Lukas 8
8
ONTOPORUA 8.
Ejere rjomukuni.
1Okuza mpoka Jesus okue ende meemukunda no meemukunda no miihende jado, tu uvica evangelium rjotshirongo tsha Karunga. Mbejaka omurongo na jaari oje ri na he.
2Naakiintu jamue itshee, mba ja ri neembepo eembuineji niigombo, je erukicua nare, Maria ngaa ngu ha tiua Magdalena, mu mua tidirue eendemoni uunuaari.
3Na Johanna, omukiintu gua Susa, ngu a ri erenga rja Herodes, na Susana nojendji ji iri, mba je mu jakura niinima jauo.
4Ndere aantu sho je ja ku he ojendji, je enderera ja zi keemukunda, he te ja rongo momeere, ta ti:
5Omukuni okua pitire mo a ka kune eembuto de; mokukuna dimue adi guire mondjira, tadi ratua, nd’eedira do keguru tadi di tshomona mo.
6Dimue adi guire puukukutu uomamanja, tadi piti ngaa, nde tadi si, oshoka inadi mona etoci.
7Dimue adi guire momano, go omano taga koko, go tage di cinaneke.
8Dimue adi guire mevi euanaua, do tadi piti, tadi vara ecere. Sho te tshi popi, h’oti igida: Ngu e nomakutsi gokuuva, nu uve ko.
9Nd’aarongua je taa mu pura eendunge dejere ndika.
10He ta ti: Ne omua peua okutshiua iihorekua jotshirongo tsha Karunga, ndere mbeja taa peu’ike omeere, opo nand’oja tara, kaa huete ko, nand’otaa pupu, kaa huvite ko.
11Ejere ndioka otari ti: Eembuto odo eehapu da Karunga.
12Do mondjira oda mba taa di uvu, nde satana te ja, a kuce eehapu meemutima dauo, opo kaa hiteere, jo kaa hupicue.
13Do puukukutu oda mba taa tuumba ohapu nenjanju, nge taa hi uvu, ndere kaa neemudi. Ano otaa hiteere ouara okacimbo, ndere perara rjemakero taa punduka.
14Di da guire momano, oda mba ja puakena ngaa, nde taa hi, mokuha taa pondua kiimpuju, kuujamba, kuuharu uujuni, jo itaa tiriganeke iihimati nandookuri.
15Di da guire mevi euanaua oda mba taa huvu ohapu, taa hi pungura meemutima eemuanaua kadi niiherere, nde taji imike iihimati nuudiginini.
16Kakuna ngu ta sameke onjeka, nde te hi siikire notshijuma nenge te hi tura koshi hokariri, aaue, okombanda hongudi tuu, opo mba taa ja mo, ja mone uujerere.
17Oshoka inapu orekua tsha, shi itatshi ko oroka, itapu kara tsha mofuci, shi itatshi ja puujerere.
18Ano, rungameni, nokutja otamu uvu ngiini. Oshoka ngu e na, ohe ta guederua ko, ngu ke na, ohe ta kucua, shi a hitura e na.
Aakuauo ja Jesus.
19Hina naamuahina jo je ja ku he, ndere moru ouindji uaantu oja njengua okucika pu he.
20H’ota rombuerua: Njoko naamuanjoko oje ri pondje ja ara je ku tarere po.
21H’ota jamukura, ta ti ku jo: Meme naamuameme ojo mbo haa huvu, jo taa rongo uo ohapu ha Karunga.
Iikunguru mefuta.
22Esiku rimue okua rondo puamue naarongua mosikepa, nde ta ti ku jo: Tu eni haandija hefuta. Jo ja zi po pomunkunkuro.
23Manka taa hende, he ta koca. Iikunguru iidigu oja tukuka mefuta, jo taa siikirua komakucikuci, taa mono uudigu.
