Mateus 17
17
ONTOPORUA 17.
Jesus ta adimicua
1Omasiku kanekamue sho ga piti po, Jesus h’ota kuca Petrus na Jakobus na mumuahina Johannes, nde ta hi na jo ike kondundu onde.
2H’okua tshituka momesho gauo; otshipara tshe otsha jerere tsha f’etango, nd’eenguuo de adi toko da f’omeegere.
3Nde tara! Po opo oroka Moses na Elias, nde taa kundacana na he.
4Nde Petrus ta shimbike okupopja, ta ti ku Jesus: Muene, mpaka op’uuhanaua mpa; ng’oua ara, atu tungu po eendunda ndatu, himue hohe, himue ha Moses, onkuauo ha Elias.
5Mank’e ri ta popi, tara, po opue ja otshikogo otshitokere, nde tatshi ja ningire omudire. Motshikogo tamu zi eui, tari ti: Nguka omumuandje omuorike, ngu ndo okua unene. Ohe namu uve!
6Peehapu dika aarongua jo otaa hishata po iipare jauo, nde taa kara ja tiririra.
7Jesus h’ote ja pu jo, te ja njenge, nde ta ti: Pendukeni, ne inamu mbandara ue.
8Hera ja rigamenica omesho, inaa ada po nand’ogumue, oJesus ike.
9Mokurondoroka ko kondundu Jesus h’ote ja rombuere: Inamu ka rombuera nande omuntu emoniko ndika sigo Omuna guOmuntu ota ka jumuka.
10Mpa aarongua je mu pura: Otshike aanongo jomambo taa ti: Elias one ja tango?
11He ta jamukura: Eno, Elias one ja, he ta ka tungurura ajishe.
12Ndere otii mu rombuere: Elias okue ja nare, ndere inaa mu dimburura, jo ja ning’ike shi ja ara. Tsh’otsho Omuna guOmuntu ta monicua iishuna ku jo.
13Ngashiingika oje uete, kutja he okua popja ku jo Johannes omutshatshi.
Omuvu guotshitona te erudua.
14Sho a tsakanekua kaantu, omuntu okue ja ku he, ti ishata keengoro.
15Ta ti: Muene, sir’omumuandje oshenda, oku nuuvu ua f’otshitona, ote epekua unene. Orundji ota guire momuriro, orundji uo momeja.
16Onde mu eta kaarongua johe, ndere oja njengua okumuerukica.
17He Jesus ta ti: Rudi orupagani rua pirika ne, sig’ unake te kara pu ne? Sig’unake andi mu tar’onteni? Mu eteni hu ku ngaje!
18Jesus ta ganda ombepo ombuineji, ho otahi zi mo momumati, nde petango ndika okue eruka.
19Aarongua ojo ike je ja ku Jesus, taa mu pura: Otshike matsa kuaj’inatu pondora okuhitida mo?
20Jesus ta ti: Oshoka kamu nehiteero. Tshiri, otii mu rombuere: Ng’omu nehiteero rja f’onjapi, ando ng’otamu popi kondundu: Za po mpaka, otahi hi, nd’itamu ka njengua ku tsha, tshivarerue.
21Orudi ndu otaru tidua mo ike negarikano nokuidirika iikurja.
22Manka taa hendahenda mu Galilea, Jesus ta ti ku jo: Otatshi ka ningua, Omuna guOmuntu ta ka gandjua miikasha jaantu.
23Jo otaa ke mu dipaga, nde mesiku etitatu ota ka jumuka. Jo oja nik’uupongo uunene.
Jesus ta fendere uo.
24Sho ja ciki ku Kafarnaum, aafenderi oje ja ku Petrus, taa ti: Omuhongi gueni ota fendere uo?
25H’ota ti: Ee. Sho a hi mondjugo, Jesus okue mu pura tango: Oto ti ngiini, Simon, aakuaniirua juujuni otaa kuca ku re efendero nofuto, okaana jauo nenge okaakuiirongo?
26He ta jamukura, ta ti: Okaakuiirongo tuu. Jesus ta ti: Ano ojana itaa futu.
27Ndere katu ja shinde, inda kefuta, umbira mo okarongororo, nd’oshi, ndji tahi piti tango, hi kuata. Nge to hi makura okana, to ka mona mo otshimarirua, tshi kuca mo, u tshi ja pe, otshetu na ne.
Currently Selected:
Mateus 17: KWM
Highlight
Share
Copy
Want to have your highlights saved across all your devices? Sign up or sign in
Omission Heklesia Ekatolika, 1951. Namibian Catholic Bishops Conference.
