Lukas 6
6
ONTOPORUA 6.
Okuteja nokueruda mesabata.
1Iiuike iijari sho ja piti po, mesabata Jesus okue ende momapja; aarongua je taa teja omasha, taa ga cenga pomake, nde taa ri.
2Aafariseji jamue jo taa ja pura: Otshike tamu ningi shi tshi indikua mesiku rjesabata?
3Jesus h’ote ja jamukura: Nani inamu resha uo shi tsha ningua ku Davida, sho a s’ondjara, na mba ja ri na he?
4Sho a hi mondjugo ha Karunga, nde ta kuca eemboroto eendjapuki, ta ri, h’ota pe uo mba ja ri na he, nd’ajeshe oji indikua okudirja, mba kaa shi aapristeri.
5H’ota ti ku jo: Omuna guOmuntu ohe muene guesabata nduno.
6Esiku rimue, mesabata ri iri, otsha ningi, he ta hi mosinagoga, ta rongo. Mpa opua ri pu nomuntu, ngu e neke rjokorurjo rja remana.
7Jo aanongo jomambo naafariseji oja tegamena, ng’ote erukica mesabata, opo ja mone otshikoro okumupopa motshingongi.
8Nde he te ja dimburura momadiradiro gauo, h’ota rombuere omuntu, ngu e neke rja remana: Cikama, kara mpa pokati. He ta cikama, te ja mpo.
9He Jesus ota ti ku jo: Otii mu pura: Otshu uka nduno okuninga uuanaua nenge uuineji mesabata, okuupica omuenjo nenge okugujonanica ko?
10H’ota regarega ajeshe mpo, nde ta ti komuntu ngu: Ukiririca eke rjohe! H’ote ri ukiririca nduno, rjo orje eruka nokuri.
11Jo ja geje nduno, taa kundacana, kutja otaa ningi Jesus ngiini.
Jesus to ogorora aapostoli.
12Tsha ningi momasiku ngeja, ta hi kondundu a ka garikane. Uusiku aushe ta kara komagarikano na Karunga.
13Sho kua tshi, h’okui icana aarongua je, nde ta joorora mo omurongo na jaari, te ja ruku aapostoli.
14Simon, ngu a rukirue ku he edina Petrus, na Andreas omumuahina, Jakobus na Johannes, Filippus na Bartolomeus,
15Mateus na Tomas, Jakobus hAlfeus, na Simon, ngu a rukirue uo Onkondji.
16Judas, omumuahina ha Jakobus, na Judas Iskariot, ngu e mu orora.
17Puamue na jo ta zi kondundu, nde ta hi peshara rje erakana, mpo a ka ada uo aarongua ojendji, je nongundu onene haantu, mba ja zi ku Judea atshishe no ku Jerusalem no kefuta no ku Sidon na Tirus.
18Jo je ja okumupuakena nokuerukicua uuvu uauo. Na mba je epekua keembepo eembuineji okue je erukica.
19Aantu jo ja arere okumunjenga, oshoka eenkondo okua tadi zi mo mu he, nde ta panga ajeshe.
20Mpoka ta jeruca omesho ge, ta tara aarongua je, nde ta ti: Aanerago ne, eehepere, oshoka otshirongo tsha Karunga otsheni.
21Aanerago ne, mbo tamu s’ondjara ngashiingika, oshoka otamu ka jora.
22Aanerago ne, aantu nge taa ke mu tonda, nge taa mu kerere, taa mu tsheke, nge taa mu jeke edina rjeni euanaua moru edina rjOmuna guOmuntu.
23Njanjukueni esiku ndio, ne mu rigore, oshoka ondjambi heni onene tuu meguru. Tsh’otsho ngaa uo ngii ooshe ja ningirire aaprofeti.
24Ndere ojeeje ku ne, aajamba, oshoka omu na nare etarareko rjeni.
25Ojeeje ku ne, mbo mua kuta, oshoka otamu ka s’ondjara. Ojeeje ku ne, mbo tamu joro ngashiingika, oshoka otamu ka rira uupongo.
26Ojeeje ku ne, mbo tamu ambererua kaantu ajeshe, tsh’otsho ooshe ja ningirire aaprofeti jiirombo.
Oreni uo aatondi jeni!
27Ndere ne, mbo tamu uvu ndje, otii mu rombuere: Oreni aatondi jeni, ningireni uuanaua, mba taa mu tuku.