24Jo taa hi ku he, taa mu pendura, taa ti ku he: Muongi, otatu ningine mo. H’ota cikama, ta ganda ombepo nomakucikuci, nde taga rotere, go ga muena.
25He ta ti ku jo: Ehiteero rjeni orii ri peni? Ndere oja tiririra, ja kumua ko, jo taa puracana: Ore ngu, sho ta rombuer’ike ombepo nefuta, nde ji nevuriko ku he?
Jesus mokati kaagerasani.
26Mosikepa taa hi kotshirongo tshaagerasani, shi tsha taracana na Galilea.
27Sho a hi komunkunkuro guotshirongo, omuntu te mu tsakaneke, ta zi momukunda. Okua ninga esiku a kuatua kombepo ombuineji, ke neenguuo korutu, h’ita kara megumbo, aaue, ta rumbu ouara peevugo deembira.
28Sho a mono Jesus, h’oti ishata po pu he, ti igida neui enene, ta ti: andi ku fara kuni, Jesus, Omumua Karunga gomombandambanda. Otii ku indire, ino epeka ndje.
29Oshoka Jesus okua rombuere ombepo ombuineji, ndji ha ninga esiku mu he tahi mu pangere, hi ze mo momuntu; aantu oja ri je mu manga nomarjenge, je mu rangere neemunja, nde okua tokora ouara eemango adishe, nde ta tidirua kombepo ombuineji mombuga.
30Jesus te mu pura: Onguee re? Ta ti: Legio, oshoka eembepo odindji oda ri mu he.
31Do tadi mu indire, ke di rombuere di he muure uoheri.
32Nde mpo opua ri pu notshinkoti otshinene tshiinguru ojindji, shi tsha napa kondundu; adi mu indire, a pitike ngeno okuha mu tsho. H’okue tshi di pitikira.
33Nde tara ko, eembepo eembuineji da zi mo momuntu, do tadi hi miinguru, nd’otshinkoti atshishe tashi hi, tsho tatshi ihumbire mefuta, tatshi sire mo.
34Aasita sho ja mono, shi tsha ningua, oja hi ondapo, taa ke epurura momukunda no miihende jago.
35Aantu taa hi ko, ja ka tare shi tsha ningua. Jo oje ja ku Jesus, taa mono uo omuntu, ngu a zi eembepo eembuineji, h’a zara onguuo, e neendunge da jera, ta kaatumba keempadi da Jesus. Ndere ja tira.
36Mba ja ri ko, ja tara ajishe, otaa hepurura nokutja okue eruka ngiini.
37Mpoka aantu mbo ojendji jo kotshirongo tshaagerasana oje mu indire a ze po pu jo, oshoka oja ri ja tiririra. He ta rondo ano mosikepa, nde ta tshuna.
38Nd’omuntu, ngu a zi eembepo eembuineji, ti indire a kare puamue na he. Ndere Jesus te mu rareke a he, ta ti:
39Inda kegumbo rjohe u okorore iinima ajishe, mbi ua ningirua ku Karunga. He ta hi nokuuvicira neui enene omukunda agushe iirongankondo, mbi Jesus e mu ningira.
Omona omukadona gua Jairus.
40Jesus sho a tshuna, aantu oje mu tsakaneke, ajeshe ja ri je mu tegerera.
41Nde tara, omurumentu te ja po, edina rje Jairus, he omukuruntu guosinagoga, ti isizimike keempadi da Jesus, he te mu indire a he megumbo rje.
42Oshoka omukadona, omona oh’ike, e neemuvo di cike pomurongo na mbaari, ota ara okusa. Po opua ka ninga, aantu je mu undagura.
43Opua ri omukiintu, ngu a ninga eemuvo omurongo na mbaari ta arukua etiko rjombinzi, he a mana po iimariua je ajishe mokufuta aapangi, ndere ine erukicua nand’okogumue.
44H’okue mu zirira konima, ta njenge ouara omutse guonguuo he, naanzijanzija etiko rjombinzi rja tsheka.
