Lukas 7
7
ONTOPORUA 7.
Omupija guerenga te eruka.
1Sho a mana okupopja eehapu de pomakutsi gaantu mpoka, okua hi ku Kafarnaum.
2Erenga rjontumba orja ri ri nomupija ta arukua unene, ta ara okusa, h’okua ri e horikue.
3Sho rju uvu, nokutja Jesus e ja ko, rjo otari tumu aakuruntu jaajuda ku he, je mu indire, a he okuerukica omupija guarjo.
4Sho je ja ku Jesus, oje mu indiririra, taa ti ku he: Orja guana tshiri u ri kuacere.
5Oshoka orje ore aantu jarjo, rj’orje tu tungira osinagoga hetu.
6Jesus h’ota hi ko puamue na jo. Sho a ri ke ri kokure ue negumbo, erenga rjo otari tumu ookuume ku he, je mu rombuere: Muene, ino ihepica ouara, inandi opara u je mondunda handje.
7Ondi itara, nokutja inandi opara, ndi he ku nguee, ngaje muene, popja ano ohapu himuike, h’omupija guandje ote eruka.
8Na ngaje uo omuntu ouara, ngu e ri mepangero, ondi naakuiita, taa vurika ku ngaje; ng’otandi rombuere gumue: Inda, h’ota hi, ku gumue a hiri: Ira, h’ote ja, no komupija guandje: Ronga tshontumba, h’ote tshi rongo.
9Jesus sho a huvu dika, okua kumua ko, nde ta pungurukire kaantu, mba je mu randura, ta ti: Tshiri, otii mu rombuere, ehiteero enene ri cike pu ndika inandi ri mona nandookuri, no mu Israel.
10Aatumua sho je ja megumbo, oja ada omupija, ngu a ri ta arukua, a heruka.
Ku Naim omumati ta jumudua.
11Te ja ta hi komukunda, edina rjago Naim, nd’aarongua je naantu ojendji taa hi ko puamue na he.
12Sho a ciki potsheero tshomukunda, tara, ko okua zi omudimba gu umbatua, omona gua hina omusherekadi ohik’ike; aantu ojendji jo momukunda taa mu cindikire.
13Muene sho e mu mono, okue mu siroshenda, nde ta ti ku he: Ino rira!
14H’ote engene ko, ta njenge ontara, nd’aahumbati ja cikama. H’ota ti: Mumati, otii ku rombuere, penduka!
15Omusi h’ota jeruka po, nde ta shimbike okupopja. Jesus h’ote mu pe hina.
16Ndere ajeshe oja tiririra, taa tanga Karunga, taa ti: Omuprofeti omunene a horoka mokati ketu, he Karunga a tarera po aantu je.
17Omurombo nguka ogui icanenene mu Judea atshishe no miihende ajishe.
Johannes ta tumu ku Jesus.
18Johannes tu uvu ajishe mbi kaarongua je.
19Ano he Johannes oti icana jaari po jo maarongua je, te ja tumu ku Jesus, je mu pure: Onguee tuu nakuja nenge natu tegerere gumue a hiri?
20Aarumentu mbo, sho je ja nduno ku Jesus, oja ti: Johannes omutshatshi okue tu tuma ku nguee, tu ku pure: Ongueje ano nakuja nenge natu tegerere gumue a hiri?
21Perara ndio okua ri te erukica ojendji, mba je epekua kuuvu, kiigombo no keembepo eembuineji, naaposi ojendji okue ja pe omesho gauo.
22Mpoka ta jamukura, ta ti ku jo: Indeni ano, mu ke epururire Johannes, shi mu uva na shi mua mona; aaposi oje uete ko, iirema otaji hende, mba je nuuvu uotshirundu, otaa jere, mba ja sit’omakutsi, oje uvite ko, aasi otaa jumuka, eehepere otadu uvicirua evangelium.
23Omunerago ongu iti idimbike ndje.
24Aatumua ja Johannes sho ja hi, Jesus h’oto okororere Johannes aantu, ta ti: Ne omui ire mombuga, mu ka tare tshee? Shira onenge, ndji tahi dunguaadungua kombepo?
25Nenge omui ire okumona tshike? Shira omuntu, ngu a zara eenguno eenenguni? Nde tareni, mba je neenguuo eenenguni, jo haa rumbu miituci, oje ri momagumbo gaakuaniirua.