28Rarekeni nuujamba, mba taa mu cingi, ne mu garikanene, mba taa mu rundire.
29Omuntu ngu te ku denge korupanda rumue, mu pa itshee orukuauo; ngu te ku kuca ohema, ino mu tindira uo nombaikica.
30Ngu te ku indire, mu pa; ngu te ku jugu otshinima tshohe, ino mu ciminika e tshi ku tshunine.
31Ngashi mua ara, aantu je mu ningire, otsho uo ja ningireni.
32Ng’omua kara mu or’ike mba je mu ore, ondjambi ohatshike namu peua? Oshoka naarunde uo oje ore mba je jo ore.
33Ng’otamu ningire uunanaua, mba taa u mu ningire ondjambi ohatshike namu peua? Oshoka naarunde uo otsho haa ningi.
34Ng’otamu kuacer’ike aantu, mba taa mu garurira ajishe, ondjambi ohatshike namu peua? Oshoka naarunde ohaa kuacere aarunde, mba taa tshunica ajishe.
35Unene po oreni aatondi jeni, rongeni uuanaua nokukuaca, inamu tegerera nande mu garurirue, otsho ondjambi heni tahi ningi onene, ne tamu ka kara aana ja ngu mombandambanda. Oshoka na he omuanaua ku keshe ngu ka pandura no kaauineji.
36Kareni ano neemutima du uda oshenda, ngashi Sho omunesiroshenda.
37Inamu pangura, na ne uo kamu pangurue. Inamu ekerashi omuntu, na ne uo kamu ke ekeruashi.
38Gandjeni, na ne otamu ka peua, nde tamu ka mona mekoro rjeni otsheereko otshaanaua, tsha cindua, tsha tshikuaatshikua, tsho tshu udirira, oshoka notsheereko, shi mue ereka na tsho, tsho tamu ke erekerua na tsho.
Okuidimburukua muene.
39H’ote ja rombuere uo ejere: Omuposi ota vuru okutetekerera omuposi omukuauo nani? Ndi tshi, ajeshe jaari otaa guire ngeno motshirambo.
40Omurongua ke vure omurongi; na ngu ta kara a pua, ngashi omurongi.
41Otshike to tara okashuandu mesho rja mumuanjoko, ndere otshiti, shi tshi ri mesho rjohe, ku tshi uete?
42Nenge oto vuru ngiini okurombuera mumuanjoko: Ira, mumuameme, ndi ku kuce okashuandu mesho rjohe, nde nguee muene ku uete otshiti, shi tshi ri mesho rhohe? Mukengereri nguee, kuca mo tango otshiti, shi tshi ri mesho rjohe, u je, u kuce mo okashuandu, ha ke ri mesho rja mumuanjoko.
43Oshoka kakuna omuti omuanaua, ngu hagu imi iihimati iihineji, tsh’otsho kakuna omuti omuineji, ngu hagu imi iihimati iihanaua.
44Ano keshe tuu omuti ohagu dimbururua kiihimati jago. Oshoka eenkuju kadi rikorua komano nenge eembu kiijoshorua.
45Omuntu omuanaua h’oha zica meriko euanaua rjomutima gue uuanaua, ndere omuntu omuineji oha zica meriko ehineji uuineji, oshoka okana ohaku popi, shi tshi ri momutima otshindji.
46Otshike nduno tamu ruku ndje: Muene, Muene, ndere kamu ronga nani, shi tandi ti?
47Okeshe ngu te ja ku ngaje, nde tu uvu eehapu dandje, he te di rongo uo, nda ara ndi mu urukire, kutja ota facana na re.
48Okua f’omurumentu, ngu ta tungu ondjugo he, a fura muure a tameke okutunga kombanda hemanja ekukutu. Efundja tari ja, jo iikunguru taji pumu ondjugo ndjo, ndere inari vura okuhiguica po, oshoka oha ri ha tungua kemanja.
49Ndere omuntu, ngu tu uvu ouara, h’ita rongo uo shika, okua f’omurumentu, ngu ta tungu ondjugo he, ina ada tango kevi ekukutu; omuronga tagu pumu ondjugo ndjo, ho tahi gu ko, nd’okugua kuaho okua ri okudigu.
Currently Selected:
Lukas 6: KWM
Highlight
Share
Copy
Want to have your highlights saved across all your devices? Sign up or sign in
Omission Heklesia Ekatolika, 1951. Namibian Catholic Bishops Conference.