45Jesus h’ota pura: Ore a njenga ndje? Aantu ajeshe taa patana. Nde Petrus nojakuauo taa ti: Muongi, ongundu haantu otahi ku cinaneke, ho tahi ku undagura, nde oto pura: Ore a njenga ndje?
46Nde Jesus ta ti: Gumue okua njenga ndje, oshoka ondi uete, eenkondo da za mu ngaje.
47Omukiintu sho a mono, nokutja ita vuru okutshooreka ue, h’okue ja, ta kekama, ti ishata po keempadi da Jesus, to okororere aantu ajeshe, nokutja otshike e mu njengere nongiini a heruka nzija.
48Nde ta ti ku he: Mumuandje, ehiteero rjohe rje ku kuacera, inda nombiri.
49Manka ta popi, omuntu e ja komukuruntu guosinagoga, ta ti: Omumuohe a sa, ino vurica ue omuongi.
50Jesus sho tu uvu eehapu di, te mu rombuere: Ino tira, shimpa ui iteera, ota ka mona omuenjo.
51Sho e ja megumbo, ina pitika, omuntu a he mo, Petrus na Jakobus na Johannes na she na hina ojo ike.
52Nd’ajeshe taa riri, taa mu kemene. Ndere he ta ti: Inamu tira, omukadona ina sa, aaue, okua koci’ke.
53Mpoka aantu taa mu joro, oshoka oja ri je tshi, nokutja okua sirira.
54He te mu kuata peke, ta ti neui enene: Mukadona, penduka.
55Nd’omuenjo gua tshuna mo, h’ota cikama. He ta rombuere, je mu etere ikurja.
56Jo aakuruntu oja kumua ko unene, ndere he te ji indike okupopja shi tsha ningua po.
Currently Selected:
Lukas 8: KWM
Highlight
Share
Copy
Want to have your highlights saved across all your devices? Sign up or sign in
Omission Heklesia Ekatolika, 1951. Namibian Catholic Bishops Conference.
Lukas 8
8
ONTOPORUA 8.
Ejere rjomukuni.
1Okuza mpoka Jesus okue ende meemukunda no meemukunda no miihende jado, tu uvica evangelium rjotshirongo tsha Karunga. Mbejaka omurongo na jaari oje ri na he.
2Naakiintu jamue itshee, mba ja ri neembepo eembuineji niigombo, je erukicua nare, Maria ngaa ngu ha tiua Magdalena, mu mua tidirue eendemoni uunuaari.
3Na Johanna, omukiintu gua Susa, ngu a ri erenga rja Herodes, na Susana nojendji ji iri, mba je mu jakura niinima jauo.
4Ndere aantu sho je ja ku he ojendji, je enderera ja zi keemukunda, he te ja rongo momeere, ta ti:
5Omukuni okua pitire mo a ka kune eembuto de; mokukuna dimue adi guire mondjira, tadi ratua, nd’eedira do keguru tadi di tshomona mo.
6Dimue adi guire puukukutu uomamanja, tadi piti ngaa, nde tadi si, oshoka inadi mona etoci.
7Dimue adi guire momano, go omano taga koko, go tage di cinaneke.
8Dimue adi guire mevi euanaua, do tadi piti, tadi vara ecere. Sho te tshi popi, h’oti igida: Ngu e nomakutsi gokuuva, nu uve ko.
9Nd’aarongua je taa mu pura eendunge dejere ndika.
10He ta ti: Ne omua peua okutshiua iihorekua jotshirongo tsha Karunga, ndere mbeja taa peu’ike omeere, opo nand’oja tara, kaa huete ko, nand’otaa pupu, kaa huvite ko.
11Ejere ndioka otari ti: Eembuto odo eehapu da Karunga.
12Do mondjira oda mba taa di uvu, nde satana te ja, a kuce eehapu meemutima dauo, opo kaa hiteere, jo kaa hupicue.