26Nenge omui ire okumona tshike? Shira omuprofeti? Ee, andi mu rombuere: Ohe ngu e vure nomuprofeti.
27Oshoka nguka ohe ngu a tshangererua, taku ti: Tara, otii tumu omujengeli guandje komesho gohe, ngu te ku parere ondjira hohe.
28Tshiri, andi mu rombuere, mokati kaantu, mba ja varua kaakiintu, inamu za gumue e vure Johannes omutshatshi, ndere nduno, omutshuutshu guo motshirongo tsha Karunga ohe e mu vure.
29Aantu ajeshe, mba je mu uvu, otsho aafenderi, oje epurura ehuko rja Karunga, jo ji iteera okutshatshua netshatsho rja Johannes.
30Ndere aafariseji naanongo jomambo oja dini shi ja arerua ku Karunga, jo inaji iteera okutshatshua ku he.
31Nde Jesus ta ti: Aantu jorudi nduka andi je ereke na tshike? Oja fa re?
32Oja f’aanona, mba taa kaatumba potshirandero, taa kundacana, taa ti: Otue mu shikira omambendo, ndere inamu dana; tua rira eenkari, ndere inamu rira.
33Johannes omutshatshi okue ja, h’ina rja omboroto, h’ina nua omavinju, nde tamu ti: oku nombepo ombuineji.
34Omuna guOmuntu okue ja, he ta ri, he ta nu, ndere tamu ti: tareni omuntu ngu oha diragura, he ha korua komavinju, he okuume kaafenderi no kaarunde.
Omurunde ta simaneke Jesus.
36Gumue guo maafariseji h’ote mu indire, a ka rje na he; ano ta hi megumbo rjomufariseji, nde ta kaatumba potshiriro.
37Nde tara, omukiintu, ngu a tshiuika momukunda, anuua ohe omurunde, a huvu, nokutja Jesus okua kaatumba megumbo rjomufariseji potshiriro, te eta otshijuma tshalabastera, mu nomagadi gokuguaja.
38Te mu zirire konima, te engere keempadi de, ta riri, nde ta shimbike nokuri, ta nengeke eempandi de nomoodi, he te di ceta nomafufu gomutse gue, te di cipi neemurungu, nde te di guajeke nomagadi.
39Omufariseji, ngu e mu icana, sho e tshi mono, okui ipopire, ta ti: Ngeno a ri omuprofeti ngu, ando a tshiua, nokutja omukiintu nguka, ngu te mu njenge, oku ri ngiini, oshoka ohe omurunde.
40Nde Jesus ta ti ku he: Simon, ondi nohapu na nguee. He ta ti: Muene, popja!
41Omuntu gumue okua ri naantu jaari, je niikoro je. Gumue po okua ri notshikoro tshiiponda omacere gatano, mukuauo eemurongo ntano ike.
42Ano sho ja ri kaa na shi taa futu, h’ote ja dimine po ajeshe jaari. Oguni po ta kara e mu ore e vure mukuauo?
43Simon h’ota jamukura, ta ti: Ondi tshi ohe ngu, ngu a diminua po unene. Jesus ta ti: Ua pangura mondjira.
44Mpoka Jesus h’ota pungurukire komukiintu, nde ta ti ku Simon: Omukiintu ngu ou mu uete? Onde ja maandjohe, nd’ino pa ndje omeja geempadi dandje, ndere nguka okua nengeka eempadi nomoodi ge, he te di ceta nomafufu gomutse gue.
45Ngueje ino cipa ndje, ndere nguka erara arishe sho e ja mo, okua kara ta cipi keempadi dandje.
46Ngueje ino guajeka omutse guandje nomagadi, ndere nguka okua guajeka eempadi dandje.
47Ano andi ku rombuere: Eendjo odindji e di diminua po, shi e ore unene. Ndere ngu a diminua po katshona, oku ore uo katshona.
48Mpha h’ote mu rombuere: Eendjo dohe ue di diminua po.
49Mba ja ri potshiriro, taa rombueracana, taa ti: Nguno omukuatshee matsa, sho ngaa nokuri ta dimine po eendjo?
50Nde ta rombuere omukiintu, ta ti: Ehiteero rjohe rje ku kuaca, inda nombiri.
Currently Selected:
Lukas 7: KWM
Highlight
Share
Copy
Want to have your highlights saved across all your devices? Sign up or sign in
Omission Heklesia Ekatolika, 1951. Namibian Catholic Bishops Conference.