Lukas 6
6
ONTOPORUA 6.
Okuteja nokueruda mesabata.
1Iiuike iijari sho ja piti po, mesabata Jesus okue ende momapja; aarongua je taa teja omasha, taa ga cenga pomake, nde taa ri.
2Aafariseji jamue jo taa ja pura: Otshike tamu ningi shi tshi indikua mesiku rjesabata?
3Jesus h’ote ja jamukura: Nani inamu resha uo shi tsha ningua ku Davida, sho a s’ondjara, na mba ja ri na he?
4Sho a hi mondjugo ha Karunga, nde ta kuca eemboroto eendjapuki, ta ri, h’ota pe uo mba ja ri na he, nd’ajeshe oji indikua okudirja, mba kaa shi aapristeri.
5H’ota ti ku jo: Omuna guOmuntu ohe muene guesabata nduno.
6Esiku rimue, mesabata ri iri, otsha ningi, he ta hi mosinagoga, ta rongo. Mpa opua ri pu nomuntu, ngu e neke rjokorurjo rja remana.
7Jo aanongo jomambo naafariseji oja tegamena, ng’ote erukica mesabata, opo ja mone otshikoro okumupopa motshingongi.
8Nde he te ja dimburura momadiradiro gauo, h’ota rombuere omuntu, ngu e neke rja remana: Cikama, kara mpa pokati. He ta cikama, te ja mpo.
9He Jesus ota ti ku jo: Otii mu pura: Otshu uka nduno okuninga uuanaua nenge uuineji mesabata, okuupica omuenjo nenge okugujonanica ko?
10H’ota regarega ajeshe mpo, nde ta ti komuntu ngu: Ukiririca eke rjohe! H’ote ri ukiririca nduno, rjo orje eruka nokuri.
11Jo ja geje nduno, taa kundacana, kutja otaa ningi Jesus ngiini.
Jesus to ogorora aapostoli.
12Tsha ningi momasiku ngeja, ta hi kondundu a ka garikane. Uusiku aushe ta kara komagarikano na Karunga.
13Sho kua tshi, h’okui icana aarongua je, nde ta joorora mo omurongo na jaari, te ja ruku aapostoli.
14Simon, ngu a rukirue ku he edina Petrus, na Andreas omumuahina, Jakobus na Johannes, Filippus na Bartolomeus,
15Mateus na Tomas, Jakobus hAlfeus, na Simon, ngu a rukirue uo Onkondji.
16Judas, omumuahina ha Jakobus, na Judas Iskariot, ngu e mu orora.
17Puamue na jo ta zi kondundu, nde ta hi peshara rje erakana, mpo a ka ada uo aarongua ojendji, je nongundu onene haantu, mba ja zi ku Judea atshishe no ku Jerusalem no kefuta no ku Sidon na Tirus.
18Jo je ja okumupuakena nokuerukicua uuvu uauo. Na mba je epekua keembepo eembuineji okue je erukica.
19Aantu jo ja arere okumunjenga, oshoka eenkondo okua tadi zi mo mu he, nde ta panga ajeshe.
20Mpoka ta jeruca omesho ge, ta tara aarongua je, nde ta ti: Aanerago ne, eehepere, oshoka otshirongo tsha Karunga otsheni.
21Aanerago ne, mbo tamu s’ondjara ngashiingika, oshoka otamu ka jora.
22Aanerago ne, aantu nge taa ke mu tonda, nge taa mu kerere, taa mu tsheke, nge taa mu jeke edina rjeni euanaua moru edina rjOmuna guOmuntu.
23Njanjukueni esiku ndio, ne mu rigore, oshoka ondjambi heni onene tuu meguru. Tsh’otsho ngaa uo ngii ooshe ja ningirire aaprofeti.
24Ndere ojeeje ku ne, aajamba, oshoka omu na nare etarareko rjeni.
25Ojeeje ku ne, mbo mua kuta, oshoka otamu ka s’ondjara. Ojeeje ku ne, mbo tamu joro ngashiingika, oshoka otamu ka rira uupongo.
26Ojeeje ku ne, mbo tamu ambererua kaantu ajeshe, tsh’otsho ooshe ja ningirire aaprofeti jiirombo.
Oreni uo aatondi jeni!