13Do puukukutu oda mba taa tuumba ohapu nenjanju, nge taa hi uvu, ndere kaa neemudi. Ano otaa hiteere ouara okacimbo, ndere perara rjemakero taa punduka.
14Di da guire momano, oda mba ja puakena ngaa, nde taa hi, mokuha taa pondua kiimpuju, kuujamba, kuuharu uujuni, jo itaa tiriganeke iihimati nandookuri.
15Di da guire mevi euanaua oda mba taa huvu ohapu, taa hi pungura meemutima eemuanaua kadi niiherere, nde taji imike iihimati nuudiginini.
16Kakuna ngu ta sameke onjeka, nde te hi siikire notshijuma nenge te hi tura koshi hokariri, aaue, okombanda hongudi tuu, opo mba taa ja mo, ja mone uujerere.
17Oshoka inapu orekua tsha, shi itatshi ko oroka, itapu kara tsha mofuci, shi itatshi ja puujerere.
18Ano, rungameni, nokutja otamu uvu ngiini. Oshoka ngu e na, ohe ta guederua ko, ngu ke na, ohe ta kucua, shi a hitura e na.
Aakuauo ja Jesus.
19Hina naamuahina jo je ja ku he, ndere moru ouindji uaantu oja njengua okucika pu he.
20H’ota rombuerua: Njoko naamuanjoko oje ri pondje ja ara je ku tarere po.
21H’ota jamukura, ta ti ku jo: Meme naamuameme ojo mbo haa huvu, jo taa rongo uo ohapu ha Karunga.
Iikunguru mefuta.
22Esiku rimue okua rondo puamue naarongua mosikepa, nde ta ti ku jo: Tu eni haandija hefuta. Jo ja zi po pomunkunkuro.
23Manka taa hende, he ta koca. Iikunguru iidigu oja tukuka mefuta, jo taa siikirua komakucikuci, taa mono uudigu.
24Jo taa hi ku he, taa mu pendura, taa ti ku he: Muongi, otatu ningine mo. H’ota cikama, ta ganda ombepo nomakucikuci, nde taga rotere, go ga muena.
25He ta ti ku jo: Ehiteero rjeni orii ri peni? Ndere oja tiririra, ja kumua ko, jo taa puracana: Ore ngu, sho ta rombuer’ike ombepo nefuta, nde ji nevuriko ku he?
Jesus mokati kaagerasani.
26Mosikepa taa hi kotshirongo tshaagerasani, shi tsha taracana na Galilea.
27Sho a hi komunkunkuro guotshirongo, omuntu te mu tsakaneke, ta zi momukunda. Okua ninga esiku a kuatua kombepo ombuineji, ke neenguuo korutu, h’ita kara megumbo, aaue, ta rumbu ouara peevugo deembira.
28Sho a mono Jesus, h’oti ishata po pu he, ti igida neui enene, ta ti: andi ku fara kuni, Jesus, Omumua Karunga gomombandambanda. Otii ku indire, ino epeka ndje.
29Oshoka Jesus okua rombuere ombepo ombuineji, ndji ha ninga esiku mu he tahi mu pangere, hi ze mo momuntu; aantu oja ri je mu manga nomarjenge, je mu rangere neemunja, nde okua tokora ouara eemango adishe, nde ta tidirua kombepo ombuineji mombuga.
30Jesus te mu pura: Onguee re? Ta ti: Legio, oshoka eembepo odindji oda ri mu he.
31Do tadi mu indire, ke di rombuere di he muure uoheri.
32Nde mpo opua ri pu notshinkoti otshinene tshiinguru ojindji, shi tsha napa kondundu; adi mu indire, a pitike ngeno okuha mu tsho. H’okue tshi di pitikira.
33Nde tara ko, eembepo eembuineji da zi mo momuntu, do tadi hi miinguru, nd’otshinkoti atshishe tashi hi, tsho tatshi ihumbire mefuta, tatshi sire mo.
