere Karunga nokuidirika iikurja nokugarikana eemuvo uunuaari.
38Na he uo okue ja petango ndika, ta simaneke Karunga, he te mu rombora kaantu ajeshe, mba kua ja tegerera ekuriro rja Israel.
39Sho ja mana ajishe jo mompango ha Muene, oja tshuna ku Galilea momukunda Nazaret.
40Omunona h’okua koko, ta koro, nde tu uda uunongo, noshenda ha Karunga oha ri puamue na he.
Jesus ta hi naakuruntu ku Jerusalem.
41Aakuruntu je okua haa hi keshe muvo ku Jerusalem, ja ka dane otshituci tsha Paska.
42Sho a hada keemuvu omurongo na mbaari, oja hi ku Jerusalem komukaro guotshituci.
43Omasiku gotshituci sho ga pu, nde taa tshuna, he omunona Jesus nani a kara po mu Jerusalem, jo mbeja, aakuruntu je, kaa ri je tshi tshi.
44Okua je tshi, oku ri mongundu haakuauo mba ja hi; jo otaa hi ano esiku rimue nokumukongo maakuauo no mojakuauo.
45Sho inaa mu mono mo, jo otaa tshuna itshee monima ku Jerusalem, oko je ke mu konge.
46Tsha ka ninga ano, konima homasiku gatatu, je mu ada montempeli, a kaatumba mokati kaarongi jeehapu, te ja puakena, he te ja pura.
47Ajeshe mba je mu puakena, oja rurirua keendunge no komajamukuro ge.
48Sho je mu mono, oja ri ja kumua ko unene. Hina h’ota ti ku he: Mumuandje, otshike ue tu ningira ngiika? Tara, sse na sho otue ku konga nuupongo.
49He ta ti ku jo: Omua kongere ndje tshee? Inamu tshi tshiua, nokutja ondi nokukara mu mbi ja Tate?
50Ndere kaa ri ju uva ko ohapu, ndji a popi ku jo.
51Jesus h’ota hi na jo ku Nazaret, nde ta kara e nevuriko ku jo. Ndere hina okua kara ngaa a pungura eehapu di adishe momutima gue.
52Mpaka Jesus ta koko muunongo no muukuruntu no moshenda motshipara tsha Karunga no tshaantu.
Currently Selected:
Lukas 2: KWM
Highlight
Share
Copy
Want to have your highlights saved across all your devices? Sign up or sign in
Omission Heklesia Ekatolika, 1951. Namibian Catholic Bishops Conference.
Lukas 2
2
ONTOPORUA 2.
Okuvarua kua Jesus.
1Momasiku ngeja opua ningi, otshipango tsha zire komukuaniirua Augustus, uujuni aushe u jarurue.#2:1 Uujuni aushe, nokutja uujuni mbu ua tshiuika perara ndika, uo ua ri mepangero rjomukuaniirua guo ku Roma.
2Etshango ndika orja ri rjotango, rjo rja ningua ku Tsirinus, erenga mu Siria.
3Ajeshe oja hi, ji itshangice, keshe muntu momukunda guezimo rjaandjauo.
4Josef uo okua zire mu Galilea, momukunda Nazaret, nde ta hi mu Judea, momukunda gua David, edina rjago Betlehem, oshoka okua ri guezimo no guegumbo rja David.
5Okui ire i itshangice puamue na Maria, omujarekua gue, ngu a ri omusimba.
6Sho ja ciki ko, okua ningi, omasiku ga pua ko a vare.
7H’ota vara ko otsheeri tshe, te mu dingire momarapi, he te mu rangeke mokatemba kokurira iimuna, oshoka kapua ri nand’eshara meendjugo daahenda.
8Peharara ndika opua ri pu naasita, haa rica, jo haa rangere iimuna jauo uusiku.
9Nde tara omujengeli gua Muene a cikama pu jo, nuujerere ua Karunga oue ja minikira, nde taa kara ja tiririra.
10Nd’omujengeli ta ti ku jo: Inamu tira, oshoka otandi mu uvicire enjanju enene, ndi tari ningirua aantu ajeshe.
11Nena omua varerua omukuriri momukunda gua David, Kristus Muene.
12Na shika otshidimburukico ku ne: otamu ka mona okanona, ka dingirua momarapi, ko ka rangekua mokatemba kokurira iimuna.
13Naanzijanzija pomujengeli opue ja ongundu haakuiita jeguru, tahi tanga Karunga, tahi ti:
14Na simanekue Karunga guomombandambanda, nombiri maantu poshi mpa, mba je neharo euanaua.
15Tsha ningi, aajengeli sho ja zi po, ja tshuna meguru, aasita jo ja tjacana: Tu eni ku Betlehem, tu tare ohapu, ndji ha ningua, ndji Muene e tu uvicira.
16Jo oje enderere, taa hada ko Maria na Josef nokanona ke ri mokatemba.
17Sho je ka mono, jo otaa hepurura ajishe, mbi ja rombuererue jokanona haka.
18Ajeshe mba je tshu uvu, oja kumua ko kiinima ajishe, mbi ju uvite kaasita.