Lukas 7
7
ONTOPORUA 7.
Omupija guerenga te eruka.
1Sho a mana okupopja eehapu de pomakutsi gaantu mpoka, okua hi ku Kafarnaum.
2Erenga rjontumba orja ri ri nomupija ta arukua unene, ta ara okusa, h’okua ri e horikue.
3Sho rju uvu, nokutja Jesus e ja ko, rjo otari tumu aakuruntu jaajuda ku he, je mu indire, a he okuerukica omupija guarjo.
4Sho je ja ku Jesus, oje mu indiririra, taa ti ku he: Orja guana tshiri u ri kuacere.
5Oshoka orje ore aantu jarjo, rj’orje tu tungira osinagoga hetu.
6Jesus h’ota hi ko puamue na jo. Sho a ri ke ri kokure ue negumbo, erenga rjo otari tumu ookuume ku he, je mu rombuere: Muene, ino ihepica ouara, inandi opara u je mondunda handje.
7Ondi itara, nokutja inandi opara, ndi he ku nguee, ngaje muene, popja ano ohapu himuike, h’omupija guandje ote eruka.
8Na ngaje uo omuntu ouara, ngu e ri mepangero, ondi naakuiita, taa vurika ku ngaje; ng’otandi rombuere gumue: Inda, h’ota hi, ku gumue a hiri: Ira, h’ote ja, no komupija guandje: Ronga tshontumba, h’ote tshi rongo.
9Jesus sho a huvu dika, okua kumua ko, nde ta pungurukire kaantu, mba je mu randura, ta ti: Tshiri, otii mu rombuere, ehiteero enene ri cike pu ndika inandi ri mona nandookuri, no mu Israel.
10Aatumua sho je ja megumbo, oja ada omupija, ngu a ri ta arukua, a heruka.
Ku Naim omumati ta jumudua.
11Te ja ta hi komukunda, edina rjago Naim, nd’aarongua je naantu ojendji taa hi ko puamue na he.
12Sho a ciki potsheero tshomukunda, tara, ko okua zi omudimba gu umbatua, omona gua hina omusherekadi ohik’ike; aantu ojendji jo momukunda taa mu cindikire.
13Muene sho e mu mono, okue mu siroshenda, nde ta ti ku he: Ino rira!
14H’ote engene ko, ta njenge ontara, nd’aahumbati ja cikama. H’ota ti: Mumati, otii ku rombuere, penduka!
15Omusi h’ota jeruka po, nde ta shimbike okupopja. Jesus h’ote mu pe hina.
16Ndere ajeshe oja tiririra, taa tanga Karunga, taa ti: Omuprofeti omunene a horoka mokati ketu, he Karunga a tarera po aantu je.
17Omurombo nguka ogui icanenene mu Judea atshishe no miihende ajishe.
Johannes ta tumu ku Jesus.
18Johannes tu uvu ajishe mbi kaarongua je.
19Ano he Johannes oti icana jaari po jo maarongua je, te ja tumu ku Jesus, je mu pure: Onguee tuu nakuja nenge natu tegerere gumue a hiri?
20Aarumentu mbo, sho je ja nduno ku Jesus, oja ti: Johannes omutshatshi okue tu tuma ku nguee, tu ku pure: Ongueje ano nakuja nenge natu tegerere gumue a hiri?
21Perara ndio okua ri te erukica ojendji, mba je epekua kuuvu, kiigombo no keembepo eembuineji, naaposi ojendji okue ja pe omesho gauo.
22Mpoka ta jamukura, ta ti ku jo: Indeni ano, mu ke epururire Johannes, shi mu uva na shi mua mona; aaposi oje uete ko, iirema otaji hende, mba je nuuvu uotshirundu, otaa jere, mba ja sit’omakutsi, oje uvite ko, aasi otaa jumuka, eehepere otadu uvicirua evangelium.
23Omunerago ongu iti idimbike ndje.
24Aatumua ja Johannes sho ja hi, Jesus h’oto okororere Johannes aantu, ta ti: Ne omui ire mombuga, mu ka tare tshee? Shira onenge, ndji tahi dunguaadungua kombepo?
25Nenge omui ire okumona tshike? Shira omuntu, ngu a zara eenguno eenenguni? Nde tareni, mba je neenguuo eenenguni, jo haa rumbu miituci, oje ri momagumbo gaakuaniirua.