34Aasita sho ja mono, shi tsha ningua, oja hi ondapo, taa ke epurura momukunda no miihende jago.
35Aantu taa hi ko, ja ka tare shi tsha ningua. Jo oje ja ku Jesus, taa mono uo omuntu, ngu a zi eembepo eembuineji, h’a zara onguuo, e neendunge da jera, ta kaatumba keempadi da Jesus. Ndere ja tira.
36Mba ja ri ko, ja tara ajishe, otaa hepurura nokutja okue eruka ngiini.
37Mpoka aantu mbo ojendji jo kotshirongo tshaagerasana oje mu indire a ze po pu jo, oshoka oja ri ja tiririra. He ta rondo ano mosikepa, nde ta tshuna.
38Nd’omuntu, ngu a zi eembepo eembuineji, ti indire a kare puamue na he. Ndere Jesus te mu rareke a he, ta ti:
39Inda kegumbo rjohe u okorore iinima ajishe, mbi ua ningirua ku Karunga. He ta hi nokuuvicira neui enene omukunda agushe iirongankondo, mbi Jesus e mu ningira.
Omona omukadona gua Jairus.
40Jesus sho a tshuna, aantu oje mu tsakaneke, ajeshe ja ri je mu tegerera.
41Nde tara, omurumentu te ja po, edina rje Jairus, he omukuruntu guosinagoga, ti isizimike keempadi da Jesus, he te mu indire a he megumbo rje.
42Oshoka omukadona, omona oh’ike, e neemuvo di cike pomurongo na mbaari, ota ara okusa. Po opua ka ninga, aantu je mu undagura.
43Opua ri omukiintu, ngu a ninga eemuvo omurongo na mbaari ta arukua etiko rjombinzi, he a mana po iimariua je ajishe mokufuta aapangi, ndere ine erukicua nand’okogumue.
44H’okue mu zirira konima, ta njenge ouara omutse guonguuo he, naanzijanzija etiko rjombinzi rja tsheka.
45Jesus h’ota pura: Ore a njenga ndje? Aantu ajeshe taa patana. Nde Petrus nojakuauo taa ti: Muongi, ongundu haantu otahi ku cinaneke, ho tahi ku undagura, nde oto pura: Ore a njenga ndje?
46Nde Jesus ta ti: Gumue okua njenga ndje, oshoka ondi uete, eenkondo da za mu ngaje.
47Omukiintu sho a mono, nokutja ita vuru okutshooreka ue, h’okue ja, ta kekama, ti ishata po keempadi da Jesus, to okororere aantu ajeshe, nokutja otshike e mu njengere nongiini a heruka nzija.
48Nde ta ti ku he: Mumuandje, ehiteero rjohe rje ku kuacera, inda nombiri.
49Manka ta popi, omuntu e ja komukuruntu guosinagoga, ta ti: Omumuohe a sa, ino vurica ue omuongi.
50Jesus sho tu uvu eehapu di, te mu rombuere: Ino tira, shimpa ui iteera, ota ka mona omuenjo.
51Sho e ja megumbo, ina pitika, omuntu a he mo, Petrus na Jakobus na Johannes na she na hina ojo ike.
52Nd’ajeshe taa riri, taa mu kemene. Ndere he ta ti: Inamu tira, omukadona ina sa, aaue, okua koci’ke.
53Mpoka aantu taa mu joro, oshoka oja ri je tshi, nokutja okua sirira.
54He te mu kuata peke, ta ti neui enene: Mukadona, penduka.
55Nd’omuenjo gua tshuna mo, h’ota cikama. He ta rombuere, je mu etere ikurja.
56Jo aakuruntu oja kumua ko unene, ndere he te ji indike okupopja shi tsha ningua po.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Omission Heklesia Ekatolika, 1951. Namibian Catholic Bishops Conference.