27Ndere ne, mbo tamu uvu ndje, otii mu rombuere: Oreni aatondi jeni, ningireni uuanaua, mba taa mu tuku.
28Rarekeni nuujamba, mba taa mu cingi, ne mu garikanene, mba taa mu rundire.
29Omuntu ngu te ku denge korupanda rumue, mu pa itshee orukuauo; ngu te ku kuca ohema, ino mu tindira uo nombaikica.
30Ngu te ku indire, mu pa; ngu te ku jugu otshinima tshohe, ino mu ciminika e tshi ku tshunine.
31Ngashi mua ara, aantu je mu ningire, otsho uo ja ningireni.
32Ng’omua kara mu or’ike mba je mu ore, ondjambi ohatshike namu peua? Oshoka naarunde uo oje ore mba je jo ore.
33Ng’otamu ningire uunanaua, mba taa u mu ningire ondjambi ohatshike namu peua? Oshoka naarunde uo otsho haa ningi.
34Ng’otamu kuacer’ike aantu, mba taa mu garurira ajishe, ondjambi ohatshike namu peua? Oshoka naarunde ohaa kuacere aarunde, mba taa tshunica ajishe.
35Unene po oreni aatondi jeni, rongeni uuanaua nokukuaca, inamu tegerera nande mu garurirue, otsho ondjambi heni tahi ningi onene, ne tamu ka kara aana ja ngu mombandambanda. Oshoka na he omuanaua ku keshe ngu ka pandura no kaauineji.
36Kareni ano neemutima du uda oshenda, ngashi Sho omunesiroshenda.
37Inamu pangura, na ne uo kamu pangurue. Inamu ekerashi omuntu, na ne uo kamu ke ekeruashi.
38Gandjeni, na ne otamu ka peua, nde tamu ka mona mekoro rjeni otsheereko otshaanaua, tsha cindua, tsha tshikuaatshikua, tsho tshu udirira, oshoka notsheereko, shi mue ereka na tsho, tsho tamu ke erekerua na tsho.
Okuidimburukua muene.
39H’ote ja rombuere uo ejere: Omuposi ota vuru okutetekerera omuposi omukuauo nani? Ndi tshi, ajeshe jaari otaa guire ngeno motshirambo.
40Omurongua ke vure omurongi; na ngu ta kara a pua, ngashi omurongi.
41Otshike to tara okashuandu mesho rja mumuanjoko, ndere otshiti, shi tshi ri mesho rjohe, ku tshi uete?
42Nenge oto vuru ngiini okurombuera mumuanjoko: Ira, mumuameme, ndi ku kuce okashuandu mesho rjohe, nde nguee muene ku uete otshiti, shi tshi ri mesho rhohe? Mukengereri nguee, kuca mo tango otshiti, shi tshi ri mesho rjohe, u je, u kuce mo okashuandu, ha ke ri mesho rja mumuanjoko.
43Oshoka kakuna omuti omuanaua, ngu hagu imi iihimati iihineji, tsh’otsho kakuna omuti omuineji, ngu hagu imi iihimati iihanaua.
44Ano keshe tuu omuti ohagu dimbururua kiihimati jago. Oshoka eenkuju kadi rikorua komano nenge eembu kiijoshorua.
45Omuntu omuanaua h’oha zica meriko euanaua rjomutima gue uuanaua, ndere omuntu omuineji oha zica meriko ehineji uuineji, oshoka okana ohaku popi, shi tshi ri momutima otshindji.
46Otshike nduno tamu ruku ndje: Muene, Muene, ndere kamu ronga nani, shi tandi ti?
47Okeshe ngu te ja ku ngaje, nde tu uvu eehapu dandje, he te di rongo uo, nda ara ndi mu urukire, kutja ota facana na re.
48Okua f’omurumentu, ngu ta tungu ondjugo he, a fura muure a tameke okutunga kombanda hemanja ekukutu. Efundja tari ja, jo iikunguru taji pumu ondjugo ndjo, ndere inari vura okuhiguica po, oshoka oha ri ha tungua kemanja.
49Ndere omuntu, ngu tu uvu ouara, h’ita rongo uo shika, okua f’omurumentu, ngu ta tungu ondjugo he, ina ada tango kevi ekukutu; omuronga tagu pumu ondjugo ndjo, ho tahi gu ko, nd’okugua kuaho okua ri okudigu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Omission Heklesia Ekatolika, 1951. Namibian Catholic Bishops Conference.