26Nenge omui ire okumona tshike? Shira omuprofeti? Ee, andi mu rombuere: Ohe ngu e vure nomuprofeti.
27Oshoka nguka ohe ngu a tshangererua, taku ti: Tara, otii tumu omujengeli guandje komesho gohe, ngu te ku parere ondjira hohe.
28Tshiri, andi mu rombuere, mokati kaantu, mba ja varua kaakiintu, inamu za gumue e vure Johannes omutshatshi, ndere nduno, omutshuutshu guo motshirongo tsha Karunga ohe e mu vure.
29Aantu ajeshe, mba je mu uvu, otsho aafenderi, oje epurura ehuko rja Karunga, jo ji iteera okutshatshua netshatsho rja Johannes.
30Ndere aafariseji naanongo jomambo oja dini shi ja arerua ku Karunga, jo inaji iteera okutshatshua ku he.
31Nde Jesus ta ti: Aantu jorudi nduka andi je ereke na tshike? Oja fa re?
32Oja f’aanona, mba taa kaatumba potshirandero, taa kundacana, taa ti: Otue mu shikira omambendo, ndere inamu dana; tua rira eenkari, ndere inamu rira.
33Johannes omutshatshi okue ja, h’ina rja omboroto, h’ina nua omavinju, nde tamu ti: oku nombepo ombuineji.
34Omuna guOmuntu okue ja, he ta ri, he ta nu, ndere tamu ti: tareni omuntu ngu oha diragura, he ha korua komavinju, he okuume kaafenderi no kaarunde.
Omurunde ta simaneke Jesus.
36Gumue guo maafariseji h’ote mu indire, a ka rje na he; ano ta hi megumbo rjomufariseji, nde ta kaatumba potshiriro.
37Nde tara, omukiintu, ngu a tshiuika momukunda, anuua ohe omurunde, a huvu, nokutja Jesus okua kaatumba megumbo rjomufariseji potshiriro, te eta otshijuma tshalabastera, mu nomagadi gokuguaja.
38Te mu zirire konima, te engere keempadi de, ta riri, nde ta shimbike nokuri, ta nengeke eempandi de nomoodi, he te di ceta nomafufu gomutse gue, te di cipi neemurungu, nde te di guajeke nomagadi.
39Omufariseji, ngu e mu icana, sho e tshi mono, okui ipopire, ta ti: Ngeno a ri omuprofeti ngu, ando a tshiua, nokutja omukiintu nguka, ngu te mu njenge, oku ri ngiini, oshoka ohe omurunde.
40Nde Jesus ta ti ku he: Simon, ondi nohapu na nguee. He ta ti: Muene, popja!
41Omuntu gumue okua ri naantu jaari, je niikoro je. Gumue po okua ri notshikoro tshiiponda omacere gatano, mukuauo eemurongo ntano ike.
42Ano sho ja ri kaa na shi taa futu, h’ote ja dimine po ajeshe jaari. Oguni po ta kara e mu ore e vure mukuauo?
43Simon h’ota jamukura, ta ti: Ondi tshi ohe ngu, ngu a diminua po unene. Jesus ta ti: Ua pangura mondjira.
44Mpoka Jesus h’ota pungurukire komukiintu, nde ta ti ku Simon: Omukiintu ngu ou mu uete? Onde ja maandjohe, nd’ino pa ndje omeja geempadi dandje, ndere nguka okua nengeka eempadi nomoodi ge, he te di ceta nomafufu gomutse gue.
45Ngueje ino cipa ndje, ndere nguka erara arishe sho e ja mo, okua kara ta cipi keempadi dandje.
46Ngueje ino guajeka omutse guandje nomagadi, ndere nguka okua guajeka eempadi dandje.
47Ano andi ku rombuere: Eendjo odindji e di diminua po, shi e ore unene. Ndere ngu a diminua po katshona, oku ore uo katshona.
48Mpha h’ote mu rombuere: Eendjo dohe ue di diminua po.
49Mba ja ri potshiriro, taa rombueracana, taa ti: Nguno omukuatshee matsa, sho ngaa nokuri ta dimine po eendjo?
50Nde ta rombuere omukiintu, ta ti: Ehiteero rjohe rje ku kuaca, inda nombiri.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Omission Heklesia Ekatolika, 1951. Namibian Catholic Bishops Conference.