19Nde Maria okua pungura eehapu dika adishe, he te di diradira momutima gue.
20Aasita jo oja tshuna, taa hamberere Karunga, taa mu tanga kiinima ajishe, mbi ju uva, jo je ji mona.
Jesus ta farua montempeli.
21Sho pua piti omasiku uunutatu, okanona oka fukarekua, nedina rjako Jesus, ngashi ka rukirue nare komujengeli, manka inaka varua.#2:21 Tara Luk 1:59.
22Ano omasiku gehijereko, ndi rja romborua ku Moses, sho ga piti po, jo oje ke etera ku Jerusalem, je ka gandjere Muene.
23Ngashi pua tshangererue mompango ha Muene: Okamati keshe, ha taka varua tango, otaka japurirua Muene.
24Nokugandja eenguti mbaari nenge eengutjona mbaari, orjo egano ndi rja romborua mompango ha Muene.
25Nde tara, mu Jerusalem omua ri omurumentu, e nedina Simeon; omurumentu ngu okua ri a huka, ha tira Karunga, he a ri a tegerera nejeeruko ehekererico rja Israel, Ombepo Ondjapuki ho ha ri mu he.
26H’okua rombuerua kOmbepo Ondjapuki, nokutja ita si, manka ina mona Omuguajekua gua Muene.#2:26 Aakuaniirua jonare oja guajekerue momutse, nde Jesus okua shunganekerue he omukuaniirua guo mezimo rja David.
27H’okue ja montempeli, e neue kOmbepo Ondjapuki. Aakuruntu sho je eta mo okanona Jesus, ka guanicirue ompango nomukaro.
28Okue ka tuumba momooko ge, ta tanga Karunga, ta, ti:
29Nena oto rareke ndje, Muene, ngaje omupija guohe, ndi he nombiri, ngashi ua tire.
30Oshoka omesho gandje oga mona ehupico rjohe.
31Ndi ua ronga miipaci jaantu ajeshe.
32Uujerere uokujerera aapagani no uesimaneko rjaantu johe Israel.
33She na hina oja ri ja kumua ko kiinima, mbi ja popiua po.
34Simeon okue ja jambeke, nde ta ti ku Maria, hina hako: Tara, nguka okua turua po a ninge otshipundukiro, h’otshipendukiro tshojendji mu Israel, h’otshidimburukico, shi tatshi ka patacanua.
35Egonga onari tapakana omutima guohe, omadiradiro geemutima odindji go oroke.
36Omua ri itshee omuprofeti omukiintu, e nedina Anna, omumua Fanuel, guomezimo rja Aser. Okua ri a koka. Sho a hokanua omukadona, okua kara nomurumentu gue eemuvo uunuari.
37Perara ndiono okua ri omusherekadi, e neemuvo eemurongo uunutatu neemuvo iine. Ka ri he eca mo montempeli, ta karere Karunga nokuidirika iikurja nokugarikana eemuvo uunuaari.
38Na he uo okue ja petango ndika, ta simaneke Karunga, he te mu rombora kaantu ajeshe, mba kua ja tegerera ekuriro rja Israel.
39Sho ja mana ajishe jo mompango ha Muene, oja tshuna ku Galilea momukunda Nazaret.
40Omunona h’okua koko, ta koro, nde tu uda uunongo, noshenda ha Karunga oha ri puamue na he.
Jesus ta hi naakuruntu ku Jerusalem.
41Aakuruntu je okua haa hi keshe muvo ku Jerusalem, ja ka dane otshituci tsha Paska.
42Sho a hada keemuvu omurongo na mbaari, oja hi ku Jerusalem komukaro guotshituci.
43Omasiku gotshituci sho ga pu, nde taa tshuna, he omunona Jesus nani a kara po mu Jerusalem, jo mbeja, aakuruntu je, kaa ri je tshi tshi.
44Okua je tshi, oku ri mongundu haakuauo mba ja hi; jo otaa hi ano esiku rimue nokumukongo maakuauo no mojakuauo.
45Sho inaa mu mono mo, jo otaa tshuna itshee monima ku Jerusalem, oko je ke mu konge.
46Tsha ka ninga ano, konima homasiku gatatu, je mu ada montempeli, a kaatumba mokati kaarongi jeehapu, te ja puakena, he te ja pura.
47Ajeshe mba je mu puakena, oja rurirua keendunge no komajamukuro ge.
48Sho je mu mono, oja ri ja kumua ko unene. Hina h’ota ti ku he: Mumuandje, otshike ue tu ningira ngiika? Tara, sse na sho otue ku konga nuupongo.
49He ta ti ku jo: Omua kongere ndje tshee? Inamu tshi tshiua, nokutja ondi nokukara mu mbi ja Tate?
50Ndere kaa ri ju uva ko ohapu, ndji a popi ku jo.
51Jesus h’ota hi na jo ku Nazaret, nde ta kara e nevuriko ku jo. Ndere hina okua kara ngaa a pungura eehapu di adishe momutima gue.
52Mpaka Jesus ta koko muunongo no muukuruntu no moshenda motshipara tsha Karunga no tshaantu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Omission Heklesia Ekatolika, 1951. Namibian Catholic Bishops Conference.